ديوان الشاعر / نايف بن حزل العنيزان

أبا القاسم.. مع العذر لمقامك الشريف

	عليهم لعنة الله مايهل من السماء همال=على شان الصدور الموجعة تبرا مواجعها وعسى بلدانهم ياسيدي للحرق والزلزال=وعسى نفس ٍ أساءت لك إله الكون يقطعها الاقزام الذي صارت تطاول يم راس الجال=ولأبه احد عن راس الهرم يجزع ويمنعها قاسو مؤشر الغيرة وهمتنا ووضع الحال=وعادو يوم ماشافو احد ياقف ويردعها اساءو لرمز امتنا نبين للطهارة شال=نفس ٍ اصطفاه الله وكرمها ورافعها تجرو ليش؟! مدري بأمة احمد مالقو رجال=إساءتهم لخير الناس كل انسان يسمعها من الحاكم ألى المحكوم عجز من يشرب الفنجال=عجزنا مالنا حيله سوى أنا نقول قا طعها ركاب الضعف وألذله لقت بنفوسنا مدهال=على هامش ضعافتنا تفلي في مرا بعها أبا القاسم أبا القاسم فدتك النفس والأموال=ياخير اللي بعث من خالق الكون بشرايعها أبا القاسم بنا منك خجل والله ماينقال=من الفعل وردود الفعل وماخطت صنايعها أبا القاسم لنا بك هيبةٍ يوم السيوف اثقال=يوم ٍ كانو اصحابك على القمه تربعها أبا القاسم عقب عز ٍ بوقتك يفتخر يختال=أبا القاسم غدينا اليوم ترهبنا وقايعها رسول الله يا خير الملا لانامت الأنذال=ولانامت أمم تروى أهانتك وتجرعها رسول الله كيف العذر منك بلحضة الاهوال=بيوم ٍ لأمتك تشفع وعند الله تشفعها رسول الله هل هذا جزاك يسئ لك ارذال=ومليار أمتك صامت لهم أرخى مسامعها ألا يا ساسة المليار طال الوضع طال وطال=وحنا نخنع لناس ٍ يشتتنا تجمعها وماذا بعد احمد كان فينا للنبي منزال=بوضع ٍ منه يغضب خالق الدنيا ومبدعها لو إن شموخك الطاهر محال ٍ سيدي ينطال=ولكن كلمةٍ ضدك تغيض النفس توجعها وصلاة الله يا خير الملا ما فاح ورد ومال=صلاة الله ما فاحة بعطر أسمك جوامعها وسلام الله ياللي في سناء نورك ضلامة زال=سلام الله ما تحرك أمم باسمك أصابعها

شعر,نايف حزل العنيزان

بعد ان قرأت في شبكة التواصل الاجتماعي مقوله للسياف البيشي
الذي نفذ القصاص في الشيخ عبدالله فندي ابن سعيد الشمري رحمه الله
(بعد ان همس السياف البيشي في اذن عبدالله رحمه الله وقال
سامحني انا عبد مامور فرد عبدالله قائل نفذ الامر وانا رجل مظلوم)
فقد تأثرت في ذالك الموقف..رحم الله الشيخ عبدالله بن سعيد رحمه واسعه
واسكنه فسيح جنانه.

غالب الله على امره

رثاء الشيخ عبدالله فندي رحمه الله !!!

	فك للحزن باب وللمدامع هدير=وفك للهم صدر وللبكا حنجره ارتحالك عن الدنيا وذاك المصير=بقصتن تألم الأفاه لونذكره والعمر لوتطاول لبن ادم قصير=ومكسبه لنتهى في جنةً مخضره اسأل اللي يدير الكون وهو المدير=يجعلك في جنانن ترتوي كوثره بين خمر وعسل والبان وحور وغدير=بجنتن يا ابن فندي بالثمر مثمره ويلهم الله ذويك الصبر ويعوض خير=ويجبر الله عزاهم بالصبر يجبره وكل شي(ن)كتب ينفذ تقر او تطير=لكل شيٍ سبب وأجره لمن يصبره والعفوا في يدين الناس شيٍ(ن)كبير=بس هيهات ياقل الذي يقدره والليالي تدور وعنك يخفى المصير=بلحظتن ماحسبت وكنت متصوره ومن مشى في دروب الخير يبشر بخير=ومن تعثر يجي له يوم من يعثره وغالب الله على امره القوي القدير=لا أحد يقول انا اقدر الله مدبره رحت يا ابن سعيد بأمر ربٍ كبير=ولا أحدٍ له بذا شي ولا مقدره وكان بالوضع ظلم الظلم شيٍ مرير=والله أعلم بما نخفي وماننكره في قلم كاتبٍ عادل عظيم خبير=في كتابٍ جميع اللي خفى يظهره وأنت هاليوم ضيفٍ للحكيم البصير=الذي يعلم الخافي وهو يبصره الذي ماعليه يجار وهو المجير=من رجاه ولجا له وطلبه ينصره اسأل الله رحماته لقبرك تنير=وأسأل الله لك الغفران والمغفره وأخر القول أصلي والسلام الكثير=مني لخير خلق الله وأكرره

شعر/نايف حزل ابن عنيزان

السلام عليكم ورحمة الله وبركاته

غـــردي يامــعـانـي وسجعي ياحروف
هديتي المتواضعة لمزاين شمر ولكم اخواني واخواتي وزوار نشامى شمر





نايف بن حزل العنيزان