بوحي وبوح القلب والحرف والروح.

بالحلم لك صوره غريبه مع الصوت=يـفــز لــه قلبـي وتصحـى عيوني
تجي ثوانـي تخطف النـوم وتفوت=والمشكـلـه في كل ليـله تموني

بقلم

بدر المذود

لا تسئلوني عن جديد الغرابيل=ابيّح كنين العام ثم أسئلوني
لعب بقلبي عشق وانهد بي حيل=لعب الهوى في ليّنات الغصوني
باقي بصـدري له حنين ومواويل=لــه بصمـةٍ عيت تفارق لحوني
تـزورنيـي ذكـراه لـعسعـس الليل=يضيـق بي خاطـر وتسهرعيوني
واقـول وينـك يــازمــان المـواصيـل=يــاجـورهم وشلون منه حـرمـوني

بقلم

بدر المذود

الليل واخر ثلث من تالي الليل=فتاح باب الذكريات القديمه
عجزت اشيل وعيّت النفس لاتشيل=طريت ياللي لك معزه وقيمه
انهار فيني صبر وانهدبي حيل=غيبه عقب ذاك التواصل جريمه

بقلم

بدر المذود

مصيـرنـا مربـوط في قلب ميّت=حـاولـت انــا ويــاك عـيّـت تهيّا
الحـظ وظـروف المواصيـل عيّت=والوقت معها صـار قاسي وعيّا

بقلم

بدر المذود

مــا بـيـنـنــا مــا صـار بيـن المـخـالـيــــق=لـــو وزعــوا ربـعــه عـلى الـكـون كـفّــــى
يــاسـيـدي مــا عــاد بــاقـي مـعـالـيـــق=كــــلاه حـــب الــعـــام كـــفّـــا ووفّــــــى
رغـم انقطـاع الوصــل والحـزن والـضيـــق=الشــافــع لـقـلـبـي تـنـقــى وصــفّـــــى

بقلم

بدر المذود

مابه جديد اشواقنا زي ماهي=زحمة مشاعر تنطر الوصل ضَميَا
قوتي من التفكير مويه وشاهي=وعيون عن كل المخاليق عَميَا

بقلم

بــدر المذود

الله ما اجمل عينها يارخت الرمش=وما اقسى الغرام وطيحت الدمع منها
من الخجل كن الحواجب تقول امش=وانا حنون وشلت الاحراج عنها

بقلم

بـــــدر المذود

بغيابك اهديت الأمل صرخة الياس=واهديت لغبار الزمن ذكرياتي
ماباقي الا بعدك شوية احساس=جاريله اكبر فلتره من حياتي

بقلم

بــدر المذود

ابيات
فيسبوكيه لها اسبابها
من ارشيفي..

ديكٍ نفش ريشه على طلعة الشمس=يرقص طرب ومجمعٍ كم بطّه
مايدري انه لوهمس بالخفى همس=نعرف مرامي همسته وين حطّه
مسكين ضيّع خمس من خيرت الخمس=وان غز راسه قالو الناس وطّه
يصيّح وصيحاته تسـبب له العمس=يملك تردد خاص لأكذب محطه
حنا نحمس الكبد في نارنا حمس=ونحط فوقه ملح ونحط شطّه
نرفع صهيل اصواتنا ماتجي رمس=وبعض الخشوم بوسط رمله نغطّه
واللي يجينا مضيّع امسه وقبل امس=له عندنا ياضيّع الدرب خطّه
ياللي تحب اللمس ويخيفك اللمس=ابالمسك واعلى الطويلات نطّه

بقلم

بدر المذود

لاشفت خصره قلت صايم من العام=مدري على شقاوته كيف عايش
يمني العالم بتحقيق الاحلام=يقتل ويتبع ناقلين النعايش

بقلم

بــدر المذود