ديوان الشاعر / مشرع العوهلي

لا للتفرقة

	يامعشر الشعار كل يبي الزين=والزين ظني صار دونه حوادي اصبح عددنا في القبيلة ملاين=وصرنا على ماقيل كثر الجرادي وجمهورنا معنا صراحة وفيين =على القداء والا على غير قادي ﻷقال واحدنا من الشعر بيتين=قالو قصيدك مالقيله ملادي وانا العور يضحكبه صغير العين=في وادي والشعرفي وسط وادي لواننا من شعرنا مستريحين=سكوتنا افضل من ركيك الدوادي صرنا نسوي تفرقة بين الاخوين=غادين واللي يسمع القول غادي نسعى على الفرقا سوات الشياطين=وحصلينا الذله وفرحة لعادي وشعر ماهوب يفيد دنيا ولادين=وش واجب اللي منه مايستفادي ياهيه لو يملا قصيدك دواوين=أهل الوفاء ماتستمع في الربادي وهفوة عيال مرجحين الموازين=شنيعة بالحيل ماهيب عادي وانتم عيال العود سقم المعادين=عود ﻷحل في ديرة القوم سادي وجدانكم وسط الجزيره سلاطين=وسيرة نباهم ريح مسك وكادي وان قلت في كل الامور متعدين=ماقلت ياهل العرف غير الوكادي على الجنوب ونجد شبه متولين=ترضي عداها بالشبا والهنادي وميزاتهم يوم العساري كريمين=ويتيهون مقرقعات التوادي ربع على كسب النواميس ضارين=يخضع لهيبتهم خصيم عنادي في راي ابن باحص صعوط المجانين=شيخ يسود اهل القرئ والبوادي قدام حكم اﻷنظمة والقوانين =غير السطرحنكة وراي سدادي وياسامعين دعوتي قولو امين=نرجي الهدا من ربنا خير هادي يامحزمي ياعزوتي قرة العين=يأهل الفخر والعز وأهل المبادي خلاصة الموضوع من بين قوسين=وجهة نظر من فكرتي واجتهادي عرافكم عن كل مقصده دارين =ويدرون عن محبة في فوادي مقصد وراى ماقلته يسار ويمين=جمع الشمل والعز غاية مرادي ان صبت من توفيق رب الثقلين=والا الخطا غريزة في العبادي وصلاة ربي عد وبل التوادين =على رسول رحمة للعبادي

الشاعر/ مشرع العوهلي

بسم الله الرحمن الرحيم

قصيدة

	يامرحبا واعداد وبل التوادين=مضمون الصفطان مده وصاعه في حفل عودا جعله يعمر سنين=عودا طويل في المراجل ذراعه من ربعنا اللي في المراجل بخيصين=عن الردا عنده حصون ومناعه الطيب صعب في عيون الرديين=ضلع طويلا هايل(ن) في ارتفاعه اصعب على الانذال من ضلع ابانين=اللي لاشاف السوق ماطاع طاعه وسهل على راعيه في العسر واللين=اللي من الناموس قسمه فراعه ياسعود ناسبت الرجال الوفيين=ربع(ن) نسبهم ياعضيدي بضاعه سبت دعاء الشيبان وفقت للزين=اقولها ياعزوتي من قناعه بر العرب ناسبتهم يااحمر العين=في قربهم راسك يزيد ارتفاعه قرب الرجال اللي على الطيب ظارين=يوم كل نجدته من ذراعه سهلين وان ركبو على الخيل صلفين=لا نخي فارسهم يزيد اندفاعه لاد العسيلي في المعارك سلاطين=لاصارت الارواح شريه وباعه خيالهم ينطح من القوم تسعين=من قو باسه والسطر والقناعه وان قيل يافزعه ظعون المخلين=يجيبلك خيل اهل الطماعه قلاعه جدي يثبت فعلهم بالبراهين=وانا حفظته حفظ مثل الوداعه يقول حنا والرجال المسمين=ربي خلقنا للمعادي مراعه ننحاء عتيبه بالشباء والقحاطين=على عدانا في اللقاء سم ساعه لو جمع غازينا الوؤف وملاين=يضدهم قو السطر والبتاعه وانتو على لطم المعادي جريين=مال العدو حول القريشي طماعه سفيركم ملقى بدار المعادين=لامنها باحت علوم الرعاعه يوم جري سمى شباها عناوين=اعلن عقيد القوم سمع وطاعه واصبح شريدت من غزاهم قليلين=شبع الثعل والذيب عقب المجاعه وانا لواملا بالمدايح دواؤين=لايمكن احصي مجدكم ياجماعه من شاعر لامن حضر فعله يبين=يصنع قصيده في المواقف صناعه والموهبه والتجربه في الميادين=ومصادم فحول الشعر واطلاعه خلاها يفرق عن قصيد الاخرين=اهل الشحايذ والردى والدناعه مع امهم فيهم رجال نزهين=الله خلق في الخلق قمة وقاعه وصلاة ربي عد وبل التوادين= على خيار الخلق راع الشفاعه

الشاعر/ مشرع العوهلي

مشرع ذعار العوهلي

كلمت مشهاب في الحفل

العوهلـي مشـرع علـي الملازيـم =انـه يبيلـه محطـتـن مــن عقـالـه

	العوهلـي مشـرع علـي الملازيـم =انـه يبيلـه محطـتـن مــن عقـالـه اللـي يبـي منـي مـشـوره وتقـيـم =مايـدري انـي واحـد مــن عيـالـه ماعنـدنـا مـمـا مـعـه ربــع ملـيـم =كنق القصيد وشيخ بيت الجمالـه اخير مايعشق ضيـوف ومعازيـم =واخيـر مايبغـض حـلالـه ومـالـه مايذبـح الا مـن عيـال المجاهـيـم =كنه من اصحاب السمو والجلاله لايبعد مـن رهمـه الشعـر ترهيـم =وشيـن طـروقـه شـيـن الله فـالـه يالعوهلي عندك للافكـار تصميـم =لو فالنجوم نجـوم نجمـك الحالـه حنا نبي من مدرستك انت تعليـم =فالشعر والا وفي علـوم الشكالـه يالعوهلي حقك على سبيع تكريم =ماهيـب لحيـة مـدح والا رسـالـه

الشاعر زامل الحميدي بيرق السبيع