28-02-2017 | #1 |
|
على الذي تشبه رنا بنت صدام
ياوصل ياويلاه ياذيك الاعوام= اقفى ربيع القلب واقفى شبابي على الذي تشبه رنا بنت صدام =مصيونتٍ ماقصرت بالثيابي عين الوحش عنق المها دم الاروام= حبه سطا بقصى الضماير وصابي هرجه لبن بكرٍ رعت عشب لزام=بين العروق وبين جو الخوابي في ديرةً طلع الزهر وسطها اكوام=والديدحان مع النفل بالروابي والردف شط حوارتٍ شطها زام=على ثلاث شيب جرد الرقابي تشرب رهاء من در حنزاب مرزام =مع ذود مصلاحٍ يحب الركابي ودي بها يازبن من جاه من ضام=يامكرم الضيفان ذرب الجوابي على النقاء ياوصل ياسم الاقزام=قبل المشيب وعصر وقت الشبابي عيد بجاد بن شده ،،،،،،،،،،،،،الرد ،،،،،،،،،،،،،
ياعيد ابن شده توجد ما تلام= وتذكر زماناً فات وقته وغابي سبت هنوفاً رسمها من هل الشام= تاخذ اقلوب امتعبين الركابي العين تشبه عين حراً اليا حام= حراً تعلا فوق رؤس الهضابي ما يعشق الا زين نفحات الانسام= وجول الحباري ذاق منه العطابي والهرج هرج اللي على الملك عزام=اللي كلامه مثل ضرب الحرابي يحكم على من خالف امره بالاعدام =ويفك مرسومه سجين الرقابي وضحتلك بعض المزايا بمرسام= تعبير عن راع الوصوف العذابي ونكان يابن ابجاد فارس ومقدام=وتقدم على حوت البحر ماتهابي اصمل وموعدنا على الدرب قدام= والله يوفقنا طريق الصوابي ( وصل الله العالي) |
|
03-03-2017 | #6 |
الإدارة
|
رد: على الذي تشبه رنا بنت صدام
شاعرنا القدير عيد بجاد بن شده ابو فهد صح السانك ولسان الشاعر وصل الله العالي مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯?? |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
03-03-2017 | #7 |
|
رد: على الذي تشبه رنا بنت صدام
صح السنكم
|
يـا كِثْرْ مًـآ يًطْرِي عَ ـلَى ـآ البًآل تَوقِيعْ ,
ولًآ شِفْتِلِي تًـوقِيعْ يِرْضِي غُ ـرُورِي .! إِنْ مً ـآ حَ ـصْلْ تًوْقٍيعْ فُوقْ التُوَاقِ ـيعْ , ولًآ عَ ـنْ التَوْقِيعْ يَكْفِي حُ ـضُوـؤرِي .! |
05-03-2017 | #9 |
عــــميد الشــــعراء
|
رد: على الذي تشبه رنا بنت صدام
الف صح لسانك يابن شده والف صح لسان وصل جميعكم ابدعتو وامتعتو ولاغرابه منكم الابداع تحياتي لكم جميعا
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام