ديوان الشاعر / عباس بن عسل

نصيحة ..

	ســـلام مــن قـــلبٍ بحـبه صــفا لك =قلبٍ عطــوف لك يحبك ويغليك واهديك من قلبي نصيحة عسا لك =فيهــا يــا بو بندر علومٍ تقديك إحفــظ لدينــك يا الســـنافي وبالـــك= تمشي مع الغاوين وبليس يغويك افطــن لدينــك تــره غاية منا لـك = هــو الذي من ظلمة النار ينجيك واقصر على قول الجــماعة مقــــالـك = ولا تبتــدع فتوى وبالنار ترديك وليا حفظت الديــن تحفــظ جــــلالك = ولحــاجتك رب البــرية يمشــيك حفظك اركان الديــن فيها الرضـا لــك = من الواحد اللي يوم تحتاج يعطيك شــهادة إن اللــه ربــك ولا لــك =غيــره يضــرك أو يفيدك ويهديك وتشــهد شــهادة حــق مـن بعد ذلك = محمـد رسول الله ما فيه تشكيك وقيــم الصــلاة وزك يالذيــب مالـــك = وصوم رمضان وحج مكة إذا بيك وايصــل لرحمك من جفاك وصفا لك =واحــذر تجافي من تشوفه مجافيك وشيبانك أبدا يا الفتى من عــيالك =وعقوقهم في ظلمة النار يرديك وجـارك تريــه أقربهــم الـلي دنا لــــــــك=أوصيك فيه أوصيك واوصيك واوصيك وخويك انجز حــاجته قبــل حــالك =وصــديقك ارفـا زلــةٍ زلها فيك واحـذر تقــدم واحــد مــن عيــالك=شوف الحقد في عين خيه ويكفيك واذخر لشخصٍ لا عجزت ارتكا لك =تجيبــــه حميــاه لــو مــا يدانيــك وافخر بقومك تــر عدالــه عـــدالك =طيبه لك وما به ردا صايرٍ فيك وعيـال عمـك لا مــن الله هــدالك=أخوانك اللي حين عجزك تقويك ولا تعــالى بعــد ما كثر مــالك =ولا تخــلي رفعــة الجــاه تعميك خــلك تحــط النــاس كلــه ببـــالك=وليا حقرت أحــدٍ يبان الردا فيك واحفظ لهمك وسط قلبك لحالك=خله بقلبك لا تشمت معاديك واذا الولي ساتر ردايــا عمالك=خله بستره لا الردايا ترديك كتمك لســرك يا الســــنافي جمــالك =ولا شاع سرك ما خويٍ يخاويك ولام العيــال احــذر تـــزود دلالـك=تكسر قــراراتك ولا همت تثنيك وبالك تخبرها بما قد جــرالك=لابـد من يـومٍ تكشف لخافيك واحذر تهين اللي غلاها صفالك=اللي عـن دروب الرذيلـة تنسيك تصون بيتك في قفاك وقبــالك= بنت الرجال اللي نسبهم يكفيك واعلم ترا مالــك يكثــر عيــالك=واغلـب عيال العجز لجله تداريك ذولا بني عمك وذولا خــوالك=لا زاد مالك كلهم من عوانيك ومالك عوين إن قل في يوم مالك =ويا كثــر ما تسـمع تقلع وما بيك وكانك عدو مالك عدوين مالك=يخفـي عدوينـك ويظهر محبيك والطيب ما يشرى بمالي ومـالك =الطيــب رب الطيب للطيب يهديك والطيب يسلك له صعيب المسالك=وليـا فعلـت الطيَب الطيب يلفيك

ارجو ان تنال هذه القصيدة اعجابكم وتسعد بتعليقاتكم

الجمس ومنيرة ..

	راكب اللي لا مشاء يعجبك سيره = بنسيابة يشبه لنهر الفراتي وإن دعست البنص يطربك بصفيره = وإن ركبت الخط تاصل ما تباتي وإن نزل راعيه كنه في سريره = مرجهنٍ مستريحن في ثباتي ما تعرف أنه لفى من غير ديرة = تحسب أنه في البلاد وتو ياتي صنع اللي بالعلم متجاوز نظيره = نال بالدنيا علوم طايلاتي جمس بين الناس فاز بكل سيرة = يمدحونه بالبلاد وبالفلاتي ويش أوصف تعجز أوصوفه كثيرة = للمسافات الطوال مجهزاتي المنافس مسبقاً يعرف مصيره = حيث وقت منافسه للجمس فاتي يذكر الله من سمع نغمة هديره = ويستعيذ من العيون الحاسداتي جيت يم الجيب قلت اب استشيره = نسوي مزاين لكل الماركاتي قال عفواً يابعد حيي كبيرة = كان فية الجمس قلي شالسواتي مركزة محجوز ما حدٍ فيه غيره =هو الأول مركزه شي ثباتي قلت خلك منه صاير فيك ذيرة = وجيت أدور من يحب الطايلاتي ورحت يم الفرت توه بتغبيره = تو لوحاته عليه مركباتي قلت ياشيخ المواتر وانت أميره = قال عفواً ولد عمي الجمس ماتي وأنحنى راسة وقال الله يجيره = من صواديف الليالي المايلاتي ولد عمي شيخنا يعجز نظيره = جمس فايز بالسنين الماضياتي مار دور يا كثير الهرج غيره = يمكن أنه ينطبق بمواصفاتي ما يئست ولا خليت من الذخيرة = رحت يم الرنج روفر يا غناتي قال تبغى ننفضح وش ذي بريرة = يمكن أنك ياضنى شمر تهاتي يالشريفي مار تبغاها كسيرة = ما تخاف الله رب الكايناتي قصدك تشهر بنا في كل ديرة = تجمعن بالجمس وتبغى منافساتي يالمطوع فتنتك هذي خطيرة = مار عبرها على غيري هذاتي وقمت أفكر بالعبارات الكثيرة = تمدح جموس قديم مجرباتي وانجلت في خاطري صورة منيرة = يوم قارنته معا بعض البناتي مع دلال وزينب ومي وسميرة = ومع كثير من اللوائي واللواتي وظهرت من بينهن شمعة منيرة = تقل ذاب بخدها سكر نباتي عنق ريم وعين ريم وكبر اميرة= عود موز خدود روز مفتحاتي سود ليل وذيل خيل من حريره = شعرها كاسي لها مثل العباتي وخشمها سيف معرى من جفيره = والعيون الفاتنات الناعساتي حجته جنحان طير في مطيره = سود ليل وناصلات مرهفاتي ولا أوصف جسمها لانه مثيرة = وفطرتي تبغض علوم ٍ ناقصاتي وأحترم نفسي عن علومن صغيرة = والمراجل ما عليها مساوماتي

رد على قصيدة الاخت قمرا سماه ..

	بنظمٍ وتعريفٍ وسبكٍ وتحليل= اقول شيٍ خاطري ما يريده موضوعنا جتني رسالة بالايميل= هديتك واثر الهدية مكيدة ومن اختنا قمرا سما يالرجاجيل= بقصيدةٍ فعلاً تصنف قصيدة قريتها متحمسٍ كنت بالحيل= واقول يا رباه وش ذا الفريدة تطرقت لاسما رجالٍ حلاحيل= والكل منهم يستحق القصيدة رجالٍ لهم سمعة وعلمٍ وتبجيل=والنعم فيهم كل ابوهم وليدة واقول يا راع العيون المظاليل= ياللي خذيت من التواصيف سيده يا شبه منهي بالحسا تقرض الهيل=في وصف ماجد للفتاة الفريدة يا شاعرة يا شاطره بالتفاصيل= ياللي مع الشعار ند لنديده يا بنت يا قمرا سما ينقص القيل=لا صار ما حطيتي اسمي وليدة شاعر ومبدع من رجالٍ حلاحيل=واصيد للأبيات صيد الطريدة وفي مجلسي يا بنت تطارد الخيل= عشرين في سبعة ترا بتحديده وفي منصبي عانقت صفو الرجاجيل= يوم المنافس والرجال العديدة وفزنا معا بعض الرجال المشاكيل= وكلٍ عرف ان كان ربعه تريده وفي حكمتي ما انزل لوضع المهابيل= واشوم عن قول العلوم الزهيدة طايع لربٍ في يديه التساهيل= ومطبق السنة وصنت العقيدة ويا بنت ماني من يحبون تطبيل= موجز لشخصي من صفاتٍ عديدة ولا كرم ربعي يزين به القيل= ضارين في وقت الليال التليدة ويا بنت ربعي يومه مطارد الخيل= ضرب القنا والسيف شيٍ نجيده ويا بنت يوم الناس ما تقحم الليل= حنا مع الظلما نصيد الطريدة ولا صارت بهيلٍ وبن وتعاليل= رباعنا على المكارم نشيده سيل جرف مشاعري واثري السيل= يجرف معاه الراسيات العنيدة ومني تحيات ومودة وتبجيل= لقمرا سماه اللي تخوف ضديدة بقصايدٍ مثل السيوف المصاقيل= ابيات شعرٍ تكتبه ما تعيده بنظمٍ وتعريفٍ وسبكٍ وتحليل= اقول جعلك في حياتك سعيدة

مع التحية والتقدير والشكر الجزيل للاخت قمرا سماه والشكر موصول لكل من شارك برد جميل اثلج الصدر والردود الجميلة الراقية التي تبين مدى اهتمام الجماعة بالفرد ومدى التلاحم الاخوي بين افراد هذا البيت الشامخ.

قبول اعتذار الاخت الفاضلة قمرا سماه!!!

	راكب اللي تلها نادر حرار= من نوادر شمرٍ متخيره ما يهاب الموت راسه به سطار= يرخص لعمره ولاحد يعيره قلبه مصمم قساه من الحجار= لو يشوف الموت يمه سيره من مدرج قرب رفحا بالمطار= خط سيره عن مساره غيره واتجه به صوب لباس الخمار= بنت قرمٍ علمه اللي صيره صيره شيٍ يحطه بالوجار= بنه وهيله يجيب مخيره وعودٍ ازرق يعجبك يومه ادار= عود هندي جايبه متخيره يا عمار بيوت اهلها يا عمار= البيوت اللي باهلها نيرة لو تدور مثلها في دار دار= ولو هرمنا ما لقينا الخيرة اللي تشابه لقمرا باختصار = تصرف ببنك الجنان مجيره بالجمال وبالاخلاق وبالمسار= وصفها عندي بيوت محيره يا عنودٍ بالبراري والقفار= شافت الرامي وهي مذيرة الوبل يسقيك يا ذيك الديار= وتكتسي باللون الاخضر شي يره وجوها يصفي ولا فيها غبار= ومن يحب القنص طيره طيره من الظفيري لين لمنزه مشار= الربيع بلون ثوبه غيره واشهد اني قابل بالاعتذار = وشعرك الراقي لفكري حيره ولك مني حب وتقدير ووقار= حب اخو لخته بفعلك صيره من زرع للزرع في وقت البذار= مو مثل من جاب حب وطيره وبالختام جبال ودٍ وافتخار= مني لقمرا سماه مسيره

هذه قصيدة ارشيفية يعود تاريخها إلى عام 1414 هـ عندما بدأت بالجامعة بالظهران فكانت منطقة غريبة علي بكل ما فيها فتذكرت الوالد الله يرحمه وشبة ما بعد العصر واخواني وعيال عمي وبعض الجماعة بقرية ابن شريم فهاجت القريحة من معاناة واشتياق
طبعاً لا تلفونات ولا يحزنون بالقرية الا انه هناك تلفون عند الشيخ مشعل الشريم نتصل به ويرسل على اللي نبي من الاخوان ( وقت مر بحلوه ومره الله يحسن لنا الخاتمة

العود راع الطيب!!!

	يامل قلبٍ تاه بافراق غاليه= وقلبه يفكر صار شرقٍ وشامي يمشي بدربه عده السيل حاديه= في ديرةٍ ماينطقون الكلامي باسباب أبوه اللي بصغره يداريه= العين ماتقبل لذيذ المنامي عودٍ على العليا طريقي يمشيه= ولا يقبل الهزلا لصيد القطامي ولاهو يحاسب ليه يافلان ماليه= خصٍ ليا صار العمل شي سامي طايع لمعبوده وفرضه موديه= للشين عيَافٍ وللطيب ظامي أتيه بالتفكير لاجبت طاريه= كن الهكر متلاعبٍ في نظامي أعيد تشغيله وانا اقول وش فيه = علام تفكيري وانا وش علامي أنام في طاريه واصحي بطاريه= العود راعي الطيب عالي المقامي أجي واحبه ثم اسولف واقهويه= هذا منى قلبي وهذا مرامي ودعته الله عين ربه تراعيه= واهديه من قلبي كثير السلامي واخوي أبو عايد أحبه ومغليه= كبيرنا بعد الأبو بالمقامي وأخوي أبو مشعل فلاني بناسيه= مشتاق له شوقٍ تعدا الهيامي والعم أبو خليبص فلاني بساليه= ولا يمكن أسلى واحدٍ من عمامي ومشعل وغازي حبهم ما نخليه= وفيصل مع عايد مع أبو العظامي وحتى التراب بديرتي مغرمٍ فيه= ولا يمكن انسى عجها والعمامي

هذه قصيدة مجاراة للأخ مطلق ارجو ان تحوز على اعجابكم :

مجارات للشاعر مطلق البخيتان

	هزن الموضوع وانا مطوع= وانت يا مطلق تراك السبة يوم تذكر بالقصيدة وضعك= وضعك اللي صايرٍ لك غبه يرحم الله والدينك قلي= ليه من بد البنات تحبه ليه يومك تذكره وتغني =وانت نارك بالحشا مشتبه حسبي الله فيك يا ذا الشاعر= يوم ريح الشعر منك هبه اشهد انك شاعر متمكن= ونادر القيفان شعرك صبه لين حركت المشاعر فيني= شعرك الخولان فيه منبه نبهن شعرك لحبٍ سابق= يوم كان بخافقي يلعب به نوب ابيك ونوب بعد عني= جاهلة بالحب تتلاعب به لاعجبت بي قالت انت شزينك= ودي اخذ من شفاهك حبه وبالزعل تقول بعد عني= ما انت قدي يالقصير الدبه وانا ما بين التناقض هذا = تزعل وترضى بليا سبه وانا صابر واتحرى تثقل = مثل هذي شتوقع طبه ان هجرت الهجر يدمي قلبي= وان خضعت شلون نطحن حبه لين جاها اللي خذاها عنوة= وغصبوها لشخص ما ترغب به وابتعدت ومقصدي نسيانه= وكل منا سهل الله دربه

هذه قصيدة مدح الشيخ مذود بن شريم احد رجال شمر البارزين من ذوي الراي والمشورة والاخلاق الحميدة.
تم اختياره عضو مجلس منطقة في اول مجلس لمنطقة الحدود الشمالية
له مجلس مفتوح
يكنى بابو مساوين وذلك لسببين
الاول انه من شدة حرصه على الضيوف ينسى هل مسا الضيف بالخير او لا فيمسيه بالخير للتأكد
والثاني موعد شبته تاخذ المساءين المساء الاول بين المغرب والعشاء والمساء الثاني من العشاء الى بعد منتصف الليل.
هذه نبذة بسيطة واليكم القصيدة:

قصيدة مدح بابن شريم

	ســلامٍ اطـيـب مــن شــذا طـيَـب الـعــود=لافـاح فـي مجـلـس بــه الـربـع جــلاس فـــي مـجـلـسٍ مـــا يـدهـلـه كــــل مــقــرود=ولاينـسـمـع بـــه قــــول كــــاذب وهــــلاس الـنــاس بـــه مـــا بـيــن تـصـديــر وورود=نـــاس تــــروح وتـلـفــي بمـجـلـسـه نــــاس قـــــولٍ ثـــبـــات وفـــيـــه تــوكــيــد وشـــهـــود=يشهد به القاصـي والادنـا مـن النـاس مجلس لابو فارس به الطيب موجود=الـــــي بـــــدا لـلـطـيــب والــجـــود نـــبـــراس مــذود سـلـيـل الـطـيـب والـبــذل والـجــود=مـــذود كـمــا تـــاجٍ مــرصــع بـالالـمــاس مــن نـسـل شيـخـانٍ بـهـم كـــل مـحـمـود=بالطيب طيب وبالزعـل تقطـع الـراس تشـفـى الصـديـق وللـعـدا تـمـرس كـبـود=الـمـرجــلــة مـتـوارثـيــنــه مـــــــن الـــســــاس وخـــوالــــه الـطــلــعــان زودٍ عــــلــــى زود=وقــت المـلاقـا تـــودع الـجـمـع يـنـحـاس شــريــف مــكــه لـعـزوتــه قــــال مــاعـــود=صـبـيــان شــمــر مـالـهــا قــــاع تــنــداس يــــوم الطـلـيـعـه طــوحـــه شـــــي مــاكـــود=مـــــافــــــاد بــــــيــــــصٍ ولا زود حــــــــــــراس وان قلت ابـو عيـاد خالـه فهـد طـود*=نـــار عـلــى عــيــط وتــــاجٍ عــلــى راس مـــعـــرَب الــجــديــن لاصــــــار مــنــشـــود=زبـــن المـتـلـي* يـــوم الاريــــاق يــبــاس واقـبــل ســـلام مـبـخــرٍ بـاطـيــب الــعــود=يــفــوح طـيـبــه مــــن شــــذا راس عباس ابـيــات صغـتـه مـابـهـا نــقــصٍ وزود=ولابـــــــه ريـــــــاء ولاتــصـــنـــع ولا بــــــــاس

هذه قصيدة للشاعر الكبير ابو خالد محمد حمود الجرواني مجاراة لقصيدتي بالشيخ مذود الشريم

قصيدة الشاعر محمد حمود الجرواني

	عباس يمدح كاسب الطيب والجود = مذود ربيب الطيب والجود له ساس مذود رفيع الشان يصبر على الكود = ياكشرت غبر الليالي بالاضراس له مجلسٍ تلقابه البن والعود = وفنجاله اللي يغدي الهم وعماس البن الاشقر وازرق العود موجود = ومصنفاات الكار من كل الاجناس فعله مجرد ماحسب فيه مقصود = ولاهو على فعله مهايط وهلااس ونعمٍ لابوفارس مثنى ومردود = يافزعه المضيوم يامذهب الباس حلحيل عسراتٍ شرابيك وعقود = يبرم حلولٍ للصعيبات مفراس ماهمه اللي ماحسب كل منقود = حلون لسانه بالرخا تقل عساس وليا نخيته انكرك لاذ بجحود = جهالهٍ مابين ضايع ونساس كبه وخله والرجا منه مفقود = ماهو حسوفه واجعله ساير الناس ومذود عسى عمره طويل وممدود = مافتره طول المتيته ومرواس ومقضبن ماله عن الطيب مصدود = يشتله عرقٍ للمراجل ونوماس سليل عودٍ من صناديد وفهود = فريس ياركبو على قب الافراس ماحسبو للموت والنقص والزود = ياذعذعت عليا والارياق يباس يردون حوض الموت والعمر معدود = ابطال في وقت اللقاء تقطع الراس فعلٍ موثق به براهين وشـــهود = فعل الشريم اللي على الحرب غلااس قلـــــت الصحيح وفعلـــهم دوم مشهود = ومجـــارين ســـيد الشواعير عبـاس

وهذه قصيدتي بالشيخ مذود الشريم وهي موجودة بالمنتدى سابقاً

سـلامٍ اطـيـب مــن شــذا طـيَـب الـعـود=لافـاح فـي مجلـس بـه الربـع جــلاس
فــي مجـلـسٍ مــا يدهـلـه كــل مـقــرود=ولاينسـمـع بــه قــول كـــاذب وهـــلاس
الـنـاس بــه مــا بـيـن تصـديـر وورود=نــاس تــروح وتلـفـي بمجلـسـه نـــاس
قـــولٍ ثـبــات وفـيــه تـوكـيــد وشــهــود=يشهد به القاصي والادنا مـن النـاس
مجلس لابو فارس به الطيب موجود=الـــي بـــدا لـلـطـيـب والــجــود نــبــراس
مــذود سلـيـل الطـيـب والـبـذل والـجـود=مــذود كـمـا تــاجٍ مـرصــع بـالالـمـاس
مـن نسـل شيـخـانٍ بـهـم كــل محـمـود=بالطيب طيـب وبالزعـل تقطـع الـراس
تشفـى الصديـق وللعـدا تمـرس كبـود=الـمـرجـلـة متـوارثـيـنـه مــــن الــســاس
وخــوالـــه الـطـلـعــان زودٍ عـــلـــى زود=وقـت الملاقـا تــودع الجـمـع ينـحـاس
شـريـف مـكــه لـعـزوتـه قـــال مـاعــود=صبـيـان شـمــر مـالـهـا قـــاع تـنــداس
يـــوم الطلـيـعـه طـوحــه شـــي مـاكــود=مــــافــــاد بــــيــــصٍ ولا زود حــــــــراس
وان قلت ابو عيـاد خالـه فهـد طـود*=نـــار عـلــى عـيــط وتـــاجٍ عـلــى راس
مــعــرَب الـجــديــن لاصـــــار مـنــشــود=زبــن المتـلـي* يــوم الاريــاق يـبــاس
واقـبـل ســـلام مـبـخـرٍ بـاطـيـب الـعــود=يـفـوح طيـبـه مــن شــذا راس عـبــاس
ابـيــات صـغـتـه مـابـهـا نــقــصٍ وزود=ولابــــه ريــــاء ولاتـصــنــع ولا بـــــاس