آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 24-09-2009   #1


الصورة الرمزية بشير اللويش
بشير اللويش متصل الآن

بيانات اضافيه [ + ]
 رقم العضوية : 1747
 تاريخ التسجيل :  18 - 09 - 2009
 أخر زيارة : 27-09-2012 (05:03)
 المشاركات : 295 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي ديوان الشاعر / بشير اللويش







،،،


،،



...


..

فرحة وطن .. في اليوم الوطني !!!

ذكرى سعيده واسعد ايامنا اليوم=وافراح شعب المملكة مالها حد
من عهد ابوتركي رجاجيل وقروم=ولعهد ابومتعب به الجود والجد
يالله عساها تدوم وتدوم وتدوم=فرحة وطن في يوم مضمونه يعد
قصة كفاح الخير هتـّان وغيوم=هلـّت على ارض ٍ بها الاب والجد
كانوا بدو .. رحـّل معاناة وهموم=كانوا شتات وكانوا الضد والضد
صاروا جماعه كلها قلب وعزوم=دوله سعوديّه .. ويد ٍ على يد ٍ
صرنا حضارة فعل ماكان مرسوم=نفخر بها بالامس واليوم والغد
تحكي علاقه بين حاكم ومحكوم=فيها الولاء والصدق مقرون بالود
ذكرى جميله واجمل ايامنا اليوم=وافراحنا بالمملكه مالها حد


الراسي .. بشير اللويش


 
 توقيع : بشير اللويش



قديم 03-04-2012   #2


الصورة الرمزية بشير اللويش
بشير اللويش متصل الآن

بيانات اضافيه [ + ]
 رقم العضوية : 1747
 تاريخ التسجيل :  18 - 09 - 2009
 أخر زيارة : 27-09-2012 (05:03)
 المشاركات : 295 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي ذكرى الملهمه



من البعد يم النشامى جيت
والطيب بيّن فعنوانه
يا عزوتي شامخين الصيت
الروح للدار ولهانه

وها انا جيت مجالسكم وكلي أمل ان يحوز طرحي على اعجابكم
مع تحية خاصة لأخي العزيز ابو غازي وعذرا على الانقطاع للظروف الخاصة

،،،
،،

ذكرى الملهمه !!!

أخشى مع الايام تدله وتنسان=وانا الذي ما يوم رحت ونسيتك
حتى ولو حالت مسافات واوطان=( تركت كل الناس لا جلك وجيتك )
في دنيتي ما فيه غيرك ولا انسان=انت الوحيد اللي حياتي عطيتك
قلب ٍ سكنته ما به أيـّاة سكان=قبلك ولا بعدك وهـالبيت بيتك
يحق لك لا صرت بالعرش سلطان=تامر وتنهى فيه كلـّي فديتك
عهد ٍ علي والله لو كان ما كان=ما أتركك والله يوم ٍ لقيتك
الهامي النابض باحاسيس وجدان=بوحي تفجر جم مهما رويتك
واقع مع الاشعار ورده فـــ بستان=صدري .. وفي اقواس صدري حميتك
مشاعرٍ ترجح على كل ميزان=يا قمـّة الدنيا وحيـّك وميتك
تكفى طلبتك لا يجي يوم تنسان=( يكفي تركت الناس لا جلك وجيتك )


بشـير اللـويـش




 
 توقيع : بشير اللويش



قديم 06-04-2012   #3


الصورة الرمزية بشير اللويش
بشير اللويش متصل الآن

بيانات اضافيه [ + ]
 رقم العضوية : 1747
 تاريخ التسجيل :  18 - 09 - 2009
 أخر زيارة : 27-09-2012 (05:03)
 المشاركات : 295 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي جرح الهوى



،،،
،،
،

جرح الهوى !!!

بعض الجروح تعيش يوم ٍ وليله=وجرح الهوى نزفه على طول الايام
خلّ ٍ تعنـّى والخساره خليله=بعد الهقاوي والاماني والاحلام
تبشـّري بي يالهموم الجليله=تشتتي في دنيتي حرب واجرام
باصبر على جيش الليالي وخيله=ولا تهمني سود النوايا والاقزام
الشمّري لا ما يهاب الثقيله=يشيلها ويمشي على الموت قدّام
يكفي(بعد حيّي) علامه اصيله=للشمري تبقى على صدره وسام




بشير اللويش ،، ابو سلطان


 
 توقيع : بشير اللويش



قديم 08-04-2012   #4


الصورة الرمزية بشير اللويش
بشير اللويش متصل الآن

بيانات اضافيه [ + ]
 رقم العضوية : 1747
 تاريخ التسجيل :  18 - 09 - 2009
 أخر زيارة : 27-09-2012 (05:03)
 المشاركات : 295 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي العالم الثالث



" العالم الثالث "

"""
""
"

من جديدي .... عل ان يحوز على ذائقتكم الفذّه

،،


العالم الثالث !!!

بشويش ياهل الكاش تكفون بشويش=ما فيه داعي للخطا والدفاشه
العالم الثالث منزّه عن الطيش=لو خطّط الهامور يلقط عراشه
عيشة غلابا والغلابا دراويش=في عين منهو ما تحرّا معاشه
رجّالنا يتعب على لقمة العيش=من طنخته كنـّه على الخلق باشه
حرّ ٍ على الجزلات لا ستـّل الريش=تلقى الحمر بالقاع بيّن طشاشه
على النقا لا ما يسوق البخاشيش=طلق اليمين وفي جبينه بشاشه
في واقعه مؤمن ولا يسأله ليش=يوم ان ولد اللاش فيه اندهاشه
ما يدري ان الوقت رحلة مطاريش=ولا بد ما يوم ٍ يقفـّط فراشه


بشير اللويش 15/5/1433هـ


 
 توقيع : بشير اللويش



قديم 11-04-2012   #5


الصورة الرمزية بشير اللويش
بشير اللويش متصل الآن

بيانات اضافيه [ + ]
 رقم العضوية : 1747
 تاريخ التسجيل :  18 - 09 - 2009
 أخر زيارة : 27-09-2012 (05:03)
 المشاركات : 295 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي شموخ الشمري



تحيه طيبه ... لعيونك يا ابو غازي ولا يهونون اعضاء نشامى شمر

قصيدة موقف ... رداً على من تطاول بكلامه

خاصه لنشامى شمر .... وكل القبايل حقها فوق راسي

،،،
،،
،


شموخ الشمري !!!

تبطي عظم يا ناقص العرف والفود=الشمري شامخ من اول وتالي
تبطي عظم لا ولّع الملح بارود=الشمري يصفي له المر حالي
من خلقته زايد ومن زود في زود=مهما عليت ،، الشمري فوق عالي
في نظرته ماله مسافات وحدود=لا هجرس الهاجوس صدره شمالي
ان قال يفعل وان فعل عنده شهود=شم الجبال الراسيات الثقالي
ما يهمّه اللي بدّل البيض بالسود=شرواك تاريخه من العز خالي
لا لا تحكحك بالزمل وانت مفرود=خذها نصيحه وافهمن يا حلالي



بشير اللويش ... ابو سلطان


 
 توقيع : بشير اللويش



قديم 19-04-2012   #6


الصورة الرمزية بشير اللويش
بشير اللويش متصل الآن

بيانات اضافيه [ + ]
 رقم العضوية : 1747
 تاريخ التسجيل :  18 - 09 - 2009
 أخر زيارة : 27-09-2012 (05:03)
 المشاركات : 295 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي النقطة الجوهرية



(1) مدخل



سرّيت قلبي .. وطال الليل فبعادك

خليتني ساهر ٍ بالليل وحداني



أرقب وصولك واحسّب وقت ميعادك

متى تجيني وتطرد عنـّي احزاني ؟



دامك حكمت الخفوق واصبح بلادك

ما فيه داعي تبعّدني وتنساني


(2)



النقطه الجوهريه

،،

،
النقطة الجوهرية !!!

الطرقه اللي سطـّرتها الدواوين=مثل البياض ،،، بوبـْلها حاتميّه
اروت جفاف عروق قلب وشرايين=بعد الظما والجوع والمهـْمهيّه
قسوة ضلوع ٍ بعض شدّاتها لين=والذيب يقنب في صباح وعشيّه
ما بين حلم ،، وانتباهاته ،، وبين=صحوة عروق ٍ لو غفتبي نديّه
صار الصدر بستان ورد ورياحين=بالوصف .. كنـّه روضة ٍ بابليّه
ينبض بها الخفـّاق طلق الحجاجين=معها الشعر ينطق : ( بيالله حيّه )
قلبي وقدمـّته من اوّل .. وهلحين=تتبعه روحي في طريقه هديّه
شيك ٍ مجيّر في رصيده ملايين=تكفي ملامح هــالصباح الطريّه
لعيون من تامر على القلب والعين=( وحده وتسوى في عيوني بريّه )
يالملهمه ... اهلاّ .. هلابك وسهلين=تربـّعي ... بالشعر والابجديّه
تطمـّني ما فيه غيرك مقيمين=ياللي أقمـْتك .. لين صرتي هويّه
تبختري من وين مارحتي لوين=وحقـّك علي انـّي اصون الوصيّه
طفل البراءه في رياض البساتين=تبقى حياته في حياتي هنيـّه
متيقنه منـّي .. ولاضن تنسين=بشير ،، ما يمشي دروب الرديّه
الوجه واحد ما وطى دربه الشين=سجيـّة ٍ يا حيـّها من سجيّه
ورث ٍ ورثته من قروم ٍ مسمّين=وقت العزاوي عزوتي شمـّريّه
للود .. والاحساس .. والورد والتين=قمـّة شعوري نقطة ٍ جوهريّه
لو سولفوا .. أو طعـّنوا بالسكاكين=ماني بزبون اللي تقفـّى خويّه
متوكل ٍ بالله على العسر واللين=ولاخاب منهو يقتدي في نبيّه






(3)



وداعيه

ستبقين الحياة ما حييت ..



بشير اللويش .. الراسي


 
 توقيع : بشير اللويش



قديم 01-05-2012   #7


الصورة الرمزية بشير اللويش
بشير اللويش متصل الآن

بيانات اضافيه [ + ]
 رقم العضوية : 1747
 تاريخ التسجيل :  18 - 09 - 2009
 أخر زيارة : 27-09-2012 (05:03)
 المشاركات : 295 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي طنـخـة الـشـمـري !!




،،
،

طنحة الشمري

رداً على من انتقدني بسبب فزعتي لأحد أبناء قبيلتي شمر الغالية لوقوعه بموقف حرج؛
وكأنه لا يعلم بأن الطنخه شي طبيعي بالدم الشمري (من غير قاصر بعيال الحمايل والقبايل الاخرى)

،،،
،،
،



طنـخـة الـشـمـري !! !!!

صبري تنهـّد بالالم وضلوع صدري كالحطب=اخشى عليها تنكسر وآضيق من حطـّابته
مجهم عبوس وساعته قامت تقطـّع بي غضب=شابت عقاربها معي والقلب فيها كابته
للطنخه اللي تنتخي للشمري لادنى سبب=ضاع السؤال بواقع ٍ يفرض علي اجابته
ماهي بلحية عدّها يبغى لها فتلة شنب=انا لها وقت الجلل يوم المقادم هابته
اضرب على الموت الحمر ما همّني منهو ضرب=اكسن على درب الخطر وعزوم حيلي ثابته
ماهو بهروب ولا عذر والقرم مثلي مايهرب=دام الطنايا لابتي ،، يا عز منهم لابته
يوم ان بعض الناس في وضعه معَ من غلب=حنـّا لفنجال العنا سوقوه يا صبّابته
تشهد مواقف ناصعه فيها خذينا اعلى الرتب=وكل القبايل حقّها محفوظ ياكتّابته
لعبة كراسي وقتها يمشي شوي وينقلب=غصب ٍ على من دارها وغصب ٍ على عصابته
في فوضوية عالم ٍ مستاء من وقت ٍ كذب=ضاعت معاريف الفضا وضاقت بهم رحابته
لو لعثم المنفا كلام الحق فكـّاك النشب=الحر حرّ ٍ لا شلع ،، والا بقى فمركابته
لا بد ما يهب الشمال وينجلي كل التعب=يروق قلب ٍ في ضلوع الصدر مبطي كابته



بشير اللويش ... ابو سلطان



 
 توقيع : بشير اللويش



قديم 14-05-2012   #8


الصورة الرمزية بشير اللويش
بشير اللويش متصل الآن

بيانات اضافيه [ + ]
 رقم العضوية : 1747
 تاريخ التسجيل :  18 - 09 - 2009
 أخر زيارة : 27-09-2012 (05:03)
 المشاركات : 295 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي ايه بـدوي !!!



مدخل /

الصيف قرّب وانا مشتاق

لاقصى الحدود الشمالية

الحظ لامن غدا منعاق

ما طيق هالجو موليه


،،
،

من يعرفني يعلم بأني افخر بأني (بدوي) ولا انادي من اعز الا بقول ( يا بدوي)
وذات يوم أتاني من يقول لي (يا بدوي) معتقداً ان هالكلمه (معياره) .. ما يدري انها فخر ونوماس

... شكرا له فقد حرك القريحه قليلاً.

اقبلوها كما هي .. عل ان ترتقي لذائقتكم.



...
..
ايه بـدوي !!!

ايه بدوي والبدو فيهم رجاجيل=نبع الاصاله شيحها مع نفلها
ايه بدوي لا تحط بالهرج وتشيل=ثمّن خطايا كلمتك واختزلها
اصلي شمالي ما ابي اي تأصيل=يكفيك في حايل علامة جبلها
الشمري عدّا على هامة سهيل=في منزله ما غيره احدٍ نزلها
من غير قاصر بالقبايل وتقليل=لا بد مالديره تصوّت لاهلها
مالي ومال الحاضره والمواويل=مالي بها حاجه ولاتبع مللها
آله على خوّة رجال ٍ مشاكيل=اللّي خواطرهم على الطيب ولها
في خايع ٍ والكيف ،، نار ومعاميل=فنجالها شوق النشامى عملها
شمال من عذفا بهاكالمداهيل=شرق الرعن فرق الجلد عن سهلها
تطرق نظرك ولا تبي مد دربيل=جوّك ربيع ومخضر القاع يلها
مع غيمة ٍ تمشي لها شوي وتميل=بامر الولي قام يتنثّر هللها
لوحة خيال ولا تبي اي تشكيل=جول ٍ من الكدري مخالط حجلها
هذا اثر ارنب على مدرج السيل=وهذي حبارى والجرودي نتلها
وهذاك ذود ٍ فيه لمّة مخاليل=لا سمعت التدويه يرزم فحلها
هذي مناتي والاماني تخاييل=ابعد عن الديره وزحمة فللها
ملّيت من سيف البحر والبهاذيل=حدّتني الدنيا وانا باحتملها
يارب سهّل وضع الاجواد تسهيل=وعسى الليال السود تبرى عللها
""
"


مخرج /

والله لصبر واصبر اليوم بعناد
لو حاربت سود الليالي عنادي

ولا لد فكري لقول عاذل وحسّاد
امشي على ماريد راي السدادي

نفسي عزيزه دايم الدوم تزداد
وعلى النقا مخلوق شربي وزاي



بشير اللويش .. الراسي



 
 توقيع : بشير اللويش



قديم 18-05-2012   #9


الصورة الرمزية بشير اللويش
بشير اللويش متصل الآن

بيانات اضافيه [ + ]
 رقم العضوية : 1747
 تاريخ التسجيل :  18 - 09 - 2009
 أخر زيارة : 27-09-2012 (05:03)
 المشاركات : 295 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي رد ثناء (عنوان بيت القصيده) رداً على اختنا قمرا سماه



،،
،

تحيه للجميع دون تخصيص

كيبوردية لن تصل الى شموخ قصيدة اختنا قمرا سماه

التي غمرتنا بعذوبة شعرها في نص راقي جدا وأثنت على الجميع في هذه الوصلة:

http://www.nshama-shmr.net/vb/showthread.php?t=24405

عذري يسبق مشاركتي


..
.

رد ثناء (عنوان بيت القصيده) رداً على اختنا قمرا سماه !!!

للجود وقت وللشكاله مشاكيل=تبقى مئآثرهم جواهر فريده
وللبوح زفره كنّها درهمة خيل=قلبي زفرها وارهمت في وريده
ان شلتها سمرة شعور ومواويل=جامح خيال وبالجزاله عنيده
جتني تهادى غيمة ٍ كلها سيل=برقٍ سبقها والفواصل رعيده
هتّانها رشّه من الصبح لليل=ورد الثناء عنوان بيت القصيده
للشامخه بنت الرجال الحلاحيل=قمرا سماه وبالخطاوي سديده
ساقت مشاعر للنشامى فناجيل=وآنا على كيف النشامى أعيده
لاهبهب النسناس وشبّت قناديل=المعجزه ثارت على ما اريده
اصالةٍ عني من الجدي لسهيل=ونيابة ٍ عن كل قرم ووليده
شكري وتقديري ورود واكاليل=لاجلك غمرتينا فبصمة اكيده
قلته وانا بلويش والجد بزميل=والساس في زوبع وشمّر بديده


بشير اللويش ... ابو سلطان





 
 توقيع : بشير اللويش



قديم 03-06-2012   #10


الصورة الرمزية بشير اللويش
بشير اللويش متصل الآن

بيانات اضافيه [ + ]
 رقم العضوية : 1747
 تاريخ التسجيل :  18 - 09 - 2009
 أخر زيارة : 27-09-2012 (05:03)
 المشاركات : 295 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي سكـّة الغيـّاب



،،،
،،
،

مدخل

اصلي شمالي وان بغيت التفاصيل

عابر سبيل ومسقط الراس حايل

كيفي هواها والهوا شدّني حيل

اشيلها بوح ٍ من الشوق هايل

...
..

عذرا على الانقطاع بسبب انشغالي بالاختبارات وسفري لحايل

وشكرا لكل من سأل عنّي.
،،،
،،


" سـِكـّة الغيّـاب "

سكـّة الغيـّاب !!!

حاضر على شان المعزّه ولا غبت=وان غبت غصب وكلّ قرمٍ درابي
البعد قرّبني لذاتي وقرّبت=ديمومةٍ هلـّت شعر في كتابي
هتـّانها اروى ظما يابس النبت=حتى نما فكري بزهرة شبابي
تشهد ملامح سيرتي وان تغرّبت=تبقى المراجل والقصايد زهابي
في سـِكـّة الغيّاب مهما تعذّبت=اصبر واكافح وآتناسى عذابي
ولو قالوا العذ ّال عني تغيّبت=يكفي حضور اللي سأل عن غيابي
اصدق معه بالوقت ما قد تلاعبت=وصيّة الوالد على اللي هقابي
(لاتخيّب العاني ولاتندم إن طبت)=والطيب يبقى في عزيز الجنابي


بدون مخرج :)

بشير اللويش ... ابو سلطان


 
 توقيع : بشير اللويش



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:16


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام