آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 29-05-2012   #21


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي بعض الدروس



بعض الدروس!!!




--(( بعض الدروس ))--

قد نهلت بدنيتي بعض الـدروس=والتجارب يابشر كـل ٍ ينولـه
والليالي من عوايدهـا تحـوس=والسعد بالكون بيّـن في خمولـه
كيف دجلـه من غثاء الغرب محيوس=من علوج ٍ همّها اسقاط دوله
ينحرون الخلق والحقد مغـروس=من يلوم القلب لازاد بذهولـه
فجروا حرب الطوايف والمجوس=همّهم للنفط من دون العموله
حرب آله ماتشابه للبسوس=في عراق ٍ تنتحر فيـه الرجولـه
واليهود تبارك الحرب الضـروس=والعرب تسكت ولا ثارت خيوله
وسوّد الله وجه الأنذال العبوس=دامرين الكون في عرضه وطولـه
والزمن لاشك ياناس معكـوس=دام ظلم الغرب زايد في شمولـه
والمعاصي خضّعت فينا الـرؤوس=نارد الخذلان في صوله وجولـه
والزمن متأثر بضغـط الفلـوس=غصب مايل دام تحكمه السيوله

تقديري للجميع ,,,,,


 
 توقيع : عبدالكريم بن خزيم



قديم 21-06-2012   #22


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي نايف الأمن السعودي



نايف الأمن السعودي !!!



--(( نايف الأمن السعودي ))--

ما الومك ياشعوري المصيبه شيء كبير=مات راس يمثّل امه مات شبل ٍ للإمام
مات فخر ٍ للجزيره مات قايد للمسير=ذا ولي العهد نايف بالمواقف ماينام
ذا سند صقر العروبه بالأمن وافي خبير=أشهد انه خير يمنى عالج فلول الظلام
الحزن فينا تمادى من فقدنا للأمير=يوم بثوا بالأذاعه الخبر ظهرا ً تمام
ياعسى الفردوس داره يرتدي فيها الحرير=في جنان الخلد يلفي بامر خلاّق الأنام
لو خذاه الموت منا نايف الرجل الكبير=ما انسّى من كان يمسح دمعة اطفال ٍ يتام
نايف الرجل المثالي بالمواقف مايحير=نايف الأمن السعودي نايف الحر الهمام
نايف اللي قد حماها جنّد رجال تسير=حامين شبه الجزيره بان في وقت الزحام
نايف اخلاق ٍ رفيعه كم تواضع للصغير = المروءه والسماحه دائما ً طبع الكرام
الأمم كلها تعرفه سمعته نفحة عبير=نايف اللي في حياته مايعرف الإنهزام
يااله الكون عفوك ارحم العبد الفقير=اغفر الزلات ربي واسكنه دار السلام

تقديري للجميع
ورحم الله الفقيد
واسكنه فسيح جناته .


 
 توقيع : عبدالكريم بن خزيم



قديم 26-06-2012   #23


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي العز يامصر العزيزه لك اقبل



العز يامصر العزيزه لك اقبل !!!




العز يامصر العزيزه لك اقبل

العز يامصر العزيزه لك اقبل=من راح حسني يالكنانه تفوزين
بإذن الذي محيي نباته من الطل=الخير قادم يمكن شويّ ويبين
الشعب يامبارك شقى منك وانذل=يركض وراء اللقمه يعان الأمريين
ماتشوف عينك يااسود الوجه محول=زوّرت دستور البلد والقوانين
الين شعبك قاومك ماتخاذل=عقب البطاله واجه الظلم بالعين
وشفيق كنه بالشعارات مختل=يجرّم الأخوان من حين لاحين
مرسي ترشّح عن جدارات واحتل=قلوب ناس ٍ عاشت الظلم لسنين
زعيم متوازن خطابه رسايل=لحظة كلامه نلتمس نبرة اللين
صراع للسلطه تشاؤم تفاؤل=نالوا بها الإخوان سلطه وتمكين
أرفع يديني ياالهي وابسأل=إنك تحفظ الدار عن كيد طاغين
عسى الصراع يغيب وان حل يرحل=وتبقى مصر رمز النصر يامسلمين

تقديري للجميع ,,,,,,


 
 توقيع : عبدالكريم بن خزيم



قديم 15-07-2012   #24


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي صوت وصدى مع الشاعر محمد وافي الحربي



صوت وصدى مع الشاعر محمد وافي الحربي !!!




صوتي :

عــزّاه يـاقـلـب ٍ طـوتــه الهـمـومـي=ضايق بـوسـط الـكـون وازرى ينـومـي
تعبان من طبع ٍ تغيّر مـع النـاس=عاش العناء والخلـق مـع ذا تلومـي
شـاف الزمـن ياخوك كيـف ايتقـلّـب=والنـاس بعضـه مايقـيـم السلـومـي
وقـت الدجاجـه نـابـت ٍ لــه مخـالـب=والهيـس صايـر فـي زمانا عـزومـي
وبعض الـمـراجـل تحتضر يامحمد=فز النذل والا انـت رجـل محشومـي
والطيب باقي ما انورت شمس ربي=والعـز نـوره ساطع ٍ كالنـجـومـي
والـوقـت يجبـر مـن تـحـداه مـرغـم=عمر الـسـعـاده يارفـيـقـي تـدومــي
والجيل غادي والمـراجـل تغـيّـرت=والذنب غيّب عـن سمانـا الغيومـي
والناس تركض مع شيوخ الدراهـم=لوهـي حثالـه قدروها الرخـومـي
والا الرحـم يالقـرم تشـكـي بــلاوي=كن البعض بالسلم فـرس ٍ ورومـي
الأخ غـايــب والـرحــم ماوصـلـهـا=والـعــود لاسيّـر تـقـول مـعـزومــي
والسالـفـه يـاخـوك مـا ابـي اطـــول=عن هالزمن سطّرت بعض العلومي

رد ابووافي :


يامرحبا باعداد طير ٍ يحومي=واعداد من هو لرمضان بيصومي
بالصاحب اللي مايجيب الرديه=من لابة ٍ عز الرجال القرومي
يابن خزيّم قافك اليوم جاني=ومن بعد ماشفته غشتني غمومي
ينعى زمان ٍ فيه شفنا عجايب=شفنا الرجوله طايحه ماتقومي
ياصاحبي ما بالزمن مايخفّى=الحق واضح بيّن ٍ كالرجومي
لاصار يملى البيت دش ٍ ومغنى=وشلون رجل البيت يبغى يشومي
ومادام هذي خطّة ٍ من عدانا=وانا اشهد انه اخطر من السمومي
طاحت معاني المرجله في زمنّا=واللي خفا بالقلب شق الهدومي
وان جت على قطع الرحم ياصحيبي=اشد منها نهشهم للحومي
ومابي اعمم هرجتي يالخزيّم=في هالزمن والله ناس ٍ نعومي
ناس ٍ لها بالمرجله خير معنى=شرواك يالشهم الكريم الصرومي
واخر كلامي حكمة ٍ ذي قديمه=من رام للعليا سهر ماينومي

تقديري للجميع ,,,,,,


 
 توقيع : عبدالكريم بن خزيم



قديم 30-07-2012   #25


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي شهر قرآن



شهـــــــر قــــــــرآن


--(( شهر قرآن )) --

قلوب المسلمين تشوق على شهراً به الخيرات =به الرحمات به الغفران به الطاعات نرجيها
به المسلم على الإحسان يجود ويدفع النيرات =بذل يطلب عفو واحد من المنّان يبغيها
شهر واحد وبه ليله تعّدى عمرك اللي فات =كسب من كان يدركها هدوء الجو مواريها
شهر باخره معتوقٍ من النيران للجنات =برحمة واحد ٍ جبّار نبات الأرض محييها
شهر قرآن شهر ترتيل شهر موسم مع الطاعات =يناجى واحد ٍمالك ترى الدنيا ومافيها
شهر ننهل من حضوره ونرجي ربنا الرحمات =شهر تسكن نفوس الناس ترجي عفو باريها
شهر بالخير متميّز ياكيف البذل له بصمات =تصّدق من عطاه الله على الأيتام ياتيها
شهر خسران من مرّه ولا ينهل من الطاعات =ياكم مسلم تمنى الصوم ملّحد في اراضيها

تقديري للجميع
وتقبل الله منا ومنكم الصيام والقيام ....


 
 توقيع : عبدالكريم بن خزيم



قديم 28-08-2012   #26


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي سناء الدنيا



سناء الدنيا



سناء الدنـــــــيا

أحبـك ياسنـاء الدنيـا احـبـك يالـغـلا لـدهـور=أحـبـك والـبـلاء مـجـبـر وكـيـفـك لاتحبـيـنـي
أنا من روحتك عني لانـي طيّـب ولامسـرور=أحاول اصنع البسمه ياخوف اعداي تطريني
دخلـت الحـب واثـر الحـب دهاليـزه بليّـا نـور=وانا من قبل مـا اعرفـك اثـار الهـم ناسينـي
حبيبي ارفق بحالي ترى حزني عليّـا سـور=أحاول للهرب ما اقدر مـدام اشوفـك بعينـي
حاولت اسلى عن الذكرى ولكن ردني عاثور=هموم الكون من غبتي حياتي دوم تلفينـي
أنا والقلب في غربه وغيري يالولـه مسـرور=ياكيف الحـظ مـن بعـدك تباعـد مـا يدانينـي
ركبت الموج في بحرك حبيبـي منّجـم وادور=وانا مااستانس بدونـك مـدام البعـد يكوينـي
حبيبي ارفق بحالـي حبيبـي ماكفـاك غـرور=ياكيـف ارتـاح مـن دونـك حبيبـي لاتخليـنـي

تقديري للجميع ,,,,,,


 
 توقيع : عبدالكريم بن خزيم



قديم 07-09-2012   #27


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي حالنا يالله انْك اتزيّنه



حالنا يالله انْك اتزيّنه




حالنا يالله انْك اتويّنه

المزارع كانت اول والقصور=ترتوي لاصار فيها مكيّنه
والسواني قبلها ورد وصدور=والأوادم جلّها مديّنه
الظفاره رمز والفزعه شعور=والوفاء بالناس دوم تعيّنه
والكرم ماغاب اول له حضور=النوايا البيض كانت بيّنه
والزمن هذا تغيّر به امور=والتناقض بين قاس وليّنه
كم شجاع ٍ مسكنه وسط القبور=وكم خبل ٍ كل اموره هينّه
واكثر نفوس البشر فيها غرور=والبخيل القضب دوم يشيّنه
كم قطامي عاقه الوقت الحضور=خايف ٍ لو شاف شخص ٍ ديّنه
وكم سفيهن زانت بوجهه امور=لو تمادى ماتعدّى مكيّنه
ذي حقيقه سقتها عبر السطور=حالنا يالله انك اتزيّنه

تقديري للجميع ,,,,,


 
 توقيع : عبدالكريم بن خزيم



قديم 16-09-2012   #28


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي ذبوا عن المختار



ذبوا عن المختار




--(( ذبوا عن المختار ))--

بإسم الذي منزل تبارك مع التين=الواحد المعبود علاّم الأسرار
سبحانه اللي باعثن للنبيين=جل وتعالى محصين كل الأعمار
رب ٍ خلقنا كل ابونا من الطين=ماغيره الله بالسماء نافع ٍ ضار
ثم الصلاه على النبي ناشر الدين=محمد اللي حارب فلول فجّار
سهم الغدر ياللأسف عاود يبين=سبوا رسول الله اقزام وصغار
ماهو جديد ان النصارى ثعابين=أهل الخناء والعهر ورّادت البار
حثالة الأقباط ترمي نياشين=قبله خبول ٍ بالرسم ساقت العار
ياامة الإسلام من نجد للصين=ذبوا عن المختار بوجيه الأشرار
محمد اللي علّم الخلق للين=المصطفى اللي قاوم الشرك بإصرار
ذولا النصارى للرذيله محامين=سياسة الضحلين غدّارت الجار
هم يدعون العلم من حين لاحين=واغلب طموحات الخواجات تنهار
هم يزرعون الخبث بين المسلمين=للشيغه اللي سلموها بلا حصار
هم يدرسون الخبث فن وقوانين=هم يزرعون الخبث في كل الأقطار
بعراقنا قالوا مصانع معادين=امريكا كذبه يابشر شي ماصار
على الفتن ازلامهم مستعدين=عند التحايل عادة الغرب شطّار
لكن على اللي ناصر جنود حطين=انه يحفظ الدين عن كل بوّار

تقديري للجميع ,,,,,,


 
 توقيع : عبدالكريم بن خزيم



قديم 23-09-2012   #29


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي أغلى وطــن



اغلى وطـن




--(( أغلى وطــن ))--

أقـبـل تحـيـاتـي وشـعــري يحـاكـيـك=يااغـلـى وطــن يحفـظـك رب البـريـه
يالمملـكـة شعـبـك يحـبـك ويغـلـيـك=فطـره مـن الـلـي عالـمـن كــل نـيـه
يــادار ابومـتـعـب عــزيــزه ونـفـديــك=نـحـمـي حـــدودك ماقبـلـنـا الأذيــــه
لو شبر واحد مااهتنى من طمع فيك=دونـــك رجـــال ٍ مـاتـهـاب الـمـنـيـه
ياقبـلـة الدنـيـا عـسـى الله يحـمـيـك=يااطـهـر بـقـاع الأرض تبـقـيـن حـيــه
قـــادك ابومـتـعـب بـعـيـنـه يـراعـيــك=اليـن حـطّـك فــي سـمـاء العالمـيـه
شـعـارك التـوحـيـد والـــرب حـامـيـك=يااطـهـر بـقـاع الأرض مـسـرى نبـيـه
الشـعـب جيـشـك وافـيـن مايخلـيـك=ولاحـانـت الـسـاعـه جـنــودك وفـيــه
يـوم الوطـن مطلـب يــاداري نحيـيـك=ذكــرى تـجـدّد كــل عـــام ٍ هـديــه
يـاامــنــا يـافـرحـنــا نـبـتـهــج فــيـــك=يحفظـك مــن هــو عالـمـن بالخفـيـه
لايامـلـكـنـا ســــدّد الله مـسـاعـيــك=شـلـت الأمـانــه واحتـمـيـة الـرعـيـه
شفنـا السمـو يارمـزنـا يبتـهـج فـيـك=فـيــك الـتـواضـع والـكــرم والـحـمـيـه
وسلـمـان رمــز الـعـز دايــم حوالـيـك=وافـــي خــصــال ولايــحــب الــرديــه

تقديري للجميع ,,,,,


 
 توقيع : عبدالكريم بن خزيم



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:44


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام