من روائع الشاعر الكبير العلم / بدر الحويفي

يامل قلبٍ دق به كل طاري=طواريٍ باقصى الضماير تتله
وشفقٍ على شوف الفضا والبراري=لاصار معه مشببٍ مسندٍ له
خطو أبلج لملاقف الصيد ضاري=جدع الضريبة بالسهم عادةٍ له
قرم بوجهه للمروه شواري=رايه سديد وكل دربٍ يدله
ماهو حضيبي مزاجه تجاري=ليا عقدت الراي عود يفله
أول نهارك يعجبك ما أنت داري=مار البلا تالي نهارك تمله
أبا امدح الطيب ولاني مداري=واللاش لا خايف ولاحاسبٍله
الفرق باللي ياصلون المحاري=وإلا الردي شرهات مثلي تزله
أبي خويٍ ضاريٍ بالمساري=ماهو مهينٍ يرقد الليل كله
ومعنا قطامي يصيد الحباري=لحّاق لاكوبر له الخرب شله
خطو اشقر جثل من الريش عاري=افحج مخاليبه سوات الاهلة
به دق ريش مثل دق الخزاري=مهدف ورا مناكبة متقلة
منخر وبوز فيه عدة مواري=يحتار به راع النظر لا فطن له
مهوب كفاخ طفوق زعاري=طلعه حقاق ان شافهن ساوقن له
لا شافهن متطاولات المذاري=عقد وحق الطلع والسير تلة
يحول اللي طار منهن اجباري=ذباح للي يوم هد سجدن له
يازين طلعه بالضحى والعصاري=لامن خشنات الغلب خيشن له
هذيك والله منوتي واختياري=لو كل من يطلب لزوم حصل له
لو ان حظي مع مزاجي يباري=سجلت له صفحة وفا بالمجلة
ما لي هدف بالسوق بايع وشاري=قلبي ذعاذيع الهوا ولعةٍ له
انا غرامي مع فجوج الصحاري=وشوف الرجوم النايفات المطلة
لا شفت بالريضان نقع وخباري=راح الزعل والبسط حل بمحله
بارض بها للصيد عينه واثاري=فيه القطا تلقى فروقه محله
مهامل تردم شجرها الذواري=نبي لنا فيها وناسة وفلة
يازين شبة نارنا بالغداري=والكيف ابو صالح جلس وارتجلّه
والما مفوح في نظيف الغضاري=وصفر يجاذبهن على جال ملة
وصاحب لهن تقول ماخذ حذاري=وفنجالهن يجلى عن الكبد علّة
واللي على مثلي من الناس زاري=لاسامع قوله ولا مصغيٍ له
وافخر بحبي للصقارة واماري=ورزقي على اللي كون الكون كله

شعر / بدر عواد الحويفي

تسلم اناملك يابو نمش على نقل هذه القصيده الجزله
لاهنت يالعزوة
دمت وغنمت

لاهنت على نقل هذه الرائعه
شاعرنا الفاضل نهير النمش
صح السانك والسان الشاعر بدر عواد الحويفي
اااااااااااااالف
تقبل مروري

تسلم أبو نمش بيض الله وجهك انتقاء جميل جداً لاهنت يالغالي
وصح لسانك ولسان شاعرها.
تقبل فائق أطيب التحايا،،،

اقتباس المشاركة الأصلية كتبت بواسطة عويد المغيليث تسلم اناملك يابو نمش على نقل هذه القصيده الجزله لاهنت يالعزوة دمت وغنمت

ومن قال يسلم يابو محمد شاكر لك مرورك الله يرفع قدرك يالعزوه ولاهنت

اقتباس المشاركة الأصلية كتبت بواسطة ابو التجارب لاهنت على نقل هذه الرائعه شاعرنا الفاضل نهير النمش صح السانك والسان الشاعر بدر عواد الحويفي اااااااااااااالف تقبل مروري

اخي الكريم ابو التجارب00الف شكر لك على مرورك الكريم الفاضل المشرف ولاهنت00لك كل الود والتقدير

اقتباس المشاركة الأصلية كتبت بواسطة ابو كادي تسلم أبو نمش بيض الله وجهك انتقاء جميل جداً لاهنت يالغالي وصح لسانك ولسان شاعرها. تقبل فائق أطيب التحايا،،،

شكراً لك اخي ابو كادي مرورك واطراءك من دواعي السرور واتشرف بكل حرف يالعزوه لاهنت

ابونمش، لاهنت على هالذوق الراقي، عزّ الله انك اخترت.

تسلم يا نهير ولايسلم ردي العزايم

قصيدة جزلة

واختيار رائع

اقتباس المشاركة الأصلية كتبت بواسطة مفوز التبيناوي ابونمش، لاهنت على هالذوق الراقي، عزّ الله انك اخترت.

الف شكر لك ابو فيصل على التشريف وجميل الشعور والاطراء الله يحفظك