آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 12-10-2007   #1


الصورة الرمزية بدر الشـمري
بدر الشـمري متصل الآن

بيانات اضافيه [ + ]
 رقم العضوية : 604
 تاريخ التسجيل :  22 - 05 - 2007
 أخر زيارة : 24-03-2008 (12:28)
 المشاركات : 899 [ + ]
 التقييم :  10
لوني المفضل : Cadetblue
افتراضي اعياد .. بغداد .. وكابل .. وغزهـ







ياعـيد سـولف لي عن اعياد (بغداد) = واعياد (كابل)كيف واعياد (غزّهـ)
كيف الزمن سوى مع احفاد الأسياد = وكيف امة(ن)سادة كذا ضاع عزّهـ ؟
تزداد ضعف وذل مـع زود الأعـداد = اموات.. شوف الدم مايستفزّهـ !!
اعراضنا تنـداس وتمـزق اجـساد = اطـفالنـا قـدامنـا... كـل حـزّهـ
واخواننا بالدين والعرق..تنباد ! =ياحيف.. حتى روسنا مانهزّهـ !!
صرنـا كما الأنـعام صـدّر ووراد = مـاهـمنا الا ضرب عـنبر ومـزّهـ !!
وودايع(ن) تكبر على سرق الأجواد = ومن كثـرت امـواله كبر صار رزّهـ
ونرقص ورى هيفا ودالي ونزداد = فخر اننا شعب(ن) تراقص لوزّهـ
يمكن نحاول بالطرب نبني امجاد = مجد(ن)هزيل(ن)طايح قبل كزّهـ
وبسم التـقدم نارد احواض الأوغاد = ونشرب.. لو ان نفوسنا مشمئـزّهـ
وياعيد لو نضحك ولو نلبس جداد = مالك مثـل مـاكنت يـاعيد...فـزّهـ
وسلم لنا تكفى على اطراف بغداد = وانقل معاذيري لكابل وغزّهـ




 

قديم 30-10-2007   #2


الصورة الرمزية بدر الشـمري
بدر الشـمري متصل الآن

بيانات اضافيه [ + ]
 رقم العضوية : 604
 تاريخ التسجيل :  22 - 05 - 2007
 أخر زيارة : 24-03-2008 (12:28)
 المشاركات : 899 [ + ]
 التقييم :  10
لوني المفضل : Cadetblue
افتراضي ديوان الشاعر بدر الشمري





دمع الفرح يـ (غير) ذا الدمع وإلّا = دمعة اسى والآم وهموم يـ (غير)
يـ (غير ) والله فيني الصبر ملّا= دمعك يدمر حاجز الصبر ..تدمير
قولي وش الأسباب تكفين .. هلّا= ابغى الحقيقه ليش ..ماريد تبرير
قولي وانا بـ اقول ..ليت ولعـلَّ=ميكون خلف الدمع من بدر تقصير
اخاف طيفي لو بالأحلام ..زلّا= بالنوم جاء ماقال لك يامساء الخير
ورحل وظنيتيه عنّك ... تخلّا=والطير مخدم ..بس من طيّر الطير
او جاك واشي للظروف استغلّا= واشعل فتيل الشك بك نافخ الكير
حلف خبيث الطبع لك واستدلّا= بعلوم سطرها بكذب(ن) وتزوير
بِلا كلل يعمل.. لفرقاء الأخلّا= يبيع عمره لجل يفسد هوى الغير
وقال ان جايز في سماء بدر حلّا= نجم(ن) جديد وغيبتك المقادير
اصلاً من اول كان ..فيك ايتسلّا= ويخدرك في حالي الهرج تخدير
واقول انا يـ (غير) حاشا وكلّا = يهون عمري ماتهونين يـ (غير)
يــ (غير)لك بأقصى الضماير محلّا= وحدك سكنتيني وغيرك مسايير
وحياة من فوق الخلااايق ..تعلّا= مافـكر بغيرك ولو بس تفكير
ببقى معك عن حارق الشمس ظلّا=واحميك انا عن لسعة البرد واجير
واحضنْك ياما دمع عينك ..يبلّا= روض الغلا فيني وينبت معاذير
وبالقلب نامي ..يابعد كل خلّا = نامي قريرة عين من دون تفكير




 

قديم 12-11-2007   #3


الصورة الرمزية بدر الشـمري
بدر الشـمري متصل الآن

بيانات اضافيه [ + ]
 رقم العضوية : 604
 تاريخ التسجيل :  22 - 05 - 2007
 أخر زيارة : 24-03-2008 (12:28)
 المشاركات : 899 [ + ]
 التقييم :  10
لوني المفضل : Cadetblue
افتراضي ديوان الشاعر بدر الشمري








ياحي جيت ازعلك لحظه واراضيك = الله يابعد الزعل لحظة رضاك
اشعلك واطفي واهج(ن)يشتعل فيك = اطفي الزعل بك واشعل الشوق جوّاك
واذا انتثر دمع العتب فوق خديك = وانساب لين يحل ضيف(ن)على شفاك
والأبتسامه خالطت دمع عينيك = ياكن دمع العين جاك ايـ (ترجّاك)
غالي منك وقّف على غالي(ن)فيك=وصار العطاء مدري منك او هو اعطاك
وفي صمت كفك عانقت كف غاليك = وكن الخلايا تعتذر من خلاياك
الملمك واجمع شتاتك واخليك = تنسى الخطاء منّي وانا انسى خطاياك
تقرب وانا اقرب تحتويني وانا احويك = لين انت تسكني وانا اسكن ثناياك
يمناي من تحتك والأخرى تغطيك = وانا بعد تحت ايمنك فوق يسراك
في همس تحكي لي وفي همس احاكيك = تسأل واجاوب وأسألك واتحراك
وتقول انا مبكي منك لكن ابكيك = اخاف من صدّك وهجرك وفرقاك
واقول لك معقوله اقفي واخليك = وانساك لاواللي من الطين سوّاك
تشهق وتضحك لي وتقرب وانا اجيك =حتى ضلوعي تلتحم مع حناياك
ومابين يدّيني وانا بين اياديك = نرقى سوى نعبر مدارات وافلاك
ونرحل بحاضرنا لماضي لياليك = ونبقى معـاً ماغير انا بس وايّاك
وتقول لي ياحي ازعل وابرضيك = الله يابعد الزعل لحظة رضاك





 

قديم 12-12-2007   #4


الصورة الرمزية بدر الشـمري
بدر الشـمري متصل الآن

بيانات اضافيه [ + ]
 رقم العضوية : 604
 تاريخ التسجيل :  22 - 05 - 2007
 أخر زيارة : 24-03-2008 (12:28)
 المشاركات : 899 [ + ]
 التقييم :  10
لوني المفضل : Cadetblue
افتراضي اقرب من الحرف وابعد من زحل !! رساله للغائب







اذكرك ياعزوتي وابكي عليك = والوله عدى على اسوار الخجل
كل يوم اجلس على الدرب احتريك = وانتظر يشرق سناك ولاحصل
كان غيري باع قلبي مشتريك = انت وحدك بس للخافق ( امل )
عود لي ارجوووك يرحم والديك = الغصن سهل انكساره لاذبل..
ادري انك تدري اني ذبت فيك = وتدري ان الكون من دونك ملل
وادري انك تدري اني يوم اجيك = كنت بردااااان اطلبك دافي وصل
وادري انه من قبل هذي وذيك = تدري اني للمواع مـ احتمل
طالبك لقفيت لاترفع يديك = واسألك بالله لاراح الزعل
اذكرن لاضاقت الدنيا عليك = نادني لأحتجت واجيك بـ عجل
لونساك الكل قلبي مانسيك = ياقرب من الحرف وابعد من زحل



12 /12 / 2007



 

قديم 29-12-2007   #5


الصورة الرمزية بدر الشـمري
بدر الشـمري متصل الآن

بيانات اضافيه [ + ]
 رقم العضوية : 604
 تاريخ التسجيل :  22 - 05 - 2007
 أخر زيارة : 24-03-2008 (12:28)
 المشاركات : 899 [ + ]
 التقييم :  10
لوني المفضل : Cadetblue
افتراضي 2








كل حلم وله نهايه وكل مجد وله ضريبه = وكل دوله له زمان وكل نجم وله مغيب
لاتظنك شيء ثابت انت في دنيا غريبه = والصراحه مو غريبه انت الي فيها غريب
كنت اظنك تفهم انه كل شخص وله نصيبه= يعني مهما كنت بلوى ماتطول الا النصيب
لو تحايل منت طايل من وراه الا الغليبه= والندم محصول حول من التحايل ياللبيب
لو تسمى في رجالٍ عز منهو يعتزي به= لاتظنه صار كافي قولتٍ ساسي عريب
النبيذ ام الخبايث كان في اصله زبيبه =شوف عاد شصار منهو كان في اصله زبيب
إفهم ان الطيب مطلب والرجل يرقى بطيبه= والمنافق شخص فاسق خايب وفعله يخيب
وإن قول الصدق يعني للرجل قدرٍ وهيبه = و الكذب خصله تعيبك عيب ماهو اي عيب
وفي النهايه كلمتين اقولها لك وانتهي به = بختمه مني نصيحه علها تلقى مجيب
لاتقول اني فعلت و خل فعلك ينحكي به =ولجل تكسب ود غيرك كن مع غيرك اديب





 

قديم 21-01-2008   #6


الصورة الرمزية بدر الشـمري
بدر الشـمري متصل الآن

بيانات اضافيه [ + ]
 رقم العضوية : 604
 تاريخ التسجيل :  22 - 05 - 2007
 أخر زيارة : 24-03-2008 (12:28)
 المشاركات : 899 [ + ]
 التقييم :  10
لوني المفضل : Cadetblue
افتراضي





صباحي نعيم دام وانتم صباح العار = ومسائي مساء العدل وانتم مسا التزوير
وداعٍ حداه البرد واظلم سماه غبار = بيومٍ يتيه الجووود في عجة التطوير
في عام به تنورنا بالسبايك فار = بعهد الرخا والحب والمجد والتعمير
بساعات خوف ورعب مع حزّة الأسحار =رياح الشمال اللي معه مثل ريش الطير
تعاوى ليا لامس هبوبه ركون الدار =صفايح حديدٍ صار مايسنده تسمير
لفتنا ولابتنا صغار احتموا بكبار = وطتنا وضامتنا ولابيدنا تدبير
تخرق رقيق الجلد قدامها وانهار = كيانٍ هزمه اللي من اول فتك بالعير
وبين تهليل كبار خالط نحيب صغار = انا كان موتي عار ما يستره تقرير
قولوا كما يحلو لكم حرفوا ماصار = وابكوا بدمع الكذب وارضوا عيون الغير
شالفايده لو صرت عنوان بالأخبار = سوى كان موتي برد والا خطاء تخدير
محمد رسول الله اوصى بسابع جار = وانا بينكم ضاعت بدربي كفوف الخير





 

قديم 27-01-2008   #7


الصورة الرمزية بدر الشـمري
بدر الشـمري متصل الآن

بيانات اضافيه [ + ]
 رقم العضوية : 604
 تاريخ التسجيل :  22 - 05 - 2007
 أخر زيارة : 24-03-2008 (12:28)
 المشاركات : 899 [ + ]
 التقييم :  10
لوني المفضل : Cadetblue
افتراضي





فمان الله يامن لك ركع قلبي غرام وشوق =فمان الله يامنبع جمال الكون والرِّقه
فمان الله ياكل الحسن والذوق والمنطوق=فمان الله يالترتيب والتهذيب والدِّقّه
فمان الله خوذيها بصوت العاشق المخنوق=فمان الله تطعنّي تنول القلب وتشقّه
فمان الله تحرقني وتذبل بالضمير عروق=فمان الله منه امسي كما عود ولده عقّه
فمان الله ياااااويلي كذا مخلووق عن مخلوق=تفرقهم ومن يكره فمان الله من حقّه
اصد /اقفي /وادنق /وابتسم كذبه وانا محروق=وتلاشى هيبتي من عبرةٍ بالصدر له طقّه
وازفه ونةٍ ترعب ولاااا حنة خلوووج النوق= صداها لارتطم بأسوار صبر المنكوي دقّه
وعلى خدّي سقط دمعٍ ابى لايحتويه الموق =كما دمعة يتيم ضيم زوج الوااالده طقّه
ولكن دامها ضاقت علي برفع يديني فوق =وانته هم بعد مثلي يدينك للولي لقّه
وندعي واحدٍ عادل وعنده ماتضيع حقوق =يشوف ويعرف الأيام شعطتنا وإشبقّه
ويدري ان الـ [فمان الله ] للعاشق وللمعشوق= تعذب دون ذنب قلوووب من للعطف محتقّه






 

قديم 07-02-2008   #8


الصورة الرمزية بدر الشـمري
بدر الشـمري متصل الآن

بيانات اضافيه [ + ]
 رقم العضوية : 604
 تاريخ التسجيل :  22 - 05 - 2007
 أخر زيارة : 24-03-2008 (12:28)
 المشاركات : 899 [ + ]
 التقييم :  10
لوني المفضل : Cadetblue
افتراضي






هنا وقّف نهاية درب بدر ياهوووه ماينذل =هنا دقق حساباتك وعطني ناتجك يالله
هنا حاول تميّز صح شوف اش يجهلك واسأل =هنا بعطيك قيمة [س]واحسْب الـ [ص]واحلّه
هنا بعلمك اوزان للـ [فاعل ومستفعل]=هنا بنشوف كيف الأرض غطّا هالقمر ظلّه
هنا بوقف واوضح لك بفعلي كل ماتجهل =هنا بشرح لك المجهول بالمعنى وبالعلّه
هنا بفهّمك انّي متى ماقلت شي افعل =والى منّي نويت اسري اعرف الدرب وادلّه
عزيز آطا على الرمضاء ولا اقبل في هوان الظل =تهون انت ومعك شرواك بس النفس ماذلّه
انا ماشوفني فايز اذا ماكنت انا الأول =ولاني بالطمان ارضى لزوم القمه اوصلّه
انا يـ [انزل]قفر خالي لحالي بس يـ [منزل]=يإما يكون لي كلّه يإما افارقه كلّه
انا مقبل كثير افعااال لو غيري بها يقبل =واذا الخايب يطوفها انا ماطوّفه لله
ولا اسأل عن نتايجها ويزعل من بغى يزعل=ادققها وافرقها واميّز دقّه وّجلّه
متى مخطيت اقول اوقف ويحصل ايش مايحصل=مدام اخطيت متعمّد بوقفلك على الزّله




7 / 2 / 2008




 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:45


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام