آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 17-08-2006   #1


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي ديوان الشاعر / نايف بن حزل العنيزان





الى المنتدى اللي ينتسب للنشاما !!!

الى المنتدى اللي ينتسب للنشاما = بكل الشموخ وعنفوان الـرجوله
باكل الفخـروالقــدروالاحــــتراما= تاقف حروفي عند وصفه خجوله
اختار اجمل اسم واجمل وسامـا= يزها على صدر الفخر والبطوله
ويدار باقــــلام النشاما الحشاما= في طــــرح بنـــا هادفٍ بالمقوله
لوضجة الساحــــه وكثرالزحاما=يبقى الممـــــــيز مستحيل نزوله
وانا يشرفــــــــني لــه الأنظماما= مـــع نخبةٍ في كـــل فخرانتموله


 

قديم 27-08-2006   #2


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي



اقدم لمتصفحي منتدى النشامى هذه القصيدة
والتي سبق وان تشرفت بإلقائها بين يدي خدم الحرمين اللمك عبدلله بن عبدالعزيز في الديوان الملكي
ويشرفني ان يكون اول منتدى تعانق صفحاته بعد ظهورها باالأعلام المتلفز
واتقدم بالشكر الجزيل لجميع القائمين على هذا المنتدى واخوي ابوغازي واعضاءالمنتدى الكرام





سلام لك واللي بمعيتك كله =وللحاضرين يساق رجال رجال
وازكى السلام ابهره لك وازله=بدلة وفا وسوق لك منه فنجال
يفوح لك به زعفران ٍ عمله =وينساق لك يا سيدي عذب وزلال
اعذب من الماء لا غدا القيض مله =اذا تغطرس قيضها وأشهب اللال
واحلا من اللي جيب من منحلله =احلا من الشهد المصفى اذا سال
لك يابو متعب يا لطيف الجبله =لك يا اخو نوره يا ذرا كل مهتال
يا من بتاريخ المراجل سجله =فاق السجلات وتسجل للا جيال
طيبٍ وذكرٍ مالك الله تمله =يسطر ويدرس وتضرب به امثال
يا رمز كل المرجله يا محله =بينك وبين اهل الردى بحور وجبال
مال الردى عليك مدخال لله =وانت الذي مابين نهرين نزال
ماله عليك ادروب لله ولله =عبدالعزيز ابوك والعاصي الخال
من وين اببدابك على الله على الله =به استعين تجملن فيك الأ مثال
ياشامخ الهامه لك الله لك لله =عن جم وصفك يقصر الدلو وحبال
وياسيدي الشعر دقه وجله =صعبن يوفيك بمقاله ولوقال
والحرف ياكحيلان دربه يدله =والشعر ما يكتب على كل منوال
والمدح ماهو من بغاه يحصله =ومايطلق عنانه لماهب ينقال
وياسيدي ما كل رجل ٍ تجله =عيون الرجال وله ينا ضرن بجلا ل
الأ الذي مبهم عقوده يحله =وبموقفه يشهد له رجال ورجال
ذاك الذي طيب الفعول شهدن له =وله موقفٍ يصعب على كل رجال
وانت الذي رام المراجل وصل له =لك في سنام المجد مدهل ومنزال
يا شمس عدلٍ والفعول اشهدن له =امتد نوره للعوالي والأ سهال
يابيرقٍ كلن تظلل بظله =شيوخ وزحا زيح وصناديد ورجال
بعد العظيم اللي الجباه سجدن له =اللي امر جبريل ينزل باالأ نفال
ياسيفنا اللي لا انتخينا نسله =يارمزنا اللي تفتخر فيه الأ نجال
انا اشهد ان الطيب حجاجه تفله =وانا اشهد انه فيك يفخر ويختال
وانا اشهد ان العدل كبده تبله =يشرب قراح ٍ فيك من بعد غربال
ونا اشهد ان الظلم مثلك يعله =مثلك يدله للسنع لا انتحى ومال
من للشهامه لو تخليت من له =من للعلوم الطيبه يبن الا بطال
ياكثرها لوقلت من له ومن له =مئاثرك مايحصيه طرس وأمثال
واليوم جيتك باالولأ وأحفله =لك ولولي عهدك على الدين والحال
سلطان وكفوف الكرم دونن له =شبيه غيث المزن لا جاك همال
وجيت بولأ ربعي امامك افله =هم لأ بتي شمر لك اجيال وأجيال
جيتك اجدد عهد عودٍ مضن له =معك سنين وعله بخلد وضلال
ضيدان اخوعمشى عسى الله يحله =رجالك اللي ماتوانا ولا مال
ابن عنيزان الذي مانقله =عوج الهروج وكلمت القيل والقال
ونكتب ولا ننسى الوطن وش حصله =بعيوننا عن كل مارق ودجال
اهل الحسد واهل القلوب المغله =اللي اشتروباالدين نزوات جهال
الزمره اللي تزعزع الامن قله =تبطي وتبطي ماتطاول على الجال
ماعقب عفوالوالد ولفتةٍ له =قال اقبلو وحنا لكم بيت وظلال
اللي يبي العوده فحنا هلن له =ولي يبي يطاول نطاوله لوطال
مرحوم ابو فيصل وهي عادةٍ له =العفو عند المقدره سمح الا قبال
مرحوم ابو فيصل ومثله محله =ساق الجمل في ماحمل معه جمال
وعيو مقاريد الوجيه المضله =قفو مع دروب الرذيله والا نذال
ودامه كذا نبتر يديهم نشله =حنا لهم طوفان عاتي وزلزال
تبت يديهم والوطن ما تصل له =لو حا ولو محال في كل الأ حوال
يادارنا ولي يذلك نذله =في راس عيطا عن متاهات الارذال
نقلق مضاجعهم حزمهم نفله =بعون الله المعبود خلاق الا زول
حنا نعرف الدين حنا ندله =ماهي فتاويهم وتفسير جهال
حنا سراة الدين حنا حمن له =دين السماحه دون تفريط وغلال
وسلامتك واللي بمعيتك كله =يا حاكماً لك خافق الناس ميال




الشاعر:نايف حزل العنيزان
(نديم الهواء)


 

قديم 03-09-2006   #3


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي لنصرة النبي (صلى الله عليه وسلم)



الخنازير وأحقر مامشى من الانام =بالاهانه تمادو لين وصلو النبي
طاولو في يدين الخزي راس السنام=بلا مبالاة قالو ياصحافه اكتبي
صفوة الخلق لك منا صلاة وسلام=يا أطهر الناس ياالشهم الكريم الأبي
شمعة النور حاول فيك يهزو الضلام=وعنك يانور هدي الله ذاك يهبي
سيدي عن مقامك يصغرون اللئام=كل مسلم فداك من اعجمي و يعربي
مادحك خالقك يخسون هاك الخمام=امة الكفر تحت اخمس قدمك تحبي
انت رمز الشموخ وعنفوان الكرام=انت كل الطهاره بك ولك تنسبي
ياحبيب الإله محال مثلك يضام=واعدك خالقك بالنصر واللي تبي
والله انه بداية ركبهم لانهزام =والله انه خيول الله بدت تركبي
الف لعنه عليهم ما يهل الغمام=والف لعنه عليهم كل ما تغربي
والف لعنه عليهم كل ماحل عام=والف لعنه على ذاك الحقير الغبي
امة المصطفى ... ذنب نخون الذمام =ومن تجاهل غضب هذي متى يغضبي
هيه ياهيه ماهي اليوم حقت كلام =وش بقي من الكرامه عقب سب النبي
ان سكتنا علينا كل ذنب وملام =كيف بالله نارد حوضه ونشربي
يامحمد صلاة الله عليك وسلام =والف لعنه عليهم كل ماتغربي


 

قديم 27-09-2006   #4


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي رسالة الى الرافضي حسن شحاته 000000؟؟؟؟



سبق وان صدر من الرافضي حسن شحاته سب لصحابة الرسول (صلى لله عليه وسلم) وهم العشرة المبشرين بالجنه ولهذا كتبت هذه القصيدة

ومعذرة عن الا نقطاع ..وبمناسبة حلول شهر رمضان المبارك اهني الجميع بالشهر الكريم 00



وش ياصل الشعر معكم وش يطول القصيد=ياخيركل البريه بعد رسل الهدى
يا اصحاب ذاك النبي الهاشمي المجيد=اللي بطلًته شع النور شع وبدى
عليه ازكا صلاة الله واكرر وازيد=وعلى صحابته ما يجلا النهارالدجى
ياشموخ ياصبر ياعزوم ٍ تهد الحديد =يانصرة الدين لاركبت خيول الندى
ياخلافة الدين يانصر ٍ مؤزر واكيد=ياخير من لاتعزوى الدين رد الصدى
ياعشرة ٍ بشرو بجنان يوم الوعيد=ارواحنا عن نبي الله وعنكم فدى
يخسى الذي في طهارتكم يسب ويعيد=الرافضي اللي حياته كل ابوها سدى
الرافضي اللي يحسبه صح ذاك البليد=اللي تغطرس عن الدرب الصواب وغدى
الله يلعنه يوم يقول كذب وجحيد=وينكرحقايق بها خيرالملا يشهدى
عليه لعنه بثرلعنه ولعن ٍ مديد=وعليه لعنه كثر ما نركع ونسجدى
الساذج اللي وجوده نقص ماهو مفيد=الرافضي اللي اتخذ احمد وصحبه عدى
الله على عاتقه في سيف ابن الوليد=الله عليهم عداة الدين اهل الردى
يوم البيارق ترف وسيف صارم شديد=محدٍ تطاول عليهم بالحكي واعتدى
في وقتهم ماحدٍ يجرؤ ولحدٍ يحيد=العزفي وقتهم كم درهم وكم عدى
واليوم في دم ٍ ابرد من ثلوج الجليد=حسن شحاتة يسب اصحاب نور الهدى
يسب ابوبكروالفاروق مجدٍ تليد =كم واحدٍ في خطاويهم مشى واهتدى
وعثمان بعده علي عن منهجه مايحيد=كلٍ على نهج اسلافه مشى واقتدى
والعشره اللي غلاهم يحتضنه الوريد=عقدٍ تلألأ بدورٍفي الدجى السرمدى
في صدرالاسلام تاريخٍ يشرف حميد=كم حطمو من صنم يشرك به ويعبدى
والاانت وش جبت للسلام شيٍ جديد=منك انت تبدا الرذيله والخنى والخزى
انعولهم منك اطهرياالحقيرالعنيد=واصغر ضفر من حداهم فيك مايفتدى
هم بشرو في جنان وخلد وطلح ٍ نضيد=وانت ابشر بنار ان.. ما تبت له تاردى
تصلاك تصلاك يوم تقول كذب وجحيد =وتنكرحقايق بها خير الملأ يشهدى

نديم الهوى
نايف حزل العنيزان


 

قديم 17-01-2007   #5


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي ماتـدرك الـعـزه بضـعـف وامـانـي...



مشاركه متواضعه اتمنى ان ترتقي الى ذائقتكم







الذيب راح بغدر كف الحصاني=في لحضة ياقف به العز مذهول
عزاه كيف يروح ذاك بثواني =بيدي ثعولن اسمهم كان مجهول
الفرق واضح بين مجني وجاني=مرحوم ياحرن يشرع على الجول
صدام يلهج بك شموخ المكاني=ويردد التاريخ اسمك على طول
موقفك مايقفه خطوأ الهداني=ماياقفه ياكود شجعان وزحول
مالنت وشموخ ابا لا يهاني=رحت بشرف والعز وقفات وفعول
ماتدرك العزه بضعف واماني=للمعضلات ارجال وزحول وفحول
بغدادعزة بك رجالن تعاني=عقبك تذوق الذل صافي ومشخول
والله مانئسا لمجرأ الزماني=نئسا على وضعن لنا دوم مذلول
الله اكبر والله المستعاني=الى متى حلم العرب دوم مخذول
متنا من الذله وزود الهواني=ذل هماء مايحتمل غير معقول
الى متى لا نام طرف الجباني=الى متى دم لنا يمشي اسيول
ياهمة هزلا ودايم تعاني=ياخافقن مقعد مكبل ومشلول
اعراضنا قدامنا ماتصاني=سيف المذله بوجهنادوم مسلول
في مشهدن يعرض ودايم يباني=سيناريو دايم يكرر ومنقول


نديم الهوى


 

قديم 20-04-2007   #6


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي دروب الياس...دروب الرجاء



اعتذر عن الغياب واهدي لذائقتكم هذه القصيده


بين درب الياس ودروب الرجاء= تعبت اقدامي وتعب جسم ٍ تشيل
تقبل همومي مع ليل الدجاء=به سيوف وخيل ورماح وصهيل
بمعمعتها والمعنا مانجاء=تنتهي وانا انتهي مهدود حيل
من سبايب ريمتن تسكن اجاء=صعب وصله وأصعب من المستحيل
بنت رجال للمراجل تعرجاء=للمراجل رمز نبراس ودليل
ترتجف دقات قلبي ترهجاء=لاضوا من يم ديرتها مخيل
علها تمطر على سلمى واجاء=وعل ديرتها من الوسمي تسيل
لو حبيبي في ضميري يولجاء=هاجس وهاجوس وهموم ٍتهيل
ابو جبيناً لا تبين يحرجاء=لاتبين للقمر يحرجه حيل
وكن في مبسم حبيبي يمزجاء=حمرة الرمان والمرمر نزيل
ماطــرا لك ياحبيبــي تعالجاء=جرحي اللي منك يا اوفا خليل
تعبت اقدامي على درب الرجاء=ياحبيبي عالج القلب العليل


نايف العنيزان


 

قديم 03-05-2007   #7


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي الى كل محبي الطنايا



الطنايا

ياناشدٍ عنا خذ العلم بوصوف=خذهابشهادات الزمان وسباقه
حناورثنا العز هامات وسيوف= وحناورثنا الجود طبع وعلاقه
حاتم لنا اسمٍ يشرف ومعروف=كان الكرم حاتم.. فحنانطاقه
حناالوفاء لاعجزعن حفظه ضعوف=على العهد نبقا ونحكم وثاقه
حناالنقا كتاب واضح ومكشوف=وحناالغضب لازودوبحتراقه
حناالحقيقه لاغدا الكذب مكسوف=وحناالكلام الصدق لطف ولباقه
حناملاذ الي من الخوف ملهوف=يوم المساري قبل وقت الرواقه
يزبن حمانا من لفح قلبه الخوف=وتبشرضلوعه باالامن وعتناقه
حناالطنايا أسمنا عانق الشوف=اسمٍ رسخ باالطيب مجد وعراقه
مداتنا باالحرب ارواح وحتوف=ومداتنا باالسلم طيب وطلاقه
شمرسناعيس الجبل مدهل اضيوف=يوم انهاشح الموارد وفاقه
قبل الرغد يوم ٍ الأرزاق بكلوف=جينا الكرم عنوة واخذناعشاقه
بساحاتنايتفاخرالطيب ويطوف=ويقطف من صفاتٍ لذيذٍ مذاقه
حناالطناياافراد وجموع وصفوف=حناغرام المرجله وشتياقه
حناالطنايا لاغدى الحق منصوف=يشهد لنا الاقصين قبل الرفاقه

شعر. نايف حزل العنيزان


 
التعديل الأخير تم بواسطة نايف بن حزل العنيزان ; 07-05-2007 الساعة 01:19

قديم 16-05-2007   #8


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي الى سموك مع الاحترام



يامير

قولوله اني عن امورالتفاهات=تشوم بي نفسي واعيف المذله
تاخذ بي دروبي عن اخطاه سجات=والذل اعيفه والتصنع امله
ماهوب اناراعي العلوم الرديات=ولأهوب اناالي باالرداينتمن له
ولاني من اللي ينقلون الوشايات=اهل العلوم الخايسه والمخله
وهيهات ياصل ماوصلناه هيهات=حنا وصلنا اللي عجز لايصله
انامن رجال ٍ بعيدين شوفات=ياسعد من لاذ بحماه وزبن له
سليل قوم ٍ من سلايل زعامات=تفتل امورن مبهمات وتحله
وبلا قصورن فيك ياميربذات=مثلك زعيم الطايلات ومحله
لاكن امانه قل لراع السخافات=قله سواد الوجه يغشاه كله
وقله عرفت السالفه والحكايات=قل للخسيس ارجوك ياميرقله
الرجل مايرضا دروب السذاجات=وطيرالرخم درب المذله يدله
انااشهدانه ماتقهوى الرجولات=ولأ شرب كاس المراجل وشله
وانااشهدانه مايعرف المروات=ولأ ادلال المرجله بهرن له
والقدرلك ياميريصل الشهامات=لجلك تركت الوضع دقه وجله
ولولاك ماني حاسبن له حسابات=لولاك انااعرفه وعندي دوله
ولايعتذرمني ولاني بحاجات=ولانيب سامحله ولأ الله يحله
ماله علي ياميرحق ٍ وشرهات=ولاهوكفولاشك ضلك يضله
انارجل مانيب راعي تفاهات=ابهرادلا لي بكيفي وازله
واقبل تحياتي من الذات لذات= لك ياسموالمرجله يامحله

شعر..نايف حزل العنيزان


 
 توقيع : نايف بن حزل العنيزان



قديم 28-05-2007   #9


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي للامير طلال بن عبدالعزيزالرشيد



هي قصيده سبق وان كتبتها في الذكرى الثانيه لرحيل المغفورله بااذن الله..
الأ ميرطلال بن عبدالعزيزالرشيد (رحمه الله)


كل شي ٍ يبين وياضح ويظهرا=الا ذاك السوال اللي تكفن وليد
وكل جرح ٍ يجف وكل جرح ٍ برا=الاجرحك بقلبي كل يوم ٍ يزيد
مرثاني سنه والجرح بي يكبرا=مرثاني سنه والجرح توه جديد
عيت جروح قلبي تلتـئم تجبرا=وعجزت النفس تسلى والصبر مايفيد
عنك عجز الصبر ياصاحبي يصبرا=ياطلال انتحيت واشهد انك فقيد
انت مجد يتباها المجد بك يفخرا=انت نادرمزايا ياطلال الرشيد
كنت للجود ياكحيلان بيت وذرا=وفيك جزل الصفات وفيك طبع ٍ حميد
اااه ياشيب عيني كل ما اذكرا=اااهةٍ تخترق صدري تشق الوريد
اهةٍ من ورا اهٍ تتل ازفرا=راح حر ٍنداوي باالمراجل فريد
تب لاعاد هاك اليوم كم يقهرا=تب للقنص لا ابوالصيد واللي يصيد
ولا اعتراض ٍعلى حكم الله استغفرا=خالق الناس منشي الكون رب العبيد
نم عساك بجنان ٍ تورق وتزهرا=بين حورالجنان وبين طلح ٍ نضيد
تحتضنك المحاني لوحضنك الثرا=تحتضنك العيون ولو خيال لك بعيد


شعر.. نايف حزل العنيزان


 
 توقيع : نايف بن حزل العنيزان



قديم 09-07-2007   #10


الصورة الرمزية نايف بن حزل العنيزان
نايف بن حزل العنيزان متصل الآن

بيانات اضافيه [ + ]
 رقم العضوية : 338
 تاريخ التسجيل :  15 - 08 - 2006
 أخر زيارة : 06-06-2014 (07:55)
 المشاركات : 856 [ + ]
 التقييم :  67
 اوسمتي
الشاعر المميز المراقب المميز 
لوني المفضل : Cadetblue
افتراضي ردي على قصيدت اللقب لطلال الرشيد



قصيد رد على قصيدة (اللقب) للامير الشاعرطلال العبد العزيز الرشيد ويشرفني ان باتت بين طيات اوراقه يرحمه الله ويسكنه فسيح جناته....


يارفيع الصيت صيتك من ذهب=ولاتثيرك كلمةٍ جت من حقير
دوم راسك فوق شامخ منتصب=ولايهمك منطق الغر الغرير
الجنايز عزهم فوق الشهب=وراسهم شامخ ولايعود صغير
ومنتجات العود ماتعود حطب=ولاينزل شانهم كلمة اجير
من قرب للناريحرقه اللهب=ويتحمل من لمس جمرالسعير
من لمز بالهرج لازم يحتسب=للجنايز عندنا قدر ٍ كبير
اسئل التاريخ وتنبئك الكتب=عن الرشيد ان كان منت أبهم خبير
واسئل العراف وفحول الأدب=عن وبأ الفرسان في رمح ٍ شطير
كاسبين الصيت عن جدٍ واب=لابةٍ بالكون هم سقم الضرير
كاسبينه غصب بالسيف الحدب=ومن يحصل شي يستاهل جدير
اهل سيف وخيل زلزال ٍ غضب=بالمعارك كون أسودٍ تزير
وهذا ابو نواف اكبر من لقب=سامي ٍ أسماء من مغالط حقير
غرتك نفسك وجبت له العتب=ليه تغطي الحق ياميت الضمير
وعن هلك قد قال أبرا واحتسب=كاسبين الطيب طلقين النضير
يمكن انك من رجال ٍ تنتسب=والرماد تورثه نار السعير
مثل ما الأبريز يشرك بالذهب=والذهب يرجع له الفضل الكبير
لا غرابه دنيتن فيها العجب=تضحك الجهال والعاقل يحير
ما نحب الميل وتطريد النشب=لا تعرض لطنايا ياغرير
اترك الاجواد لاتثير السبب=وعن كلامك شوري انك تستخير

شعر. نايف حزل العنيزان


 
 توقيع : نايف بن حزل العنيزان



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:35


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام