15-10-2010 | #1 |
|
وصايا
السلام عليكم ورحمة الله وبركاته صباحكم فل ومساكم ياسمين احببت ان اشارك بهذه القصيده ولها مناسبة حيث ان ابني راكان اعتاد مني الجلوس كل يوم في وقت معين اراجع فيه صفحات قصائدي اما مراجعة واما كتابة ولاحظ في يوم من الايام اني لم اكن منشغلا بالشعر وهو من مشجعي نادي الهلال السعودي فطلب مني كتابة قصيدة عن الهلال فباحت قريحتي وقلت سوف اكتب لك ماهو افضل من الهلال وغيره فكانت هذه الابيات: ((وصــايـــا))
سر يا قلم واكتب وصيه لراكان=اقرا مضامين الورق والكتابه ستة وصايا سقتها لك بقيفان= افعال روس القوم فعل القرابه الاوله دينك صلاتك وقرءان=سنة نبيك نهج خير الصحابه ترا حياتك في العمل مثل بستان= يا تزرع وتجني يا تلقى خرابه الثانية وصل الاقارب والاخوان= فيها الاجر فيها وقار ومهابه لو واحدن قاطعك منهم وزعلان=اركب ذلول الوصل في طرق بابه ترا الوصل ماهو جزا احسان بحسان=ترا الوصل خيره على من بدابه الثالثه حفظ الامانه والايمان=واليا شتلت الحمل شد العصابه الارض عيت والجبل صار شفقان=من ثقلها حتى السما في سحابه لكن حملها في جهل وحده انسان=ما يدري ان الشيب يلحق شبابه الرابعه حذراك وافات بلسان=الخوض فيها فالمجالس معابه نميمه وغيبه وكذبٍ وبهتان=إياك و قول الزور ما ينحكابه ترا لسانك فرد واحصان ميدان=عنّ الحصان وبيت فردك جرابه الخامسة تكريم جارٍ وضيفان=دق النجر والبيت كثّر زهابه اهلا وسهلا خلها دوم عنوان=بشاشة محيا وصدرك رحابه الجود للرجال مَعْلم وميزان=كم واحدٍ قفّى ولا احدٍ درابه شف حاتم الطائي على مر الازمان=قدّم جواده والفقر ما حكابه الجار لا وصيك يا نسل سرحان=الله ذكر حقه بمحكم كتابه الجار لا طول غيابه ولا بان=دارك ذرا داره بحلّ وغيابه السادسه دوّر لذيبٍ وظفران=دايم وهو كسبان من صيد نابه ياقف عضيدٍ لك لمنّ الزمن شان=وقفة شجاعٍ والعنى ما يهابه جنب هل الزيفات واصحاب حقران=الكـلب كـلـبٍ والذيابه ذيابه هذي وصاتي حطها نصب الاعيان=منهجك في دنياك درب اللبابه عشرين وخمس ابيات جاتك بتبيان=أخير من نظم الشعر في دعابه صلاة ربي عدّ ما هل ودان=اعداد من صلى وطاف برحابه وسلامتكم،،، |
|
15-10-2010 | #2 |
الإدارة
|
رد: وصايا
شاعرنا الكبير والقدير محمد الشولاني العجمي الله ايخلي لك ركان ويخليك لوه يالعزوة صح السانك مدد بلا عدد على هالشامخه تقدير لسمو شخصك الكريم ؛؛؛ |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
15-10-2010 | #8 |
|
رد: وصايا
شاعرنا القديرمحمد الشولاني
صح بوحك على هالرائعة العذبه وجعل ربي يخلي لك راكان واخوانه وجعلك تشوفهم معاريس لاهنت |
|
15-10-2010 | #9 |
|
رد: وصايا
تسلم وصح السانك
ملايين والله بارك الله فيك اخوي محمد |
اغلي اهل الطيب واعز القرابه=وابغض النمام والرجـل الهـذور من يحط الطيب والنخوة زهابـه=والله اني له رفيـق (ن) مايبـور |
15-10-2010 | #10 |
سبحانك اللهم وبحمدك
|
رد: وصايا
الشاعر القدير / محمد الشولاني
صح لسانك مبدع لاهنت نصائح قيمة وقصيدة بقمة الجمال ، والله يحفظ ولدك راكان وجميع اخوانه. لك أطيب تحياتي وتقديري،،، |
|
مواقع النشر (المفضلة) |
الكلمات الدلالية (Tags) |
وصايا |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام