روس المشاريف

.
.

انا متابع مسيرك وانـت لي تابع=نبي نسولف مع العربان ونهايط
لاصار وضـع العروبه بينهم قابع=يصير وضـع الاخـوه بيننا شايط

.
.

العنود اللـي علـى قلبي تولت=احفظـه يــارب وارحـم والديها
مشكلـه لامـن جـدايلهـا تدلت=بس اقول الله وماشالله عليها

.
.

الحر اذا ماهو له الجـو رايق=يكفخ بجنحانه ويبعد عن القاع
يترك مجـال مقلبين الحقايق=اللي على كثر الاكاذيب بتاع

.
.

سـلام منـي لكـم ياهـل المعاني سلام=الشعر يحتـاج لــه شاعـر فهيـم وثقيل
الشعر ياهـل الشعر ماهـو مجـرد كلام=الشعر لمعة فكر واحساس مرهف جزيل

.
.
الرد من الشاعر مهاوش الهروال

يامرحبا وانت شاعر منزلك فالسنام =وباعك وشبرك مع الشعار دايم طويل
الشعر معروف حده مثل حد الحسام=واللي ماعنده شعر لازم يدور كفيل

.
.

حايـل حكـايـة حـــب حايـل خدينه=حبـه ملك بالشمري كل الاحساس
دار الـكرم والجود ياهـل الضغينه=ماحلى هواها لاصعد بين الانفاس

.
.

ياراعـي الابيـات يـوم انـت دونت=اذكـر رجـالٍ دون الاسـلام هاشت
بعـض الامــور بقـولهـا لا تهاونت=بنـات فكـرك كـل ابـوهـا تلاشت

.
.

ياهل الخير قولو زيـن والا سكوت=صامل الهرج يكفي منه بس القليل
بعض الاصوات يكفي عن ٨٠ صوت=وخير قولٍ يقال وفيـه مرفق دليل

.
.

صدفه بلا معاد ياسوق برزان=جابتني القدره وياليت ماجيت
صادفت مهره مالها سرج وعنان=من زينها ذكرت ربي وسميت
تمشي وحدها تتبعه كل الاعيان=وانا مع الجمهور بالعين راعيت
السوق كله صابته حالة جنان=مشيت ومدري ليه للسوق مريت

.
.

يازين ياهب الهواء الهادي الطلق=في راس مزمومٍ لحالك خلاوي
تبعد عن اللي فكرهم دايمٍ غلق=اهل اللغاء واهل الحجج والدعاوي

.
صديقي نايف باشر
.

حايل جبلها داعبتها السحايب=وارضه تغير لونها يابن باشر
جتني علومه من جميع الحبايب=بالصوره الحيه تجيني مباشر