ديوان الشاعر / متعب الشمري

(( الاسير ))

الاسير !! .. ..

	ضاق الصدر وانهال قافي للحضار=كل ماتذكر يوم ماضي نهاره ايام كنا نجتمع ليل ونهار=ونقضي على الافكار ف وسط حاره واليوم دار الوقت والوقت دوّار=وابعد بعيد الزين عني بداره وانا قضيت الوقت مستنّا الاخبار=عل الرساله ماتعثر مساره خوفي هل النمّه رديين الاذكار=ولا بربي جيتها وسط داره وقول له وشفيك يازين وش صار=مابين هالثنتين الافكار حاره من غيبته عدي على صالي النار=امازح العالم بضحك استعاره بوصافها تحتار زينات الاشعار=ماله شبه عدى القمر في مساره في عينها تقتل عيون الف حضار=وفي رمشها ترمي سهوم الخساره صرت الاسير بنظره وصار ماصار=معزول عن دنيا السعاده خساره

(( الخيانه ))

الخيانه !! .. ..

	هذا الطريق اللي يسرك ويرضيك!=روحي وانا بفرح بُعدك وفرقاك دام الخيانه غيرت ساس ماضيك= يحرم حرامٍ حرم ممشي ورى اخطاك يكفي كفاني ماظهر من مواريك=في مامضى ماضي من الوقت وياك ليّا كرامه ماتنازل انا ارضيك=بعز نفسي وتناسى وابى انساك حتى ولو جابو مع الناس طاريك=لاصد بذني غصب مسمع لطرياك دامك مشيتي درب مظلم ومقديك=عزت علي نفسي وخليت ممشاك ماهو بنا اللي يالكذوبه يراضيك=ولّي عسى تلقين مثلك ويرضاك

(( لانسم الغربي ))

لانسم الغربي !! .. ..

	لانسم الغربي وذعذع هبوبه=زادت على قلب المعنا بلاويه خص العصر وايلين حزت غروبه=والنفس تسجن من همومه وتأويه ذكرى تذكرني زمان ٍ حكوبه=وقتٍ مضى ياناس محلا حكاويه وذكرى تذكرني زمان اللعوبه=اللي سواد الوقت راسم مساويه وذكرى تذكرني زمان الحبوبه=اللي مكانه بين الإضلاع حاويه احاول انسى وترك الحب نوبه=ويِرجع هبوب عصير يمي ملاويه ما اقول لا تسرح ولاهي بتوبه=إسرح وخل الجرح تكبر مكاويه من خلقت الدنياء وهاذي عيوبه=الحب داء ولالقينا مداويه كتمته بصدري وشعري دروبه=واثر الشعر مجبور يكشف بلاويه واليا اختفت شمسه وبين غروبه=عاودت انا منها وانا الفكر طاويه

أوراق الصراحة !!!

	تو اشرقت شمس الحقيقه في سماه تنادي=ويطرد شعاعه كل ليلٍ طوّل بديجوره وناديت للهاجس بعدها وانتهض بأفوادي=يثور ثوراة الشعوب اليا نوت للثـّوره امّا تطيـّح حاكمه لاصار حاكم غادي=والا يتحقق مطلبه بأهدافه المنشوره أشوف غيمٍ بالسماء يبرق وله رعادي=واشوف طشه بس!! ماشوف البشر مسروره عمار ياوقتٍ تعدى في زمان اجدادي=كلٍ يقول إن الجهل داءٍ وأنا دكتوره من ضيع ألامه اجل في وقتها ياهادي؟=أبو جهل ! طيب توفى ! والجهل في دوره!! اجل رسوب أحقاد كانت في ربوع بلادي؟=ممكن ولكنّ الأكيد أجسادهم مقبوره وش لي اعيد السالفه مادام ماهي عادي=من صاحت ((أوراق الصراحة)) ماظهر عصفوره سلام ياراسٍ تعلّت للعلا بالهادي=لاتزعجك بعض الكور لو صفقو جمهوره ماضيّع النادي سوى من صرحو بالنادي=ماهي ذكاء ياخوان نعرف وش خفايا الكوره خل العماوي في عماه ان كان ماهو قادي=وافعل مثل ماني فعلت بعالمٍ مخبوره حطيت نجمي بالسما يسطع على حسادي=وخليت حسادي على جمر القهر مقهوره تموت في غلّه ولاعرفو خفايا مرادي=خليت سمتهم برمتهم تموت بسوره أنا بوادي والبشر تسديدها في وادي=اللي حفرلي ينتبه عن طيحته بحفوره وأخر كلامي بأختمه في ريح طيب الكادي=لاهل النوايا الصافيه في غيبته وأحضوره

اخوكم / متعب الشمري

اولاً : السلام عليكم ورحمة الله وبركاته
كلي اسف عن الغياب في الفترة الماضيه وللامانه ظروف العمل هي من ابعدتني عن كل نشمي بهالمنتدى
اعتذر من اخي ابو غازي واخي نهير وكل المشرفين والاعضاء على هذا الغياب

ثانياً : معي ابيات متواضعه في الاحداث الاخيره والمجازر التي حدثت في سورية
( مجزرة الحولة وحي كرم وحماه )
كتبت هالمتواضعه على عجل اتمنى قبولها
واتمنى منكم ادعاء الى اخواننا في دولة سوريا

الدولة الملعونه !!!

	ياعربنا ((اخباركم)) وش رايكم؟ تلغونه!=دام نعرف بالاساس (اخبارنا خربانه) كل يوم القتل وارواح العرب تحصونه=والخبر ينشر بأسم فلان والا فلانه ماتعبتو من حروفن موجعه تقرونه=تحوي بجوفه معاناة العرب واحزانه من ربيع العام والاحداث زاد جنونه=والخسيس (الطاغيه بشار) بان جنانه يصلخ ويطعن ويقتل والجثث مدفونه=ويجزر الاطفال ثمٍ يغتصب نسوانه كم اهان! وذل شعبه! والبشر مهيونه=وأخره بالحوله اللي بيّنت طغيانه كم شكى شعبه ولا!! كن العرب يوحونه=نصه يعاني ونصه سيده سجانه مستريح بقصره وماسك معه قليونه=ويامر (بقصف البشر) ثم يتهم عدوانه! كل ماشفناه شفنا الشر بين عيونه=يالله انك تدحره مع عصبته واعوانه ساعده معروف راس (الدوله الملعونه)=شلتن عاشت على نقض العهد خوانه لو تبيّن (جانب الاسلام) تبقى دونه=اسئل التاريخ عن ساسه وتعرف شانه كانو اول في خفا (والسالفه مدفونه)=ومن ابن علقم ظهر كل الخفايا بانه الحقيقه مرّه ولا كل العرب يطرونه=ومن يقول الحق !محد قال (صح لسانه) مجدنا ضايع وكلٍ لاهين في شونه=والله الله لابغينا (الدان والدندانه) ياعرب متى نقوم الوقفه الميمونه=وندحر اذناب الخسيس وندفنه باركانه

اخوكم // متعب الشمري

بعد مشاهدتي لـ هالمقطع قبل شهرين بين ال زلفه والشيخ محسن العواجي
كتبت هالقصيده ولكن لم تسمح لي الظروف ان انزلها في ذلك الوقت

...

(( الـ زلفه ))

الـ زلفه !! !!!

	من يزيف كلامه زيفه ربّه=مثل زلفه وكل من ايد فعاله يدّعي بالعلم ولحيته ذبّه=وياصف اهل الحى ويقول حياله باقين داخل رويسه كذا حبّه=تبي من يطحنه ويأدب امثاله كل كلمه يقوله غير يكذبّه=كيف منهو امامه ماسكن حاله همه الموتر النسوان تركبّه=ولايهمه لو انه عوره لحاله من معه عقل زلفه مايتلاعبّه=حتى لو كان واحد من حدى عياله ايه الاشكال هذي لازم نسبّه=لا مانسكت لخبل القوم وشكاله من حدود الجنوب الياورى جبّه=كلنا ننكر ونستنكر اقواله

اخوكم متعب الشمري

اهداء الى حائل اهل حائل عموم
وكل عام وانتم بألف خير

(( دار حاتم ))

عيدية العيد في حايل واهل حايل ( دار حاتم ) !! !!!

	لاغبت يومين عن داري ولا جيته=ما اقدر اجامل واقول اني تناسيته حبيبت القلب حايل يابعد حيي=ماني مجامل وداري حايل اغليته محلا سهوله ومحلا رمله السحري=ومحلا جباله بعيني يوم راعيته فيها الاصاله وفيها الماضي الحاضر=معالمن يفخر التاريخ لطريته ديره هلي من قديم الوقت للحاضر=شمر وراسي يشوش اليا نذكر صيته لنهم ربوعي هل الفزعات والنخوه=تنبيك الاحياء عن افعالن ذهب ميته بهم الكرم والطنا والطعنه القشرى=افعالهم مبطي تسماء ما سميته واشهر جدود العرب ماينسى فعله=له سيرتن يفخر التاريخ لبديته حاتم وحاتم يكفي لاذكرت اسمه=عن مجمل الهرج يكفيني لعديته وشلون ما اشتاقله مادام هي حايل=ولا احدن يلومن ليامن قلت حبيته يكفي فخر حايل انه عند ماتذكر=بين المدن والمناطق راجحن صيته مافيه شاعر يجيها ماتغنابه=وشلون اجل واحدن فيها بنا بيته دايم فريده وابسط ما اشبه به=كنه قصيده وانا مطرب وغنيته ايه اتغزل بحايل وافتخر فيها=اللي له العشق مايخفى لو اخفيته وعيدية العيد في حايل واهل حايل=تستاهله دار حاتم يوم سويته

تقبل تحيات اخوكم / متعب الشمري

من الارشيف
صاحب القصه من طلب ان اكتب هذه القصيده
(والامانه) هي عدم ذكر اسماء اصحاب القصه

(( بدون عنوان !! ))

بدون عنوان !! !!!

	اصـدق قصيـده تنكتب دون عنوان=غير الخيـــانـه والنهـايــه الحـزينه واللي حداني شخص مبلي ومنهان=قــال الامـانــه قلـت عندي سجينه ثمـن شـرح لـي قصتـه مع له انسان=مـن بيعـت الجــوال جنـب الكبينه ايلين وقـت اللـي يســـولف به الان=عـــاش الحيـــاه وقصتــه بالمدينه بـدايتـــه الــــــو مـــروراً بـغلـطان=لينه حصل واللي حصل خابرينه نبـي التـــلاقــي والتــلاقـي برزان=من دون مايشـبـــك يــديه بيديـنه وعهد عليهـا وناقض العهــد خـوّان=امـــــا لـهــــا ولا حيــــاته دفـينه ولا يتزوّج بعدهــا فـي شهـــر ثان=ثمن تــزوج قـال مكســور عـينه والهم جاها واشعــل الجسـم بركـان=عجـزت تصـدق بين همـه وبـينه لينه تمنى الموت في بعض الاحيان=لا علهــا تنســى الحيــاه الحـزينه هاذي قصيـده قالهــا شاعــــرٍ كان=بلســان هـم المشتـكــي من سنينه