آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 29-01-2010   #1


الصورة الرمزية عواد العلي
عواد العلي متصل الآن

بيانات اضافيه [ + ]
 رقم العضوية : 1062
 تاريخ التسجيل :  05 - 07 - 2008
 أخر زيارة : 29-06-2020 (04:42)
 المشاركات : 125 [ + ]
 التقييم :  10
 اوسمتي
درع التميز 
لوني المفضل : Cadetblue
افتراضي ديوان الشاعر / عواد العلي





السلام عليكم ورحمة الله وبركاته


دايم حظي مع الطيب ردي

لا دعيته حزة الواجب رقد

اولآ آسف على التأخير والتقصير

وانا اليله كنت مجهز هديه للعشير

ابو فهد ولكن ماعرفت طريقة الصق

ولاحبيت اسري وانا ماقدمت اقل مايمكن


اكرر الاعتذار ولنا لقاء


مصافحه


لاتحسب انهار المداين مثل دجله والفرات = وان العرب تبكي عيونه من دموعك لابكيت
يكفيك عطشان المحيط الاطلسي وشلون مات = بعض المنابع لو جذبت الدلو منها مارويت
وترى الجـواهـر مع هوان النـفس مافيها غنات=ولاترجي الرفـقه مدامك يوم تاخـذ ماعـطيت
واليا قدرت العيش فارس ليش تبـقى بالمشات=وخل العـزايم ترتـقـي ظـلـع الـمـراجـل لا رقيت
والطيب في عـفن الطبايع مثل بذرك في فلات =ويجفاك بوقوت الشدايد وانت وافي ماجـفيت
واللي مشى بالصدق مايحتاج شيخ ولا قضات=والعيب كان انك وعدت الناس شي ولا وفيت
فواز يافواز لا تطري جزيل المفردات =انشد عن جروح الكلام اللي تردد كيت كيت
وانشد عن دموع تردد بالعيون الشاخصات= من كثر شوف اللي يكدرها وكني مارئيت
اكذب عيوني عبث وتردها لي بالمبات = اليا عوى سرحان تال الليل جاوبت وعويت
ياشيب عين اللي بوسط الموج ماحوله نجات=قلبه بـدى في درب قـلـبي وانتهى يوم انتهيت
لاتجرحون اللي غـدى فكره مع العالم شتات=وبالليل يسري للحبايب مثل ماضقت وسريت
وانا بلى قلبي وروحي بالعـرب خـشف البنات=اللي سرق قلبي مع انـي يوم شـفـتــه ماحكيت
الا ان عـيـني شاقـهـا طـوي الـردايـف للعبات=وقعدت ساعه عقب شوفه في مكاني ماوعيت
العـطـر فـايـح والـشـفـايـف ذوقـهـا سكـر نبات=ونظرة عيونه تجدع الـمـقـرود عـقـبـه تـقـل ميت
بالمشي تدرج في مـهـلـهـا كالحـجل والا الـقـطات=رمشه بلانـي فـيـه لـيـتـي فـي غـرامـه ماابتـلـيت
تلعب بروحي لعب ماجد مع محيسن خذ وهات=وباصات فيصل جنب ابويعقوب في عز الكويت
قـمت اذكر الله من عيونه واطلبه حسن الثبات=واقول لـيـتـي صـوب سـوقه ياجـمـاعه ماعـنـيـت




 
 توقيع : عواد العلي



قديم 30-01-2010   #2


الصورة الرمزية عواد العلي
عواد العلي متصل الآن

بيانات اضافيه [ + ]
 رقم العضوية : 1062
 تاريخ التسجيل :  05 - 07 - 2008
 أخر زيارة : 29-06-2020 (04:42)
 المشاركات : 125 [ + ]
 التقييم :  10
 اوسمتي
درع التميز 
لوني المفضل : Cadetblue
افتراضي مزحة الغالي




السلام عليكم ورحمة الله وبركاته



مزحة الغالي



ثقيله مزحة الغالي ولاادري وش دوافعها=تحملت وبعد ذلك ندمت اني تحملته
انا لازلت متحير ولاني قادر ابلعها=أناقض نفسي بنفسي كأني غصب جاملته
هواجيسي تغالطني انزلها وترفعها=نويت أكحل عيوني وعميت يوم كحلته
أخاطب غيرعاقل وانا العاقل واطاوعها=طلبت انه تجاوبني وانا اجاوب على أسئلته
نقاشات وحواراتن عقيمه كيف ارقعها=ولا أحدن شافها غيري وانا طبع(ن) تخيلته
تعاتبني على نيه واناباحساسي أسمعها=تقول المبدأ الثابت بتال العمر هملته
عرفتك شاعر(ن) يفحص حروفه قبل يبدعها=تنادو لامتهان الشعر وانته ماتقبلته
نهاية حلم مزعج واكثر العربان يفزعها=وبداية عهدي الشخصي وميل الحال عدلته
تكفيني عقول(ن) تدرك الواقع ويقنعها=-أخص بقولي العقال والجاهل تجاهلته
شريعتنا الهيه اله الكون شرعها=تحملت الأمانه يابن آدم وحملته
اطبقها على نفسي لو ان الغير ضيعها=يشيل آثامه بنفسه وأثامي انا شلته
ليا شاف الهميله قال هاتوها نسنعها=وانا ماكل فطايس والهمايل ماتهملته
ولاأحسد غير عبد(ن) تذرف عيونه مدامعها=ذرفها خشية الخالق وانا المخلوق جللته
وأهني عبدن جنوبه تجافت عن مضاجعها=يسابق مانسى دينه ولادنياه مشغلته


 
 توقيع : عواد العلي



قديم 01-02-2010   #3


الصورة الرمزية عواد العلي
عواد العلي متصل الآن

بيانات اضافيه [ + ]
 رقم العضوية : 1062
 تاريخ التسجيل :  05 - 07 - 2008
 أخر زيارة : 29-06-2020 (04:42)
 المشاركات : 125 [ + ]
 التقييم :  10
 اوسمتي
درع التميز 
لوني المفضل : Cadetblue
افتراضي قناعة الشاعر



السلام عليكم ورحمة الله وبركاته


النص الاساسي اسفل وهذا الابيات من شواهد اللاوعي
عند الشعراء ارجو تجاوزها



قناعة الشاعر



انا بعد استعيذ بربي الواحـد مـن الشيطـان=واعوذ من الهوى وانتي لو انك بين جنبينـي
انا يانفـس ماذمـك ولاعـدك مـن العـدوان=ولكن قالها الهادي وانـا وش عـاد بيدينـي
انا جيت اكتب احساسي وابروي قلبي العطشان=وادور شعري الغايب عسـاه يحـن ويجينـي
انا يامن انا مثلـك واظنـك حظـي التعبـان=ولكن كبرياء الانثى غدا بـك قبـل تاتينـي
انا يامن انا بعـدك عرفـت اعـود للقيفـان=وهذا سرا ياعمري وخلـه بينـك وبينـي
انا شاعر فقد نفسه بعـد ماسافـر الغسـلان=لانـي لانويـت اكتـب تخيلتـه يحاكيـنـي
انا الليله بزعلكم وابسري مـن هنـا زعـلان=وابنطر من انا ياتي بعـد بكـرى يراضينـي






وجهة نظر ياللي قريت وتسمعت=بمشاهده تاصلك والا بالاسماع
ماهمني لو قيل في نظمها ابدعت=يهمني توصيلها حد الاقناع
كيف اقتنع باقناع غيرولااقنعت= قناعة الشاعر نهايه للابداع
سجن المشاعرحدني غصب وانصعت=اسيراشعاري حسب راي الاجماع
احسب حساب المجتمع لا تسرعت=ارجع وانا مجبور مذنب ومنصاع
كم مرت(ن) عن راي نفسي تراجعت=هذا وانا ماارجي ورى العالم اطماع
اظنها وصلت حسب ماتوقعت=احلف لكم مابه ولاذرة امتاع
ياللي نهيتك عن قصيدي ولاطعت=مازلت اقول ابعد ترى كله اوجاع
والا انت ياللي بالقصايد تولعت=اجلس معانا وافتهم بعض الاوضاع
لاصرت متذوق علينا ترفعت=ماهي كبيره لو نشيلك عن القاع
حتى لو انك بالمطالب تدلعت=يحق لك تآمر وانا اكون مطواع
انا الشتات اللي بكفك تجمعت=وانا الحكيم اللي حسب رغبتك ضاع
مايكفي انك وسط قلبي تربعت=اكتب لك اشعاري وتقرا وتنذاع
مايكفي اني في وجودك تمتعت=معقول تنخاني ولااجيك فزاع
مايكفي انك مشتريني ولابعت=انا اشري الشاري ولاني ببياع
ياذوق انا بدروس علمك توسعت=يوم اكتشفت انك تحكم بالاطباع
مدري اساسك فرع والا تفرعت=ملكت غيرك وانت ماتملك ذراع
ياواحد(ن) بين الاوآدم توزعت=سبحانه اللي وزعك بين الانواع
يامعشر الشعار عنكم ترافعت=ابرفع الشكوى واطالب بالارجاع
يامجتمع يومك علينا تشجعت=حولت مبدعنا لشرواك مرياع
غيرت حكم الله علينا وشرعت=وشلون ابتبعكم وانا عندي اتباع
مااقدر اعيش اطباعكم لو تطبعت=انتم وانا بالمجتمع مثل الاصباع
ياماوياما للمشاعر تصنعت=اخشى زعلكم وآتفادآه بخداع
اضحك لو اني للمراره تجرعت=ماهو بمرضيكم سوى اعلان الاخضاع
ترخص حياتي كلها ماتخضعت=قبلي تخير موتت العز ملتاع
ياراس خلك مرتفع لو تقطعت=حتى يجي للروح موعد ونزاع


 

قديم 02-02-2010   #4


الصورة الرمزية عواد العلي
عواد العلي متصل الآن

بيانات اضافيه [ + ]
 رقم العضوية : 1062
 تاريخ التسجيل :  05 - 07 - 2008
 أخر زيارة : 29-06-2020 (04:42)
 المشاركات : 125 [ + ]
 التقييم :  10
 اوسمتي
درع التميز 
لوني المفضل : Cadetblue
افتراضي مايرد الكريم الا حشاك اللئيم



السلام عليكم ورحمة الله وبركاته


مايرد الكريم الا حشاك اللئيم








يستحق المتاعب من يحب الغشيم =كل ماجبت حل تقابله باحتجاج
عندك الرفض رد(ن) عاجل ومستديم =اعتقد حالتك صعبه وتبغى علاج
كيف ابقنعك وارجع للجدال العقيم =عايش بعصر جهل وترفض الاندماج
والبلا انك قدرت تصيبني بالصميم =مالنا الا نتفاوض ياغريب المزاج
مايرد الكريم الا حشاك اللئيم =انت قدرك بقلبي حط دونك سياج
لن عيني تشوفك غير كل الحريم=كيف تسكن بقلبي وانت للراس تاج
كل مااحتجت راي(ن) بين الاريا حكيم =اتجه لك وانا كلي امل وابتهاج
وكل مااحتجت بالدنيا صديقآ حميم =لاذكرتك تلاشت رغبة الاحتياج
اجتماع(ن) عقدته بين قلبي وريم =لاجل قلب(ن) اسير ويطلب الانفراج
وده يكون لك حظن(ن) حنون ورحيم =الجئ له ليامنك بغيتي ملاج
وش تقول الزعيمه باقتراح الزعيم =كن رايك نشب في عنق علبة زجاج
الاشاره تكفي كل حرآ فهيم =مايموت برباطه غير نسل النعاج
ايه شاعر صحيح بكل وادي اهيم =ماكسبت بحياتي غير فل الحجاج
كم شاعر كسب بالشعر مدة كريم =وكم شيخآ بمدحه طايرآ بالعجاج
بس انا مارضيته لن شعري حشيم =صرت للشعر يافواز مثل السراج
دامي اذكر بعمري مثل شخصك حكيم =اتحمل عطش كبدي ولا آرد هماج


 

قديم 07-08-2013   #5


الصورة الرمزية عواد العلي
عواد العلي متصل الآن

بيانات اضافيه [ + ]
 رقم العضوية : 1062
 تاريخ التسجيل :  05 - 07 - 2008
 أخر زيارة : 29-06-2020 (04:42)
 المشاركات : 125 [ + ]
 التقييم :  10
 اوسمتي
درع التميز 
لوني المفضل : Cadetblue
افتراضي دعوة الشوق



السلام عليكم ورحمة الله وبركاته


شهقة تلهف


ايه انا اللي غبت والشوق ناداني وجيت
جيت ابروي ظامي الكبد من نبع الزلال
الـزلال الـلـي تـلـذذ بـشـربـه لا قــريــت
لاقريت اشكر وتلقى الجديد من الجزال
الجزال شهود حرفي وتثبت ما ادعيت
ما ادعيت الا هيامي وعشقي للجمال


دعوة الشوق..!

هلا يا منتهى عمرً قضيته با لخفا دوار=هلا يا مرحبا يأ حلا القصا يد وأجمل ابياتي
هلا بك عد ماهبت جنوب وساقت الامطار=على دارً رزقها بالحيا رب السماواتي
هلا يا شعرً يسر العيون ويحرج الشعار=هلا يا سحرً وحبر ًيعيفني كتاباتي
هلا باسمً ليا شفته وقفت وقلت ياستار=هلا با للي يبعثرني قصيد ويجمع أشتاتي
هلا زايد هلا مثله ولوهي تنحسب تكرار=يهون الضعف لعيونك واقدم لك تحياتي
هلا مليون لا والله قليل الا هلا مليار=هلا كثر إشتياقي لك هلا بك عد آهاتي
رجوعك ريح أعصابي وطفى با لضما ير نار=لإن الحزن بغيابك حسبته من هواياتي
تركتيني وقفيتي ولاجاني جديد أخبار=وأنا من يومها أردد متى ترجع متى تاتي
يمر بمسمعي (مزعل) يغني لي صبرت أمرار=غراب البين بغيابك يشاركني معاناتي
عطيتك يا لغلا نبذه تبين لك وش اللي صار=عساني ما أفقد حظورً يعوض كل مافاتي
ابنزل للبحر وأجمع بيوت اللول والمحار=الا يا طالب الغالي لزوم تسوي سواتي
رخيص الهرج تلقونه قريب وبا أرخص الأسعار=زبونه يلحق الكلمه عباره قافها آتي
واناماني مثل غيري لوإني عاكس التيار=أحب الفلسفه وأفصل خيالي عن محاكاتي
الا يا لا يمي خل الملام لماجد النصار=عرفته شاعر ً كنه يصوغ الشعرعن ذاتي
انا اليله على جوه نويت أكمل المشوار=ابكتبني وتقراني وابفتح لك ملفاتي
ابغنم هبت رياحي وأغني لك من الأشعار=مدام الريح عادتها السكون بمعظم أوقاتي
انا ما ارضى لمحبوبي كلامً محتواه إنذار=ولا أشدد ولا أهدد بحذفك من سجلاتي
ولا أشبهك بالخاين وأقول أخطيت ياغدار=معاذ الله من كلمه تزيد حساب سياتي
حبيبي خذني بلطفك ولاتزعل من الثرثار=لعله يتسع صدرك على باقي متاهاتي
ابي كلمه توضح لي مصير التايه المحتار=عشان ارتاح من كثرة هجوسي وأحتمالاتي
أذا قلبك هوى غيري خلصنا والقلوب احرار=عليك الخطوه الأولى وانا أسدك بخطواتي
توقع لا توهقنا وتلفت غافل الأنظار=أعرفك ما تمنالي مصيبه فوق مأساتي
وداعً يا شقى عمرً قضيته للعنا دوار=وداعً يا بعد حي القصايد بآخر ابياتي



زفرة وارتياح

انا كنت القـريـب المبتـعـد والـغـايـب الـمـوجـود
عن اللي مانقص في غيبتي وان جيت مازادي
تمنيت الـقـلـم يـاخــذ حـقــوق ويـلـتـزم بـحــدود
وانــا شـاعـر ويحـلـم بالهـيـام ولالـقــى وادي
بعيد عـن التفاخـر والمهايـط والغلـط مـردود
وانا ادري لو بدت مني خطيه قلتلي عادي
انا اللي يستحـق النعـم وانتـم ماعليكـم زود
ابعلنهـا وابرهنهـا وتسـمـع روس الاشـهـادي
انـا شعـري يعـل كـبـود ويــداوي علـيـل كـبـود
سما عن ذم عدواني وعن تمجيد الاسيادي


 

قديم 12-08-2013   #6


الصورة الرمزية عواد العلي
عواد العلي متصل الآن

بيانات اضافيه [ + ]
 رقم العضوية : 1062
 تاريخ التسجيل :  05 - 07 - 2008
 أخر زيارة : 29-06-2020 (04:42)
 المشاركات : 125 [ + ]
 التقييم :  10
 اوسمتي
درع التميز 
لوني المفضل : Cadetblue
افتراضي فزاعة الحب



السلام عليكم ورحمة الله وبركاته

>>>>>>>> فزاعة $ الحب <<<<<<<<<<

لم يكن سوى عنوان قصيدة ! لم تكتمل ؟

لاغرابة في ان تجد (س - بشر ) ملاءت محركات بحثه كلمة

حــــب

اخذ الحب همه واهتمامه ومنحه متعت (قنص) مقناص الحب

ولكن الغريب ان ترى العكس

الحب يقرب وانت تهرب وليست هذه المعادلة عادلة

فحينما كنت عنه باحث لم يكن منك هارب الا ان يكون

سمو الحب جازله المكشات

ياقلبي اصبر على ماجاك من وقتك=مايدرك النصر كود اللي صبر ساعه
يالحب نشفت كبد القلب ماذقتك=النفس متعيفه والروح ملتاعه
يوم انت مثل الوهم ياما تشفقتك=شفي ترافق جروح الشعر واوجاعه
مدري وش يصير لو عشتك وطبقتك=الا انك تكون للقيفان شماعه
قبل الزمان الغبر ياطا على فهقتك=وتصير يالحب للعقال فزاعه
مادامني في طريق العمر عانقتك=كلٍ يبين خفاه ويكشف اوضاعة
اعطيك كلمة شرف وتموت مابقتك=انا الذي مانكر عهده ولاباعه


>>>> الزبدة<<<<<
يالجرح لاتدعي علـى اللـي ظلمنـي=عنده على جرح المعاليـق تصريـح
لوهو مـن رقـود الليالـي حرمنـي=ولا جاب لي عن سبة الهجر توضيـح
ماغيـره احدٍ بـالاوادم فهمـنـي=واكبر دليل انه ضحكلي وانـا اصيـح
رحمـت قلبٍ بالجفـى مارحمنـي=والناس ماترحـم قلـوب المجاريـح
ليته على طيـب المواقـف حشمنـي=وقبل اندفع قال انتبه لاجـل مااطيـح
والله فلا ادري كيـف ربـي نجمنـي=يوم ارتجي زرعٍ شـروه الفلاليـح
كنـه بشينـات القذايـف رجمـنـي=يوم اشتكيت مـن العيـون الذوابيـح
اشكي من اللي في جفـاه استلمنـي=واركى على كبدي شطيـر الزنانيـح
لـو كنـت داري يافهـد ماهزمـنـي=دامي فهيم ومـن كبـار الطحاطيـح
واليوم لو يدخل خصامـي خصمنـي=وشلـون اواجـه يانعـات التفافيـح
عز الله انه فـي وسومـه وسمنـي=واشعل بوسط الجوف نارٍ على شيح
لا داج طيفـه بالضمايـر صرمـنـي=وشفت الجروح اللي بقلبي نواضيـح
هربت عـن هرجٍ بعذلـه كتمنـي=من عالمٍ عقب الشماتـه نواصيـح
وهرج العواذل رغم جرحـه خدمنـي=وبان الحواسد تحت نـور المصابيـح
اللي على ريشـة خداعـه رسمنـي=والهـرج لقفـول الضمايـر مفاتيـح
رجيت نفـع اللـي بكذبـه زحمنـي=وانا احسب انه من رجالٍ زحازيـح
لا ضاق فـي دنيـاه قـام وزهمنـي=وارويت بالفزعـه كبودٍ مشافيـح
والحمد للي عـن طبوعـه عصمنـي=وعنهـم رقيـت بعاليـات اللواليـح
لا شفت قلبي فـي هجوسـه برمنـي=دفعت رجلـي فـي بعيـد المشاويـح
واتـرك عزيمـة واحدٍ ماعزمنـي=وحده ولا قـرب العفـون المراويـح

}}}}}} مخرج {{{{{
تبغى الجواب المنطقي والا تبي كم احتمال=والا تبي لك بيـت واحـد لاقريتـه يقنعـك
لاحظ معي وجه الشبه بين المحبه والظلال=اذا تبعته يبتعد وان رحـت عنـه يتبعـك
لايؤخذ التشبيه قطعن قبل تطبيـق المثـال=واقرب مثال بداخلك يم الحبايـب يدفعـك
رغم الشعور المشترك ماقلت ياقلبي تعـال=لن المحبه تضحيه عنوانها خذنـي معـك


 
 توقيع : عواد العلي



قديم 05-09-2013   #7


الصورة الرمزية عواد العلي
عواد العلي متصل الآن

بيانات اضافيه [ + ]
 رقم العضوية : 1062
 تاريخ التسجيل :  05 - 07 - 2008
 أخر زيارة : 29-06-2020 (04:42)
 المشاركات : 125 [ + ]
 التقييم :  10
 اوسمتي
درع التميز 
لوني المفضل : Cadetblue
افتراضي الصراحة




السلام عليكم ورحمة الله وبركاته



(------- عواد العلي --------)

الصراحة ياحبيب القلب راحة=مار انا محروم حتى من االوضوح=
كان ترضى بالقليل من الصراحة=لا تذمر واترك الهاجس يبوح
كل منا له حدود وله مساحة=والمشاكل مثل ماتاتي تروح
خذ مع الشاعر عن الهم استراحة=تمطر اشعاري وبراقك يلوح
همنا واحد وخلوتنا مباحة=ائتلاف ساق روح وجاب روح
ان تصافينا يصير الكون واحة=وان تخالفنا تبادلنا الجروح



(( فـــــــــــــواز الــغــســــــــــــــلان ))



دام قلب الضيغمي تم اجتياحه=في هوايل معركة فتح الفتوح
كنت اظنه بالهوى يضمن نجاحه=دام قلبه يشتعل حب وطموح
وكان روحه في هوى غاليه ناحه=دون ذنب ولا فصول ولا شروح
فرصتي بالعمر مازالت متاحه=وماتزال بروق فرحتنا تلوح
لاجل ناخذ بالهوى رحلة سياحه=للغزال الشارد الصعب الذبوح
وكان عواد العلي ساق اقتراحه= نستمع للصاحب الشهم النصوح





(( فـــــــــــــواز الــغــســــــــــــــلان ))

ليه ياعواد شديت الركايب=صوب ريم دارها ماهي قريبه
طايرن تنقل معك عدة حقايب=وناقتك وسط العرب كلن دري به
تنتظر شوف الغلا زين الذوايب=ناوي وسط الخلا ترعى شعيبه
ياعساها خير ياريف القرايب=كان ماطاحت عظامك في قليبه
خذ ثمان نقاط ياعطر الحبايب =قالها اللي شارب قبلك حليبه
اولا: دور الهوى ماهي غصايب=وكل قلب بالهوى يلقى نصيبه
وثانيا: طرد الهوى ساس المصايب=ومن دخل قدامكم ذاق الغليبه
وثالثا: عندك عيال ولك نسايب=وراحم جمهاة راسك من عسيبه
ورابعا: لا تشلعك صفر الهبايب =ثم ترجع لي مثل خشة زبيبه
وخامسا: تدفع فواتير وضرايب=والفلوس اليوم ماكلن يجيبه
وسادسا: زولك مع الخفرات شايب=وعمر ثوبك ماظهر عطره وطيبه
وسابعا: قلبك ضعيف بالنوايب=يرتفع ضغطك ولا تلقى طبيبه
وثامنا: لو تشتكي نار اللهايب=جبت لك كل العساكر مع نقيبه
وراح اقول انه مع الافغان غايب=يدعم ارهاب البشر ربي حسيبه
صار في فكره تعاقيد وشوايب=وهو عقيد القاعده ولا خطيبه
ويوم سبتمبر تره كان السبايب=وناوي يضبط لواشنطن مصيبه
لاجل تصبح وسط واشنطن نهايب=وتسجنك رايس وباول في زريبه
دون شيخ ولا بنود ولا طلايب=لين يطلع في شطوب الورك شيبه

(------- عواد العلي --------)

جيت مثل متيح شراي الطلايب=ماخسرت ولافقدت الا حبيبه
ضقت من جهل الحكيم من القرايب=والمنايا خبط عشوا من تصيبه
رحت مدري جيت ونياقي ذهايب=وارتميت بحضن هالتنا الاديبه
والثمان بمثلهن وابليس غايب=من ظهر ياخذ من الزاهق ضريبه
اولآ علم الهوى عند الهبايب=من يقول الطيب تكراره يعيبه
ثانيآ عادات ميال العصايب=من ظهر ذيب الظلام ورحم ذيبه
ثالثآ عن ثانيآ ماهو بنايب=مثل تظمين المجلد بالحقيبه
رابعآ رقم جعل شقر الذوايب=يقبلن سد الشواغر بالكتيبه
خامسآ لاقيل ملعون الصلايب =جده الخامس تراها تنتهيبه
سادسآ عشيتني خبزه ورايب=واصطبحت اليوم بوجيهآ كئيبه
سابعآ سبع وسبع بلا نصايب=من عوالم خالق الخلق ورقيبه
ثامنآ ياثامن السبع العجايب=بلغ المستعربه قبل العريبه
عن كنوز الجوف عطبين الضرايب=يسأل التاريخ والراوي يجيبه




 
 توقيع : عواد العلي



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:56


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام