آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 21-10-2011   #1


الصورة الرمزية عيد سمران
عيد سمران متصل الآن

بيانات اضافيه [ + ]
 رقم العضوية : 2973
 تاريخ التسجيل :  21 - 10 - 2011
 أخر زيارة : 09-07-2012 (02:39)
 المشاركات : 58 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي ديوان الشاعر / عيد سمران





خذيت من عمر الشقا ماكفاني !!!..

خذيت من عمر الشقا ماكفاني=وعطيتك من الحب ماهو مكفيك
لا واخسارة علقمٍ منك جاني=ولا واخسارة حب به كنت حاويك
ان اشهد ان اكبر غلط في كياني=ايام اضحي وازعل النفس وارضيك
واليوم مامضيت لك من حناني=مانته مجازي له مثل مانا اجازيك
عيشتني رغم السعه في هواني=وكويتني رغم اني ورودي اهديك
ولو اني اول لك وسيع البطاني=اليوم صدري ضايقٍ في مساعيك
ماعاد تعني لي سوى شخص ثاني=كنا وكان وموت الوقت خافيك
وثارت براكيني لو امسك لساني=مشاعري شفها تبي تحترق فيك
ودي لو اعبر عياناً بياني=واشرح لك اللي ماعرفته بماضيك
واذكرك صبري على ماوطاني=وصبري من اجلك يوم ضاقت مساعيك
ابي تحس بما من اجلك حداني=وتحس كيف تنام واسهر حواليك
يمكن تكفر عن ذنوبك ثواني=لو كنت من مبطي قطعت الرجا فيك
وحبل الامل يمك قطعت المثاني=وطويت صملان الرجا لاجل مارجيك
لكن يظل الادمي فيه اماني=حيه يالين تموت فيه الشرابيك
واليا انقطع حبل الوريد ونعاني=الناعي يكون الامل مات وانعيك


 

قديم 01-12-2011   #2


الصورة الرمزية عيد سمران
عيد سمران متصل الآن

بيانات اضافيه [ + ]
 رقم العضوية : 2973
 تاريخ التسجيل :  21 - 10 - 2011
 أخر زيارة : 09-07-2012 (02:39)
 المشاركات : 58 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي فجوة قلوب



فجوة قلوب..!!!

ترا القلوب الى بدت فجوةٍ فيه=تاخذ لها مع ثلمة القلب مسرا
لو هي ربيع ونبته الوسم محييه=لاقل فيها الوصل تصبح كالاسرا
قلته وانا قلبي قسا الوقت كاويه=والقلب مايجبر الى جاه كسرا
احترت في قلبٍ على الله مشاكيه=قلبٍ وطاه الوقت واضناه عسرا
ولاعاد قلبٍ بيّح السد خافيه=ينفع معه عقب اسود الوقت يسرا
وياصاحبي ماجيت اقدم مشاريه=ولاني محسب فيك مكسب وخسرا
حملي لي كتوفٍ تشيله وتقويه=وان طحت مانت بطيحتي ميت حسرا
خذها صريحه وابلغ الهرج صافيه=وحبل الحيل مافاد قيصر وكسرى


 

قديم 10-12-2011   #3


الصورة الرمزية عيد سمران
عيد سمران متصل الآن

بيانات اضافيه [ + ]
 رقم العضوية : 2973
 تاريخ التسجيل :  21 - 10 - 2011
 أخر زيارة : 09-07-2012 (02:39)
 المشاركات : 58 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي ول ياقلبٍ ذبحه الشوق والفرقا تتله



ول ياقلبٍ ذبحه الشوق والفرقا تتله..!!!

ول ياقلب ذبحه الشوق والفرقا تتله=تلت اهل الحيف لحبال الرشا بين المحاني
من فراق اللي خذا قلبي وسيف الموت سله=والضماير من فراقه يابسات بلا لياني
لي سنه صابر على غبن الجروح اللي ممله=ماشكيت الجرح لعيونه وصابر لو كواني
بين نفحات العذاب وخافقٍ همه يعله=ضحكتن تجمع مابين اشواق وجروح الحزاني
ربعي اللي يحتمون الكايده عن كل زله=ويش عذري لو دروا باللي بهااللحظه وطاني
جسم رجالٍ يقدي قوم جالس في محله=والخفا قلبٍ خلي يشره بها قاصي وداني
ياكبر شرهات ربعي لو دروا في كل زله=والبنادم دايمٍ خطّا قليلٍ بالحساني
ضحكتي صارت بتال الوقت محدودٍ سجله=والالم باقصى ضلوعي بانيٍ جسر ومباني
مرتع الالام في حال السقيم اصبح يشله=حالتن يرثي لها اللي ماوطاه اللي وطاني
يابعد من مابعد شافت عيوني مثل دله=مترفٍ تنعم بحسنات الخفوق ولا انت اناني
روف في حال العليل اللي طواه الياس كله=رحمتك من بعد رب الكون تحيي فيه اماني
مابعد ياسٍ وطى قلبي حياه ولامذله=عايشٍ ماني بحي ولامع الموتى تراني
روف في حال العليل وبل فيه الريق بله=جعل حالك لانصيته قام بالحال وفداني


 

قديم 14-12-2011   #4


الصورة الرمزية عيد سمران
عيد سمران متصل الآن

بيانات اضافيه [ + ]
 رقم العضوية : 2973
 تاريخ التسجيل :  21 - 10 - 2011
 أخر زيارة : 09-07-2012 (02:39)
 المشاركات : 58 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي تظل الكبيره في عيون الكبار كبار



تظل الكبيره في عيون الكبار كبار..!!!

تظل الكبيره في عيون الكبار كبار=وتــظــل المعزه شــامخه مـثــل ماضـــــــيــــها
لها ذكريات الطيب وايضاً لها المقدار=ولها خـــافقٍ وســط المــحاني يحيــيها
الا ياهل المعروف تكفون واهل الدار=ابي توصلون ألها صــدى صوت مغليها
وقولوا لها الحربي به الهم بعدك سار=وقولوا ولد ســـمران روحـــه معنــيها
تعب .. والخطاوي دونها تاهت المشوار=على حيـــها امره ولاقدر به آجيها
ياما رحت في وقت العصر مشتهي مسيار=ورديت مــادري وين ربي موديـــها
وكررت بعد المغربيه وقلبي حار=ظــلامٍ بحـــيه دمعة العـــين يثفــــيها
واجي له بعد عقب العشاء آشوف وشو صار=هدوءٍ سكن حيٍ به العام الاقيها
تعبــت وتظل بخافقي عــالية مقــدار=لاني اعرف قليـبــها في مشـّقّيــها
مثل ماقليـــبي لو قســيت بهواها ثــار=غرامه يســوقه سوق دايم ويلفـيها
وجودي عليها وجد منهو غريب ديار=توجــد على دارٍ شـــبابه ربا فيها
وفارق لها في دم مطلوب طلبة ثار=ولاعــــاد يقدر باقي العمر ياتـيـــها
مصيره بقص الراس مربوط بالمسيار=على ديرتن نفســـــه ذوت لجـــل يلفــيها
وانا بحبها ماكنت في خطوتي مختار=مـــن الله غـــرامٍ به بلـتـــني بلاويـــــــها
تولعت فيها يوم شفت بيديها ازهار=وقـعدت اقارن حمرة الورد ويديـــها
ووجناتها اللي كنــــها حمرة الاثمار=وشفايفٍ كن احمر الورد كاسيها
ومنطوق جل اللي وهبها حلى الاذكار=تناظر ( بماشـــــاء الله) بدت في تحييــــــها
وقفنا ثواني بس واقسم ماشيٍ صار=ياغير ان عيني بالصـــدر ثم عينـــيها
وتفارقت انا وياه والامر فــيه اعمار=كثيره فوارق عصرنا نختلف فيـــها
مابا ادخل بواطن بعض امورٍ تطول ادوار=ابا من يصـــلها يبلغ اللي كُـــتب فيـــــــها
ابيها تجي تقرا حروفي تهل اعبار=مثل مابكيت افراقها في ضواحيها
بديره ولكن حدنا السلم بالمضمار=وخوفي من تزود بهرجه حكاويها
ولكن..تظل ولو يطولن بنا الاعمار=كـــبيره بـقــلبي جــــعل ربي يخليـــــــــها
وتظل الكبيره في عيون الكبار كبار=وتـظـــل المعزه شـــــامخه مـثـــــل مــــاضيـــــها


 

قديم 17-12-2011   #5


الصورة الرمزية عيد سمران
عيد سمران متصل الآن

بيانات اضافيه [ + ]
 رقم العضوية : 2973
 تاريخ التسجيل :  21 - 10 - 2011
 أخر زيارة : 09-07-2012 (02:39)
 المشاركات : 58 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي قصيده للشاعر عبدالله المفضلي وردي بمجاراه عليه



قصيدة الشاعر/ عبدالله المفضلي:
*
*
*

قصيده للشاعر عبدالله المفضلي وردي بمجاراه عليه ..!!!


طارت بي افكاري ولجلج قريني=الحلم يدعـيني وانا اقول لبيه
لوما اتعوذ من ابليس اللعـيني=خاويت فكري للمتاهات والتيه
الخوف في وقت الفرح يعـتريني=القلب روعه عاصفاً به واهدّيه
اضحك وانا همي بقلبي دفيني=بين الضلوع عن الشماميت مخفيه
صبري قضى والصعـلكه تحتريني=لكن حرام الحر يخلف مباديه
حراً طليق وفي شعوري سجيني=سجناً بلا حارس همومي مبانيه
كني رهين وعايش المحبسيني=يبخل عليه اللي بدربه يقديه
اكتب روايات العذاب بيديني=وأرسم متاهات السراب ومظاميه
واقرا قصيد السامري والهجيني=والـحّنه لحن التعاسه واغنيه
عاقل واجاري كل عقلاً فطيني=مجنون جاهل يطفي الشمع بـيديه
يامي ياللهول وينك وويني=حبيبك الاول عسى مانسيـتيه
يامي لو طال الفراق اذكريني=قد تجمع الايام غالي لغاليه
يا مي لو صار الخطا سامحيني=تأكدي ماكنت قاصد وناويه
ماهو خطاك انتي خطاي افهميني=أو هو خطا حظي عسى الله يجازيه
حالت ظروف الوقت بينك وبيني=وذنوب غيري عالي العزم تثنيه
مات الطموح اهمال قدام عيني=مات الطموح العام واحاول احييه
سكرت والسكره خذت بي سنيني=صحيت لكن ضيع الركب حاديه
مضمون همس الروح للاصغريني=همي ٍ غريب ويشرح الصدر طاريه
أشري بعمري رفقة الطيـبـيني=اللي لهم بطيور سنجار تشبيه
اقدم الطيب على القادميني=واللاش اوريه الجفا خاب راجيه
من له بضعف النفس كنزاً ثميني=يتبع علي بابا ويمشي مماشيه
اهل المغاره شلة الاربعيني=اسطورةٍ فيها حقايق وتمويه
ماكل ظن مصيب مار اعذريني=شوي رحمه ياسيوف المشاريه
بلسان حال فلان لاتطعنيني=أحس باحساسه واقدر هقاويه
شرهة عزيز الناس فوق الجبيني=تاج تشرفني مشاريه راعيه
والشرهه اللي من لئيماً تجيـني=والله يبطي عظم ماجيت اراضيه
من يدّي المجهود عذره سميني=هذا هو المعروف باسما معانيه
لوم وعتاب ولاتزعزع يقيني=مانا مسوي شي ماالله مسويه
مانا نبي الله عصاي بيميني=اهش به على الثعابين وارميه
ما المشكله من سيد العارفيني=هذاك مايحتاج نصحاً وتوجيه
عانيت هم ٍ باح منه الكنيني=لو راح جاء الثاني ورديت اعانيه


*** مجاراتي لقصيدته..!!!

ياكاتب الشعر الجزيل الثميني =قريت شعرك واعجبن في معانيه
شاعر وجزل وبالمعاني رزيني =والشعر فيما بالضماير تقديه
من خيرة الشعار والعارفيني =لاحردبت سود الليال بمغانيه
صورت للواقع وباح الكنيني =وشرحت درس مبهماتٍ معانيه
وابديت مما بالخفا كل حيني =وصورت حال الوضع باقسى مآسيه
وتقول تضحك وانت همك دفيني =وكم قاسيٍ بين الضماير مخفيه
وغيرك مشى مثلك وحمله متيني =شال الحمول وقاسي الوقت حاديه
جاوبت لك يامفضلي من كنيني =وخفيت شيٍ رّوّح العمر كاميه
وللآدمي اللي كتب بالجبيني=باللوح قبل مولده مايخاطيه
شيٍ يصير وكلنا عارفيني =بس الاماني بانيينن مبانيه
لو عندنا الامال ماله معيني=وحظوظنا سوء البخت دوم حاديه
لاشك نزعات الامل تعتريني=اقول يمكن يوم يلفي تصحيه
ومن نومته عقب السبات المكيني =يفيق من بعد اسود الوقت واطيه
والادمي ماله عدا الله عويني =لاقامت امواج البحر تصطفق فيه
لو تعذرك مي دام عذرك ثميني=سود الليالي خافي القلب تصليه
والبعد يحرق وجنة الناظريني =لو ان عينك دمعها ماتثفيه
اقولها وانا بعد معتريني =مثلك عذاب الوقت كم كنت اقاسيه
ومن جرب اظروف الزمان الحزيني =والبعد مسه من بعد قرب غاليه
ماينفعه بعد الشقا لو تليني =وسود الليالي مانفع لو تراضيه
دام انها كوت خفايا الكنيني =وش ينسي المجروح جرحه بماضيه
ومثلك ومثلي ماهم بقاصريني =بس القسى حد الرياجيل للتيه
وصرنا سواة معايد القريتيني =لامعايدٍ ذولا ولاعند اهاليه
واهل العلوم الطيبه ماتشيني =لو وقتهم قسى بكامل مباديه
واحساسنا اللي بالضماير سميني =جرح المشاعر من ظهرنا مغذيه
كم ليلةٍ فاتت وسهري بعيني =والنوم عن عيني بعيده بواديه
والقلب من ونه على ونتيني =يارب لطفك لالتجابك بمافيه
وياصاحبي لاتثير للغافليني =ياما غضيت الطرف لاتثير خافيه
واليوم من قافك صحى النايميني =وقامت فلول الجيش تمشي سواريه
وحنا ترا نسعى بصمتٍ حزيني =ماودنا خاف الضماير نناجيه


 

قديم 29-12-2011   #6


الصورة الرمزية عيد سمران
عيد سمران متصل الآن

بيانات اضافيه [ + ]
 رقم العضوية : 2973
 تاريخ التسجيل :  21 - 10 - 2011
 أخر زيارة : 09-07-2012 (02:39)
 المشاركات : 58 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي سولفي ياضلوعي عن خبايا الضلوع



سولفي ياضلوعي عن خبايا الضلوع..!!!

سولفي ياضلوعي عن خبايا الضلوع=وش خبايا فؤادك من همومٍ جياع
واسردي قصةٍ باقصا الضماير تلوع=لاطلع بعض مابك خف حمل المتاع
ماتحمل على صمتي ومابي اسبوع=كيف صمت ٍ بعمر فات كله ضياع
ســــولفي فيه من يسمعك وايضاً قنوع=رحمة الله بخلقه ماوراها اتساع
طول صمتك يحطم والمساري تروع=وغيبة الشمس تجلب حزن للقلب راع
كل ليل اتحرى بس وقت الطلوع=عل شمس الصباح تسوق ليل الضياع
والله اني بصمتي في خفاياي ازوع=بس بيحي لعل يخف مابي نزاع
بين صمتي وبوحي عاتبوني ربوع=وبين بوحي وصمتي بالضلوع ارتياع
كني اسمع حطيمك يامحان الضلوع=ماعليك اسردي بعض الحكايا بساع
خففي من حمولٍ بالمحاني تثوع=وابردي جاش جوفٍ في خفاه التياع


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:33


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام