آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 09-12-2010   #1


الصورة الرمزية صالح فارس الجربا
صالح فارس الجربا متصل الآن

بيانات اضافيه [ + ]
 رقم العضوية : 126
 تاريخ التسجيل :  13 - 05 - 2006
 أخر زيارة : 06-01-2013 (05:43)
 المشاركات : 1,094 [ + ]
 التقييم :  10
 اوسمتي
وسام وسام الوفاء التميز البرونزي 
لوني المفضل : Cadetblue
افتراضي ديوان الشاعر / صالح بن فارس الفريسي الجربا






الديسة؛؛؛؛؛؛؛ .. ..

جاناء الشتــاء وتـوة تزيـن المطاليــــع =يالله يابو نواف كان منك خوه
وكلمت انا العجـلان وزاد المواجيــع = يقـــول يالله والمينـن بقـوه
يقـول نبـي لجبـال صـيــد ومراتيــــع=لذيــك الديار اللى يخبرة سموه
نبـي على جيبـي نعســة مفاريــــع =ومايهمنـا التفتيـش كثرة وشـوه
نبية ياقـــف حول ذيــك الينابيــــع=ونرقـى الجبال النايفـات بعلـوه
نبي ((البدون)) بروس والا المهاديع=بديسة اللى يطربك زين جوه
والعشب زامي مختـلـط باالطواليـــع=وريح النفل يفوح مع شق ضوه
وانا مع الغبشة اعس المقاطيــع = عل وعسى القى الاثر دوب توه
واناء هواي الصيد مامن مشاريــع = اشفق على خوة رجال المروه
لويعـذلوني عن هواء الصيد ماطيـع=اناهواي الصيد ولامشي بسوه
ويرتاح بالـي لاجلسنـا اسـابـيــع =بذيــك الجبــال ولابسـيــن المّمـوه

وسلامتكم؛؛؛؛؛


صالح بن فارس الفريسي الجربا

(((ابو طــااااارق)))


 

قديم 28-12-2010   #2


الصورة الرمزية صالح فارس الجربا
صالح فارس الجربا متصل الآن

بيانات اضافيه [ + ]
 رقم العضوية : 126
 تاريخ التسجيل :  13 - 05 - 2006
 أخر زيارة : 06-01-2013 (05:43)
 المشاركات : 1,094 [ + ]
 التقييم :  10
 اوسمتي
وسام وسام الوفاء التميز البرونزي 
لوني المفضل : Cadetblue
افتراضي شفت البروق ؛؛؛؛؛



شفت البروق ؛؛؛؛؛.. ..


شفت البروق ودق بالقلب هوجااااس= كنة لمجروح المشاعر اتداوي
وطلعت اخايل برقها بعز الادماس =وعزيل من مثلي بطبعة هواوي
وضاعت احلومي واصبح الواقع افلاس=ياكيف بعت الربع وهو المخاوي
نوبٍ اقول بالقلب نغزات الامواس=ونوبٍ اقول لاوالله الا مكاوي
واطلب من اللي خالق كل الاجناس=انة يجنبني جميع البلاوي
مالي هواى بلندن وتونس وتكساس =أنا هواي الصيد ولضلع ناوي
الله يجيب الجيب وركبة مرواس =واقطع ادروب ماذكرها الخلاوي
الربع في دمي وقلبي والاحساس =ان قلت ذيب ان قلت والا نداوي
مع فزتة يطربك في دن الاجراس=قوة وعزم ولطريق الملاوي
لشم حايل مقتفية شوي نسناس=بذيك الجبال مضيعات الهقاوي
كلن عرف من طردتة حقة افلاس=وتشاورو وقالونبيها قهاوي
وش عاد لو ركبة من الناس الانجاس=لا دين ولادنيا وموتة متساوي
ابية لجبال بة العشب محتاس =يطرب بها اللي للمقانيص هاوي
متخالط مابين ربلة وبسباس=وتلقى الجمايل هي ربيع المناوي
ودي اموط الغرب يالقرم عساس =بين الهضوب وبين ذيك الصهاوي
وتراى رفيقك يابو نواف حساس=والله يجيرك من خطات الاعاوي
الي يتوبعنا ولياجيتلة داس=هوهمهم تبليغ ذيك القراوي
وفعل الخطاء ياخوك مافية نوماس=ونت الذي بعلك اعرفك متاوي
نبي لناءعنهم مع الفيء مجلاس =بالعاصية باللوز قل وش تساوي
عندي مثل رمان وسلمى مع اضراس=واجاء والمسمى وحتى الصداوي
ابي الوناسة واطرب البال والراس=مع خوتك ابي محل الحراوي
وان ماحصل صيد مانرجع بالافلااس=اكسب مثل خوتك وللصيد هاوي
وختامها مني تحية بقرطاس=لصاحب اللي مثل عزوم النداوي
اربع وعشرين على قيس وقياس=وأنت الذي بشعر منت بقصاوي


وسلامتكم.......


صالح بن فارس الفريسي الجربا
((ابو طاااارق))


 

قديم 24-01-2011   #3


الصورة الرمزية صالح فارس الجربا
صالح فارس الجربا متصل الآن

بيانات اضافيه [ + ]
 رقم العضوية : 126
 تاريخ التسجيل :  13 - 05 - 2006
 أخر زيارة : 06-01-2013 (05:43)
 المشاركات : 1,094 [ + ]
 التقييم :  10
 اوسمتي
وسام وسام الوفاء التميز البرونزي 
لوني المفضل : Cadetblue
افتراضي ياعيااااال





((ياعيااال)) .. ..

ياعيال ياللي ترغبون الصحاري=على الجيوب اللي تبوح المشاوير
دام الولع يتلني للمساري=نبي لناعلى امهات الجنازير
نبي نلزة بين ذيك المذاري=ولايهمنا البرد وايظا المعاصير
ياهل القنص شوفو لفعل الجثاري=اللي عليها صافيات المناظير
مخباطها يشق خطو الجداري=صلب الحديد منومسات المشاهير
عوق القحم في خاليات الدياري=ابو القرون اللي سوات الشناكير
نبي نشوف السيل ونقع الخباري=حج بقضى حاجة نحوف المقاطير
لعل تطري ياوصلنا طواري=نبي نعسة لو تطول المداوير
نبي ندور مع جديد الاثاري=قبل يجونة حاملين المناشير
اللي هواها التفتفه والبواري=عزالله انه بس روحت مخاسير
كبار الجسد واهل العقول الصغاري=ياشفتهم ليا هذولا الطراطير
ياهل القنص ياهل العلوم الكباري=الصيد قل وهربوة المغاوير
اللي تبيده كل ليل ونهاري=ناسٍ على السمعة تشب الدوافير
وناس تبي السمعة غصب اجباري=ولاهم من اهل الصيد ولاهم مشاهير
انا اشهد انه يابو صالح دماري=دمار شامل للقنص ياهل الخير
اشكي لبو صالح شبية الضواري=نزار وينك ياعشير المناعير
قلتة وانا هاقي ترود المحاري=والحر مثلك يفهم العلم ويشير
عطني علوم الصيد صوب الوجاري=ون كان رد الصيد انا اقول كمهير
حيثك تونس خاطري باختياري=لك قبلتن عندي ولك طابعن غير
وصلاة ربي عد رمل الذواري=وعداد ماقالوهل الخير بالخير



وسلامتكم

صالح الفريسي الجربا ((ابو طارق))


 

قديم 06-02-2011   #4


الصورة الرمزية صالح فارس الجربا
صالح فارس الجربا متصل الآن

بيانات اضافيه [ + ]
 رقم العضوية : 126
 تاريخ التسجيل :  13 - 05 - 2006
 أخر زيارة : 06-01-2013 (05:43)
 المشاركات : 1,094 [ + ]
 التقييم :  10
 اوسمتي
وسام وسام الوفاء التميز البرونزي 
لوني المفضل : Cadetblue
افتراضي الشعر لو قل بين الناس




الشعر لو قل بين الناس .. ..

الدين والهم والوسواس=والعكس لو يحدث اعجوبة
ومن ماعرف حقة الافــلاس=ماجوب ربي وماجوبة
اسنتـــها لطيبـين اســاس = ابيات شعر ومرغوبــة
والكفر والشرك والخناس=والعكس يازين مسحوبة
خذيت بة سجةومرواس=بدربيل فكري ومسلوبة
مشاعرن تحبس الانفاس = وتقيس شعره بنبوبة
والقنص والربع والجلاس=مع دلتن توووو. مربوبة
تطرد غثى المدن والاعماس=لوتجربة بس هاالنوبة
والبرياصاحبي اوناس =ونشفق على الجيب بركوبة
ومع الفجر معتلي لك راس=تسعى والارزاق مكتوبة
والصيد حضٍ وهو حساس =مع جرتة كيف صكوبة
وقمت اتنومس بهم نوماس = ونويت اشيلة وعيوبة
وعقب المغيرب مع الادماس = ركبو على الجيب شدوبة
شدو لهم ساعة ومرواس = وناقف بشعيبٍ وقالوبة
ونشوي ونضحك بلنانسناس=والقدر جاهز وشبوبة
وننضى من الصيد بالملاس=مرق ومشوي ومقلوبة
ولاخاوي الهيس والانجاس= مابية لوقال مطلوبة
اقول شرهن على المنكاس = منت لهلة حقك الكوبة
واذا خطملي لي لولاس = وقفت شعري على اعذوبة
والشعر لو قل بين الناس=تصبح معانية مصبوبة
مثل الذهب او بغيت الاماس=يلبق على عنق رعبوبة
ومثل العسل يصفي الانفاس=صافي على كبد مشروبة
لاباس ياسامعن لاباس = والناس تعرف من اسلوبة
وسلام الله على الجلاس = وكلٍ يتخلص من اذنوبة


وسلامتكم؛؛؛

صالح الفريسي الجربا ابو طاااارق


 

قديم 08-02-2011   #5


الصورة الرمزية صالح فارس الجربا
صالح فارس الجربا متصل الآن

بيانات اضافيه [ + ]
 رقم العضوية : 126
 تاريخ التسجيل :  13 - 05 - 2006
 أخر زيارة : 06-01-2013 (05:43)
 المشاركات : 1,094 [ + ]
 التقييم :  10
 اوسمتي
وسام وسام الوفاء التميز البرونزي 
لوني المفضل : Cadetblue
افتراضي يامعرب الجدين ..






هذة القصيدة موجهة للبناخي العزيز على قلبي
رابح بن عراك الجربا

واعذرنا عن القصور يابو مانع

اقول ؛؛؛
يامعرب الجدين .. .. ..

يامعرب الجدين جتك الرساله=ابيات شعرٍ من ضميري لك شمام
حيثك بخيصٍ وعارفن وش جراله=شقيت به حمسن معه عشرة أعوام
الصيد يارابح ربح من عناله=بذاك الزمان اللي غدا كنه أحلام
بجاء الجمايل رابضة في اسهاله=برضٍ مرى ما هي صباخي ولا أوخام
اقفى زمان الصيد ويبقى خياله=بذهان من يشقى على طرد الاوهام
وتبقى السوالف ثابتاتن لحاله=تشهد على طرد الجوازي بالاقدام
والحين يالله تشوف عنزن بجاله=الصيد قل والولع يلزم إلزام
حاولت اخلي القنص واقطع احباله=جربتها مرة وضنه ترى العام
وضاقت بي افجوجٍ إليا اقبل اخياله=ومن اولٍ أخايلة لو على زام
ورجعت لمقناص ياحي فاله= ابي الونايس وطرب النفس مدام
وبيه تربع كان ربي نواله=وليا قالو المقناص انا أقول قداااام
لذيك الديار اللي هواى القلب ناله=وناخذبها قطعة ليالي مع ايام
وندوج بهضابة ونرقى اجباله=هذة حلات العمر وحضي إليا قام
لو خيروني بكل شيٍ بداله =لوهو ترى النوم عفته ولانام
اشر عليّ ارقب رواسي اجباله= لاتقول خله مثل من أفطرولا صام
قلي يابو مانع وصفك دلاله=والا اقول خاون وخبرك محرام
نبي جبالٍ جاني علمه وساله= وجاها ثروي من قبل شهرين وأيام
والصيد واجد مختلط مع حلاله=يالله يبو مانـــع انا صابن الغام
والا الردي ياخوك ماني بحاله= مهمني اليوم ولاشكل ولاقام
وصلو على اللي مرسلٍ برساله=محمد عليه ازكي تحيات الاسلام


وسلامتكم يالرّبــــع


ورد علي بهالابيات يقول :

حي الكتـاب وحـي راع الرسالـه=حيّـه وحيّـه عـد مـا قايـمٍ قـام
وعداد صرف الراجحي من حلالـه=وعداد ما دارت على الناس الأيـام
وعداد ما طش المطر مـن زلالـه=وعداد ما سارت على القاع الأقـدام
بالليث أبو طارق عريـب السلالـه=معرب مـا بيـن خالـه الأعمـام
خالـي وكـلٍ يذكـر اليـوم خالـه=زيزوم في ربعه مجـرب ومقـدام
يا حي فال الخـال يـا حـي فالـه=لعيون خالـي والله إنـي فـلا نـام
من يوم جتني من جنابـك رسالـه=البال صاحي والقوافـي لـه إرزام
وخذيت لك من شرد الفكـر هالـه=مرباعها ما بين فكـري والأحـلام
يا راكب اللي يا مشى واستـوا لـه=جيـب جديـدٍ للصعيبـات جـزام
المفخره يـا حـي ذيـك الزمالـه=بين القزوز إليا دعس يحصل اشتام
عبه مـن الأكتيـن ومـرّ البقالـه=وخذ ما تبي حيثك على الخط عزام
يفـز لـك فـزت عقيـد الطوالـه=وإليا أحتـرف ردة بنيـه إليـا زام
ودكه توجه يـم عروسـة شمالـه=حايل عساه تسيل عـام بثـر عـام
ملفاك ساس الجود رمـز الجزالـه=شريف وافـي لصعيبـات فصـام
معروف يرخـص للمكـارم ريالـه=راعي ولـع لصّيـد مشفـي وروام
المحتـرم فـي خوتـه و الزمالـه=لا هو بـلا همـاز ولا هـو بنمـام
يكرم ولو هو مـن معشـى عيالـه=صالح ابن فارس على الطيب همـام
أما عن اللـي قـال فالقـول قالـه=والحر مثله يدرك العلـم يـا حـام
كلٍ سلاحه يا بغـى الصيـد شالـه=والناس ما يردعه تشديـد الأحكـام
ولا يرحمون اللي ترضـع عيالـه=عيالهـا وفروخهـا صـاروا أيتـام
وقت التكاثر ما رحـم مـن قبالـه=محشوم ومن يسمع عن أفعال الأقزام
وصلاة ربـي عـد مـرزم خيالـه=على النبي المصطفى راع الأنعـام

وسلامتكم


 

قديم 18-02-2011   #6


الصورة الرمزية صالح فارس الجربا
صالح فارس الجربا متصل الآن

بيانات اضافيه [ + ]
 رقم العضوية : 126
 تاريخ التسجيل :  13 - 05 - 2006
 أخر زيارة : 06-01-2013 (05:43)
 المشاركات : 1,094 [ + ]
 التقييم :  10
 اوسمتي
وسام وسام الوفاء التميز البرونزي 
لوني المفضل : Cadetblue
افتراضي متى يزين الجووو



متى يزين الجووو .. ..

اشفق على المقناص ومفارق السوق =يازحمتن برزان بكثر التكاسي
متى يزين الجو ونشاهد ابروق =وتخضر افياضٍ عقب ماهي يباسي
متى يابومحمد نعسة بمرزوق =وندوج أنا وياك وراسك وراسي
والعشب زامي وكثر النبت رقروق =في فيضتن جميع طلعه اغلاسي
ونجنى الفقع وبلجويجي خمسه افروق =كدري يطيرمن براسه اعماسي
ونركض يم مرزوق ونسمية لاحوق=واطلع البيكال خلف الكراسي
اما انا ياسعود والله ماسوق =لك خبرةٍ بتطويع كل شي قاسي
وليا لحقت الجول ارمية وهوفوق=وينهل نصه فوق قاعٍ خفاسي
ونجمع المقسوم ويلعب بنا الشوق =مابين صيد وفقع جانا حماسي
بيكال بها وصلة اضوق من الضوق =تسوق وترمي ضغوط وأنت متواسي
من مصنعٍ بروس مصرح وماثوق =ترمي ثمان ياسعود بوقتٍ قياسي
وليا قبل غروب الشمس أنشاهد النوق =وضحٍ نحلب منهن ونملى الطياسي
في فيضتن ماطبها كل مخلوق=ويازين شبه نارنا بدماسي
ياسعود يلى ميزتك زين منطوق =وافي وبين كالجبال الرواسي
ولاهو صحيح ان كل مطرود ملحوق =كلن يفكر لايغلبة أنعاسي
واذابغيت رده بقافن وطاروق=بذيك الفياض الي ترد النفاسي
وختامها يمكن على القاف مسبوق =لاكن حبكته حبك بكل الحواسي




وسلامتكم...... ابوطارق الفريسي الجربا؛؛؛


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:45


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام