ديوان الشاعر / عبدالعزيز بن بليهد

السرجــــــــــــــوف !!

	جريح القلب صارحني بهمك لايردك خوف=علام الحزن والضيقه !! تبسم والله الشافي همومك من بعض همي وحزنك بالقصيد حروف=قريته لي ثمان سنين ابصفحة عمري الوافي انا لي والعنى قصة غرام وبيننا معروف=الا لاعاد معروفه خطاة العرف ينعـــــافي تخاوينا وعاشرنا بنات الشعر بحر وصوف =سبح فكري مع الروعه وشوف السابحه كافي غطسنا والبحر طامي جنينا مازهى بريوف =سلبنا الموج سلطانه نضمنا كنزه الخافي تقدم ياجريح القلب. ولاعبني على المكشوف =ترى الله خالقك للجرح والا.. مابك اخلافي هي الدنيا فرح واحزان مصيرك حيها وتشوف=نهار وليل سنتها حياة وموت ياكافي!!! غرام القاع والغيمه وعشق الروح للسرجوف=.لقى الاضداد يادنيا عجايب جور وانصافي

الى كل متغطرس ومغرور

***

عزة بنفوسنا !!

	لا تمطا كان حظك صار فوق =كلنا ناس وخلقنا من علق!!! انت حالك حال غيرك بك فتوق =وللرجال اعلوم ودروب وسبق تر غنات المال ما ترفا الشقوق =ولاتعــز العيــر حتــى لو نـهـق كان نفسك واطيه مالك حقوق =مسقطينه والحيا منـك انــدفـق عزة بنفوسـنا مثــل الشــروق =ما تسلسل في ثناياهـا الاءرق ماتساق بفضل خالقها تسوق =كل علم ن غانم ن فيها اصطفق

صدر الغلا ***** !!

	يا قبلة العربــــــــــــان فرحوا بك الكل=مو) بس أنا اللي زاغ عقلي وهلا لا حبـــــــــك الله كل من قابـــــــلك خل=وش حــــــــيلة الحاســـــد بنجمٍ تعلا أرحـــــــــــب لك الدم الحمر وردٍ ابتل=هــــــلا بثـــــغرٍ كالــــــــبدر لا تجّلا اقـــلط على صدر الغلا عله وعل=مــــا حولك الا خاطـــــرٍ مســـــفهلا لو الزهر مل الندى منك ما مل=وش لون أملك! الهواء هو يملا؟! تراك تهــــداء للهدايــــــا وللــــفـل=ـوأهديــك أنا قلبٍ قضـــى بك وولا عز الله أنك تنعش الروح وتسل=همٍ تغلغل في حنــــاياي ســـــلا

( لك وداد)
ــ حين تجتمع المشاعر في الأوقات الأكثر إيلاماً...
من غربة عن الأهل ومعاناة طفله....
ــ*تذكرت أخي وصديقي عواد من عيون نجد الغائرة ...
بعد الأدوية الكيميائية....
ــ وعيون أخي عواد القادم ..بها جمال أكاد لا أنساه في أحلك الظروف..
ــ وهالحين تغير... سمن ..ونجودتي بحمدلله طيبه

جائت هذه النجدية..
1423

لك وداد !!

	يا نجد يطري علي عواد= عقب التعب كنها عيونه لا يا بعد من وطى بالواد= اللي حـــرامٍ يطــبونـــه ولا يابعد من نطق بالضاد= واللي تحول الحرس دونه واللي تسيّد على الأسياد= وتبارك الغُشـــم بردونــــه يا عين جدي حرام الزاد= عقبك فقد ريحـــه ولــونــه بالكبد من عقبك القداد= ومن عقبك العين مشطونه البيت عقبك نكد وقياد= يا جــنــة البيـــت وفنونــــه يومين راحت سهر ونواد= ولا أدري عن النوم وسكونه لا علم لا حلم لا مرقاد= صمتٍ وحجـــان مــقرونــــه لا حبك الله بعد وش عاد= ســــواك شــــيٍ يحــبــونـــه يا فرحة اللي سمع رعاد= عقب المـــحل رويـت شنونه يا بهجة النفس لك وداد= أبــــدوه عجـــزوا يكــنونـــــه عبراتهم عزوتي لا زاد= يا نـــجـــد همــي زمو دونـــه فخري وذخري بكسر اشداد= ما خــالج الــنفــس يوحونــه هلي ..هلي..هلوتي لا عاد= يــومٍ حـــدانـــي يعرفـــونـــــه الحمد للي فعل ما راد= الــــشكــــر للـــكايده هـــونـه

ويعلم الله انها ليست شكوى وانما طمعاً في دعواتكم الطيبه لأبنتي ولكل مريض بالشفاء

السلام عليكم ورحمة الله

إعتاد ( مصيول ) صباح كل عيد أن يتوجه لمضارب الشيخ فليحان لمعايدته قبل اقرب الناس !!!

وطلب مني اخاويه للقيام بواجب المعايده .... قلت توكل على الله ولاعاد اشوف رقعة وجهك

***

هذه حال الوصوليين والمتسلقين والمنافقين يقدمون المصلحه على والديهم نسأل الله السلامه

(والله عيـــــــــــــــــــــــــــــب ) !!

	اعيا القلم همي ونازف قصيدي=ولا ترجّل منه بيت القصيده خالفت سرب اصواتهم بتّغريدي=ولا بعمري جبت جملة مفيدة بعّناد الون دفتري من وريدي=و الوي من الضيقات عنق العنيده ماني من اشعاري شقي سعيدي=و ادري متى الشاعر يحرر عبيده ما قلت لا عمي .. ولا قلت سيدي=وعيت بالدنيا على امي وحيده شربت من دمي ولا مدت ايدي=معزةً تسوى شعوب مجيده يهاب شيمتنا قريب وبعيدي=لا من غدت بالناس خصلة فريده ما نرجى السلطان عبدالحميدي=ونعايده بالعيد لا عاد عيده يأكل تراب ولا يعايد حفيدي=ومن سنها بالغصب ,نلعن كديده يا اهل النفاق القلقسة ما تفيدي=تخشون لقام (.....) و العصيده ذلٍ بكم يقول هل من مزيدي=يا هنوه....والله عيب سمعة بديده

،،، إزعل ،،، !!

	ازعل.. حلاتك يوم ترضى علينا= يـــاكبر عطفك..لذ شوقك إذا عنّ ولا يــطــوّل هجرنا لا بليـــنا = مالي ومالك يالغلى سلوةٍ عن يومين والثالــث تشابك يديــنا = يامن يقاوم فايح العطر لا خن ؟ حـــل الغرام وبالمحبه بديـــنا= عيد المحبه لابدا الصاحب وحن هذي حلاة الحب قسوه ولينا = الوجد للعاشق ليا لايـــعه ون عسى الزعل ياطربتي مايجينا = وان مرنا لاقدر الله فــــله فن له فن واسلوبٍ يجي من حدينا = عقل وسماحة بال يامنك يا من الله يعيدك يالزعل لا رضينا = لا جل انتلذذ بالرضا ونتفنن

دنيا غرور !!!

	يعلم الله من متى بالي صبور= والليالي السود تشهد والنهار البياض بعارضي مثل البدور= سابق سنيني ولبسني وقار طاهر الخفاق كاسيه السرور= راضي باللي قسمه الله وصار قلبي الجبار ماهزه دبور= الدهور القشر في ناره شرار الاحجه من تفتحها الزهور= راح عطر الورد وحجاجي عمار باسمٍ وجهي وهالدنيا غرور= زادت الخافق سطارٍ مع سطار بشر اللي هام فيها بالثبور= تاكل احلامه وعمره ما إستثار انتبه لياك والدنيا تدور= لاتومّنها ترا ماله قرار

الطيــــــّب ،،،،!!

	نشره على الطيب ليا سكر الباب = وإلا الردي لوبرهـــجه وش نبي به ونكره على الطيب ولوهو من الاجناب = الذم بغــــيابه ليامن حكي به مانرجي الا رازق الطير والداب= الواحد اللي كل داعي يجيـــــبه نطيب مع من طاب غربه والاحباب = العرف والمعروف ماهو ذهيبه اطيب من ادرار الحنونه لمن طاب = وامر من موت الضمى للحريبه مرٍ غريب الناس يسوى له اقراب = ومرٍ تجيك من القرايب مصــيبه من لاتعلم من خطا الغير ماصاب = يمشي على عمياه يندب نصيبه

جناين جوري لقلوبكم الطاهره

من محفوظاتي هذه الخاطره كتبتها بحياة والدتي جوزاء رحمها الله واسكنها روضة من رياض

الجنه ،، عندما عجز شاعري ان يرثيها

قلب جوزاء،،،،!!

	لو قلب جوزاء بالنساء ما بقى كيد=ولا صارت الفرقا بعض يوم عادي ولا صار مجلاس الضحى سنة الغيد=مجلاس غيبة للبشر وانتقادي يدفي حنانه قارس البرد بالبيد =ويرضي بيانه بالبياض السوادي زهر الخزامى بالرياض ..التغاريد=بشرى البدو عقب الكمى بالجرادي افرح بشوفه فرحتي بالمواليد=اوفرحة المعتق بسن الرشادي واسعد بها سعادة الطفل بالعيد = لابش وجهه بالثياب الجدادي بفراقها ياقو حيل التناهيد= وبحضورها ياهو زماني جوادي

للقلوب الخضراء

إغنم زمـــــــــــــــــــانك ،،،،!!

	إلعب مدام الجو راق لسموّك=هها طلبتك بدد الهم بغناك غرير عن غيرات الايام توّك=ماخرعك جور الزمان وتحداك اشعل قناديل الفرح شب ضوّك=اسمر على ضحك السعد لاعدمناك إغنم زمانك لاصفا اليوم جوّك=لابد تتبعك الهموم وتمثناك لك حق تفخر يابدر في علوّك = ومن حقنا نسهر بطلعة محياك انت الندى يامروي القلب نوّك = تجود لاحن الخفوق وضميناك الله يحفظك ثم يسبع عدوّك = يامسعدن ذولا ومطني هذولاك

[/CENTER]