13-10-2009
|
#1 | |
|
!! عظمي كسير !!
حينما يتم نقل نص يحاكي المشاعر وفيض مالبنفس
تجد نفسك لا إرادياً تعبر عن بوحك الخاص ناهج نهج ما أثار القريحه لديك فـ حينما أطللت على قسم المنقول في موقع ما وجدت 7 أبيات منقوله ناقلها الأخ الامير فأخذتني . حتى قلت :
يامير واللي نزل الناس والطور=أن الهواء رحله وحنا ركايب كم غررت دنياك هايم ومثبور=وكم سببت يامير دمع ومصايب هذا حبيب وهايم الحب مكسور=وهذا بكى مجدول زين الذوايب هذا كتب للوقت تسلم ومشكور=وهذا لعن ليله مع الصبح نايب وأنا على ماقيل يامير مجبور=عظمي كسير وجابر العظم عايب عزلت من دنياي وابنطر الدور=عزلت أنا يامير عزلت تايب دامه تركني راغب الشئ معذور=عسى الولي يكفيه لفح اللهايب ماني على مايطلب الزين مغرور=لوهو طلب روحي عطيته وهايب مقدور ياقلبي على الصبر مقدور=لاتنكسر ياقلب / خاطره طايب اليا سألك الحال/ فالحال مستور=احذر تبين دمعة الروح سايب ومهما حصل فالحب لايمكن يبور=باقي على عهدي لو الرأس شايب عندي أمل ترجع لو بعالم الحور=هذا الأمل طاهر بطهر السحايب فعسى الذي بأمره بزغ شاعق النور=يجمع على ود المحبه قرايب هذا الذي قلته وأنا اليوم مجمور=من حرةٍ بالقلب سقت الكتايب عنوانها ماني على الناس مجبور=والله لنا يابنت والكذب خايب يشهد علي الله والحب مسبور=بين الحنايا داخل الروح ذايب لأجله بأقول أبحور وآعانق ابحور=دام المحبه ماتفيد الحبايب ودمتم بود |
|
كتاب لم ينتهي ..
|
| مواقع النشر (المفضلة) |
| الكلمات الدلالية (Tags) |
| عظمي, كسير |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض الشجري