ديوان الشاعر / متعب الشمري

خاطره كتبتها هذا الصباح بعد مشاهدتي للأخبار صباح هذا اليوم
بالتحديد ماقاله الرئيس الفلسطيني محمود عباس في خطابه ومطالبته
بقيام دولة فلسطين وعاصمتها القدس

أتت هذه الخاطره

دولة فلسطين!! .. ..

	معي اطلبو ياناس رب الثقلين=ينصر فلسطين العريقه وشعبه نضالهم من عام سبعه وستين=ماهمهم قصف اليهودي ورعبه يهبا (نتنياهو) وتهبا المعادين=رقم أنفهم يبقى كذا فوق كعبه دونه رجالٍ ماتنازل ولا تلين=ماهي بصيد لكل منهو طمع به مانجهل اسرائل مع فعلها الشين=نعرف مخططها ومعروف لعبه ادعو لهم بقيام دولة فلسطين=ماهي بصعبه ماعلى الله صعبه ارفع يديني واطلب الواحد آمين=ينصر فلسطين العريقه وشعبه

أخوكم // متعب الشمري

غرباسي !!!!.. ..

	ياهجوسي لو سمحتي ريحي لاباسي=لاتهمك نزعت افكاري ولا طاريّه شاعرك قاسي وجاله في زمان ٍ قاسي=مايهمه وش ظروف الساحه الشعبيّه انثر ابداع القريحه في ورق كراسي=ومتلك من فضل ربي موهبه فطريّه الشعر هندسته بذوقي وفن احساسي=متـّكل بالله تعالى مع بياض النيّه مايهمٍ من ينازعني على مجلاسي=الوجيه مبينه والعلم عند رقيّه لو نحاسب كل شخص ٍ في كلام الناسي=غير نصبح عند باب الصحه النفسيّه مار ياراسي ترفّع عن كذا هلاسي=والعرب فيها الرديّ وفيه عكسه ميّه ان هجينا مانسب الاّ رديٍ خاسي=وان مدحنا نمدح الطيب وكل من زيّه سولفي ياغترتي عن ما يدور براسي=واشرحي عن مايثير الساحه الملويّه لو معمر مات يبقى للخطر مقياسي=في عيون اللي يراقب ينتظر تاليّه مشكلتنا يالعرب فينا كذا جساسي=والحقايق في صدر بغداد كله حيّه مايهددنا الخبيث المختفي شرقاسي=ولا تغيّر نظرتي يامنادي الحريّه الحكايه تطبخ من (..)مع(..)في تكساسي=وانفجر دخانها بالدوله الغربيّه حجمها بيّن وحنا تحت نفخ الهاسي=والوقايع شوفوه وش صار .. بالشرقيه !

هذه القصيده شاركت بها في احد المسابقات الشعريه في منتدى شعر
وبفضل من الله حصلت على اعلا درجات اللجنه المنظمه للمسابقه
وحصلت بعد التصويت والتصفيه على المركز الثاني
اتمنى ان تنال على استحسانكم

الراية الخضراء ..... ..!!!

	هبت هبوب القصيد ورفرف المعنى وساق الخيال=وسترسل الشعر في راسي وكل معنى فريد زهمه لعيون دار(ن) حماه الله من كل الفتن والضلال=اكتبّه الشعر وافخر والورق يفخر معي وقلمه ياقبلة المسلمين ويطهر أرضن عزها الله تعال=ويامنبع النور ذاك اللي طعن صدر الظلام سهمه بشعاره العدل والتوحيد وبأرضه شموخ الرجال=ولعيونه الكل لا نادى شبر بأرضه يقدّم دمه حنا فدا كلنا لأرض السعودية جنوب وشمال=نحبه ومن محبتها نحب بصدق حتى نسمه هذي بلاد الفخر والعز والأمجاد صعبة منال=ماهي لحي الله إنسان(ن) اليامنه بقاه حكمه ماتخضع الا لرجل(ن) سل سيفه وإحتزم لنـّزال=مثل أبو تركي خذاها يوم اهي بالسيف ثم حشمه واليوم حنا بحكم الفذ عبدالله حميد الخصال=الحاكم اللي خذا من روس صعبات المعالي سمه صقر العروبه عسى الله يمهل بعمره نسين(ن) طوال=ويالله عسى الراية الخضراء وهي دوم(ن) يرف علمه

.

اخوكم / متعب الشمري

1) قصيدة بمناسبة حفل زواج الاخ // فرحان ممدوح الغيثي
بشهر 10 / 1432 هـ

مناسبات..!!!

	سلام والهـــاجس يشــوش اليـوم لفنون القصيد=في محفـل رجـال الكرم والطيب عالين المقام حضرت ابارك والمشاعر داخــل فـــوادي تزيد=في ليلتن تســوى بعـمــــر الادمي عشـــرين عام مبـــروك يـافرحـان واطلب ياعسى عمـرك مديد=يامعرب الجدين طيبك ســاس من خال وعمام وناسبت شيخين للــوادم كنــز وســلاح ورصـيد=شيخن ولد شيــخ يحــــوش الطيب مافيها كلام درزي زبون الطيب راع الفعل والراي السديد=فعله شهـــــر من طيبـه الواضـــــح معا كل الأنام وأخـوان سلمـاء والنعـم فيكـم جميـع بلتحديد=أهـل الفعـــول الماضيه يـــوم المــلاقـا بالحسام يوم الـولد فيها يبين ابن الشجــــاع عن البليد=عـنـد الوقـا لاثـارة الهيجـا وشــــــــان الاحتـدام يعـــرف رجال ٍ فعلهـم يـذكـر وكـــــلٍ بـــه يشيد=لطامت الـعـايـل بـحـــد السيــف قصّاص العضام مفتاح مع محسن وفـايد خصمهم يصبـح هميد=ونعمين ابــن عمــــار ودغيمــان لاحــان الزحام ومقبل وأخــوه قبـــال مع عـواد نذكرهم أكيد=تاريخهم يشهـــد لهـم ماسجـلـــــــو فـيــــه انهزام ومنـكـم رجـال ٍ سطـــرو بفعـــالهم مجـــدٍ تلــــيد=أهل الكرم يوم الكرم يصعب على بعض الأنام يشهد لهم كــل ادمي والـوقت لهـم اكبـر شهيد=منهـم دغيمـان ابن ذيـب أفعـاله أفعــــالٍ جسام ونعمين بمحيــــا ابن صالـح طيبـه لحــــاله فريد=ونعمين بمحيا مطيـــر اليا نتخـــاء نســـل الكرام كل الفعــــايل مثبته ماجبت من عنــدي جديد=العـمـر يذهب والفـعـل يبقـى مع الناس الحشام يذكر بهـا الطيـب لونه في وســــط قبــره وحيد=عديت مـوجـــز والكثـيــــــر أفعــــالهـم ذره سنام مثــل النـجـــوم العــــاليه ضــــوه يبين من بعيد=هذا وانا ارجع للفـــرح يالله عسى الفرحه دوام ولي الشرف لامن حضــرت بيوم كنـه يـوم عيد=في محـفــل رجــال الكرم والطيب عالين القام وأخـر كلامـي دعوتن من قلب صــادق مايحيد=يالله عسـى فرحـــــــان ممـــدوح متهني كل عام

2) قصيدة بمناسبة حفل زواج الاخ والصديق والزميل الشاعر // رويضان الدهري القنياوي
بشهر 7 / 1432 هـ

(( مسيلة البطحاء ))

مناسبات..!!!

	لشــعــــــر مبــدا وافضـل الشعر بيتين=لاجـت بدايـتـهـا ذكــــــــر عالي الشان اللـي خلــــــق ادم وكــــــونـه من طين=سبحــــــانه اللـي مـالك المــلـك سبحان نـرجيـه فــي يـــــومٍ لابـــد انــــه يحين=يــوم البشــر مابـيـن رابـــــح وخسران ومـن بعــد ذكـــره يالرجــال الحشيمين=أحضـرت زينــــات القــــوافي واللحان وقلتـه بحفلة مـن علـى الـطيب ضارين=لي لهم رمز الكـرم صــــــار عنــــوان حبيـت ابــــارك ياعســـاكـم سعيــــدين=فـي ليلة ٍ كـلـه فــــرح والفـــــــرح بان مبـــروك يارويضــان وطلــب لك آمين=يالله عسـى ايامـــك فـرح مـابـه احزان واطلـب عسـى دنيـاك تصفـي لك سنين=وتعـيــش متـهـنـي علـى مــــر الازمان لــولا المـعـــــزه مـاحضـــــرنـا ملبـين=اقـــولهـا مـن قلـب صـــادق مــع لسان ماخص به شخصٍ ولا اخص شخصين=اعـــم أنا الجـمـــــــلان شبـــن وشيبان أهـــــــل الفعــــــول الماضية بالميادين=مثـبـتـه مـاهـــــي خفـــيــــــــــه للعيان حلـــــــــــــوي لصاحب ولضــد مرين=يــــــــوم إنهـا بالحــــرب وايام الأكوان يــــــــوم القبـايل ماتغـمـض لهـــا عين=بانـــــو رجال ٍ بإلقــــــاء شــانهــم شان السنــــــدي وعثمـــــان بالفـعــل قاسين=وعقــــــــاب وعيــــــــاده نعده وفيحان مـع عيـــد وابــن ضويـهر الفين نعمين=ووقيــت مــــع مجــول بعد وابن شيبان ذولا ومنــكــــــم بالشـــجــــاعه كثرين=شجعــــان مـن شجعـان وعيـال فرسان ولا الكـــــــرم مانتـم بحـاجة بــــراهين=يكـــفــي لقــب واحـــــد مثبت الى الآن (مسيلــة البطــحـــا) يــــــوم الناس فقرين=فزتو بها يـاقـــنــــي طلقـــين الإيــــمان الفــعــــــل وانتـــــــــم أصـــل معروفين=مانـتـم بحـــاجــه لادلايـــل وبــــــرهان وختـامهـــا صلـــــو علــى ناصر الدين=شفيعــنـــا فـي يـــوم روقــــات الاذهان

3) قصيدة بمناسبة حفل زواج الاخ // جميعان مقبل السلماني
بشهر 2 / 1432 هـ
(( السلمـــــان ))

مناسبات..!!!

	حضـرت فـي حفـــل الرجـال الوفين=بدعــــــــــــوه عـزيـــزه والمـعــــزه هنيّه واللي دعــانـي نـســل ناسن عزيزين=علــــومهم بالطيـــــــــب مـافيـــــــــه زيّه هـــذاك ابــو نــــواف وابــــــوه نعمين=ابو سنــــــد راع العـلـــــــــــــــوم الوفيّه ملزوم احضره لو مكاني ورى الصين=وشلـــــون لـــو عـــاد المســــــــافه دنيّه حضـرت لـجـــل الغـــانميـن الــوفيين=واســرجت زينـــــــات البيــوت العذيّه وفي حفلكم قلته عســـــاكم سعيـدين=يا اهل الكرم واهل الـــوفــا والحميّه مبروك ياجمـيـعــــان واقـــــــوله الفين =في ليلتن مـافيـــــــــــــه بالعـمــــــــر زيّه اطلب عســـــــاكم بالليــــــال متعافين=وعسى فرحـكـــم كـــل صبـــــح وعشيّه من لابتن سقم العــداء والمـعــــادين=تشوش لاصــــــــــاح الخـــــــوي لخويّه سلمـــان والسـلـمــــان مـاهــم خفيين=افعالهم مـثــــل النـجـــــــــــــوم المضيّه اعلـومهم يفخـــــربـهـا بالميــــــــــادين=يــــــــوم انهـــا بالحـــــــــرب والعنجهـيّه وحيدهم يقسملك الجـمــــــع نصين=لاســـــمــــع صــــوت العـــزوه الشمريّه ودخيلهم مايشـكـي الضيـــــق والبين=وعـــدوهــم يـــكـــوى ثـمــــــانين كيّه ولاالكــــرم مبطي من اسنين واسين=متــــوارثــيـــــن الطيـبــــــــــه الحاتميّه طيبن صحيحن ماهـــو بطيب تبيين=لجــــــل التـفــاخـــر فـي عيـون البريّه ومهما كتبت من الشـعـــــر لو ملايين=ما اوفيـت بـعــــض افعــالكم لـو شـويّه هذا الصحيح وعلم كل طيّب يبين=ولا الــــردي تبقــــى علــــــــومه رديّه وختامهـا صـلــــــو مـعـــــــــي يالوفيين=على نـــــــــبــــــــــي الامـــــــه اليعربيّه

وهذا مقطع للقصيده شيله ( صوتيه )
بصوت الرائع سبيل الراشد
http://sub3.rofof.com/04hifjg7/Hfl_alslman.html

4) قصيدة بمناسبة حفل زواج الاخ // عليان عيد الشريهي
بشهر 12 / 1431 هـ
(( هل الملحاء ))

مناسبات..!!!

	بديت باللي ماخسر من لجاله=اللي خلق سبع الوطا والسماوات وارجيه عفوه يوم كلن رجاله=في يوم نجمع به ذليلين وعرات ومن بعد ذكره يابيوت الجزاله=قومي معي لي بك مقاصد وغايات في حفلة اهل الطيب واهل الشكاله=اللي لهم فعل(ن) مع الناس مامات دعوة أبو ريان ولاّ اتصاله=تكفي أجي لوني بحد الولايات إيه أتشرف بالحفل واعناله=مدام أبو نواف راعيه بالذات رجل(ن) علوم الطيب هام ورقاله=حتى شهر علمه بكل المهمات أبي أبارك له بليل احتفاله=واطلب عساهم بالفرح والمسرات وأقول لعليان بأسعد لياله=مبروك ياعل الفرح كل الاوقات انتم حزام الطيب وانتم رجاله=من روس شمر بالسنين القديمات تمشون مع شيخٍ بطيبه بناله=صرح(ن) ثبت كله شموخ وبطولات سحلي ابن هزاع والطيب فاله=شيخٍ جمع بين الكرم المروات ومنكم فريد الفعل والطيب ناله=رجلٍ علومه كل ابوها جزيلات مرشد أبو متعب إليا جاء مجاله=نرفع له البيضا بروس الطويلات له فعلٍ مثبت وصاحب جماله=مانجهله هذا الصحيح وله اثبات مثله قليل ونادرات(ن) خصاله=من الجنوب الى حدود القريات الطيب لو انه يجي بالسهاله=مانعرف العفنين في ماضي(ن) فات الطيب صعب وحض منهم يناله=بالوقت هذا خص وبكل الاوقات انـــتـم هــل المـلحـــا ولابــــه بـحـــاله=كسّابـة عـلوم الفـــخر والجـــمالات طلــتــو سـنام المـجـد وانــتم رجــاله=وافين ما فـيـكم ردي يـالشريـهـات كبيركم لاجاء لزومه وجاء له=يفك عسرات الأمور الصعيبات وصغيركم وقت الشدايد لحاله=فعله يشرف يوم دور المغيرات هذا الصحيح ولو تطول المقاله=عندي على شرح الحقايق مجالات وخــــتـــامهــا عــــلـى مــحــــمـد وآلـــــه=صـلو علــيــه إليــا أنذكر وســط الأبيـــات

!

5) قصيدة بمناسبة حفل زواج الاخ وابن العم // فهد مشعل الشمروخي
بشهر 7 / 1431 هـ
(( ترحيبيه ))

مناسبات..!!!

	بسم الله أبـــدا وابتـــدي باللـــي عـيــونـه ماتنام=رب البشــر رب الشجـر رب المواشي والصخر اللي خـلـق سبــع الأراضي والسمـــاوات العظام=واللي خـلــق مـنـا وبنــا جنسيـن من أنـثـى وذكر اطلبه يـغفـــــر لي ذنــــوبي قـبـل مايفيـد الكلام=يــوم البشــر قسمـيـن من هـم في نعيمن أو صقر ومن بعـــدها بقـــولها لك يافـهـــد بـعــــد السلام=مبــروك والله يسـعــدك ثــــم يـرزقـك بابن البكر واطلب عسى تصفي لك الدنيا على خير وسلام=ويلله عسى أيــامــك فـرح كـله ولا تشوف الكدر واسـتـــأذنـك وأقـــولـهـا عـنــكــم نـيــابة للكرام=أهلا هلا مليــــون باللي شــــرف اليــوم وحضر ترحيبتن نــزفـهـا بالـعـــــــود الأزرق للحشام=للي قـريب أو مــن بعيــد أو من بـــدو ولا حضر من دار عـرعـر بالشمـــال إلى بـــلاد العم سام=من طيـبـه وجـــــده وحــوله لـيـن تــأصـل للخبر يامرحبا عــد المـطـــر وعـــداد مانـــاح الحمام=فيكـم جمـيــــع الله يحيـيـكـم هنــا وســـط القـصر هذا ولا نـوفـي مطـاليـق الـرجــال أهــل المقام=مهما نـقـــــول مـن الكـــلام أو ماكتبـنـا من شعر ومقدرين اللي لنــا ماجـــــاء بسـبـــــــاب الدوام=واللي عـن حضـــوره تعذر وأرسل أسباب العذر المقصد الشوفه وشوقت من حضر اكبـر وسام=في ليلتن قـــــام الفـــرح ثــم طــوقه فـي كل شبر هذا وبـاقـي كلمتـيـن أضنهـن مـســــك الخـتـام=اللي نطقـهـن مــالــه إلا عــنـــــــد مــولاه الأجر صلـــو علـى نبيـنــا المبـعـــوث رحمــه للأنام=شفيعنـا عنــــد الـولـي فـي يــوم نحـشـر به حشر

6) قصيدة بمناسبة حفل زواج الاخ والزميل // سويف زهيد الحسيني
بشهر 8 / 1429 هـ
(( الهيافا حسين المجلا ))

مناسبات..!!!

	يالله بدينا بأسمـــك قـبـــــل الامـثــالي=ولاخــاب مـنـهـو بـرب الكـون يبدابه نرجيك عفـوك ولطفـك يــوم الهـوالـي=يـومـن كـــــــلاٍ بيــده يــاخــذ كـــتابه ومن بعد ذكره بصوق اللي علـى بالي=أبيـات مـن شـاعـــــرٍ عــده وغـنــابه في حفـلـه اللــي لـهــم بالطيب منزالي=رقو سنــود المكـــــــارم وانفتــح بـابه دامــه ابـوهـم زهيـد فـعـلهــــم طــالي=رجلٍ سنــام الكــرم لــوح على ركابه ساس الـهيـافـا قـديـم وصـيــتهم عـالي=من لابـتـن بالمـواقـف حــي مــن لابه حـبيـت ابـاركـلـكـم مـن قـلـبٍ مـــوالي=في لـيـلةٍ طــوقـت هـالفـــرحه اجنــابه فـي حـفـلـت اثنين وايـــل راع الافعالي=وسويف نعـمن بـه ونعمـن بمـن جـابه فعلــه مــراجــل بقــولــه واثبـت اقوالي=رجـــلٍ رقــاء للمعالي فــوق مــرقـابه له كم مـوفــق مـعــي عـن عشرة ارجالي=والله مـاقـلتـهـا مـجـامـل علــى حسـابه وضـــو الحـقايـق بيجلا لـوهــو ضلالي=ولاهـو قصــورٍ بـغيــره يـــوم قلنــابه كلاٍ على حـقــه أيـديـنه تــرى طـــوالي=نعمن بكــم من أبو وخــوان واقـــرابه ونـاسبـتـو اللي لهم بـالـطـيـب مـنــزالي=العلـــــم غانـم وعـلــم الطـيـب يدرابه مـبـروك مـبــروك والله عـالـــم الحالي=من فرحـتٍ داخـلــي والله هـــو ادرابه عسى السعــاده وطيـب الـحــظ والفالي=وعسى الفرح والرزق والخيـر وسبابه من فـــالكـم وادعـي الله دام هـــو والي=هــــذا كـــــلامٍ بسيـــطٍ واعــذرو مابه إن كـان مـاوصـــل اللـي داخــل البالي=وقبل الختـام وقـبــل طــويـه بجلبــابه صلــو على اللــي يقــــول الحق لاقالي=نبينا محـمــد المبـعــــوث لصحـــــابه

7) قصيدة بمناسبة حفل زواج الاخ والصديق العزيز // ناجح منصور الرويلي
بشهر 2 / 1429 هـ
(( هل العليا ))

مناسبات..!!!

	مشيـت سيـديـن حـايــل يـوم ناداني=الـواجـب اللـي لــــزومٍ ناصـل لبابه تركت حـايـــل وراي وجيتله عاني=والله عليـم المـعــــزه وحـــده ادرابه للحـفـلــه اللــي رجالـه طيبهـم باني=مـن لابـتــن حـيـهــا واللـه مـن لابه ماتعشق الا الطـويله تـرفض الداني=لنهـم حقـيقــه هـــل العليـــا وطـلابه لهم الكـرم والشيـم والطـيب عنواني=والوقت كـاتب قـديـم الفعــــل بكتابه فرّيس وقت المعـارك يـوم الاكواني=كــــلٍ يهـــابه ومنـهـم يـاخذ احسابه ودرّس افعـالهـم فـي جيلنـا الآني=العلــم يـطلـــع وفعل الطيب يدرابه لي الشرف بالحضور وعد الالحاني=في حفل ناجح عسى هالعمر يزهابه عســاه دايــــم سعيـد ودوم فـرحاني=والعمـر يمشــي علـى ماهــو تمنابه وارجو العذر كان به زله من لساني=عن الخطاء محدٍ بيعصم عن اسبابه