ديوان / الشاعر محمد سوعان الربيع

من سطر التاريخ ياكود الاحرار


هذي الابيات اهديها لجميع قبيلة شمر الاعزاء والغالين ولا قلتها. يشهد الله
الا فخر ومحبه واعتزاز بتارخ هذه القبيله العزيزه على قلوبنا
وهي مجاراة لابيات
للشاعر -- عبد الكريم الصايل الشمري

من سطر التاريخ يا كود الاحرار

	شــمر هـل الطـولات حـمّـايـة الجـار = شـمرعـلى حشـد المعـادي مصيـبه اهـل اللحيسا علمهـم يمــلا الاقـطـار = فـي نجـدها وبغــداد مذكـور طـيـبه وبالشـام مجـد ً للطـنايا،،،، وتـذكـار= هـذي حــقـايق دون شٰـكً ،،، وريبـه فـي كــل ديــره للســناعـيس تعـبــار= قـوم ابـو خـوذه راس قــومً ،وهـيـبه من ترثـة الجربـان وافيـن الاشـــبار = زعـيمهــا محسـن عـسى الله يثيـبــه ومن قبـل حاتـم طي يصدح بالاخـبـار= صـيته سما. من فـوق راس الجذيبه اهـل الصخا والجود شمر هـل الكـار = زبـن الدخـيـل وعـزوتـه عــن طليبـه مـجـدً تعــلى وارتــفـع مثـل ســنجـار= نـهـجً مشــاكــيـل العـرب،تـقـتـديبـه الشــمري تعجــز ،،،اتـوفـيه الاذكار= لابــة ســناعيس الفعايـل ،عــريـبه شمر لها عـند الســلاطـين ،،،مقــدار= وان ما حصل باللـين. ياتي غـصيبه ماهي حـكايا او ســواليف ،، هـــذار= شــمر. سـعيد الحـظ ،،مـن يعتـزيبه والشمري / والوايلي دايـم ،،،اكــبار= واســلومهم تسـموا ولابـه معــيـبـه ومن سطر التاريخ. ياكود ،،الاحـرار= ومن هو عـطا الاوطان عــزً وهيـبٰه من دون قاصر بالقبايـل.،، والاخـيار= وكلــن عـلى ما قيــل. ماخٰــذ نصيبه اقــول بالاجــواد. والنعـم ،،،مـلـيـار = ونعم وكفٰـوا بـاهـل الصدور الرحيٰبه ما غـط انـا بحقـوق وافـيـن الاشــبار= ومـن يظلـم. الاجـواد ربـه حســيبـه والحـق شٰــمسـه ما يخفّـيها الاغــبار= ومن غط حـق الغـير،عـار ومعـيبـه كل شي تسطر بالصحايف والاشـعـار= من العصر الاول للعصـور القـريبـه اقـولهـا واكــرر ،الهــرج ،،تـكــرار = تـذكـير جــبـتــه للعـقـول ،، اللـبـيبـه هــذا وانا من قـوم تـرفا خطا الجـار= اهــل الســموت النـادرات العـجـيـبـه ربعي بـني وايل مقـاييس الاخـطـار = الـورع. وقـت.الضيـق ينطـح كـتـيـبه ارفع براسي فوق وان صارما صار = ربعـي حـزامي. بالظروف العـصـيـبه وصـلاة ربي عــد زخــــات الامـطـار= عــلى رســولـه والامــام ،وحــبـيـبه

اخوكم
محمد بن سوعان الربيّع

( ياطالب العلم )

يا طالب العلم

	يا طالـب العـلـم شــدّ الحـيل والهــمّه = وافـتـح مسـامات فـكـرك لاتقـفـلهـا لاتعـتزي بالــغـرور اللـي بـلا,,,ذمّـه = ولاتـزاحـم الخيل حـذرا في محافلها بــدري عـليك الوصـول لعالي القمّه = لا تسـبـق الوقـت والاخـــباار حـللها مـثلـت نفســك فـقـط ما تمثـل الامّـه = وديـره مهي ديـرتـك حـذراك تنزلهـا النفس جــوّد رسـنها ؟ والوفـا زمّـه = وشمس الحـقيقـه تحــذر لاتجـاهـلها قبـل الـمـعّــرفـه تـنـبه تـارد الجـمّـه = لاتسـرق الناس بالخــدعـه وتخـذلها فكـر. وحـلل وألبس عقبها العـمّه = وتــرا الـكـرامـة فــلا شـيً يـعـادلـهـا ولاتحسب الناس فـيما قـلـت مهتمّه = وان كان نفسـك.عزيزه لا تغـربـلهـا ما ينـفــع المـرء لاخـالـه ولا عــمّـه = الــيّـا تـردت عــزومً كـان. شــايـلهـا ما ينفـع الـزيـف لـو اعضاه مـلتمـّه = وترا الـنوايـف صعيبه ما انت طايلها لاتشده الناس بـالغيـبـات،، والـنـمّـه = ولاتـبـلي النـاس بالفـتـنـه وتـقـتـلـها والظلـم لابـد ما يســـقيك مـن ســمّـه = والنفس حــذرا تغشــك في فعـايلهـا ارفع بنفسك سـماعن مستوى الرّمه = قـبـل الاوادم عـن الـزلّــه اتـسـايلـهـا يا طالـب العلـم لـم الدور ثـم لـمّـه = لا تـزاحـم الخيل حـذرا في مـحافـلهـا

محمد بن سوعان الربيّع

واقــعً عشـــناه .

واقــعً عشــــناه

	خـفـوّا عـليـنـا. ياهــل الكذب. تخفيـف = كــثـر المـهايـط مـا يجــيـب. النفـيـلـه ذا. واقـعً عشنـاه مبني على الزيـف = والكــذب اصــبح ،للمـنافــق . وسـيلـه سادت بــه. رخـوم العرب والمـلاقيف = والامـعــه. يـوخـذ ،،بـرايـــه. وقـيـلـه اللـي من اول باللــوازيــم ما شــيف = اليـوم قــالٌــوا مـن وجــيـه القـبـيـلـه مـن شـان مـالـه قـدّروه الضـواعيـف = والمال اسـاسه نصـب.واضح وحـيله قـالــوا يغـيـث المـبـتـلي ,,المـلاهـيـف = والناس من كـل صوب.قـالـوا ًتـجيـلـه اهـل المصـالـح. وصفـوّه ابتـواصيـف = ما قـيـلـت بحــاتـم وجـــوده وجـيـلـه وهـي بالحقيقه كـذب.واضح وتحـريف = وشــعـاد لـو. شـالــوا مديحه ابشـيلـه يا صـار جـٌـده. يـبغي. اليٌـوم تـعـريـف = وابـوه. قبـلـه يسـتشير الحــلـيـلــه خـابت ظنون امصفف الهرج تصفـيف = واهــل الخـديـعــه. والنفـوس العـلـيـله كلــن عـلى شــكـله تحـــدّه عـواصيف = والمــرء قـالــوا ينـعـرف من خــليـلــه تـوافـقـوا مـن ثــم صــاروا مـوالـيــف = طـيورالفـلس بالوصف نفس الفـصيلـه خـفــٌوّا عـليـنـا. ياهـل الكـذب. تخفـيف = كثـــر المهــايـط مايجـيـب ,,,الـنفـيـلـه ابديـت. رايي دون أمــرً ،،،،وتكلـيـف = من عـقـب انا ماشـفـت.بالـوقـت ميـلــه

محمد بن سوعان الربيّع

حررت بـ 14 شعبان 1442هـجري
الموافق 27 مارس. 2021 ميلادي

(( زعــيـم الفهــامـه ))

اهــداء متواضع الى الشاعـر والاديـب المعروف : عايد رغيان الورده الشراري
ابو سـعـد من الرجال الوافين والغالين ويستاهل كل خير ,,,,,,,,,,,,,, مع التحيه والتقدير

زعيـــم الفهـامـه

	يا عـايــد رغـــيـان ياطـــيّـب الــــذات = عـلـيـك. اســلـم يازعـيــم الــفـهـامه من قـلـب ينبـض بالـوفـا والمسـرات = ارسـلـت اهـني يـالخــوي بالســلامه واقــول انا من قلب. صـادق سـلامات = ماتـشـوف شــر ولا تجــيـك الـنــدامه غـالي ولايحتـاج . شـرح. وبـيانـات = وافـخـــر. بمثـلك. يازبـون الشـهـامـه يالنادر اللي. بيـن الاطـيار لــه. ذات = والحــر يفــرق. عن فــروخ الحمــامه يـا خلفـة فـهـود الــزراج الشرارات = اولاد مـكّـلـب مـحتـمـيـن ,,,, الجهـامـه قــومً لـهـم فـي قــمة المجد صـفحـات = ريـف الخـوي نبـع الصـخـا والكـــرامه للجــار. والضيفـان قـدر ومـهـابات = حــلابـة النـاقٰــه ,,,رجـال. الـزعـامــه هـذي لكـم.عـــادات فـي ماضيً فـات = وكلـن ورثـهـا عـن ،قـــدايـم. عـمـامـه عـلـمً. تـوثـق وانـطـبـع بالســجـلات = وفي حـفـظــكـم لـه مالحـقـكـم مـلامـه يابو ـ سـعـد تـزهـاك جزلات. الابيات = ياشــاعــرً تــل القـلــوب. بكــلامـه تفر ح. بـك القيفـان في كـل الاوقـات = وعـندي. وعنـد. الناس. عالي مقـامه نلـت. الاشـاده كـلـهـا . والشهادات = ومابيـن شــعّـار النبـط. صـرت. هـامـه خضت البحور الغامـضه والمحيـطـات = كالـفـارس اللــي يحــتـزم فـي حـسـامـه شـاعـر ولك بالقـاف صـولـه وجـولات = وعـوب المعـاني مـا احـرزت بانهـزامه مثـل الـدرر والمـاس لامـنـهـا جــات = يـطـرب لهـا اللي يشـتعـل بــه هيـامـه والموعٌظـه لــ جـبـتهــا والـنصـيـحات = لـبســتـهـا تـاج. الـفخــر والفـخـامه مـن. طـيبها تشفـا الكبـود الغـليـلات = تـروي ظمـا ذوق العليـل . وغـرامـه نرفـع لمـثلك يابـن الاجــواد رايـات = يامـن. فـرض في كل. وقـت احـترامـه مـالي ورى مـاقـلت. غـايــه وحاجـات = لا والـذي ســاق الحـيـا. مـن غـمـامـه كــود الغـلا قــد فـاق كــل المقـاسـات = ونور الوفا. صعبً ،،،،، يحجبه ظلامه وصـلاة ربـي. عـد. فرض. الصلوات = عـلى النـبي. المصطـفى فـي. خــتـامـه

مع تحياتي
محمد بن سوعان الربيّع العنزي

ما ينحني راس الفخر أو يميلي🌴

ما ينحني راس الفخر أو يميلي

	نبـح الكــلاب السـايـبـه والعــويــلي = ماغـيـرّت. مـن واقـع الحـال ذره ماينحـني راس.الفـخـر أو يمــيـلـي = شـامـخ. شــمـوخ طـويـق لله دره مـا هـزتـه. ريــح الـنفـاق الهـــزيـلي = وش عاد لو صـلف الهـبايـب تمــره الـممـلـكـه ضــلـعً يـذري. طــويـلـي = ظـل. ودفـا فـ اوقـات بــرده وحـره مـجـد ووطــن فـ الارض ماله مثيلي = حـاضر ومـاضي حـالـتـه مســتقـره لاشــك ابـو تـركي بســيفً. صقيلي = وحــدّ وطـن. كالطــود مـااحـدً يـمـره وســاد الامـن ثــم اعتدل من يعـيلي = وحرم على الباغين . بحـره ،، وبـره اما الخـبيـث اللـي تناســا الجميـلي = حـاقــد. وقـلـبـه. يـمتــلي. بالمـضــره ينهـق نهيق حمار هٰـاك. العـمـيلي = طـبـعـه. كـــذا.لـو يـرتـفــع. للمـجـره شفنا الجـبان. اليوم يصهل صهـيلي = متـنـاسـيً ســاسـه ومـوقـــع مـقـره كــنا انحسـب الهيس رجـلً جـلـيـلي = واثـره. منافـق. ما بـقــربـه. مـســره عقـرب ثرا مالـه صديـق وخـلـيلي = ما يـنومـن بالـوقـت. غــدره. وشــره ولا يجحد المعروف. رجـلً اصـيلي = الا. الــردي . يـطـعـن ايـديـنً تـبـره ذيـل الجـعـر ما ينعـدل مسـتحيلي = ولـو ينعــدل ينـعــاج تسـعـين مـره شـربـل وابن قـرداح نفس الفصيلي = كـلـن جـحـد. وابليـس. فـــره وغـــره يامكثر اللي مثلهم والمـديلي = وحبـلً عـلى الجــرار لـه مـن. يـجـره ومـن ينصــرالظالــم بفعــلً وقـيـلي = مـجـرم. ولايحـتـاج نـفـشـي بـسـره ولا يــردع الـغــدار عـهـد وكــفيـلي = وكـاس ســقابـه يشـرب اليــوم مــره

محمد بن سوعان الربيّع

((بالعرف والحكمه ...... وصبري تحليت ))

بالعرف والحكمه .... وصبري تحليت

	ياللي بهـرجـك بالمجالس. تمـاديت = يـامــدّعـي بـالـعـرف خـلك بحـالك إلـزم جميل الصمت لامن تناسـيت = واعـرف تٰـرا لا فـايـده ؟مـن جدالك مٰانتٰه امكلّف لٰو تسنعت واخطـيت = واتــرك مـجـالً ما يناسـب مـجـالك واحـذر تـقرب شٰـعلة النـار للـزيت = مـن عـقبهـا.تنـدم على اللي .جـرالك مـا كـل مـره تسـلم ولـو تـتقـيـت = لابـــد مـا تٰـدفٰــع ضـريـبـة مـقــالك والظـاهـر انـك ياصـديقي. انغريت = وصدقـت نفسـك لجـل حـاجــه ابـالك بالك اتمـادا. وانـا احـذرك لااتهـيت = تبـطـي. ولا حـقـقت . غـايـة. مـنالك قبلك. لطمنـا. من اكبــار الـعناتيت = انشـد عـمـامك زيـن وانـشـد خـوالك وانا. تراني. عـنك رحت. وتقصيت = واخـذت. نـبـذه. وافيـه عــن حـوالك لا تحسـبني يـوم انـا.عـنٰـك.صديت = عـاجــز ولا. عنـدي جـواب لسـؤالك وكان انت عن باقي ضميرك.تخليت = ابـشــر بمنـعـورً يجـيـب الـدوا. لك والـرد لامـن جـاك صـبرً؟وحـلتـيٰت = بـا لحـق والّا غــير مــالي ،ومــالك وتـرا اللجـاجـه عـادةً للـسرابـيت = واحذر. تحط. الصايبـه. في شـمالك اركد. وحذرا.يصيب الافكار تشتيت = ويـاما نصـحتك. لكـن الطـيش شـالك بالعـرف والحكمه.وصبري تـحلّيـت = ودفـنـت بالصـدر الشــمالي خــمالك واليوم. انا لي خاطرً طـاب واقفـيت = ولابــــد . مـا نـلـقـا صـديـقً بــدالك

محمد بن سوعان الربيّع

زارتـني طيوف الغـلا

زارتني طيوف الغلا

	البارحـه في هجعـت الناس فـزيـت = فـز الخفـوق ودق وســـط المحـاني سرابي الهـاجس بركـبه وسجـيـت = ســجةً غــريـبً من عــذابـه يـعـاني ما كني الاارقبت في ضلع واوميت = للـي خـذتـه ظــروف وقــتً دهــاني فـزيـت لــه فـزه بـلـهـفـه وهـلـيـت = من يـوم مرسـال الهـواجـس لـفاني زارتـني طـيوف الغـلا واسـتعـديت = وجـيـتـه وجـاني واخـترقـنا المواني جــاني بحـلـم الليـل ما قـد تعـنيـت = من غير سابق عـلم طـيفـه غشـااني ما كــني. الا للصـعـايب تحــــديـت = وماكـني. الا عـشــت في جـو. ثانـي صدفـه ولكـن.عشـت فيها وحسيت = داوت جـروحً مـا مسـحهـا الـزماني وياكـم انـا لـقــدوم زولــه تـمـنيـت = ويــازيـنـهــا لــو الـزيــاره ثــواني

محمد بن سوعان الربيّع

ماجات في حب اللحا والجمالات
————————————————-

ماجات في حب اللحا والجمالات

	معـنا عـلى الطاغـوت رب الســماوات = وبيمـاننـا بالله ,,,,,,نـدحــر اعــدانـا ايمان مـطـلـق دون شــكً ,,,وريـبـات = دون الـوطـن والعرض ترخص ادمـانا والغـرب لوغـيّر بـرايـه ؟؟؟؟سـلامات = حـنـا قـبـل لاايكون,,,,, نحـمي حمـانـا تـاريخـنا يشــهـد بماضي لــنـا فـــات = يـومـنــهــا بالـســيـف, ما احــدً لـوانــا فـوق النجـايــب والـمهـار الاصـيلات = عـــدونا يـصــبح ويـمسـي ,,, مُهــانــا من العـهـد الاول والعصـور القديمات = بسـيـوفـنـا حـــنـا كـســبـنـا الــرهــانــا ماجــات فـي حــب اللحـا والجــمالات = بالــدم الاحـمــر,,,,والله المـســتعــانـا وشـامت لـ بو تركي زعيم البطــولات = اسـس ووحـــــد واســـتـقـر الكــيـانـــا عـبـد العـزيـز الله يـبـيـحــه.بجـنـات = وعــقــبـه فـهــــودً فـيهـم المُــلك زانـــا هـذي حـقـيقــه ..دونـتها السـجـلات = ويـاجــاهـــــل التــاريـخ اقـــر البيـانــا واليـوم ســلمان الحـزم طـيب الـذات = عـشـنا تحـــت حـكــمـه. بأمـن وامـانـا ومحـمـد الســلمـان زبــن الـونـيـات = ل جــا نهـــارً فـيــــه. رفــع. وطــمـا نـا هـم عـزنـا هـم رمـزنـا.كـل الاوقـات = وفــي عهـــدهم نفـخـر.وتـكـــرم. لحـانـا في دولـةً. تـرفـع الى.العـدل رايـات = والعـــدل سـاس المُــلك ســـــــر وبيـانـا ويالله. يـارب الـوطـا. والســماوات = تـحــفـــظ وطــــنٰٰـا. مــن نــوايـا اعــدانـا

محمد بن سوعان الربيّع

🌴عواد ابو سلطان بالحيل. غالي🌿
———————————————-
البقاء لله سبحانه
((يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي))
صدق الله العظيم.
ابيات متواضعه. ارثي بها جناب الباشا ( الفريق اول ركن )
عـواد سـالـم الرحـيبة المساعـيد غفرله الله وتغمده بواسع رحمته
واسكنه فسيح جناته
وبهذا المصاب الجلل. اتقدم باحر التعازي وصادق المواساة لـ قبيلة المساعيد كافه وال رحيبه خاصه وذوي الفقيد وعلى راسهم نجله سلطان واخوانه واسرته الكريمه ،
انا لله وانا اليه راجعون

عواد ابو سلطان بالحيل غالي

	الله يعــظـّـم اجــــركــم ,,,,,,ياخــوالي = ويرحــم عــزيــزً كـلبـونـا فــقــدنـاه عـــواد ابــو سـلطـان بالحـيــل غــالـي = ولـو ينـفـــدا فـي كـل غـــالي فــــدينـاه مــن روس قـــومً يحـتـمـون المفـالي = ساس المــراجـل والبطــولات والجـــاه ربعـه نـشــامــا. يضـهــدون المُحـالي = عـيال الاســعـد. كالـفـهـود المـضـــراه تاريـخـهـم مشـهـــود بـاول وتـالي = ربـعـه مسـاعــيد الـفـخـر.....بالـملاقـاه لـكنـهـا ســنّة ،،،،،،عـظـيم الجـلالي = الـمٌـوت حــق وكـل نفـس .....ايتــولاه مـرحــوم ياللي مـا بـفـعـلـه جـــــدالي = لـه ســيـرة بيـن القـبايـل .....امــعــذاه انـا اشـهــد انـه كـان : قـايـد مـثــالي = ومن طـيـب فـعــلـه كـلبـونـا. عـرفـناه بعـيـدهــا والمنتـحـي،،،،، والمــوالي = كلـن يقـول ونـعـم مـن شـي... ســــوّاه يـعـــدهـا.بـه طـيـبـين ،،،الــرجــالي = شرق الوطن واللي سكن غـرب واقصاه جـنوب الاردن والـوسـط ،،والشـمالي = كــل. النشـامـا و الاجـاويـد ......تنعــاه اهـل الجـلاله والسمو. ،،،،والمعـالي = واهــل العـطـوفـــه قاسي العــلم ،فاجاه القـايد اللـي للقـيـاده ،،،،،،،،،اموالي = شــيّـدعـلى نـهـــج المـناعـيـر ....مـبـداه صـان العهـد في كـل. صـوب ومجالي = وفي كـل مــوقــع مثلـما. الليث شــفناه عـون الذي يشـكي غـبـون للـيـالي = ومــن يـزينـه تـنـزال ،،،،عـنه المعـاناه وكـم عـانيـن ينصـاه مارد ،،،خالي = ولاخـاب ظــن المـبـتلي .......يوم ينخـاه مـدات جـــوده والعـطــايـا اجـزالي = ويبـشـر بـفـرعـه......وافـيـه مـن تنصّـاه ويالله يا منشــي حقـوق الخيـالي = يامن لــوجـهــه تسـجـد الناس... لـرضـاه تغفـر ذنـوبـه دقــهـا ،،،،،والجلالي = يالله. تجـعــل. جــنـة الخُـلـد...... مــآواه الله يـعـظـّـم اجــركــم يـاخــوالي = ويحسن.عـــزاكــم بـاول الهـرج ..واتـلاه

محمد بن سوعان الربيّع

حــيره وانتظــار

حيره وانتظار

	احــتـريـتـك يالـغـــلا، لـيـل ونـهـــار = يـا مُـنى روحـي ، ويـا مـطـلـوبـهـا لاتـقـول ان الغــــلا جـــاه انحـســار = الــمـــوده زادبــي مـنـســـــوبـهـا قـلتها واقـولها لـك ،،،،،باختصـار = يا هـوا روحي ،،،ويا مـشـروبـهـا أنـت في واقــع وجــودي كالـفـنـار = مثـلـمـا نـــورً يـنـيـر ... ادروبــهـا انـت قـــمـة نشــوتـي والانـتـصـار = والكــنـوز اللي مــلـكـت .اذهـوبـهـا القـصايـد تنتشــي بــك بافـتـخـار = والقــوافـي ســـــمـتـك.... محبـوبـها الهـجــيـني جـاك من دون اعـتـذار = والـمـروبـع فـــز مــع مســـحـوبـهـا والبحـور اللـي تبـقــت بـا نتـظــار = تنحـني لـك وارســـلـت ...مــنـدوبـها داوّنـي يـاصــاح ..قـبــل الانـهيـار = من قبـل كـبـدي تـزيـــد ,اعـطــوبهـا داوني وانت الطبيب،،، المستشار = داو قـــلـبي يـا طبـيـب ,,,,اقـــلوبـهـا لا تخلـيـنـي بـحـيـره ،،،وافـتـكــار = وبـيـن زلات الــعـرب،،، واذنـوبـهـا بين صمت وبين،،، بوحً واخـتبـار = وبيــن مطـلـع شـمسها واغـــروبـها مــا نـبي نقضـيه باعتـاب وشجـار = فـي محـبتـنـا نزيــل ،،،، عــيـوبـهـا

محمد بن سوعان الربيّع