آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 14-12-2011   #1


الصورة الرمزية الغريبة شوق
الغريبة شوق متصل الآن

بيانات اضافيه [ + ]
 رقم العضوية : 3028
 تاريخ التسجيل :  09 - 12 - 2011
 أخر زيارة : 25-10-2012 (10:36)
 المشاركات : 573 [ + ]
 التقييم :  10
 اوسمتي
وسام 
لوني المفضل : Cadetblue
افتراضي ديوان الشاعرة / الغريبة شوق








مــسـاااااااء الخـــيــر !!!



مساء الخير يا أغلـى البشـر .. يـا أقـرب الخـلان!=مساء الخير يـا أعْـذ َب حروفـي واجمـل سنينـي!
مساء الخير..أطـرز بـه علـى وجـه القمـر عنـوان=تحية شوووق !! يااا أول!! ويـا آآآآآخـر عناوينـي!
حبيبي ! في وجـودك .. تبتعـد عـن جـوي الأحـزان=وفـي قربـك حبيبـي ..أجمـل الأفــراح ..تاتيـنـي!
أ نا جيتك مـن ا بعـاد ا لغيـاب ولوعـة الحرمـان!=أبيـك مـن العـذاب ولوعـة الحرمـان .. تحمينـي!
بقربـك تَعـزف أيامي أرق واعْـذب الألحـان!=تنسّيـنـي عذابي..وبمشـاعـرشووق.. تحييـنـي!
ولو كان الزمن..عز الشتا .. وقلبـي رجـف بـردان!=غريـب انـك بلمسـه واحـده مـنـك .. تدفّيـنـي!
(أحبك موووت). أبي اصرخ بها ! أهْدم بها الجدران!=أبي كل العرب تـدري !! عـن اللـي بينـك وبينـي!!
أبـي كـل العـرب تـدري بقلـب ٍ مغـرم ٍ ولهـان!=وبأنك انت – أيوه – إنت ! ! محبوبي ونظـر عينـي!
على رغم المسافه !! أشعـر انـك ساكـن الوجـدان!=على رغـم المسافـه!! إنـت ساكـن فـي شرايينـي!
على رغـم المسافـه !! أشعـر بطيفـك معـاي الآن!=يدللنـي!! يدلعـنـي !! وكــل الـحـب يعطيـنـي!
تخيلتـك !! تمنيـت الفـؤاد يكـون لــه جنـحـان!=عشـان ألغـي مسافاتـي ! و أحـط يديـك بيدينـي!
(أحبك) !! ايش أحبك ؟؟!! هذه الكلمه بـلا عنـوان!=أبي كلمه تعبر حيييـل لـك !! عـن كـل مـا فينـي!
أبي كلمه .. مثل صرخه !! أبي كلمه.. مثـل بركـان!!=أبي كلمـه تعبـر لـك ..عـن اجنونـي ! وبراكينـي!
قريب انته من احساسي ! ومن قلبي ! مـن الوجـدان=ولكن يووه يا بِعْدك !! حسافه ! وينـك ووينـي؟!


 

قديم 17-12-2011   #2


الصورة الرمزية الغريبة شوق
الغريبة شوق متصل الآن

بيانات اضافيه [ + ]
 رقم العضوية : 3028
 تاريخ التسجيل :  09 - 12 - 2011
 أخر زيارة : 25-10-2012 (10:36)
 المشاركات : 573 [ + ]
 التقييم :  10
 اوسمتي
وسام 
لوني المفضل : Cadetblue
افتراضي عــــــتــــااااااب !!



0

مساكم شعر ...

---------------------




عــــــتــــااااااب !! !!!

أنا ما عاد اشوف من الدروب الا طريق عتاب=على درب العتب جيتك باعاتبك وتعاتبني
الا ما احلا العتب ما احلا العتب لاصار بين احباب=ويا محلا القصايد يوم اجاوبك وتجاوبني
تعال نشيلها هجيني ونسمر والقمر ما غاب=تعال اسمع باسولف لك عن اللي منك تاعبني
ابا اتكلم واصرح لك وبابدي جملة الاسباب=سوالف حيل عفويه ولا انت ابدن بغاصبني
علامك كلها ايامك جفا وصد وهجر وغياب=وليش نقضي الايام احاسبك وتحاسبني
انا بسبة غيابك مدمعي يجري وقلبي شاب=عسى منته بعد من صفحة الاحباب شاطبني
تعبت اسأل عن اسبابك ولا عندي سوا استغراب=غريبة كيف تتعبني يا ليت انك تجاوبني
وانا والله فلا استاهل تعاملني كما الاغراب=لأنك تملك احساسي وحتى العقل سالبني
أنا حاولت من دون الزعل قفلة جميع ابواب=ولكني فشلت ويظهر التوفيق جانبني
ومن شان الغلا جيتك وفي قلبي قليل عتاب=تعال اجلس هنا يمي باعاتبك وتعاتبني



--

=




=


 

قديم 20-12-2011   #3


الصورة الرمزية الغريبة شوق
الغريبة شوق متصل الآن

بيانات اضافيه [ + ]
 رقم العضوية : 3028
 تاريخ التسجيل :  09 - 12 - 2011
 أخر زيارة : 25-10-2012 (10:36)
 المشاركات : 573 [ + ]
 التقييم :  10
 اوسمتي
وسام 
لوني المفضل : Cadetblue
افتراضي يـاااااا قاااااطـف الـورد !!



0

0

مساكم ورد ..


-----------------------------
:bvgf :

يـاااااا قاااااطـف الـورد !!

يا قاطف الورد يا سارق عبيـر الزهـور =
=أرواح الأزهـار تنعـي دمهـا المستبـاح
انت استغليـت طيبتهـا بمكـر ٍ وجـور =
=قطفتها ! ثم رميت ابهـا بوجـه الريـاح
صوّرت قلبك لهـا جنـة غـرام وحبـور =
=وما نالها من هـواك الا العنـا والنـواح
اجرمت في حق نفسك0 والهوى0 والعطور =
=لا طاب لك نوم عين ولا الضمير استـراح
يا عبد الاهواء! يا اهوج ! يا عديم الشعور =
=كم طاب لك تشعل النار بقلوب المـلاح !
تـدور الايـام ضـدك والليالـي تــدور =
=يظلم بك الوقت ويفارق سمـاك الصبـاح
والورد يصبر على حزنه وطبعـه صبـور =
=يلقى مع الوقـت بلسـم للعنـا والجـراح






-


 
 توقيع : الغريبة شوق

0



ول يا عمر ٍ توارا ما جنيت ارباحه

راااااح ! من قبل اتبيّن عتمته ووضوحه
!

--------------------


تويتر https://twitter.com/#!/al_sshh


---


قديم 22-12-2011   #4


الصورة الرمزية الغريبة شوق
الغريبة شوق متصل الآن

بيانات اضافيه [ + ]
 رقم العضوية : 3028
 تاريخ التسجيل :  09 - 12 - 2011
 أخر زيارة : 25-10-2012 (10:36)
 المشاركات : 573 [ + ]
 التقييم :  10
 اوسمتي
وسام 
لوني المفضل : Cadetblue
افتراضي آآآآخــــر رســـالــــه !!!!






آآآآخــــر رســـالــــه !!!! !!

آخر رساله إلى حضرة جناب الجـروح=مِدادهـا دمّ عينـي طرسهـا أضلعـي
نزفتها بدم شريانـي بصـدق ووضـوح=وناديت قيفان حرفي قلت هيـا ابدعـي
ارسلتها يـم جـرح ٍ بالضمايـر يلـوح=ضمّنتها حجّة الداعـي علـى المدعـي
يا جرح ما عـاد باقـي بالمعاليـق روح=باقي صحاري جفافي تشرب من ادمعـي
احاول انزح ولالي عن طريقـك نـزوح=من وين ما الدّ يا جرحي لقيتـك معـي
ياجرح هوّن على روحي وخلك سمـوح=والا اذبح القلب وارسل لي رسالة نعـي
ياجرح لا تصير مثلك مثل وقتي شحوح=ياشين ما في ضميرك لو شوية وعي؟!
تعال اعلمك قصة من بنى لـه صـروح=في وسط جاشي وهو سبة جميع وجعي
وصلت في قصتي ويـاه حـد الطمـوح=اقول له سم لامـن قـال هيـه اسمعـي
ما كنت اعرف المخبا يا زمانـي بلـوح=(مكتوب) ما يمنعه كثر الجري والسعي
راح وتركني مع اهمومي اهيجن وانـوح=سفاينـي غارقـه متمزقـه أشرعـي
حدب المحاني على نار التوجـد تفـوح=والهم فارس وسيفه غـارزن باضلعـي
ارجوك يا جرح لا تزيد الجروح بجروح=اتركني انسج مـن الغربـه دوا لوجعـي!!


 
 توقيع : الغريبة شوق

0



ول يا عمر ٍ توارا ما جنيت ارباحه

راااااح ! من قبل اتبيّن عتمته ووضوحه
!

--------------------


تويتر https://twitter.com/#!/al_sshh


---


قديم 30-12-2011   #5


الصورة الرمزية الغريبة شوق
الغريبة شوق متصل الآن

بيانات اضافيه [ + ]
 رقم العضوية : 3028
 تاريخ التسجيل :  09 - 12 - 2011
 أخر زيارة : 25-10-2012 (10:36)
 المشاركات : 573 [ + ]
 التقييم :  10
 اوسمتي
وسام 
لوني المفضل : Cadetblue
افتراضي ما في يدينا لحكم الله غير القبول !!



0

0


ما في يدينا لحكم الله غير القبول !!



ما بين هم الليالي والرجـا والبعـاد=ما بين غربة سنيني والأمل والذبول
روحي من الهم والفرقا بحالـة حـداد=ودموع عيني من احزاني بحالة هطول
ومن العذاب اتشح وقتي بلـون السـواد=الشمس غابت- حزينه والقمر في افول
تلوّن الحـزن بأيامـي / وليلـي سهـاد=ويحاول النور ياصلني ! ولالـه وصـول
يا معانِد الحظ – بالله - وش يفيد العناد؟=ما في يدينـا لحكـم الله غيـر القبـول
يا مضيّع الدرب ! خذ علم ٍ صحيح ٍ وكاد=غير الذي قد قسم لك ربنـا مـا تنـول
والله مهمـا بذلـت الجـد والاجتـهـاد=مهما طلعت الرواسي او نزلت السهـول
ما تاخذ إلا نصيب ٍ قـد كتـب بالمـداد=الصحْف طويَت .. ولا هو نافع اللي تقول
وما باقي الا دُعانـا لوجـه رب العبـاد=يا ربي جعل الدعا يلقى بوجهـك قبـول


 

قديم 02-01-2012   #6


الصورة الرمزية الغريبة شوق
الغريبة شوق متصل الآن

بيانات اضافيه [ + ]
 رقم العضوية : 3028
 تاريخ التسجيل :  09 - 12 - 2011
 أخر زيارة : 25-10-2012 (10:36)
 المشاركات : 573 [ + ]
 التقييم :  10
 اوسمتي
وسام 
لوني المفضل : Cadetblue
افتراضي أميرة الجـن الأزرق !!.. أنا !!



يسعد مساكم ..

وكل عام وانتم بخير ...

(أميرة الجن الازرق! لقب أطلقه علي الرائع ياسر التويجري قبل فتره طويله)

===================


أميرة الجـن الأزرق !!.. أنا !!


أنا لو قلت للشمس : انطفي .. يكفى الملا نوري=يحق يحق لي إنـّي بهذا التيه .. اخاطبها
ولو قلت لقمر سود الليال : ايكـَـفـّي ا حْــضوري=ينفذ رغبتي .. من دون ما يعرف سبايبها
يغيب .. ويترك الاجوا .. لموزوني ومنثوري=ويهْـدي لي نجوم الليل اناجيها والا عبها
ولو خاطبت جنّ الأرض فورا ً يمتثـل شوري=يقول امرك يا مولاتي تبين الـشمس ؟؟. نجلبها
ولو قلت لفلول الريح : هيّـااااا زمجري ثوري=تثور وتعصف وتـرثع بهالدنيا .. وتشقلبها
ولو ناديت : زيدي هيجة الأمواج يا بحوري=يجيك الموج متلاطم ..كأن المـس .. صايبها!
واذا تقولون مغروووره .. فانا يعجبني غـْـروري=أنا حتى القصايد .. تفتخـر .. يوم اني اكتبها!




 

قديم 07-01-2012   #7


الصورة الرمزية الغريبة شوق
الغريبة شوق متصل الآن

بيانات اضافيه [ + ]
 رقم العضوية : 3028
 تاريخ التسجيل :  09 - 12 - 2011
 أخر زيارة : 25-10-2012 (10:36)
 المشاركات : 573 [ + ]
 التقييم :  10
 اوسمتي
وسام 
لوني المفضل : Cadetblue
افتراضي مـسـامـير الألـــــــمـ !



0

يسعد مساءاتكم ....



مـسـامـير الألـــــــمـ ! !!

آآآآه يا قلب العنا ويني ووين الراحه ؟!=ضعت ما بين الدموع وروحي المجروووووحه
مات قلبي من شقاه00وما عرف ذباحه=في وسط بركة دمائه جثـته مطرووووووحه
جاه مع هم السنين السود شي اجتاحه=قدم عيني انتحر صبري وهد صرووووووحه
ما قدر يصمد مع وقت ٍ عصف برياحه=قال او ما قال !! والله ما يفيده بووووووحه ؟
آآآآه وهمومي سكاكين .. وأنا التفاحه=آآآآه من هم ٍ – عذابي – غايته وطمووووحه !
شيب عيني من زمان ٍ جاب كل رماحه=وقام يتفنن بطعني .. ثم يعد جرووووووحه
الفرح ودّع .. وورّثـني العنا واشباحه=والخطاوي ضيعت درب المجي والروووووحه
كنت احسب اني أبا اقطع هالمحيط سباحه=قلت : يا بحر الظلايم جااااك صوتي .. اوووووحه
ما هقيت الموج يب يشهر علي سلاحه=ويلعب بحسبات هقواتي كما الارجووووحه
دنيـتي لوحة عذاب معلـّـقه في ساحه=والحزن ثبّت مسامير الألم باللوووووحه
النهار بنون عيني منطفي مصباحه=والليال دموع تبكي هالعمر وتـنوووووحه
ول يا عـمـر ٍ تـوارى ما جـنيت ارباحـه=راح من قبل اتبيـّـن عـتـمتـه ووضوووووحـه
وآآآآه يا قلب العنا وينك ووين الراحه ؟؟=والسعاده شوف عينك – تـنـتـفض- مذبوووحه !!


سبق نشرها في مجلة المختلف


-


 
 توقيع : الغريبة شوق

0



ول يا عمر ٍ توارا ما جنيت ارباحه

راااااح ! من قبل اتبيّن عتمته ووضوحه
!

--------------------


تويتر https://twitter.com/#!/al_sshh


---


قديم 13-01-2012   #8


الصورة الرمزية الغريبة شوق
الغريبة شوق متصل الآن

بيانات اضافيه [ + ]
 رقم العضوية : 3028
 تاريخ التسجيل :  09 - 12 - 2011
 أخر زيارة : 25-10-2012 (10:36)
 المشاركات : 573 [ + ]
 التقييم :  10
 اوسمتي
وسام 
لوني المفضل : Cadetblue
افتراضي مـوج الحــــــزن !!



0


يسعـــــــد مســاكم ....

(شمس السنين).. لقب أطلقه عليّ شاعر ٍ ما ! في زمن ٍ ما !

فجاءت هذه الابيات




===========



مـوج الحــــــزن !!



شمس السنين )! وتِهت عن درب الاشراق=جيش العنا جاني سرايا ..... سرايا
تمركز الحزن بخفوقي والاحداق=وحدْب المحاني من همومي ملايا
والهم قاد المعركه وسط الاعماق=لحظاتي الحلوه!! خذاها سبايا
مدري مرض ! والا وله روح واشواق=او هي ضريبة غفلتي والخطايا؟
بس الاكيد من الالم عالمي ضاق=موج الحزن ناوي لقلبي نوايا
والبين يشعم داخل الجوف حراق=أوْدع معاليقي وروحي شظايا
يااا رب انا وش حيلتي ؟ والوجع فاق =كل الحدود – وسد كل الزوايا ؟!
ياارب مالي غير فزعـتـْـك ترياق=رحْـمتك يا اللي ترتجيك البرايا



===


----





=


 
 توقيع : الغريبة شوق

0



ول يا عمر ٍ توارا ما جنيت ارباحه

راااااح ! من قبل اتبيّن عتمته ووضوحه
!

--------------------


تويتر https://twitter.com/#!/al_sshh


---


قديم 18-01-2012   #9


الصورة الرمزية الغريبة شوق
الغريبة شوق متصل الآن

بيانات اضافيه [ + ]
 رقم العضوية : 3028
 تاريخ التسجيل :  09 - 12 - 2011
 أخر زيارة : 25-10-2012 (10:36)
 المشاركات : 573 [ + ]
 التقييم :  10
 اوسمتي
وسام 
لوني المفضل : Cadetblue
افتراضي يااا خـلف جـد الغريبة !!!



0

مساكم شعر ...

===============


يااا خـلف جـد الغريبة !!!


تعبت اسأل عليك ولا تجيني منّك الاخبار=
=وقلت اصبر واشوف ان كان انا قد جيت في بالك
نطرتك يوم يومين .. وشهر مرت ثلاث اقمار=
=ولا منّك وصل مرسول يخْـبرني عن احوالك
حبيبي .. يا خلف جد القصايد واعذب الاشعار=
=طلبتك تعزف لشوق الليالي عذب موالك
انا الفجر البعيد اللي قطع لعيونك المشوار=
=وانا الصوت الحزين اللي عزف جرحه وغنى لك
وانا الموج الذي يحمل بطيـّـاته كثير اسرار =
=رجيتك .. غاية اطـْـموحي .. تكسّـرني على جالك
غريبة صرت فـ الدنيا .. رغم هالناس والزوار=
=أنا وش لي بهالعالم مُـناي امووووت واحيا .. لك
طلبتك يا خلف جد الغريبة تترك الاسفار=
=وانا اوْعدك بسعاده عمرها ما جت على بالك


 

قديم 22-01-2012   #10


الصورة الرمزية الغريبة شوق
الغريبة شوق متصل الآن

بيانات اضافيه [ + ]
 رقم العضوية : 3028
 تاريخ التسجيل :  09 - 12 - 2011
 أخر زيارة : 25-10-2012 (10:36)
 المشاركات : 573 [ + ]
 التقييم :  10
 اوسمتي
وسام 
لوني المفضل : Cadetblue
افتراضي بنت مجنووووونه !!!



0

على هامش الشعر ...


==================



بنت مجنووووونه!!!

يااللي تقولون هذي البنت مجنونه=بدري !! بعد ما رأيتوا كامل اهبالي
لا شلت قافي وشال الجني لحونه=اتهيجن البيد لأبياتي وموالي
وليا تملكني الطاروق وفنونه=حتى مع الناس اهوبل كني لحالي
يسري بي لوادي العبقر ولجنونه=وادندن الشعر يا دانا ويا لالي
يمطر قصيدي وتنثر خيرها مزونه=وانا بربيع القصيد يزين منزالي
ابنـّي بيوت شِعري واضبط ركونه=وادوزن القاف لين الطرق يحلالي
واكشف خفايا بوسط الروح مدفونه=مطمورة ٍ عن حواسيدي وعذالي
وارسم على الغيم صورة بنت مجنونه=اتلاعب الريح بالقيفان والشالي


 
 توقيع : الغريبة شوق

0



ول يا عمر ٍ توارا ما جنيت ارباحه

راااااح ! من قبل اتبيّن عتمته ووضوحه
!

--------------------


تويتر https://twitter.com/#!/al_sshh


---


 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:14


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام