آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 17-06-2015   #11


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي المساجله رقم (6) بيني وبين الراوي / الغسلان



إسنادا على الشاعر/ مبارك طناء التبيناوي

يقول الذي ساق القوافي وهومحتـاط = تشادي نواوير الخزاما بجال الروض
لأن الذي نسندله القاف ماينهـاط = وقوله غداءعند العرب ساري ن محفوظ
يصف المعاني والمثل صفت الشخاط = يجيبه توافق منطق العقل والمفروض
بيوت ن لقط طيبه ومعناه باا لملقاط = ورمحه بصيدات المثل دايم ن محظوظ
سريع ٍحظورالقاف ياتي كما المخباط = يجيبه ويشفي خاطرالضايق الممروض
مواريث شعار(ن) مضت مابها مغلاط = خذاهاوصاراليوم باالربع نعم العوض
مبارك لغلق القاف والكايده شـعاط = علامه ثمان أيام صدره تقل مغيوض
إذاكان جمرالعشق في ضامرك مشتـاط = وقفنامعك لين العطاشاءتذوق الحوض
ونقلط معك بااللي ترى كان به مقلاط = بمالي وجاهي ثم نكتب لك المعروض
ونطلع مطاليعك وننزل مع المهباط = ولوكان مع طيرن شلع جانحه منفوض

الراوي / فواز الغسلان


ردا على الراوي / فواز الغسلان

سلامي عددمن طاف باالبيت سبع أشواط = هلا باالرساله والتماثيل والملحوظ
هلابه عددرمل السوافي بعرض إقطاط = هلاعدناس(ن)باالهوى حقهم مبهوض
هلابه عدد سكان الأردن لشرق الغاط = هلابالبيوت النادره والهزل مرفوض
بالأشعار والتاريخ الأول خذيت أنواط = جمعت الروايه وأطيب الشعر والملفوض
غنين عن التعريف كاالشمس ياسـقراط = لك الشكرياالراوي وشورك ماهومنقوض
أبدماعلى حالي مجرد شوي إحبـــاط = نهاية غلاء ماأدري بداية ردات حظوظ
على اللي جماله يتعب الماهرالخطـــاط = ولاعنهم الذاكرولا أدري وش العاروض
أنشد زميلاته والأبلات والخيــــاط = من إلعام وعيون الشقاءماإهتنت بغموض
توارد غرابيلي من الكم والقـــيراط = سببها قوي العزم مايستطيع إنهوض
يقولون قالوا قيل من طلعة التميــاط = مشواباإتجاه الغرب والعفش ميل الحوض
من أرسلت يافواز يمّه طلع خـــراط = رجع باردن وجهه يامنحاش يامرضوض
يمثمث تقل يعطيك الأخباربا الشــفاط = وأناكن في صدري لهايب سموم إقيوض

الشاعر/ مبارك طناء التبيناوي


 

قديم 20-06-2015   #12


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي مداعبه أخويه لطيفه بيني وبين الراوي فواز يحيي



كما قيل ( أعلمه الرماية كل يوم ، فلما أشتد راوينا رمانا )
بعد بضع سنوات من المساجلات لأسباب كثيره وسافر المذكور لدولة قطر وحسب قوله لمدة ثمانية أشهر
وصلتني من الراوي الشهير والمميز خصوصا بتاريخ القبيله وذلك قبل سفره المذكور وهي مداعبه ولكن ذكر كلمة بالبيت 13 لما رديت يقول فواز يحيي
1ـ الأشعار فابت من مبارك ثمان شهور = ولاعاد نسمعها على موجة المذياع
2 وقالو سرى بالذود والطرش والمضهور= غداء البثل بمراحه يجي له ثمان أصواع
3 وأنا خابره صوب الجوازي يكز سبور= ولا ينتهي لو ضاع قلبه مع اللي ضاع
4 وقالو لقا روض المهاء خايع ن ممطور = والأريام ماتجزع لشوفه ولا ترتاع
5 نصيبه نهض وأصبح يسافر بلا بسبور = جمع بسمة الغالي مع الريف بالمرباع
6 رجع له شبابه مع طبايع شبيه الحور= وشمت خدود اللي مثل ريحة النعناع
7 ولاعاد يغلي جلست الناس والجمهور= ولو تنصحه يترك دروب المهاء ماطاع
8 وأنا اليوم جهزت القوافي تقل طابور = معي بندق ً طوله تعدى ثلاث أبواع
9 ولا تعترف في سالفة عنتره والثور = ومن ذاق نيرانه لزوم ن يعض القاع
10 لاما تجدعه مصيوب يركض بدون شعور = مع إنه من أول مثل أبازيد والقعقاع
11 سرت رحلته من سبة الساحره مسحور = بردف ً مع اللي في طريقه تطق أصباع
12 وأنا جيت لمبارك قبل طيحته مجدور = قبل تكتمل عدة جروحه ثلاث أنواع
13 بها العنف والإرهاب والغدر والديكور= وهي هجمة ن فيها القنابل تجيب شعاع
14 لأن القنابل تجمع النار والفسفور = وتلقاه تدخل في رصيدك بدون إيداع
15 غدى النسر يمشي بالشوارع بلا منقور= وعقب المعزه صار يزفن بدون إيقاع
16 وكان أنت تنوي يامبارك تطيع الشور= والأشوار تشرى يامبارك ولا تنباع
17 لو إنك تخلي لي دروب المهاء مشكور = وتمرح بليلك مستريح ٍ بدون أوجاع
ردا على المذكور
  1. عليك الرجاء والستر واليسر عقب إعسور = ألا يامغيّر حالت الراوي الخداع
  2. مصاب ن بفيروس الخنازير خشم الثور= وعن شوف وجهه قبل ودك تحط شراع
  3. ضحك له زمانه وأضحكه والزمن عاثور = غدى طير إبن برمان جاب الحنيش بساع
  4. على راس من عشاه وأصبح بدون شعور = يجوّض وثوبه يشلعه عن هباط القاع
  5. غدّت عجته بالقاع كنّه عجاجة مور = وبينه ومابين المنيّه ثلاث أصباع
  6. حشمناك من حشمة رجال ن مضاله دور= إحشام ن إكرام ويشهد الكل بالإجماع
  7. يعاف الهوى من مثل حظ الفلس بحدور = ولا ني بدار المره اللي كرمهم شاع
  8. مثل علي أبو صالح بدولة قطر مذكور = سلايل بني ضرفاس طيب وطويل ذراع
  9. على ذكر علمه يدله الضايق المقهور = سمح النباء جزل العطاء فزعة الملتاع
  10. سلامي على الشيخ العظيبه فخر وسرور= عدد باذر الوسمي وما يزرع الزراع
  11. تواريخ راع الطيب تبقى زمن وعصور= الأعمار تفنى والشعر والفعل شفاع
  12. هواللي يجيب الهيل والزعفران غمور = هو الشيخ راع الذود بالجود صيته ذاع
  13. ماهي جيبته الراوي قنابل بغدر وجور= وقبل أمس إبن غسلان مايملك المقلاع
  14. وأنا خابرن فواز مايذبح العصفور = يهدد عشيره دون غلطه ولاله داع
  15. قبل يستشيرن وأبذل الجهد والمقدور= وإذا جودته أم الركب جيت له فزاع
  16. وفجأه تسلطن صار شيخ ولد هامور= ولكن لياشافن قباله غدى مرياع
  17. غزى من قطردار التميمي مغيث البور = وأنا في تميم العز والمرجله طماع
  18. بلا شك من خيره تواست قطاة الثور = قمش كم قرش ويحسب الناس له مطواع
  19. غزى بالبنادق والبنادق تبي ناضور = وقلب ن مثل قلبي على الكايده بتاع
  20. ذكر بندق ٍله لاقناة ن ولا ماصور = تجي فوق ست أمتار عن نابض الإرجاع
  21. تبي تكحله وأعميتها ياملا الناسور = تبث السوالف تقل طيّارة إستطلاع
  22. على عمك اللي علمك تستر المستور = وأثاريه أنت اللي تقول إنسدح مافاع
  23. وأنا ماأفتش بالصراير ولا المذخور= وأنا لو نويت إمحارشك مالك المطلاع
  24. بنات الأصايل تعشق النادر الممرور = ياوجه اللذي طنَّش بخشة خريش إضباع
  25. ترى مدمن الغيره نداويه بالساطور = بعدها تزاوّل راعي الملبس اللماع
أخوكم ومحبكم / مبارك التبيناوي


 

قديم 02-07-2015   #13


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي أيضاً مداعبه أخويه ولكن ثلاثيّة الأبعاد



عذراَ أساتذي الأفاضل وأخواتي الفاضلات ، لقد فاتني لا أنوّه بأن المداعبه السابقه التي بيني وبين أبو فهد وتلك أنه بناءا على رغبته هو تمت كتابتها هنا وإليكم المداعبه ثلاثية الأبعاد ايضا لرغبته هو للمعلوميه
قال الراوي الشاعر / فواز الغسلان

1عواد هاك القلم وكتب على كيفك = وإنظم حروفك تر الأخلاق خربانه
2 مادمت هذي قبل تقبس عواصيفك = تشلع مزاجي وتقفل كل بيبانه
3 النفس ماتحتمل كثرت عجاريفك = جسمي يعاني مقصاته وعمدانه
4 ترى مبارك قريب من طواريفك = وإن صحت له يامبارك ثارشيطانه
5 وإن ثار للمعركه ثارت صواديفك = تفاق مايخطي المقرود نيشانه
6 أوهات الأشعارمن عالي مشاريفك = لك ريشة يضبط اللوحات فنانه
7 نبي القواعد على نحوك وتصريفك = وإرفع ولا تكسر اللي حاز سلطانه
8 ويقنع هل الدوق والنقاد تهديفك = وروعة بلوت الهوى الجاير وكنكانه
9 ونعرض على لجنة الحكام تكليفك = في رابطة مجلس الفيفا وعنوانه
10 وإدا بغت لجنة التصويت تعريفك = قاف السناعيس شاع بكل بلدانه
11 ويضمن فريق الهوى جملة مصاريفك =وتذاكر أهل الهوى الظالم ومسكانه
12 وساعة حضورك على النادي وتشريفك =إكشف مهارة ولدشمر بميدانه
13 ولا تتبع اللي يبي صدك وتخوفك =من شأن تترك قوافينا وديوانه
14 واللي حداني على شدة قفاقيفك =عن باقي الناس مع روضه وبستانه
15 فرقا وليفي مثل فرقا مواليفك =وقيفان شعري مثل شعرك وقيفانه
16 وأوصاف حالي تطابق نفس توصيفك = ونيران قلبي مثل قلبك ونيرانه
17 وسموم صيفي يشادي بالغثى صيفك= وطغيان خلي مثل خلك وطغيانه
18 أسرع وخل الهوى يدفع مجاديفك = وسفن البحر ماينام الليل قبطانه
19 وإلا طلبنا من السلطات توقيفك = وصعب آتنازل وأنا الأخلاق خربانه

رد عواد العلي
1 ياكبرها منك يافواز ياحيفك = ماهي عوايدك تدخل حرب خسرانه
2 للبرد نزله سببها خف تلحيفك = تأثيرها بان والأخلاق بردانه
3 شبيت نارك بزندك والحطب ليفك = وإصبر على مطرقة شعري وسندانه
4 تسخرمن أعظم لغه من ضعف تثقيفك=(وااانحواااه ممنوع من الصرف غسلانه)
5 لو ينفتح باب توبيخك وتعنيفك = همو بك فلان وفلانان وفلانه
6 أبذكر اللي ذكرته وإسمه يخيفك = خوف أحترام ومهابة نار بركانه
7 يامبارك اليوم يومك والفخر سيفك = حطه بحبس إنفرادي وسط زنزانه
8 الأمر يرجع لتوجيهك وتصريفك = العلم ماهو مزارق طيب وميانه
9 مضمون قدره يبذنه مغاريفك = من نادرات الدرر وحكاك مرجانه



1. إربط حزام الأمان بحكم تكتيفك = الله عويني على الظالم وديانه
2. عواد يصبر رغم لطشك وتزييفك = من ذاق ملح العرب بالعرف ماخانه
3. فاصل عسى الفاتحه تقرأعلى جيفك= واصل عسى الله يوصلني لرضوانه
4. وَّصل وفَصل وفـّن إلقى وتوظيفك= مع جوهرالمفرده تلميع وصيانه
5. أمجاد الأجداد تعميها تصانيفك = تدخل عليها شعار المجد والدانه
6. أبزع ولايقدر المغتاب تحذيفك = قولت (عشيرك) تهز القلب وأركانه
7. وأسفه سفيه (ن) يمثمث ياوطأ شيفك = وأقول فواز مابه غدر لأخوانه
8. وتدخلني الشك ياكثرت محاليفك = وأنا ليا قلت والله جاك برهانه
9. عليك بالصدق لا تكثر تحاسـيفك = مشكلك محسوب منا وأنت في لانه
10. طوّفتها لك كثير وجف تطويفك = لوهي تطوفك غلا شمر وشيهانه
11. قل قال لومرمع طيف الكرى طيفك = حياء ورحب من الفرحه بسجانه
12. قل قال كيف إقترن زينك على زيفك = عفراء تفرعن حمار الورد بأوجانه
13. قل قال كم دمعة(ن)طاحت على سيفك=عبرت يتيم(ن)سرقتي منه وجدانه
14. قل قال منك العبث طيّح مواليفك = ترس الفتاتير فيونه وفتانه
15. قل قال كم ضاع ولفه في رجاء ريفك = وأصبح معايد هل القريَّه وجيانه
16. قل قال قلبه مثل صافي مراهيفك = عذروبه اللي لقاه النذل وأعوانه
17. عواد يابوفهدمعتاد توليفك= سلس العسل لويكررمـاله الخا نه
18. مرزف ورجف القوافي في سراجيفك = بالثانيه تشتكي خلك وهجرانه
19. مشفوح شفحه ولاتركد شواحيفك = دورالعمر قبل جدي حد وعيانه
20. زغرد وشوبش وخطرف في غطاريفك = إستثقلت بالسحاب وهل هتانه
21 عواد يرفع على ضغطك وتلطيفك = بالطيب يكفيك منه حكاك صيجانه
22 نخشى من العين لا تذبح مخاشيفك = أهل الحسد والقلوب السود عميانه
23 واللي حداني بدت تِسفِل سواليفك = وأنت بغنى عن أمورن ذنب غفرانه
24 إن كان له متسع يقراه بإرشيفك = جمهورك اللي سكن قلبي وشريانه
أخوكم ومحبكم الشاعر/ مبارك طناء مبيريك الشمري


 

قديم 03-07-2015   #14


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي مجاراتي لفضيلة الشيخ الدكتور/ عائض عبدالله القرني



بسم الله الرحمن الرحيم
مجاراتي لقصيدة فضيلة الشيخ الدكتور/ عائض القرني والتي بعنوان (لاإله إلا الله
)وهي (53بيتاًمماثله) كما أنه لايخفى على الجميع حينما أعلن فضيلته عن طريق مواقع التواصل اللكترونيه بالتحديد القوافل العربيه والساحه الشعريه وكذلك في مجلة إقراء
أنه من يجاري قصيدته التي أسماها بعنوان ( لاإله إلا الله )والتي أنشدها فنان العرب محمد عبده تحديدا من الشعراء الشعبيين له جائزه مليون1000000 ريال سعودي ووسام التميّزوبعد إن إطلعت على قصيدته التي 53 بيتاً تبين لي كما هو شعر المجاراة أن تتبع كل حرفاً فكان حسب معرفتي الشخصيه أن الدكتور الداعيه لايتحدى فقط بمجرة قصيدة نبطيه تكرر التعديل في وزنها ليتم انشادها وخصوصا الشعراء البدو لأنني أعتقد انه ليس من المحتمل بل من المؤكد أن آباؤنانا وأجدادنا لايجهلهم دينهم وسنة نبيهم خاتم الأنبياء والمرسلين (ص) لاأطيل لاحظة أن الشيخ القرني ذكر 1 ـ لا إله إلا الله مسبوقه بالواو14مره
2ـ الله 14 مره
3 كلمة كم 14مره
4 ـ الكائنات 14مره
5 ـ ذكر 4 من الرسل عليهم افضل الصلاة والتسليم
بلغ ج53 عدد ابيات القصيده معهما الخ ،،،،،،،،،،،
أعتقد أنه بناء على إعجازالخالق العددي للكون واللذي لايعلمه ولا يعرفه إلا صاحب الإعجاز سبحانه وتعالي
تم ذكر كل ماتطرق له والله ألم وهو ولي التوفيق
1 لا إله إلا الله الـواحــد اللي مايـغـاب= ولاإله إلا أنت عــالم خـفى غـِـيّـابها
2. ولاإله إلا أنت نخشى عـذابـك والعـقاب= نرتجيك إرضـاك يالمعـتلي وأسـبـابها
3. معطي الجـنـه لعبدك ومـالـذ وطـاب= والمـصـائب تعلم أسـبابها وأطـبـابها
4. ولا إله إلا أنت أرسلت طـيراً كالشهاب= طير أبابـيـل وسـجيل في مخلابها
5. دمرأهل الفيل والفيل وأصحاب الحراب= إناللبيت إله يبيد أحزابـها
6. لا إله إلا الله إثني عشر حرف إحـتساب= كرروها كم وكم هي بنطق أعرابها
7. كل حرفٍ يازن الكون كله والهضاب= معجزات المعتلي للملى بكتابها
8. بالعدد والأبجدي لوقراها الطفل شاب= ألق ياموسى عصاتك ولا تخشى بها
9. يرتهب من هيبته راهب الرعب إرتهاب= خاب كيد أهل الضلاله وحزب إرهابها
10. شَرَف الله دين الإسلام ماهوشرع غاب= قتل نفس ٍمؤمنه زمهريرأعقابها
11. ولاإله إلامغيث الصحاري والدواب=ولاإله إلاأنت من بعد طول إجدابها
12. ولاإله إلاأنت من يلتجي بك مايخاب= خاب من كذب رسول الهدى وخطابها
13. ولاإله إلاأنت يالمستعان أعظم جناب=ولاإله إلاأنت حقاًوأنت أولى بها
14. مرجعٍ يوسف ليعقوب من طول إغتراب= حمودمع الحزن يحرق عيون ن صابها
15. رحمتك ياعالي الشأن ومديرالمهاب= أبصرت عينٍ كفيفه بريح أحبابها
16. بقدرتك موسى ضرب بالعصا البحرإستجاب=عن يمينه عن شماله كشم هضابها
17. البحر والموج من خشية اللـه إستراب= رحمتك تسبق عذابك لمن يحضى بها
18. إنقلب موج الغضب فوق فرعون إنقلاب= جل شأنك شافي أيوب بعد أتعابها
19. ولاإله إلا أنت لطفك بنا حين المئاب= ولا إله إلا أنت لاملتجأ نلجابها
20. الأبووالإبن ماكن له فيه إنتساب= شاخصاتٍ كل الأبصاروش تجزى بها
21. غيرحسن إرضاك مايطلب العبد أكتساب= ياإلهي جنة الخلد ترزقنابها
22. الفقيرلرحمتك وكَل أمره لك وأناب= في ركوعه في خشوعه وفي محرابها
23. سلم أمره لك إلهي تقرب وإحتساب= ولاإله إلاالله أموت له وأحيابها
24. يامعزإتعزالإسلام من شيب وشباب=وأهلك الكفاروأهل الجهل وأربابها
25. وأهدناللخيروأصلح لناعن مايعاب= نجنامن غزو الأفكارلانبلى بها
26. ياعبادالله توبوفمن تاب يثاب=رحمة الله كل حسنه بعشرإحسابها
27. كم وكم تلهيه طفره وسفره وإنتداب= كم وقف عند المشاعرولاصلى بها
28. كم وكم يلهيه عن طاعة الله إكتتاب= وهادم اللذات عند الوريدإنصابها
29. ياأخي دنيا غروره وتغريك إنجذاب= تضحكك تبكيك توحي لك إستتبابها
30. سرع ميلتها بعدضحكهالك بالعذاب=الله الله ماتسرك بضحك إعذابها
31. فتنة الدنياكما كيد تلعات الرقاب=يابدامن حسنهامايليق إعجابها
32. لاإنفتح لإبليس فرصه رمى المؤمن وأصاب= ياتولى قلب مؤمن لعب بأعصابها
33. كم وكم ينساب شره مع الناس إنسياب= الله كم شلفا تسنونهاوأدلى بها
34. والمصيرالدرك الأسفل حميماًوإلتهاب= طاعتك ياهادي الخلق تصلحنابها
35. ويش جاب آدم من الخلدلتراب وعذاب= طاع رآي إبليس يبغى القداوأخطابها
36. أغضب الرحمن قال أهبطوحتى المئاب= إناإبليس عدوالبشر وألبابها
37. الله الدايم وغيره ذهاب ٍ في ذهاب= كم حضارات لأمّم تعرفون ألقابها
38. مابه إلاالبوم يوعدعليه الإكتئاب= والخفافيش الكفيفات تكتنابها
39. لاتناساضيقة القبرحين الإكتراب= الله كم عينٍ بكت لك وقف سكابها
40. ياكثرناسٍ تناساك لوذكرك يجاب= وقسمة الميراث ياقل من يرضى بها
41. صالح الأعمال يبقى وغيره سم داب=والرصيداللي تركته كثر نهابها
42. الله كم إرثٍ فرق شمل من بعدإقتراب=وأنت في حالٍ عسى الله أنشابها
43. مالك عن الموت لوتعتلي فوق الضباب= ماتنجي ناطحات السحاب أصحابها
44. إعمل بدنياك للآخره دارالمئاب=والحرام ورغبة النفس لاتشقى بها
45. الله أنزل محكم الذكرمامنه أضطراب=لأحمدأطهرمن مشى فوق سطح ترابها
46. والله إن الذنب حناإرتكبناه إرتكاب=توبتك ياغافرالذنب تسترنابها

47 إرحم الميّت والأحياقبل يوم الغياب=ساعةٍمانرتجي شوف شخصٍ غابها
48. مالعبدك غيرعفوك ملاذولاإنسحاب=وأنت غفرانك لعبدك وسيع ٍ بابها
49. لاتؤاخذني بنفسي على نفسي عتاب= الجهل والنفس وإبليس وهقنابها
50. طالبك تغفرخطاناقبل كشف النقاب=ولاإله إلاأنت حسناك تشملنابها
51. لطف عفوّك ربنامالناعنه إجتناب=والعبادبفضل عفوك تحث إركابها
52. وعائض الدكتورتجزاه عنابالثواب=وكل داعي خيرمن حكمته وآدابها
53. ولاإله إلامجيب الدعاءوالإطلاب=ولاإله إلاأنت معطي الحقوق أصحابها

والسلام عليكم ورحمة الله وبركاته
الشاعر/ مبارك بن طناء بن مبيريك الشمري


 

قديم 12-07-2015   #15


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي وصلتني قصيدة من الشاعرالقدير/صقرحمود الضويلي الشمري



قصيدة وصلتني من الأخ العزيز الشاعر/ صقر حمود الضويلي الشمري
يابن طناءأبي أسئلك عن لغزأظنه مايخفـاك= حيث أنت أخبرك يارفيقي فاهم حـل اللغـوز
بعض الاوادم لو وقف ميقافـه يـزود غثـاك=وبعض البشر تعطيه هيل ويرجعه لك قشر موز
ولومانت يامبارك صديقي وأخبرحلـون نبـاك=كان أترك العلم الخفي والسر بالقلب محجـوز
ركزمعي تكفى شوي الله مـن الشـر يحمـاك=وأفتح لنا أقفال الجواهر وأعطنا بعض الكنوز
مبطي أعرفك يامبارك ماحد ن يلحـق مـداك=سيفن ليامنه شهر في داخـل القلـب مغـروز
حرن معرب من سلايل جود فصلـك وأنتمـاك=ورثت بالعلياء شموخ وصرت بالعلياء تنـوز
العلم وصلك يامبارك والخبر من صقـر جـاك=عما وتبارك حافظه وأقره على رأس النحـوز
عندي قضيه مشغلتني وأبي أداعب به منـاك=وأنت أخبر على الضمير المستتر دايـم تفـوز
الجيب عياء يشتغل لـو دق سلفـه ماعطـاك=وأبي أسئلك سلك الظفيره كيف ياصل للفيـوز
أنشهد أنـه علتـن ومنيـن ماجيتـه كـواك=لو مايضر بصحتك يجيك صلو مـن القـزوز
يالله عسى عين الحسد والحسد تعطيه الهـلاك=دام الحسد شـي حـرام بسنـة الله مايجـوز
يامعلم الدرس أشرحه وأعطه مدام الله عطـاك=معلم ذكي والدرس وافـي والتفنـن بالرمـوز
ميسو الامنه لعب بالخصـم ياصـل للشبـاك=والحارس العملاق واقف لكن البـاب مهـزوز
بعض العلوم العنجهيه لازمـن تلحـق خفـاك=ودك تحطه قائمة سوداء علـى بيبـر نيـوز
ومن لايقدر صحبتك حـرام تظهـر لـه ولاك=وشلون من قاع الضلام تشيل مثلـه للبـروز
أبي مبارك يبتدي وأنـا أتفـرج مـن هنـاك=خله يوجه سام ستـه أو صواريـخ الكـروز

ردا على قصيدة الشاعر / صقر حمود الضويلي الشمري

يامرحبا يابو حمـود يـزود بالخاطـر غـلاك=ياصقر من لحظة عرفتك وأنت للجزلـه تحـوز
يابن الشريف أصل الشرف مبداالجدود ومبتـداك=ياذيب لاياصقرنـوب الذيـب ينحـاه إمغـزوز
قبل الضمير المستتر الله علـى الخيـر يهـداك=مانـي مساعـد كهربائـي للجيـوب وللبنـوز
ياصقـر بالله يانخـاك المبتلـى و إلانـصـاك=ياقال تقفى ياصقـر تقفـى وعجـل بالنجـوز
من دون شكه يصطلي دم الحميّه فـي حشـاك=في ساعة الشـده تشددلـه يبـوز أومايبـوز
الله يجنبك الحسدوالحقـدماهـوفـي سمـاك=وإلاالردي فيه الردى مطبوع خلقـه ومخـروز
وأرجع وأركزفي حلول اللغزيسعد لي مسـاك=ياصقرهذاإخون لأبوعجرم على وقت العجـوز
إقلب مساليـك الضفيـرة وإتـرك أولهـا وراك=إقره مثل ماهو عليـه بطبـع لِبَـاس الجنـوز
أم الشمالي حاشه الحظ الغبرمامن فكـاك=واللـي نلقمـه العنـان يهـوز وأول مايهـوز
مامن ورى مجحودبقعاياصقر غيـرالهـلاك=اللغز حله ضمن عجز البيت واضـح ومخـزوز
ياصقر همي راحت الجمهور لوهمـي رضـاك=جمهوري اللي حبهم وسط الحنايـاء بالكـروز
دم الحميه والحقيقه ساقتك جعلـي فـداك=تدري رجال المعرفه من غير شمر والعنوز
ياجعل من يجحدجميل الناس في حالٍ ركـاك=ومن طبعي أدمح للخوي ثنتين والقلب إمحزوز
علم الفخر نهج الطناياء دون خيفـه وأرتبـاك =العلم وصلك ياصقـر ماهـو ملفـق ومخبـوز
ياصقروافي والوفالك به صكوكٍ وأمتـلاك= قليل جنسك من جنوب المملكـه ليـن الـدروز
لوقلت عذبات القصايـد فيـك فوقـه مستـواك=ولا يهون المستمع شرواك للعليا يروز


تقبلوا تحياتي وفائق تقديري
أخوكم ومحبكم / مبارك طناء مبيريك التبيناوي


 

قديم 14-07-2015   #16


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي قصيدة لابن العم الشاعر/فوزان مقبل المبيريك التبيناوي



بسم الله الرحمن الرحيم
وصلتني قصيده من إبن العم الشاعر /فوزان مقبل حشاش التبيناوي
قصيدة لابن العم الشاعر/فوزان مقبل المبيريك التبيناوي
همي اللي كل ماولى يجي = ياهمز قامت ضلوعي تزهمه
مايباعد خابرن له منهجي = بين قلبي والضلوع المبهمه
عاملن له بالضماير مدرجي = كل ماأرتاحة يمر ويلطمه
يانديمي هات حبر ن يمزجي = بالورق حاول تخط وترسمه
كالوشم من فوق خد العسوجي = زيّنَه ربه وزين مبسمه
فكري اللي شدخيله وأسرجي=من معاني ماتبي له ترجمه
حافظه عن كل شئ يسمجي=خلصه من كل زيف ونظمه
وآضحه مثل النهار الأبلجي = وخافِيَّه ماكل رجل(ن) يفهمه
وآرثه من راس عود ٍينتجي = مايجيب إلا بيوت (ن) محكمه
ياإلهي وأنت غوث المرتجي = يوم أخذته راجي إنك ترحمه
بعد ذلك هات عون المحوجي = من وكيله صانعه مارهمه
جاء من اليابان حي المنتجي = وقفه في جمركه ماسلمه
منوة اللي باغٍيَّن له مخرجي = من ورى الحدين زيته كيمّه
ياضرب خطو الطريق الأعوجي= ضو شعالٍ بليله مضلمه
يشبه لشيهان بحرن أهوجي = قرنسه ربه وفعله علمه
ياتقفى صيدته ماتنهجي = كل ماحاشت كفوفه حطمه
أوكماالحرالجليل الأفحجي = ملك شيخ ٍمايحسب درهمه
ذاخره يالاح برقه وألعجي = برق وسم(ن) في ثنايا المرزمه
باغيَّه يازان نبت العرفجي = في دعوث (ن) بالروايح طمطمه
في إنقرها للحبارى مدرجي = ماسرح به راعيَّن هو وغنمه
إرتفع عنها وصك وعرجي = إختلط ريش الحبارى ولحمه
ذي وصوف الجيب كله تبهجي = لونه أوضح والجنوب موسمه
كاملن ماهو زمالة عربجي = التوانك والسبير مدعمه
من تملك طارته ماحرجي = ياصل الحروه بوقت الملزمه
وإن مسك له خط سهلن لجلجي = راعيه ياقل عزمه يجحمه
فوقه غلام(ن) عزيز المنسجي = مايخاوي كل عفن وشرذمه
خذ مني مرسول عجل وإنهجي = لبو عبدالله وحالاً علمه
يامبارك وأنت عون المحوجي = ويش رآيك بالهنوف المكرمه
له عيون (ن) واسعات ودعجي = والبلى كل البلى ياسلهمه
إن هرج كله دلع وتغنجي = وإن ضحك طب الجروح وبلسمه
يامشا تقول ثوبه فججي = ردفها يبي يفارق محزمه
وسطها شبرن يجي أو مايجي = والنهد قض الملابس وأعدمه
مشكلتها يالسنافي تسهجي = ماتكلم واحد(ن) لو كلمه
هقوتك هذا غرور مرججي = أو ثقه بالنفس ياالله سلمه
ماربا بين تربه وأعيوجي = ولا نقل حبل الحطب في معصمه
ولا عرف خب الرضم والأصلجي = ولا بناء بيت الشعر بأم رضمه
ولو يشوفه بصري(ن) مايرتجي = طرد زينات الملاثم حرمه
ندري إنك بالمثل ماتفلجي = شاعر(ن) ماشال بوكه وقلمه
يامبارك سالفتها تحرجي = مشكله ياخوك ماهي مسلمه


وتقبلوا تحياتي
اخوكم الشاعر/ مبارك طناء التبيناوي


 

قديم 17-07-2015   #17


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي ردي على قصيدة الشاعر/فوزان مقبل التبيناوي




رداً على الشاعر/ فوزان مقبل حشاش التبيناوي

1 – الرجاء بك يامعين المرتجي = جل شأنك يا عظيم المرحمه
2 – طالبك تقبل صلاتي وإحججي = يارجاء كل العباد المحرمه
3 – رحمتك مادمت حي ومعرجي =نجني من هول يوم المشئمه
4 – يا إلـه الكون سهل مخرجي = من عذاب القبر واللي تعلمه
5 – ساعتن فيها العمل يستنتجي = ويسأل إبن آدم عن اللي قدمه
6 – بعد ذكرك يامعـين الملتجي = هاضني جزل البيوت القيمّه
7 – برمـجي من دم قلبي برمـجي = ياخوافي روحي الـمتألـمـه
8 – وإفتحي باب الغـرام وبرهجي = كل باب(ن) للقلوب المغرمه
9 – وإفرجي بعض الهموم وفرجي =كل قاسي قلب وقت الملحمه
10 – يابو مشعل ياشريف المنهجي = لك مكانّه وسط قلبي مكرمه
11 – نفس يوم إتخرجك وإتخرجي = والتخصص والعطاء والأوسمه
12 – شي وآضح ماهو دوبه ينهجي = وأنت دكتور القصيد ومنجمه
13 – يابو مشعل لو تشوف إتلولجي = عفت نومي والعباد منوّمه
14 – دام قلبك باالمحبه مـحـرجي = آصل الحروّه بوقت المعظمه
15 – ياشـعيله حّل وقتك وأدلجي= ياذلولي عجلي باالدرهـمـه
16 – ناحري درب القصاد ودفلجي = ماحلى ممشى الأصايل بجهمه
17 – دوهجي ياالصيعريّـه دوهجي = عن عطالك والعفاش مبيّمه
18 – ناحري نجم الشمال ولجلجي = كّن عينك جمر نارن مضرمه
19 – صيعـريّـه بنت عرب المنسجي = راعيّه طول السراء ماينهمّه
20 – كّن سـرحان الخلاء له يدلجي= تقل ينهش باالفخوذ المـبرمه
21 – صوت هملول (ن) تقفاه إعججي = من هماليل الـمزون المرهمّه
22 – فوقه اللي مثل شغل ( الفركجي ) = والسفايف والقصيره بشحمه
23 – والأللماني جـرمّـني الـمنتجي = حشو بطنه والمشوط ومحـزمـه
24 – شمري(ن) ماقضاء الليل إدوّجي = ولاعرض رآيه على كل إزلـمه
25 – ولايبي شوف الشرط والقهوجي = سبـع بر(ن) كل قفر(ن) يكهمه
26 – يابو مشعل ياشريف المنسجى= الرجل بأمرين علمه وإعـدمّـه
27 – جيت كلي جبت حيلي وإحججي = لأجل توثيق العهود الـمبرمـه
28 – يوم وآجهت الجميل العـسوجي = حظ يافوزان من هومـحـرمـه
29- هقوتي من راح يـمّـه مـايجي = فيه لون البرتقاله وإطـعمـّه
30 – عندلن ماشيف حول الـمكوجي = ولا فرش فرشه على ربق إبـهمه
31 – ولا تعـلّم للغـطـاوي والحجي = ولادخل بيت الحموله وإهدمّـه
32 – ولا تعـوّد للسفر والسـفـرجي = ولا إختلط زبد الرخال ومـرهمّه
32 – كان دينه مـايـعـارض منهجي = إن هـداه الله لشرع المحكمه
34 – يانـخـيـتـوني من أول من يجي= وكل من يزحم جـنـابك نزحمه
35 – مسـندي فوزان ياحّـل إلججي = وبدّل الضحكه بهرج التمـتمـه
36 – مـايـداني هرج ناس(ن) سـذجي= ولاوخـذله حق غدروجلغمـه
37 – يابعّد من هو عـوايـده الـهجي = نسل عودن مايحب الـهذرمـه
38 – يامـشـاء في قـالتن مـايفلجي = سم ساعه للقلوب الـمجـرمه
39 – وكلنا من صـلب عـون الملتجي =وإبن عمك منك طيـبه وإكرمه
40 – أنا لك ياحّـل يوم(ن) مـزعـجي = وأنت لي عند الأمور المعظمه

وتقبلوا تحياتي
اخوكم الشاعر/مبارك طناء التبيناوي


 

قديم 26-07-2015   #18


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي بعنوان (خف بي ورف بي وشف بي طيَّب الحصه )



بسم الله الرحمن الرحيم
بعنوان (خف بي ورف بي وشف بي طيَّب الحصه )
ياللي بتاج الحلى والملح مخصوصه = في عيني إنك بتاج الزين مختصه
يفداك عمرن تبيَّن منك بنقوصه = بالعمر لوبس ليله منك ياحصه
لا تسأليني عن ألرؤيا وملخوصه = تحتاج وقت ن طويل وقصتي قصه
أنتي بطل فلمها والشعر ونصوصه = حلم ن تكرّر عسى خيره لمن خصه
لايزعلك حلم ليلن ضاعت قنوصه =مثلك ولا في حلوم الليل نمتصه
ماأسمع كلامك وحالي منك مقروصه =حتى تشاوا جروحي منك لو نصه
وترفق بقلب ن همومه حيل مرصوصه= قلبك وعينك على ارواح البشروصه
عندي خطاياك نفس الوقت مبحوصه=وخطاي لوصار سهواً كان لي غصه
الله على حظ بعض الناس وشنوصه =حظ ن يجيبك شـديد الوقت مارصه
ياروح عقد الذهب واللماس مرخوصه= لايزعجك حلم ليل ن غايب ن لصه
الصبر طول وحالي يابسن خوصه = خف بي ورف بي وشف بي طيّب الحصه






مبارك طناء التبيناوي


 

قديم 19-08-2015   #19


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي خذ العلم اللي ماهو صناعة فلم



مهداة للشاعر الأخ العزيز / صالح الزقدي أبو نواف
خذ العلم اللي ماهو صناعة فلم
خذ العلم ياصالح وعطني سديد الشور=لعله يفيد العاشق المغرم اللي طاح
عرضلي ونقضلي جروحي وهومسرور=أنا رحت لولا رحمة الواحد الفتاح
رماني وخلاني على حامي التنور=حريق وغريق ولاسفينه ولاسباح
أنا كيف أسوّي كان قفابه المظهور=عسى الله يصبرني لوإن الغلى فضاح
وأناوش بلى حظي من العام فيه قصور=محاصيل زرع(ن) ماتهنابه الفلاح
تهنابه الديّان باالموعد المذكور=جلس يبترم بحدود زرعه تقل مساح
غدّت مثل حاله حالتي ضايق(ن) مقهور=أجاوب حمام الورق في عالي الملواح
أنا لو سهرت الليل ياالزقدي معذور=مع الحائليه يابونواف قلبي راح
ألايابعد حيّي هكالزول والديكور=عليه الله أكبرنور خده كماالمصباح
وقف قال كيف الحال ياالشاعرالمشهور=أنا من حمام الدارماني من السيّاح
رديت قلت بخير ياالجادل الغندور=عطاني رؤوس أقلام لكن بدون إيضاح
عنودٍعلى صيد الهواوي تجيد الدور=أنا اللي مهولني قتلني بدون سلاح
طغى بالحلى والملح والجوهر المنثور=جرحني وفرحني ذ بحني وهومرتاح
غدرني وكدرني ترك خاطري مكسور=جذبني وعذبني شذى عطره الفواح
خذاءالحال في بسمه وغنجه وكبرالجور=عذاب القلوب أرحم لاوالله ذهاب أرواح
خذاءمن ضلام الليل ومن الشفق والنور=خذامن بياض الثلج والتوت والتفاح
خذاءاللي خذاءواللي تركلي يجيه الدور=سقاني ولقاني جهنم وسدي باح
ياصالح لك الله لو يشوفونه الجمهور=مثل شوفتي له يلحقون الصياح صياح
صدوق ٍبيوق ٍعاقل ٍجاهل ٍمغرور=قريب(ن)صعيب(ن)كايد(ن)ماوراه أرباح
زريف ٍلطيف ٍلاخفيف ٍولامطيور=عطوف ٍهجوف ٍلين ٍ قاسي(ن)مزاح
صحيح الهوى قتال من وآقع المنضور=سقاني ماهوفي كاس الأمراربالمفوّاح
تمنيت لو للحب ياصاحبي دكتور=يداوي جروح ٍ مايداويهن الجراح


اخوكم الشاعر/ مبارك طناء التبيناوي


 

قديم 04-10-2019   #20


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : 25-04-2020 (12:36)
 المشاركات : 195 [ + ]
 التقييم :  10
لوني المفضل : Cadetblue
افتراضي ياروح ملي يابعد حيي



السلام عليكم ورحمة الله وبركاته
ياروح ملي يابعد حيي
ياروح ملي يابعد حيي
(غريبه الروح )روحي ملت الغربه =زاد البلى والغلى مابان له عينه
(ياعقاب يابن نهار) الحال مضطربه = البيض شاعرجبل شمر مجافينه
(ياصالح الغازي انت بساعة الكربه=(يالساري) اللي أسرني غاب من حينه
(عواد يابن علي) ان ماتمذربه= اخبربه اللي يسرك حين تبيينه
(نبره حزينه)و(أحس احساس يشعربه= ياشاعرتنا (على النيه ) مصافينه
(ياجود) جود طعون القلب بالحربه= المبتلى بالمحبه لاتلومينه
تذهب وترهب قوي العزم في دربه =عفراء تفرعن حمار الورد خدينه
أركت علي مثل غزه ليلة الضربه= عزل وجيش اليهودي كل تمكينه
(يادوك قلبي) شلع قلبي وعزربه=(عازف مشاعر) ترازف بي شياطينه
(يامير في كلمتك) وضعي تبصربه= (انسان حالم) بحلم وعلم مغلينه
(لو يابوهيفاء) صنع عذروتعذربه=أسامحه لو تنوش القلب سكينه
(يافالح الناهي)أنهت وأرهت السربه= ياكثر( ياكبرياء شمر) مجانينه
( مجهوله ياشمريه) بئر ماشربه=شعرك وفكرك بعيدات مضامينه
(وين انت أدورعليك) السالفه خربه= سنجاربسطي سهم عينه بغالينه
قله (ياولد القصيد ) الولف والتربه= شوفيه شافيه روفي به عن الشينه
قالت أجاريك شعرا عبثا طربه = فقلت كن عن صغير السن بالغينه
عضوات وأعضاء بعدحيي تفاخربه=مفروض راع العبث ننهاه وندينه
لحظة عبثها بشاعركم وجب حربه= الغدر والكذب ماديني على دينه
له شف والمقفيه ماعاد افكربه = لو هي عن البيض فرق جنيف عن لينه
يابعدحيي رموز المنتدى ذربه=الشك والشمت والغيره مداوينه
ياروح ملي بنطق الحايلي طربه= النون في غير قول الحق مخفينه
شمرطناياء على درب الوفاء دربه = عهد ورثناه باذن الله ماشينه
حايل وأميره وأهلها واللذي قربه =هم رمز الأمداح والمجد وعناوينه



أخوكم ومحبكم مبارك طناء التبيناوي


 

 

مواقع النشر (المفضلة)


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:13


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام