ديوان الشاعر / عبدالعزيز بن بليهد

امس القريب القوات الصهيونيه تدك غزه وتضيف المزيد من الشهداء !!!
في وقت تكافح الشعوب العربيه لطرد حكامها الطغاة امثال بشار



جرحك ياغزه اكبر من ان تضمده الكلمات في عصر الذل والمهانه اللتي تسيطر على الامه؛
وقد ترددت كثيرا او بالاحراء عجزت واحترت من اين ابداء والى اين اتجه أأرثي امتي ام
اهجوها وليس هناك احياء استحثهم

فاعذرينا يا اختنا ويابنتنا غزه ولاتنتظري غير اهاتنا

صلاااااااح وين انت ؟!!!

	يا وجد حالي على غزه = لادكها جيش موفــــــــازي فينا العرب ماتت العزه = وآ معتصم ضاع معنــازي صلاح وين انت هالحزه = شف ذلنا المجرم الغــازي من لليتامــــــــا ليا لزه =صهيون والعُرب عجازي إلا انت يا رب ذو العزه = فرج على كل معتــــازي مليار مسلم لهم رزه = مثل الرخم مابهم بــــــازي ينصركم الله ياهل غزه = خلو عربنا وراء الجازي

******************

(ذيب جلديه )؟!!!

	عشرتك مثل النفل والقحويان= في ربيعك عل زهرة ماذوا نار بعدك دامك قريّب جنان= له طعم دنياي لا صرنا سوا حبك الله ما على الدنيا حنان= غير شخصك لو تمنى ما قوا كل قلبي حب خافي ما يبان= وإن بغيت افسره مالك لوا انت حبك لا بإنس ولا بجان= لو دريبه ذيب جلدية عوا حبك اكبر حيل من كونه يخان= من يخون الشمس ويخون الهوا يا حياتي ما بها الدنيا امان= كان مت الحب للــــــــــه ماثوا انت يااما آموت لك عندي مكان= بالاماني والجوارح والنوا ماينسيني مكان ولا زمان= حبك اللي حل قلبي واحتوا

***

جانين / 1410هـ

هبة الريح !!

	آمــــــالنا تفـــــــرح بـضـو المصابــــيح=تلعــب وتسهــــر لين ضّوة حــــرقــها وطموحنا الجامـــح نــوا يركـب الريـح=ثـــــ ـار العجاج وكل نــــــــية خنـــقها من لحظة الميــــــلاد جيــــنا تباريــح=أطفـــ ـال نصــرخ للحيـــــاة وشفـــقها يا ما ضحكنا للصبا ضحكـة مريــــح=مـا نعــرف الدنـــــيا ولامن خلــــــقها شبــابــنا عمــر الليــــالي المجـاريـح=القلب يدفعنا لنــــــــــــفس عشـــــقها بأول لقــى كل المـــــدامع سـوافيــح=واليوم الاخـر شـــوق الانفس حشــقها يوم استقام العـــود من بعد تسلــيح=شفنا العــــرب كلٍ ســــلب من شنــقها رمنا المراجل نطح من غير تلميح=ولا حسبــــنا للضبـــــــــاع وسلــــقها نوقــد برمــث وكيــفنا البن والشيح=نرعى الشـــــــياه وزادنا من شنـــقها نشرب من الغدران من هبة الريح=ونضرب دروب غيـــــرنا ما طرقها ما جــابنا خطـو الوجــيه المشافـــيح=لا شحّـــــت ارزاق الجماعه ســـرقها فينا الغلام يطــــــوّح النفس تطويح=لا جا نهارٍ تصطفـــــق بـه صفــــقها

الصفراء/ربوع سلمى 1408هـ

القمراء!!

	ياصادق الميعـــــــــــاد لله درّك = زايد حنانك يودع القلب يتليك وكل المشاعر في جروحه تبرك = وصارت تمتع بالعنى لاجل ترضيك راضي بحبك مار خيرك وشرك= ولانيتي من زايد الشوق بشكيك اسلى ولكن المشــــاعر تحرك= من سيرتك لاحّلّو الناس طاريك الـله من عين الحسد لايضرك=غـب ماتشــــا ياعل ربي يخليك عنك انشد القمراء عساها تمّرك = نصف الشهر لابان فيها مواريك انت الهنا ياعل شوفي يسرك= واستر بك ياصرت انا طامعٍ فيك

الدبابيس !!!

	عزاة من عقلٍ رعته الهواجيس=وهمٍ رتع برمام فكري ودقه حي وحياتي كل مابه عواكيس =اكبر خصيم القلب والحق حقه يمشي على مبداه ماهمه بليس=ماخالط افكار الزمان وتفقّه ياصاحبي وجروح نفسي مراميس=ولا بالبشر حيٍ سوى الله شقه مالي ظلوعٍ في دروب المناجيس=وكرامتي حتى القمر مايطقه مارضى لاحد بالظيم مثل الدبابيس=ولاوالله اجلب للضعوف المشقه اخشى من الي ساق حلو النسانيس =في موقفٍ كسرى وقيصر ابّــ بــّـقّه الحمد لله ما اعترف بالوساويس =في طاعة الله ماسلكنا المعقه

سمعت كما سمعتم بيوم الأم !! ونحن ولله الحمد العمر كله لن يفي الأم شيء من حقها علينا

ولم تغب عن اذهاننا وقلوبنا ،، لكي نخصص لها يوم ،،

تذكرت خاطره متواضعه بوالدتي رحمها الله ووالديكم وادام على الحيين الصحة والعافيه

عذبــــــــــــة الأوياق !!!

	يمه فداك الروح والعقل والموق=ويفداك كل الكون غربٍ وشرقى فرقاك عني يابعدي تضرم الشوق = وهمٍ على ثومة خفوقي ايعرقــــــى ياعذبة الاويــــاق والحس والذوق= لك همسةٍ منها التغاريد شرقـــــى بك ناعم النوار في خايعٍ فــــــوق= لمه مناجاة المحبين ترقـــــــــى احلى من الهتـــــان ماجابه بروق= بفياض نجدٍ عقب مظماه غرقى فيك لمساي اسكون ولصبحي شروق = ولقاسي اوقاتي ليانٍ وبرقــــــــى يحرم عليك (الهجر)و(الزجر) و(البوق) =ويحرم صباحٍ ينبلج عقب فرقى

صوره تعبيريه

المنـــــــــــــــــــــــــــــــــــــــاره !!!

	ان ماارتفع صوتي بعــــــــال المناره =تاقف بوجه الظلم شــــــامخ حروفي يانسترد الحــــــــــق عرف وشطاره =والا فظحنا المستتر ليــــــــــن يوفي من عاش بالعفــــــــــه قصيرٍ جداره=توكل حقــوقه لـــو عيونه تشــــــوفي خيـــــر الوطن تحت الاجانب وثاره=والشعب ماحصــل ثمــين الخـــروفي النفــط فـــــــــــاض وحالنا بانحداره =بس انتراجف من لمــــــــيع السيوفي بالله متى يصحي وزيـــــــر الوزاره=ولا يعتبرنا في بلـدنـــــــــــا ضيوفي قـــــم كب كاس الذل واطف الزقاره=ان كان باقي بالضمــــــــير امعروفي

إهداء الى شقيقي العزيز/ احمد ابومحمد

يارفيــــــــــــــــــع الصوت !!!

	كثر ماذميت باشعاري زماني =بالخوافي احمد الله واشكره ما يعاني من عسف مهر المعاني=ينثر همومه وتبقى تذكره عيبي اني شاعرٍ ماني اناني =نفسي ارفع من همجها وخّكره اتئالم شوفة النمله تعاني=انتشلها وازقر اللي عكّره ياعضيدي لابلينا بالهداني=جاحدٍ جته الجمايل وانكره انتفش ينذخ بتقليط الصياني =والحجاج بوجه ضيفه سكره اخسره وازعب سعودي من كياني =يارفيع الصوت صوتك يسكره انت انا يابو محمد ماانت ثاني=واحدٍ ثنّاه ربي وحّكره

إعـــــــــــــــــــــــــــــــــــــــــــلان !!!

	مطلـوب دجـال وحرامـي ونصـاب=راعـي سوابـق مايفـضـل سـعـودي العاطليـن الضايعيـن اهـل الاشنـاب=الـلـي غـــدو عـالــه بـلـيـا نـقــودي مامن وظايف مالهم غيـر الارهـاب=مـع الـدروب ودار لطـم الـخـدودي مابيـن رب اسـره ورمـلٍ وعــزاب=والـعـز لبـنـوك الـربــا والـيـهـودي ويكافـح السائـل بـلا شـرع وكـتـاب=والمرتشي يرقى المناصب سنـودي ودسـم العطايـا والتـبـرع للأجـنـاب=وراع البلـد تركـب عليـه الهـنـودي سدت دروب ارزاق تكسي وحطاب=حتـى (كمـى) الله طوقتّـه الجـنـودي يــارب يـسـر للمساكـيـن الاسـبــاب=من فضلـك الواسـع عليهـم تجـودي بسمائـك الحسنـى دعيـنـاك طــلاب=يـامـن بحـمـدك سبـحـن الـرعـودي انت المجيب ومـن ترجـاك ماخـاب=نرجيـك تفـرج كـل عـسـرٍ يـكـودي جثـم علينـا بالرخـى فقـر الاعـراب=نقـصٍ علـى نــاسٍ ونــاسٍ تــزودي العـدل مـال وطالـب الـحـق كــذاب=جـبّـايـة الـجـزيـه لمـسـلـم وبـــودي طالت بهـا بيبـان وانصكـت ابـواب=وياقلب لاتحزن ! ويانفس هـودي !

لعيون حبيبتي بنتي نجد ؟!!!

	صباحك اندى من الورد واعطر ... حبيبتي .. غاليتي... صغيرتي ... ذبلت ازاهير الفرح .. وتجلى شحوب وجهي .. في غيابك كم انت صغيرة على الألم شفاك الله وعافاكي .. لتعودي .. فقلبي يحترق شوقا وعطفا عليكي ........ لكي هذه الورده