آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 22-09-2014   #21


الصورة الرمزية فارس الدبيان
فارس الدبيان متصل الآن

بيانات اضافيه [ + ]
 رقم العضوية : 3249
 تاريخ التسجيل :  13 - 05 - 2012
 أخر زيارة : 01-06-2015 (09:28)
 المشاركات : 117 [ + ]
 التقييم :  10
لوني المفضل : Cadetblue
افتراضي الى الشيخ حميدي دهام الجربا






اهداء للشيخ حميدي دهام الهادي الجربا شيخ مشايخ شمر

الى الشيخ حميدي دهام الجربا
طس السبيل من اصفر اللون ي شيخ =فــــي ذمتي ماجـــابن البيــض لك ند
أكبــر فهيم بحضـــــرتك يصبح فـريخ =واصغـر طفل في شمر ان جاك يسعد
اربــع سنين تجيب مشخول ابو الميخ =وحــنا كمــا الريشه مع الريـح تطـــرد
مثــل الكفيف اللي دمــغ راسه بصيخ=ماشـــي علــى وجهــه يهيم الموارد
فــي حكمتك تــردع جيوش وصواريخ =وبـــ هيبتك كـــبد المـعـادين تــلهـــد
تقـــود غلــمان(ن) زحول (ن) مطانيخ=لاطـــقت البـــرنو علـــى المــوت تارد
غلـــبا مســـابقهم مســـابق نـواذيــخ =كـــل(ن) يبي الطّـــوله وللسيف جرّد
كل(ن) علـــى يمنــاك هيلع ولخـليخ =ولاهـــابوا لــ رايات كــل هيــسٍ أربـد
إذا الشيـــوخ أقمــار فــ أنت مـــريخ =يــاصل زُحــل مــداك ي شيـخ وأبعد
اضرب على كبد اسود الوجه والذيخ =وكل من ربى في حضن ابوك وتمرّد
ابـــو عنان مسطّـــر الطيب تــــاريخ =ما دوبح لجـــيش المــعادي وتــــردد
زعيــــم ماسمّـــوك بالمجلس شويخ =ولا مكــــانك بالمشـــايخ مـــــهدد
فــي حكمتك كــل المصايب نفافيخ =تـــــرسي على يمناك والضـد يزهد
يمناك بـــ سيوف الطنايا مصـاريخ =زوبــــع ســيافا لانخــيتــه تجــــرّد
طسّ السّبيل وعدّل الكيف ي شيخ =مـــادام كيفك عَـــدْل ماظن لك ند




#فارس_الدبيان


 

قديم 07-12-2014   #22


الصورة الرمزية فارس الدبيان
فارس الدبيان متصل الآن

بيانات اضافيه [ + ]
 رقم العضوية : 3249
 تاريخ التسجيل :  13 - 05 - 2012
 أخر زيارة : 01-06-2015 (09:28)
 المشاركات : 117 [ + ]
 التقييم :  10
لوني المفضل : Cadetblue
افتراضي حنا على الدنيا ضيوف راحلين



جديدي لكم حبايبي

حنا على الدنيا ضيوف راحلين
حنا على الدنيا ضيوفٍ راحلين=بخيت من أنهى الحياه بسجدته
مطارٍ وكل من لِفُوه مغادرين=وكلٍ يناظر لين تُعلن رحلته
رَجْلٍ تزوّد بالتُقى دنيا ودين=سبّح ولو ضاعت من ايده سِبحتَه
وناسٍ عن الطاعه ودربَه مبعدين=تركض ورى دنياً تجاهل قَلبتَه
وحنّا مابين اهل الشُعَب متشتتين=وكلٍ يدوّر بالعجاجه طاسته
الشيعه اللي دوّروا دم الحُسين=اربع طعش قرن ونعاني ذبحته
وبنو أميّه قد خلوا بالغابرين=وندفع ثَمَن طيشات شِمْر وسيّتَه
والموت لآمريكا شِعار السّافِِلين=كَالعاهِره وتحالف بعُذريّته
وسايكس وبيكو لو عربنا صالحين=بِلفور ماخيّر يهودي دولته
والشرق الاوسط فتّت المتفتتين=مسرح وقرّب يسدِلون ستارته
وحنا بطين التابعيّه غارقين=والخي مافك الصياح لخيّته
الذُل ماجانا عبث يافاهمين=الله عطى كلٍ على نفسيّته
يوم الصحابه للسننّ مطبقين =ربي عطاهم عزته وحمايته
ويوم إن غدينا للكتاب مهاجرين=ومن رمضان ليا رمضان بقفلته
صرنا تَبَع صِرنا خَدَم للخانِعين=ونبرر اخطاء الرئيس وزلّته
آمنت أن العاقبه للمُتّقين=والمتّقي يرفى الخوي بغلطته
البطن والفرج ولسانه صايمين=ويراقب الله في عَلَنْه وخلوتَه
بالحق يَصدح لايهاب ولايلين=يميّز الباغي ويعلَم نيّتَه
والفتنه اللي أربثت بالعالمين=تبي الفهيم اللي يحدد وجهته
تهنا وتاه اللي لفونا تايهين=والتايه يتوّه دليل بتوهتَه
ربي طلبتك يانَصير المُبتَلين=اميّز الباطل واجنّب جيهته
وأكتُبني من التائبين الآيبين=والمصطفى أتبع خُطاه وسُنتَه
صلى الله وبارك عليه بكل حين=خير البريه من ينادي أمّتَه
ياجعلنا من حوضه من الشاربين=نفرح بترحيبه ونشرب حفنته
حنا بهالدنيا ضيوف مغادرين=وكلن نطر رقم العبور لرحلته



#فارس_الدبيان


 

قديم 18-12-2014   #23


الصورة الرمزية فارس الدبيان
فارس الدبيان متصل الآن

بيانات اضافيه [ + ]
 رقم العضوية : 3249
 تاريخ التسجيل :  13 - 05 - 2012
 أخر زيارة : 01-06-2015 (09:28)
 المشاركات : 117 [ + ]
 التقييم :  10
لوني المفضل : Cadetblue
افتراضي دور العله قبل لاتدور له علاج



جديدي لكم حبايبي
الخميس 2014/12/18 م

دور العله قبل لاتدور له علاج
دوّر العـــــلّه قبل لاتـــــــــدور لك علاج =لاتجيب المـــعرقه قبل لاتشري الاصيل
أشعِل لظُلمات وقتك من افكارك سِراج=وابتســــم ويصير كوخ الالم قصرٍ جميل
يــــــوم كثرت في زمنّا عباره "إحتجاج"=إعلم انّا بالحضيض وكبير القـــــوم ذيل
في زمــان الضعف نبلش قراح الا أُجاج=نترك الســـامي ونبعد ونرضى بالقليل
اختلف صُلب المفاهيم في غبّه عجاج=واختلف تصنيفنا بيــــــن عج وبين ليل
رُقــــعه التبرير اصغر من وساع الفجاج=والمـــواقف طيّحت هالقناع من الذليل
زخرفوا لك جُرعه الذل في شذرات تاج=وملّكـــوك عروش ذُلك وفي ظنّك نَبيل
يــوم كانت خيلنا تُكسِب الدّرب ارتجاج=كان جهل الغرب ياخذ من اجدادك سبيل
ويـــــــوم ضيّعنا الديانه غدينا كـ النعاج=كل من جــــانا هنشنا بلا حيله وحيل
ريشـــــنا قرب يصف كثر ماناكل دجاج=انحدارٍ يكسبه جـيل من نكسات جيل
تقنيتهم ضيعــــتنا وســــــووا له رواج=ومصنع الافكـــار صفّى خويطٍ لا حُبيل
لاطمـــوح ولا هـدف لا عدال ولا عواج=دخّــــلونا بعالم الافتـراض بدرب سيل
نكفر ونطلب مــن الله سـريع الانفراج=ومن قطع حبله مع الله ينُصًر مستحيل
صاحبي والسّيف مايضعف من الاعوجاج=دام هالمــــعدن اصيل ويهاوز به اصيل
لا اعتصمتوا ماغزى الحوثي لقريه دماج=ولا نعَــت صنعاء لدرعاء وبـونمر لبوليل
ولا غـــدى بلادي لسياره الفتنه كراج=ولاغــــدينا لعبهٍ بين طمّـــــاع وهبيل
مهرتي والليل اقوى من انوار السراج=لملــميني حدّن البرد والعاشق ذليل
سَعـــدي وغيي وكيف وسر الابتهاج=مرجحيني بين جفنك وهالرمش الضليل
غيثي الملهوف من صوتك ليا الفكر ضاج=لين تُودي زبده الفِكر من هاك الصّميل
مشـــكلتنا دايــــــم ندوّر انواع العلاج=قبل لانــدري وش العله ومنهو العليل




#فارس_الدبيان


 

قديم 27-05-2015   #24


الصورة الرمزية فارس الدبيان
فارس الدبيان متصل الآن

بيانات اضافيه [ + ]
 رقم العضوية : 3249
 تاريخ التسجيل :  13 - 05 - 2012
 أخر زيارة : 01-06-2015 (09:28)
 المشاركات : 117 [ + ]
 التقييم :  10
لوني المفضل : Cadetblue
افتراضي ضلعان حايل جديدي





اهداء لعمي قريش الدبيان ابو مازن


الشوق شاطئ والغريب السفينه
والموج دورات الزمن والحصايل

بعض البشر يزرع هموم وغبينه
والبعض مثل الجوز عوده تمايل

يسج بي واسجّ وانشدك وينه
والشوق مثل الرمل لامن تهايل

سريت مثل الطير شرق المدينه
ولا انتبهت الا بضلعان حايل

يسوق بي شوقي وانا عند عينه
كلما نخاني قلت جتك الجزايل

من دور حاتم والصخى كاسبينه
ماهي علومٍ لصمقت بالمثايل

به ترجهن النفس لوهي حزينه
وله يسفهل الشعر قول وفعايل

وجدي تعدّى طيب جبّه ولينه
يمّ الجزيره بوصلتنا تخايل

ياقريش دمعي لو يحشمن أهينه
ماهوب عيب ان حدّر الدمع سايل

لاتحسب ان الحال بالبعد زينه
لو إن جيبي بالريالات مايل

أنت السّعد لظروف وقتي خزينه
وانت السند يوم المعفنة تحايل

وانت الوفي لاباع كلٍ عوينه
وانت الذَّهَب لاسولفوا بالحمايل

تصبر على بلواك لو هي سمينه
مثل الجمل تبرك لشيل الثقايل

وانا حصوني من رباتك حصينه
حاشم لساني عن هروجٍ نقايل

ولاني اللي سارحٍ في بطينه
من مجلس لمجلس علومه هزايل

ماشلت في صدري حقودٍ دفينه
ولأقول قولٍ غير بالفعل طايل

لاصار ماضرب الفتى من يمينه
بنعاف لو قالو كبير الجمايل

العين ترجي شوفكم يا ظنينه
والظرف بإذن الله مقفّي وزايل

إربط حزامك بالولي واستعينه
ولايقحم الميدان كود الاصايل

وانا الغريب ووجد روحي سفينه
والموج عاتي والظروف الحصايل

#‏فارس_الدبيان


 

قديم 27-05-2015   #25


الصورة الرمزية فارس الدبيان
فارس الدبيان متصل الآن

بيانات اضافيه [ + ]
 رقم العضوية : 3249
 تاريخ التسجيل :  13 - 05 - 2012
 أخر زيارة : 01-06-2015 (09:28)
 المشاركات : 117 [ + ]
 التقييم :  10
لوني المفضل : Cadetblue
افتراضي الى الحبيب الغائب ( الوطن والام ) جديدي



ل الحبيب الغائب ( الوطن والأم )


أسرق اللحظات من حينٍ لحين
وأختلـــس ومضه حنين وأذكرك

صرت ادق البــــاب متخيّل تجين
وأشعل الشمعات شوق وأنطرك

واتنهّد وأكتــــــم بصمتي أنين
وآتخيّل طـــلّتك واتصــــــــورك

يشرق الواقع بشمسه ع الجبين
وأخفي عيوني بطيـــفك وآذخرك

أربـــع سنين انتظر وانا حزين
كل يوم آجـــددك ثم آسهرك

وأتـــــأمل بالفناجــيل الثنين
وآنشده متى حبيبي يقدرك

وتتطاير مــن عيوني كلمتين
خلّي الغايب حنيني زمجرك

ليتني طيـــرٍ يجيك بخفقتين
وليتني ديمه تجيك وتمطرك

ي الحضين الدافئ الدر الأمين
غــــرت وانا اخــــمّك واتعطرك

تظلم الدنيا علي لو تألمين
ودي أدفن من رماك وعوّرك

تضحك الدنيا معي لو تضحكين
ربّعت كل الشهور بمظـــهرك

ان تشيعتي مع ربع الحسين
اتشـــــــــيع لك وأقوم اطبّرك

وان غزوك وكفـروك ب فتوتين
أكفـــر بدين الغُزاه ولا اهجرك

لأنك الطّاهر على سُنٌه ودين
من رمـــاك بإفك ناوي يظفرك

الغـــرام اللـي بعشّاقك دفين
كــــــل ليلى بالوجود بإظفرك

تكبـــرين وتذهلين وتسحرين
ويكبر لعينك قصــيدي وأكبرك

ما أخونك حتى لو لي تظلمين
رغـــم قسوتك وهَوانك بعذرك

لملميني وانثـــريني وإجمعين
لأجل أضمك واجمعك ثم انثرك

في حنـــايا الروح دارٍ تسكنين
خلــــف قضبان الضلوع مدثرك

إيه أحــــبك حب عارم كل حين
واختلس ومضه حنين وأذكرك

#‏فارس_الدبيان


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:24


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام