ديوان الشاعر / أحمد الجريفاني

عزآه من قلبٍ!!!

	عزاه من قلبٍ تلوعه شجونـه=من ما حصل له ذابلاتٍ جفونه عاشق يلملم عبرته كل مـا أضحـى=ولا جاء المساء همه تعدى متونه خِلّه نكر به عقب ما ذاق طيبه=خلاه يبكي دم واسهر عيونه مغبون منهوا يسهر الليـل كله=يخلص بحبه والمقابـل يخونـه يبنون قصر الحب بأول هواهم=ومن عقب باكر قصرهم يهدمونـه ما يودع دموع المحبين تجـري=على الخدود وليلهـم يسهرونـه إلا على شان الوفاء خوف منهـم=يموت بقلـوب الـذي يزرعونـه الدمع يعطيه الأمل والتوجٍد=يرعاه كنه حامله وسـط نونـه لكن حرام يقال تسهـر وتبكي =ومسهّرك يكذب على من يصونه اللي يعرفون الغلا ويش قدره=يبنون قصر الحب ثـم يحمونـه

الى الغالي ( صالح الغازي) اطال الله في عمره

	يا صالح الغازي عسى الله يخليك=عسى الولي يبطي لنا في سنينك من عرفتي لك معجبتني مباديك=وافي سنافي قرم حافظ لدينك متواضعٍ خيٍر وبيضٍ اياديك=تصرف يمينك ما تحوشه يمينك الجود نوًخ بكرته في صيانيك=يا مقري الضيفان غالي سمينك والطيب يستانس ليا حل طاريك=حيثك شبيهٍ له ويفهم رطينك ضيفك معزٍب جعل مولاك يبقيك=على الكرم يا مسندي فاطمينك سلْم (الحسيني) يا الغلى راسخٍ فيك=لو مانت منهم قلت انا جاذبينك ماهي غريبه كل الاجناس تغليك=اغلوك من عطفك ولطفك ولينك حلوه طباعك والله اللي محليك=مالوم عذالك ولا حاسدينك يوم انهم غاروا منك جعلي افديك=ابعذرهم ما شافوا احدٍ وزينك ونًست يا صالح رجالٍ حواليك=وعنادلٍ وده تقبٍل جبينك على (النشاما) يابو غازي نهنيك=اصبح (علم ) واللي صنعته يدينك