((.. محمد يابن حدري.. مساجله ..))..لـ أبو خلود ..

السلام عليكم ورحمة الله وبركاته ..

مساء / صباح الخير للجميع ..



هذا النص ... وجهته ...

إلى الغالي / محمد النبيجاني ...

يالنبيجاني وش لونك اليوم=وش لونك اليوم جعلك تمامي
ياصاحبي أشتاقلك دايم الدوم=وحبك بقلبي قارنه بإحترامي
ذكرك بقلبي لامعٍ لمعة نجوم=وألا كما جبال الحجاز الجسامي
تطري علي كل ما أكون مهموم=تطري علي مع ضحكتي وابتسامي
وتطري علي مثل مايطري الصوم=أغليك يامحمد ولاهي حرامي
أنت المياه اللي بها الخافق يعوم=وأنت العضيد اللي تعدى الكلامي
وأنت الشهاب اللي من النجم مرجوم=وأنت الشعر وأقولها بإهتمامي
حزت المراجل والشهامه من القوم=وبالكرم والطيب حزت الزمامي
والله ثم والله ماقلتها زوم=هذي حقيقة صاحبي يالكرامي
ذيبٍ تعلى وأعتلى عالي أرجوم=وحرٍ تعلى بالنوايف وحامي
وياصاحبي عطني عذيات الاعلوم=ترني بهرجك يجيني هيامي
محمد يابن حدري لك الغلا كوم=عد الفياض وعد هدل الحمامي
هذا الكلام وله نهيات واسلوم=وألا غلا محمد بقلبي وسامي
وكان العمر طول وله طول مقسوم=والله لأعني رحلةٍ للحشامي
وأخص أنا محمد محسن وملزوم=وآخر كلامي خاتمه بالسلامي
وصلوا على اللي عن الزل معصوم=عداد ماناض برقٍ ودامي

فرد... محمد النبيجاني

يقول:

الله يبيض وجهك ياهلال على الدوم=عز الله افعولك كما غيث الغمـامي
لك حشمةٍ في داخل الصـدر محشوم=والله يشهـد على منطوق كـلامي
هلال على درب المراجل له يروم=ما رامها الا رجلٍ يشد الحزامي
جعل تسلم يمينك يا صفوة القوم=قدرك محفوظٍ يا رفيع المقامي
راح اعطيك ياهلال كل العلوم=اعطيك من الهرج مضمون كلامي
علومي لضى نارٍ بالصدر مكتوم=يعصف بين الحنايا كما تسونامي
لابد من ساعةٍ تفرج كل الهموم=يفرج لنا سبحان من له الدوامي

وسلامتكم

بقلم / محمد النبيجاني ..


فرديت عليه ... أقووووول: ..

محمد لي أيام والبال مهموم=أطلب رقمك مايجيني كلامي
محمد أنالك كما السيف مسموم=أضربي الوقت الأقشر ونامي
محمد مابالصدر لازال مكتوم=والكتم يامحمد حاز المرامي
محمد أبي بسمتك تاتي بلون=تر الحزن ياخوك يبري عظامي
محمد فضفضلي عن السر وشلون=وشلون تكتم والحقايق أمامي
محمد عطني حزنك اللي بالأعيون=وأعطيك كل الفرح بالخطامي
محمد هذا وقتنا سم واطعون=وقتٍ يامحمد عليه السلامي
لاشك ياصاحبي دوك مظمون=من قلب غالي عن غوالي يحامي
محمد لاتنحني دايم الدوم=خلك شامخ مثل سيف اليمامي
ومادامني حي وأعيش بالكون=أطلب رقمي لاغشاك العسامي
وأجيك مثل البرق يلمع بالأغيوم=وأجلي عسام الوقت قبل الهمامي
ياصاحبي قلبي كما برمة الدوم=اللي يفرنه بدور التمامي
وكل السبب حزنٍ علاني ومردوم=مردوم بين الحنايا طغامي
ماكني ألا حر للصيد مصروم=وفجئه عن الهده هون وشامي
محمد كلامي يأتي اليوم برقوم=عجست أنا لاجيب حرف الكلامي
أبي جوابٍ يشرح الصدر بعلوم=وأبي حكايا مثل وبل الغمامي
وصلوا على اللي عن الزل معصوم=عداد ماطار طيرٍ وحامي

وسلامتكم ..

بقلم / هلال الحسيني ..


وربما.. سيأتي .. رد آخر ...

لكم ودي ...

ودمتم بحفظ الرحمن ...

ابدعتووووووووووووووووووووووووووو


ماشاءالله عليكم


صحت ألسنتكم جميعآ





ابدعتووو

ابدعتووو

ابدعتووو





تسلم الايادي يابوخلود لطرحك الرائع

ليس بغريب على شخصك الكريم ....

صح لسانك ولسانه

ابو خلود

وجعل الهم مايجيك يالغالي

ونعم والله فيك

محبوب عند الجميع

حفظك الله وأسعدك

اقتباس المشاركة الأصلية كتبت بواسطة ريم الفلا ابدعتووووووووووووووووووووووووووو ماشاءالله عليكم صحت ألسنتكم جميعآ ابدعتووو ابدعتووو ابدعتووو تسلم الايادي يابوخلود لطرحك الرائع ليس بغريب على شخصك الكريم ....

ريم الفلا ... صح أبدنك .. والإبدااااع مرورك أختي ..

مشكوره على المرور الرائع ..

والمنير ..

ولا تحرمينا من طله أخرى ..

ودمتي بحفظ الرحمن ...

اقتباس المشاركة الأصلية كتبت بواسطة الروقي صح لسانك ولسانه ابو خلود وجعل الهم مايجيك يالغالي ونعم والله فيك محبوب عند الجميع حفظك الله وأسعدك

آمين .. جزاك الله خير يالغالي ..

وصح أبدنك .. والله يالروقي .. لك معزه خاصه ..

لاهنت على المرور يالذيب ..

نورت يالغالي .. وشرفت ..

ولا تحرمنا ... من مرورك المشرف ..

لك ودي ..

ودمت بحفظ الرحمن ...

صح السانك يابوخلود
وصح السان الشاعر القدير النبيجاني


لك كل الود

صح أبدنك .. يابو غازي .. ومرورك .. شرف ..

لاهنت على الطله الرائعه ..

ولا تحرمنا من .. وجودك ...

لك ودي ..

ودمت بحفظ الرحمن ...

ابو خلود

يعطيك العاااافيه على هذه المشاعر المتدفقه

صح السااانك والسانه