آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 20-03-2012   #1


الصورة الرمزية يوسف العتيبي
يوسف العتيبي متصل الآن

بيانات اضافيه [ + ]
 رقم العضوية : 3171
 تاريخ التسجيل :  18 - 03 - 2012
 أخر زيارة : 12-06-2014 (08:14)
 المشاركات : 93 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي ديوان الشاعر / يوسف العتيبي





مسائكم خير وسعاده

مصافحه اولى في هذا الصرح الشامخ بمن فيه ولي الشرف ان اكون بينكم 0ودعوة اخوي الغالي ابو فراس حق وواجب نلبيها0




-على طاري نتايج قياس الله يقلعه - اخترنا هالقصيده


اتمنى ان تحوز على رضاكم0

السماء ساحة شعورٍ والقصيـد انجومـه!!!

كل شاعر يحسب انّه فـارس المنظومـه=والله اكبـر يازمـان العولمـه واعلامـه
هذا شاعر يلحق اعلام الشعـر بهدومـه=وهذا شاعر مختفي يفرض عليك اقدامـه
شروى (سداح ال-عتيبي) لاسمعت ألبوومه=(حي صوتك) والله انك للجزايـل هامـه
كثرو المستشعريـن ابساحـةٍ مزحومـه=وانخفض معنى القصيد اللي جزيل الهامه
ومابه اقصورٍ على اللي يزرع الملغومـه=شروى( بندر بن سرور) اللي بقت لايامه
ومابه اقصورٍ على اللي يفتل الملمومـه=يستر الله يمكن انـي ماعرفـت المامـه
السماء ساحة شعورٍ والقصيـد انجومـه=يختلف حجم الكواكب والفـوارق عامـه
الشعور اللـي يرافـق زفـرةٍ مكتومـه=للشباب اللـي بغالـه حاجـةٍ باحلامـه
ان تخرجنـا قعدنـا ننتظـر معلـومـه=من مواقـع خدمـةٍ ماتخـدم المنضامـه
كثرة اسنيـن انتظـار العالـم المهمومـه=ياوزيـر التربيـة وش حيلـة الدوّامـه
القياس اللـي قياسـه كاسـةٍ مسمومـه=ساعتينن فعلهـا يحكـم عليـك اعدامـه
الرسوم اللي رسمتوا طلحـةٍ مرسومـه=احطبوها والحطـب للريشـة الرسّامـه
ذبلت اوراق الامـل للفكـرة المشئومـه=والهبايـب ثايـره والمشكلـه حـوّامـه



-






-



اخوكم


يوسف العبيد العتيبي


 

قديم 24-04-2012   #2


الصورة الرمزية يوسف العتيبي
يوسف العتيبي متصل الآن

بيانات اضافيه [ + ]
 رقم العضوية : 3171
 تاريخ التسجيل :  18 - 03 - 2012
 أخر زيارة : 12-06-2014 (08:14)
 المشاركات : 93 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي الا ياشمّر المعنى تجمّر.,.,



للتواصل

بويتات متواضعه بقبيلة شمر العريقه والقصيد والله مايوفي حق اهل الجبل لكن مجرد تعبير بسيط-

ومابه قصور-ن- بالقبايل ولا فروق
---------------------------------كل القبايل جودها من فرقها
ماني وانا يوسف على القاف مطفوق
--------------------------------واثق وتاريخ الزمن من وثقها
قلت الحقيقه والفعايل له احقوق
------------------------------حق-ن- يترجم هاجس اللي طرقها

-



الا ياشمّر المعنى تجمّر.,., !!!

سلام الله على الحاضر سلامه=سلام المخلص الوافي مقامه
قدحت البارح ابياتٍ جزيله=على السرعه قدح برق الغمامه
تكافخ شعري للعلياء تكافخ=كفخ صقر الحباري للحمامه
دعاني ظاهر اللي قد عزمني=وانا حقٍ حضوري لإحترامه
صفاة اهل اللواء بقعاء دياري=امثل ديرتي دار الشهامه
عتيبه لابتي وافخر بإني=امام اللي بهم روح الزعامه
تحت راية ملِكنا قد ملكنا=شموخ المجد وآمنٍ في منامه
الا ياشمّر المعنى تجمّر=من اسباب الفحول اللي امامه
الا ياهل الكرم ياهل الشجاعه=الا ياهل الوفاء ياهل الكرامه
طنايا لاطنو سقم المعادي=صناديد الوغى صبح الجهامه
طنايا لانخاهم من نخاهم=خذو حقه ولا يمرح ضيامه
طنايا طيبهم يشعل فتيله=على سطح الجدي مرسى وسامه
الا ياهل الجبل شفت (الرعيله)=بها منكم علامه في علامه
علامتها بإن شمّر ماتفنى=فعايلهم الا يوم القيامه
الا ياهل الجبل اقسم بإنه=يمووت المدح مايوفي كلامه


دمتم بخير



اخوكم



يوسف العبيد العتيبي


 

قديم 27-04-2012   #3


الصورة الرمزية يوسف العتيبي
يوسف العتيبي متصل الآن

بيانات اضافيه [ + ]
 رقم العضوية : 3171
 تاريخ التسجيل :  18 - 03 - 2012
 أخر زيارة : 12-06-2014 (08:14)
 المشاركات : 93 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي اي والله اني فاقدٍ راحة البال0000ماغير امـوّل للمواجـع قصيـده



للتواصل




متواضعه علها تحوز على القليل من رضاكم








اي والله اني فاقدٍ راحة البال0000ماغير امـوّل للمواجـع قصيـده !!!

اي والله اني فاقـدٍ راحـة البـال=ماغير امـوّل للمواجـع قصيـده
مليت انا طرق القصايد والاحـوال=تخنقني واكتب للمشاعـر جديـده
ابيات شعرٍ تزفر الضيـق للحـال=ماهو قصيد اللي ..تلبّـي عبيـده
المرتكي مابنشـر ابتلعـة الجـال=وفك الكفر والضيق ينهش وريده
بأرضٍ قفر ماطبّته روس الانـذال=مبعد عن ازعاج البشر مايريـده
جيت المكان اللي به الرجـم لازال=يشرف على بقعاء سنينٍ عديـده
ومدّيت شوفي وانتشل فكري امثال=قد قالها راكـان بأجـزل شريـده
[هذا ولد عـمٍ وهـذا ولـد خـال=وهـذا رفيـقٍ] للمراجـل وليـده
وحسّيت من تحت القدم هز زلزال=صوت الحجر موّل تواقع نشيـده
تواقعـت للوقـع والوقـع قتّـال=من ضيقةٍ تقتـل حيـاةٍ سعيـده
الله على وقت التفشخر بالاشكـال=كـلٍ يـدوّر صورتـه بالجريـده
والله على وقت التمشيخ بالاموال=كلٍ يشيل المرجلـه فـي رصيـده
هذا ولد صيتٍ وهـذا ولـد مـال=والفرق شاسع والكواكـب بعيـده
لكن زماني كفّن الصيـت بزمـال=وحط النصايـب للمراجـل فقيـده
وفكّيت ازرار الثوب للضيق موّال=ولقّيت صدري للهبوب الشديـده
هبّي على صدري بـرادٍ وشـلال=يطْفي جمر قلـبٍ تلاهـب وقيـده
وغمّضت بعيوني ونا اشوف خيّال=فارس تعلّا فوق شقـراء عنيـده
شكله عجيبٍ بالوصف يذهل اذهال=عقيـد قـومٍ مامكـن هالعقيـده
قال الصبر مايكاتفه غير الآمـال=امّـن حياتـك بالأمـل لاتزيـده
قلت الحياة احزان وافراح واهوال=وانا حياتـي كـل ابوهـا فريـده
مستفردٍ شعب الشقاء بخافقي حال=قلبي جزيره والحكومـه رشيـده
ياما صبرت وصبري للحين مانال=مفتاح بابٍ00 محْلي هيكل حديـده
مالي سوى اللي مثبّتٍ كل الاجبال=الخالـق المعبـود حنـا عبيـده
استغفرك وادعوك وارجيك لو طال=وقت الفرج للحظ الاقشـر قريـده
وفتّحت عيني واختفت كل الازوال=اثر الشعر حـرٍ كفـخ للطريـده
يدلي على الجزلات للجزل مدهـال=ماله على صيد الهزايـل مكيـده
عشّيت طيري وانتهت قصة الحال=واقفيت اموّل للمواجـع قصيـده



-









اخوكم


يوسف العبيد العتيبي


 

قديم 09-05-2012   #4


الصورة الرمزية يوسف العتيبي
يوسف العتيبي متصل الآن

بيانات اضافيه [ + ]
 رقم العضوية : 3171
 تاريخ التسجيل :  18 - 03 - 2012
 أخر زيارة : 12-06-2014 (08:14)
 المشاركات : 93 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي كن القلم فوق الورق عود كبريت



للتواصل




من الارشيف علها تحوز على رضاكم



-
كن القلم فوق الورق عود كبريت !!!

برق المشاعر لاشعق يشعل البيت=مثل الفتيل اللي من القاز رايب
كن القلم فوق الورق عود كبريت=اليا ارتكى شب اللهب للهبايب
ابحرق الذكرى مادام الشجر ميت=وش فايدة غصنٍ من الشوق ذايب
ياما على روس العوالي تعليت=غايب عن العالم ولاني بــ غايب
غنيت من فوق العوالي وناديت=اسم الذي زينه يشيل العجايب
لأم العيون اللي رموشه توابيت=اليا انطبق غزة عليك النصايب
ماكنت اظن الحب يجدع شفاليت=لين القدر قد حال واقفت غصايب
ماتدري اني للشقاء قلت:واوحيت=اني انا والضيم صرنا قرايب
علُّ وعسى وام الاماني على ليت=ياكثرها كم قلتها.؟ للحبايب
وياكثرها كم قلتها.؟ بالتناهيت=للحظ الأقشر للشقاء والمصايب
تدري وش اللي بالزمن قد تمنيت=ليت القلوب اطفال بعلوم شايب


-





-




اخوكم

يوسف العبيد العتيبي
-


 

قديم 29-06-2012   #5


الصورة الرمزية يوسف العتيبي
يوسف العتيبي متصل الآن

بيانات اضافيه [ + ]
 رقم العضوية : 3171
 تاريخ التسجيل :  18 - 03 - 2012
 أخر زيارة : 12-06-2014 (08:14)
 المشاركات : 93 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي ياذا الجبل 00 شيلة



للتواصل



اتمنى ان تحوز على رضاكم





المنشد صوت الشمال











ياذا الجبل 00 شيلة!!!

بين التخيـل والزمـن قمـت اراعيـك=يـاذا الجبـل ماطمّـن الحيـل حالـك
ياذا الجبل هل تسمـع اللـي يناجيـك.؟=ادري..! ولكن هاجـس القـاف جالـك
ودي اترجـم قصـةٍ مطلـعـه فـيـك=حيث الوفـاء مـن ميزتـك وارتجالـك
اشهق همومي وازفر القـاف وارويـك=اسقـي وريـد الشعـر قبـل التهالـك
كم واحد(ن )يـروي هقـاوي هقاويـك=واليـا نخيتـه ينفهـق عـن وصالـك
وكم واحد(ن) لاهاجت الهيجاء يرجيـك=واليـا رجيتـه ينجلـي عـن مجالـك
وكم واحد(ن) يحسـد مزايـا حسانيـك=اقـرب قريـبٍ يحسـدك فـي حلالـك
احد(ن) على الوجهين يخلـف مراميـك=ياكثرهـم رووس الرخـم لا ارتكـالـك
واحد(ن) على الفزعات ذيب((ن) يخاويك=ياقلهـم فـي وقتنـا مــن وفـالـك
واحد(ن) خفي بالخبث يطعـن مباديـك=هرجه وفـاء بالهـرج لامـن حكالـك
واحد(ن )خفي بالطيب يذهـل تهقويـك=وقـت الشدايـد تظهـر اللـي خفالـك
المرجله ماهي علـى الشكـل والشيـك=المرجلـه فعلـن علـى القـول سالـك
ياذا الجبل هـل تسمـع اللـي يناديـك=ادري ولكـن ضيمـي اللـي شكـالـك
اسمع صدى صوتي واغمض واحاكيـك=واتخيلـك تقصـد علـي مـن خيالـك
هـذا خيالـي اجبـرك مـن تغلـيـك=عطني بيـوتٍ تنصـح اللـي نصالـك
قـال الجبـل هـاك النصايـح تعديـك=جـال الكـدر لازاد ثـقـل احتمـالـك
بيـن القبـر واعمارنـا والمهالـيـك=ينبـت عبـر قبـل القبـر وارتحالـك
اقطف ثمرهـا وانتبـه مـن خطاويـك=قبل انتشـال الـروح والمـوت شالـك
الله خلقـنـا للـعـبـاده ممـالـيـك=يمنـى تمـده ولّا يـسـرى شمـالـك







-







-





-


 

قديم 24-09-2012   #6


الصورة الرمزية يوسف العتيبي
يوسف العتيبي متصل الآن

بيانات اضافيه [ + ]
 رقم العضوية : 3171
 تاريخ التسجيل :  18 - 03 - 2012
 أخر زيارة : 12-06-2014 (08:14)
 المشاركات : 93 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي وطنية ولكن -------وزيرنا ماهو كفو



السلام عليكم ورحمة الله وبركاته



للتواصل


اتمنى ان تحوز على رضاكم لاعدمتكم



وطنية ولكن ------







وطنية ولكن -------وزيرنا ماهو كفو!!!


ماكل صيادٍ على الصيد صيّاد=الخبره تلعب دورها في ولعها
احدٍ على ماقيل يبخص ويرتاد=الحروة اللي خابره يتبعها
مثل الشعر لاهيض الشاعر الجاد=يطرب مسامع سامعٍ يستمعها
ماهو على ماقيل شاعر وشحّاد=كل البيوت مزيّفه لاجمعها
الشعر مثل الطير للصيد ورّاد=من جوف شاعر للحقيقه نزعها
ياسيدي عبدالله ياسيد الاسياد=حبك هنا بقلوبنا قد طبعها
حنا جنودٍ للوطن درع واوتاد=حنا معك لو قالت الغرب دعها
حنا سلاحٍ لالفى كل طرّاد=لاجل الوطن ارواحنا نقتلعها
حنا معك قداام للموت ننقاد=اقولها من كل قلبٍ بدعها
من بعد هذا سيدي ضيقنا ساد=من عالمٍ سود النوايا طمعها
بطانتك ماهي على الحق وش عاد=ماعمهم كف الحقيقه رمعها
تامر اوامر ماتنفّذه الاحفاد=تبّت يدين الظالم اللي بلعها
حنا الشباب العاطلين العطل زاد=المر جرعتنا وكلٍ جرعها
ياما صبرنا لكن الصبر مافاد=هذا وزير التربية مانفعها
وزيرنا ماهو كفو ماهو سدّاد=ماله سنع وزارته وش سنعها
المنصب اللي بواسطه دوم حصّاد=البذرة اللي حطّها من زرعها
يرجع على الفلاح لو صار جلّاد=تغير انتاج الشجر لاقلعها
متخرجٍ عنتر له اسنين كدّاد=وعبله مهرها غاليٍ لادفعها
وحافز كلا خصم المساكين وازداد=كرش السمين اللي بلعها منعها
يرسم على شيكه خصومات الافراد=والكنق مايرضى لو انّه سمعها
وحتى قياس القوس في رميته صاد=جولٍ من احرار الوطن قد قمعها
الى متى ياسيدي ضيم واجهاد=والشجرة اللي فاسده من قطعها
تنمو وتنتج جور بقلوب الاجواد=لا والله الا الحق منّي جدعها
قلت الحقيقة صادق البوح قصّاد=قصيدةٍ حقي عليكم دفعها


 
 توقيع : يوسف العتيبي

تدري لو ان صبري... على الناس ينبـاع
يمكن ملكـت الحيـن... نصـف الجزيـره
في خطوتي رمضى... وجلـد القـدم مـاع
كنّـي موصّـى.. فـي مهمـه.. خطـيـره
للضيق حـزّه... لاطغـى خافقـي.. جـاع
شعب الحزن.... والصـدر وجبـة اميـره
وللضيق بيعه... لأشبع الصدر... بإشبـاع
يمكـن تقـول المـووت احسـن ذخـيـره


-
يوسف العبيد العتيبي


-


قديم 04-04-2013   #7


الصورة الرمزية يوسف العتيبي
يوسف العتيبي متصل الآن

بيانات اضافيه [ + ]
 رقم العضوية : 3171
 تاريخ التسجيل :  18 - 03 - 2012
 أخر زيارة : 12-06-2014 (08:14)
 المشاركات : 93 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي مزاين شمر - قصيدة بقبيلة شمر عامة فيديو



السلام عليكم ورحمة الله وبركاته


دعوة مزاين شمر واللجنة المنظمة لتكريم شعراء استحقو التكريم من شمر من اجل قصيدة سابقة مضى عليها سنتين شرف لي ان استلم درع لهذا الوفاء من الشيخ جديع اللغيصم

وهذا ان دل دل على وفاء شمر والوفاء ماهو غريب على اهل الجبل ويشهد الله ان محبة قبيلة شمر لايوفي حقها حرفي وشعري -


- حقٍ علي رد الوفاء لأهل الوفاء قدح الفتيل--اليا قبس بارودها صيد الجزل منوالها




مزاين شمر - قصيدة بقبيلة شمر عامة فيديو !!!


البارحة يوم العرب نومى على النومه تميل=وانا آخايل للنجوم اللي تمايل حالها
تخالف ابداع الشعر بين الجزاله والهزيل=اللي يجيب النادرة واللي على موالها
الخيل من خيّالها والشعر ذوقٍ للجزيل=والشعر من شعّارها والخيل من خيّالها
لي مهرةٍ مهرة شعر تخبط على الوزن الثقيل=صهيلها جزل الشعر ماتعترف بهزالها
اليا اخبطت بأرض الشعر دك الحوافر ماتزيل= لو زلت انا عن دنيتي صعبٍ تزيل افعالها
من بقعاء جيت املبيٍ دعوة زحازيحٍ تشيل=رد الوفاء من سلمها سلم الوفاء يزهالها
بمزاين شمر لإبلها والله لاجيب المستحيل=مادامني قدم الرجال لي الشرف باقبالها
انتم صناديد الرجال انتم هل السيف الصقيل=اقولها من قلبي اللي صادقٍ لاقالها
انتم مثال اهل الكرم مثل القمر ماله مثيل=يفرق عن انجوم السماء مضرب مثل لأمثالها
شمّر خذت تاج الكرم غصبٍ على خشم البخيل=يشهد لكم تاريخكم في دقّها واجلالها
شمّر مواريث الوفاء شمّر شفاء روح العليل=اللي تعلّه دنيته شمّر سعد من جالها
شمّر لاثارت للوغى عدوهم يمسي قتيل=متكاتفين اليا طنوا متعاونين ابطالها
طبع الطنايا لاطنو - وادي على كبره يسيل=من ياقف ابوجهه جرف روس الرجال وشالها
وساع الطعون اليا اطعنو دخيلهم ماهو ذليل=كبار الصحون اليا اكرموا ماحسّبو لأموالها
الشمري عز الخوي وقت المراجل مايميل=بيئة شموخه من جبل مثل الجبال ارجالها
وانا عتيبي ارتقي بالمعنى والعقل النبيل=من لابةٍ منزالها فوق الجدي منزالها
ومامن قصورٍ بالقبايل لا ولافيهم قليل= واليا مدحت امدح كفو شمر كفو فنجالها
حقٍ علي رد الوفاء لأهل الوفاء قدح الفتيل=اليا قبس بارودها صيد الجزل منوالها
الله عطى والله خذا والله وهب والله جليل= والله يبيض وجهنا قدم الفحول ارجالها






مع خالص تحياتي وتقديري للجميع


اخوكم

يوسف العبيد العتيبي


 
 توقيع : يوسف العتيبي

تدري لو ان صبري... على الناس ينبـاع
يمكن ملكـت الحيـن... نصـف الجزيـره
في خطوتي رمضى... وجلـد القـدم مـاع
كنّـي موصّـى.. فـي مهمـه.. خطـيـره
للضيق حـزّه... لاطغـى خافقـي.. جـاع
شعب الحزن.... والصـدر وجبـة اميـره
وللضيق بيعه... لأشبع الصدر... بإشبـاع
يمكـن تقـول المـووت احسـن ذخـيـره


-
يوسف العبيد العتيبي


-


قديم 12-08-2013   #8


الصورة الرمزية يوسف العتيبي
يوسف العتيبي متصل الآن

بيانات اضافيه [ + ]
 رقم العضوية : 3171
 تاريخ التسجيل :  18 - 03 - 2012
 أخر زيارة : 12-06-2014 (08:14)
 المشاركات : 93 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي جانا خبر شهادتك يامحمد بعيد الفطر--تقبلك الله ايه البطل



كل عام وانتم بخير



للتواصل



ابيات متواضعه بالشهيد ابن العم/محمد العبيد

تقبله الله من الشهداء-قُتل وهو بأرض المعركة بالشام حافظ للقران وذو خلق نبيلة
حافظ للأربعين النووية
الحديث يطول لهذا البطل رحمه الله.





جانا خبر شهادتك يامحمد بعيد الفطر--تقبلك الله ايه البطل

البارحه تمخلق افكاري على صوغ الشعر=حاضر بحاضر والشعر غرد على موالها
مدري فرح ولا حزن ولا فخر ولا قهر=لكن فرح في ذمتي يعلو فخر لابطالها
جانا خبر شهادتك يامحمد بعيد الفطر=عيديِن صار بعيدنا دام الشهادة نالها
ياعمي والله افتخر بابنك وبك شاش الفخر=زفيت للعالم خبر يسعد صدور ارجالها
ايه افتخر ثم افتخر ثم افتخر ثم افتخر=في شبلك الحر الأبي كنز الشهادة طالها
صميدعً بأرض الوغى علمه على القمه ظهر=مقبل على جيش العدو لاثار عج اهوالها
شجاعته مضرب مثل مقدام ماهاب الخطر=قناصته كم اهلكت من العدو وانذالها
بإذن الولي قد نالها دام النوايا ماتضر=دام العمل بالنية اللي صالحه باعمالها
كلً تمنى الخاتمه مستشهدٍ قبل القبر=لكن ماهيب كيف البشر الله عطى من شالها
كلٍ تمنى غايته الله ولا غيره قدر=يلهم قلوب المؤمنين اللي علو منزالها
الدنيا معبر هي ممر والآخره حور وخمر=يبقى العمل يوم الحشر في ساعةً يرثالها
اعظم شهادة نالها ماهي شهادة من سفر=شفاعته تسوى الكنوز اللي كثيرً مالها






اخوكم/يوسف العبيد العتيبي


 
 توقيع : يوسف العتيبي

تدري لو ان صبري... على الناس ينبـاع
يمكن ملكـت الحيـن... نصـف الجزيـره
في خطوتي رمضى... وجلـد القـدم مـاع
كنّـي موصّـى.. فـي مهمـه.. خطـيـره
للضيق حـزّه... لاطغـى خافقـي.. جـاع
شعب الحزن.... والصـدر وجبـة اميـره
وللضيق بيعه... لأشبع الصدر... بإشبـاع
يمكـن تقـول المـووت احسـن ذخـيـره


-
يوسف العبيد العتيبي


-


 

مواقع النشر (المفضلة)


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:39


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام