ديوان الشاعر / شاطي مجول الخليل

السلام عليكم ورحمة الله وبركاته

اخترت لكم اليوم هذه القصيدة بعنوان افواه المادفع

نترككم مع القصيدة و أمل ان تحوز على راضاكم

تحياتي

( شاعر الضياغم )

السلام عليكم ورحمة الله و بركاته

اسعتو مساء جميعا اخترت لكم هذا المقطع و أمل ان يحوز على رضاكم

(شاعر الضياغم )

قصيدة مهداه لـ سعادة اللواء الركن/ غازي بن عساف بن محي
-------------------------------

الذكر الأبلج !!!

	يالله عبداً سألك الخير ثم استخار=حشاك ربي عظيم الكون تستدرجه بعد فترة غياب ولهفه الانتظار =يشوف وجه الضمير الحي مايبلجه ماكان لشاعر كذا يخونه الاختيار=يامر هاجس خيال الشعر مابرمجه القصايد شعور وركنه الابتكار = المهم الجواهر كيف نستخرجه للكواكب مدار وللفضايل مدار= والحقايق وجد بالناس من تزعجه يسطع الذكر الابلج مثل ضوء النهار= حي ذكر الجدود ومنهجك منهجه انت غازي ولد عساف بكل افتخار= الفعايل جليله والنصر توجه جيت تخدم وطنك ولادعيت احتكار= يقطع الليل الاحلك كل من يدلجه لو تجود المعاني عند فعلك صغار= يكبره فعل ابوك وفعلكم يحرجه تنحني لك تذلل هيبة وانكسار= من مهابة مقامك تنظر لمخرجه في وجودك وقار وفي عيونك شرار= سيف جودك يسيل وخيلك المسرجه كم عرفنا وسمعنا من امور تدار= من وراء شاشة التلفاز والدبلجه وانت علومك لفتنا من بعيد الديار= تفحم القلب الاسود واخرٍ تبهجه يحترق صدر خصمك من فعايلك نار= ولاصدورٍ تكن الحب لك تثلجه تحت موسوعة اسمك تنتهي باختصار= كل تلك الفضايل اصبحت مدرجه كم طغت من قضية واثخن المستشار= يوم ضاقت قطعت الشر من منتجه الله اللي حباك وفقك للقرار= احكمت من حسود ومن سببك افرجه ماتحاول تثير ولاتطالب بثار= تستميل العواطف مع بعض تدمجه عرف عنك التواضع واعتدال المسار= ماتحب الظهور وعالم البهرجه وانت عزمك شطير وعندك الاقتدار= لو تكون المصاعب من جبل تفلجه

(( شاعر الضياغم : شاطي الخليل ))

بسم الله الرحمن الرحيم

السلام عليكم ورحمة الله و بركاته

اخترت لكم هذة الابيات من الارشيف القديم

امل ان تحوز على رضاكم

مجلسك في شجرة!!!

	مجلسك في شجرة والقاع مستويـه = وغصونها المثمره وظلالها المايـل أخير من مجلس تعكس به الرؤيـه = يأعنك بعض المجالس مابها طائـل بعض السوالف تجي يافلان ملتويـه = من واحد ماعرفنا كيف هـو قايـل ماهو قريب عن الغلطـات نحتويـه = ولاهو بعيد على شانه يجي صايـل وألا ليامنـا كوينـا نجـود الكويـه = نمهن جناب الردي ونودب العايـل وأن كان لك نيه وامسيـت منتويـه = أعمد على اللي يجيب ويعطي السايل ماتمشي الرجل كود النفس مهتويه = لاعبـرة باصدقـاك وكمـه الهايـل

شاعر الضياغم

الـصـمـت!!!

	انا المثايل يابنيته حكمته = وابعد بهن عن كل ناقد ونمام والصمت ياجيت المجالس لزمته = مانا على ماقيل بالحكي مولام وليا تكلم واحدٍ احترمته = انصت وهذي من تعاليم الاسلام وان جاء الخطاء من صاحبٍ ماشتمته= اقول لعله تعلمه الايام من حشمة اللي جالسينٍ حشمته=المجلس اللي يكرمك حقه اكرام

شاعر الضياغم (شاطي الخليل)

بسم الله الرحمن الرحيم

السلام عليكم ورحمة الله و بركاته

في احد مناسبات القبيله قلت ابيات .. ورد علي كلاً من
1- الشاعر / نواف بن شطي الهرماس
2- الشاعر / يحيى العبودي
(( و هناك الشاعر عبد الرحمن العلهوب لم تحضرني قصيدته ))
اقول .......

الخليل !!!

	جاش فينا الحماس وطار فينا الخيال = وأرتجلت المعاني في اسلوب بدوي من شموخ الضياغم يشمخن الجبال = اقدٌمو في ثبات وكل عزم قوي من قراكم كتابٍ امتداد اليال = يبي يرضا بزمانه بعد مئة كوي مبصرينٍ نتنبه عند كل احتمال = قبل هذي قدمنا والذياب تعوي

شاعر الضياغم/ شاطي مجول الخليل

رد نواف .......

الهرماس !!!

	جتني ابيات شاطي ثم كبست العقال = شاش راسي معاها من كلام قوي يا مضيف الضياغم شف فعل العيال = جوك روس الرجال اللي تعز الخوي اقدمو يالضياغم يا زحول الرجال = صوت نجر الضياغم سامعٍ له دوي من قديم وحنا شايلين الثقال = وروسنا للمعالي دايم تهتوي

الشاعر / نواف بن شطي الهرماس

رد يحيى .......

العبودي !!!

	جاش شاطي تهيض عاش مليون عاش = ضيغميٍ والحميا بالضلوع تعوي ضيغميٍ والرجولة ما تحصل بلاش = له رجال براس العالية تستوي عزوة لا تعزوة الجبل معه هاش = كل ضلعان حائل بالسطر له دوي

الشاعر يحيى العبودي

بسم الله الرحمن الرحيم

السلام عليكم ورحمة الله وبركاته

اقام اخينا و زميلنا الشاعر / سميحان بن فهد السويدي


احتفالاً بمناسبة تخرج ابنائه


غالب/ من جامعة الملك سعود

عبد الله / من كلية الملك خالد العسكرية


وقد شاركناه فرحته في هذه القصيدة نترككم مع المقطع الفديو و القصيدة مكتوبه

ارضـيـة الـمـجـد !!!

	الليله افضل ليال العمر كلية = وطيب معاني بيوت الشعر قافية كتبتهن من ضميري واحدث اشعاري = خذيتهن نخبت(ن) من جوف منقية ماضاق صدري بهن في ذروة الزحمة = اوسع من السوق و اطيب شي من شيه مثل مضايف بني عمي هل الطنية = شمر هل المجد والوقفات يا حيه رغم اختلاف الزمان و قسوة العالم = لا زال نبض الوفاء بعروقنا الحية ولو الوفاء ينتهي من فطرة الكائن = وينزع من الخلق والأرواح طارية أبد كذا ما نعيش وكل ما فينا = الله حبانا بصفاتٍ منه فردية من منطلق سلمنا و العلم يعنينا = باكمل وضوح العبارة والشفافية جينا نكيل الوفاء من حيث هو يأتي = هنا تعمر كيانه حيث الأرضيه ارضية المجد والتبجيل والهيبة = من كل جانب بهذا الكون احادية ماهو على شان كوني واحد(ن) منهم = لا والله ألا دليل وفي معانيه فيما يقول الشريف يغني العوني = كل المعاني تحت معناه مطوية ما ننحسر في مجال ونهمل الثاني = على مسافة نكون وفي فعالية وأن نشترك والقبائل فخرنا سامي = ما بيننا بالسلوم حدود دولية ألا فسحنا المجال لسلمنا الطيب = ومن مصدر العلم نستقبل بكمية لأن الفضائل كذا بين الملا تجارة = هذا اعتراف(ن) صريح بكل عوفية وليا دعينا حضرنا بكل ما فينا = من حس وشعور وأخلاص(ن) وجدية مبادل الناس بفراحة من السنة = وفي سلمنا له مكان وله اهمية واليوم نشارك فهد في محفل احفاده = رجل(ن) رفع بالفخر هامة بنيخية يتعب ذلوله ورى الطولات من طيبه = على اقتناع(ن) هنا مع دافع النية يشهد له اللي بعيد ويشهد الداني= والناس بالقول والأفعال معنية نرفع جزيل التهاني و اطيب امنانا = لك من مجال الوفاء و الطيب مثنية نشره على الطيب يا سميحان من طيبك = سبقتنا بالأوايل وأنت راعية شاركتني في غناي وباصعب ضروفي = ومدحتني بالقصيد ولاهي جبرية والأن يمك نكيل الصاع من صاعك = صارة علي من مجال الطيب حتمية مشاركتكم ونثري بفخر حروفي = وروس القصائد تجي لرضاك محنية حضرت كلي فخر مالكون ياسعني = في ليلة بينكم ماهي بعادية مابي يطول الكلام يمل مسمعكم = لو هم عطوني مجال بكل حرية يا عيال زامل عشمنا وفخرنا فيكم = ماهو كلام(ن) تمني وفتراضية والله يا لوهو يقاس الطيب بالنسبة = في دمكم ليتجاوز نسبة المية

شاعر الضياغم

بسم الله الرحمن الرحيم

سباع الغاب !!!

	لوكل رجلا يحوش الطيب بذراعه=ماصار بعض العرب على العرب عاله ولو كل من مات عاد من الدهر ساعه= كان افتدا صاحب الاموال في ماله لاكن هذا محال ويصعب ارجاعه= شين يفوتك على قوله مضى وفاله بيت (ن)تبادر لذهني ودرك ايقاعه= لاكن تحتم علي معناه وكماله تاكل بعضها الاسود البعض ياجاعه= تظهر طبايع سباع الغاب باشباله

شاعر الضياغم

بسم الله الرحمن الرحيم

السلام عليكم ورحمة الله وبركاته

نترككم مع القصيدة وأمل ان تحوز على رضاكم

اجـسـر مـن الـضـرغـام !!!

	بعض من الكلمات تستوقفنا = ماهي على ما يقال بمر(ن) عادي يحوي فضاء معناه شرق اوسط = ينفد من اقلامه محيط الهادي ندرك من حروفه يقين الشاعر = منهو يكون الرجل وايا نادي لأن العقل ميزان تلك الكلمه = امر عليه الخلق لا ايرادي نسمع ولاكن مالنا من حاجه = اكون في بعض الأمور حيادي لله شؤن الخلق وأمر الساعة = لاالخلق خلقي ولاالعباد عبادي تاره ولاكن تاجد(ن) في تاره = مهلا ولخطام الأمور قيادي للحمل تبرك شمخ(ن) مخزومه = ولصبر يضاق السبيل مهادي لايفهم المعنى بعكس المعنى = مانا في وادي والبشر في وادي شاعر وعيش بيئة طائية = بين الأسود وفاهم(ن) مقعادي ناقد وديب وشاعر(ن) يا حدث = فذ(ن) تصيب سهومه الورادي صفة حرار(ن) في مضيف رمالي = فيه الوقار ومبتداه البادي شي من السنه وسلم مشوح = ينثر على كل الحضور الكادي راع الكلام الجزل يالله حيه = هيل وسمين وخاطر منقادي واليا تعزوا ما جهلنا غفيلي = قوم تسيد القوم ما تنسادي لكم المفاخر بالزمان الأول = زبن الضعيف ومنتهى الميعادي نص عليه العلم لبن ضيغم = مثل السراج يدل فيه الغادي وانا ادرك ان الخلق تغمط الحاضر = ان كان ماله بالقديم شدادي هنا الرمال وهم هناك السادة = نعم الحفيد وتركة الأجدادي صرح من المجد العريق الفاخر = كل الفضايل فيه والامجادي من كون البيت القديم لشمر = يسلم عمود البيت والاوتادي اقصد بني عمي الأسلم عبده = زوبع سقام العين والاكبادي ان استطار الشر وخيل لهله =حنا لهم نكون بالمرصادي اجسر من الضرغام وأكثر جرئة = وأمضى من الصمصام للأضدادي اسم الطنايا كلمة له معنى = الله خلقنا للعيون سهادي في حال ولا حال مثل الجنة = للي حداه من الزمان الحادي كل(ن) على جهد بقصد لرابط = بين الكيان الفخم والافرادي نشد بعض لبعض كل(ن) منا = يبقى للأخر بالأخير سنادي من حضرة الشايب لولد الشايب = جند مجند كامل الأعتادي ما كنهم الا لبعض قلب نابض = اللي يضخ الدم بالاجسادي

شاعر: الضياغم

بسم الله الرحمن الرحيم

السلام عليكم ورحمة الله وبركاته

اسعد الله مسائكم جميعا

نعتذر لكم احبتي عن غيابنا الأسابيع الماضية وذالك لظروف العمل

ويعلم الله انكم في البال امل ان تعذروني واليوم جايب لكم هذه القصيدة وهي من

الأرشيف القديم وفي عنوان ( عقد الذهب ) وهي في د: الأمير سعد بن عبد الله بن مساعد

نترككم مع الفديو وأمل ان يحوز على رضاكم