24-03-2009 | #1 |
|
... ملـ ح ـمة الدغيرات الشعرية ... ]
عاتبت الأيام مثلي من يعاتبها = من فعلها الفكر محتار ومهتالي بانت للأنذال في عالي مراقبها = و لا تصفي الا لمحتـال ودجـالي بديوي شكاء همها وضح تجاربها = و اليوم انا شفت منها كل الأهوالي لاشك أبصبر وانا بالصبر غالبهـا = و في شايت الله وانا للحمل شيـالي واعز نفس عزيزة مايلـيق أبهـا = تبي الأوايل ولا يرضالها الـتالي نفسي على الجود مبطـي مدربها = عاشت على العز ماأحتاجت للأنذالي على دروب السلف سيرة قرايبها = تفخر بمجد لهم من ماضي الأجيالي تاريخهم مجد حتى النفس يطربها = مثل الجبال الشوامخ مصـعده عالي وحتى الضواري عطيناها مواجبها = حنا الصخى والصخى منا ليا التالي لو حاتم حي بايعنا بواجبهـا = رجل الكرامه والشهامه ماضي الأفعالي وقال الشهادة ووفاها لـصاحبها = و قدم مكازي عريب الجد والخالي له سنه بالكرم مـحدن بغالبها = ولاسبق عليها و لا عدة بالأمثـالي عطف على عويت للذيب يقنبها = و ربط له اطيب شياهه طيب الفالي عسى الولي له من الحسنات يكتبها =و يجعل عظامه بجنة الخلد و ظلالي و يبقي لنا شيوخنا ويرفع مراتبها = كل السعيد موارث جود و أبطالي و فارس بني عبس لو شاهد حرايبها = يقول زبن الجلاوي فوقنا عالي غوش الهيافا صوارم نجد مجذبهـا = مع نزلهم يدله المـضيوم و الـجالي و منا الغوانم رجال من يصاحبهـا = يلقى الكرامه و يلقى راحت البالي و مفتاح كم سربة للقوم اعطبها = و اخوان سلمى على الـعدوان عيالـي و ياويل قوم هل الملحاء تطالبها = ياركبوا الخيل صاب الأرض زلزالي و دهمان اسود لياشبت حرايبها =تنطح جيوش الاعداء رجلي وخيالي احرارنا اللي عطيبات مضاربهـا = وسط الجزيرة لهم عز و منزالي دغيرات ياويل من يضهد قرايبها =و يا سعد منهو بوسط السبع نـزالي و صلاة ربي عد هبــت هبايبها = على النبي عـد وبـل هل همالي نديم أجا مساعد ابن مفرح العنيزان الحسيني * وصلتني هكذا بدون أي تعديل مني *
|
|
24-03-2009 | #2 |
|
دغيرات ياويـل مـن يضهـد قرايبهـا
و يا سعد منهو بوسط السبـع نزالـي الف نعم بالدغيرات مفاخرهم لاتحصر بــأبيات نقلت فــأتحفتنا اخي الكريم متعب الشوق بهذه الرائعة تقبل مروري ودمت بخير.. |
اموالنا لذوي الميراث نجمعها .... ودورنا لخراب الدهر نبنيها
|
27-03-2009 | #3 |
|
احــــرارنـا اللـي عطيبـات مضـــــاربهـا وسط الــجزيرة لهـم عـــز و منـــزالـي دغيـرات يـــاويـل مـن يضهـد قرايبهــــا و يا سعد منهو بوسط السبـــع نزالـي و صـلاة ربـي عـد هبـت هبـــــــايبهـا على النبـي عـــد وبـل هـل همـــالـي عليه الصلاة والسلام ونعم والله بالخوال كلهم صح لسان شاعرنا وتسلم يديك على النقل الراقي اخوي متعب الشوق تقديري |
|
مواقع النشر (المفضلة) |
الكلمات الدلالية (Tags) |
..., ألف, الدغيرات, الشعرية, ـمة |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام