ديوان الشاعر / عيد بجاد بن شده

يالجتي لجة زهازيم الاقطاع

	يالجتي لجة زهازيم الاقطاع=من لاهب الجوزاء كواها العطاشي شدو بها بدوٍ لهم بالخطر باع=قطاعة الفرجه طوال المعاشي غداء لها يابو محمد تمزاع=جاها مع الممشى كثير اندهاشي على الذي خده كما البرق لمّاع=عنود صيدٍ شوشت بالشباشي لو شافها مقدام للمنتدى باع=وسهيل يصبح طلعة الصبح ماشي وجبران والهاجس يجيهم تلوَّاع=وابو دلامه صار قلبه هشاشي والشاعر اللي يلعب الشعر بانواع=يتعب بوصف ام الحجاج البشاشي اللي تخضب ياحمد خمس الاصباع=وعواتقٍ من قدرها ماتناشي ياعنق ريمٍ طقه الريح وانصاع=خلى خشوفه ضايعه بالدشاشي عيد بجاد بن شده العتيبي

بعض الاوادم تفوه بالكلام الجزيل

	بعض الاوادم تفوَّه بالكلام الجزيل=وتقول صعب الحمول تشيله امتانها وسط المجالس تسموا بالعيار الثقيل=وعند اللوازم تروغ وتفقد اذهانها هذارت الهرج ماتكْحل عيون العميل=سوالفٍ ساجعه والكذب نيشانها عقاربٍ للقريب تجيب فيه الحفيل=ثعالبٍ كشرت عن رؤس نيبانها عوشز حزومٍ حقيرٍ مالقي به مقيل=حباترن ماتسر صدور ضيفانها غربان طخفه تحوم ولا وراها حصيل=لوكان نوط الهضاب الشم مسكانها دغافلٍ ساجعه بالروض والجد فيل=في غابةٍ مثمره والنبت باغضانها تطرب لصوت الحمام اليا هدل به هديل=وتزمر اليا جت بنات الريح بأوطانها تروع لهرامة المجلس بليا دليل=وام الكباير تبيع بوسط دكانها

عيد بجاد ابن شده العتيبي

انا كل ماعديت بالرجم ثم مديت:

	انا كل ماعديت بالرجم ثم مديت:=نظر عيني اللي لاعها البين قبل الهم تبهذلني الافكار يامنيف لاعديت:=طويل الرجوم اللي يسم الضماير سم طويل الرجوم اللي حراويه لاطليت:=اشوف الديار اللي معي فلمها يرسم واشوف المنازل خاليه بعد حيً ميت=تقافت سنين العمر والنوخذه يفهم واشوف الديار اللي بها ياولد مريت=عثامير جيانً بوسط الهظاب الشم بعد سجوا السالين في نومهم صحيت:=همومي تخم الفكر لاضاق بالي خم تذكرت وقتن فات يامنيف ثم ونيت:=ونين الكسير اللي جروحه تضخ الدم على اللي على لاماه بأول صباي اشفيت=كما شفت الضميان لاشف وبل الشم غدت به عجاف العجف واقفى وانا قفيت:=ضروف النيا تنياه والعم وابن العم صفا لي وانا صافي على الطيب مازليت=لكن العلوم علوم والجم دونه جم: ابو قذلتن شقراء وخدن سوات الليت=عليه الرسوم اليوسفيه ومعها كم طويل المعنق والحجاجين فيها اريت=رموزأ تخلي راعي الحزن به يحلم رموز الجمال اللي بها شفت مالقيت=مع البدو واهل المدن للوصف ماتعلم حدوني على فرقاه وانا منه ماوحيت=كلامه يسر البال بالعكش لاسلهم يسلهم بسودأ سحر هاروت فيها هيت=وثمانن سوات البرق مع مفلج المبسم يقولون عذال المحبه تراك اخطيت:=وانا اقول للعذال ما ذقتوا البلسم: عبادن على دبك المهابيل يابا الفيت=تسولف تبا الفاهات لكن ماتفهم: اهل سرد عوج الهرج بعلومهم دريت=اليا خاطبوني صرت بحلوقهم علقم انا في حقوق اهل الوفاء بالوفاء هليت=ولاني وكيل الزمزمي ياملأ لازم:

عيد بجاد بن شدة العتيبي

ياهجوسي لاتلدين بالشعر الضعيف

	ياهجوسي لاتلدين بالشعر الضعيف=الردي في سلمنا مانضحي به فدي اتركي شعرٍ مع الناس ميزانه خفيف=وش يجيب بحيرة المسك للسيل الندي كل هراجٍ مع الناس بسلوبٍ ظريف=لقبوه بشاعر الدرسعي والابجدي غرته نفسه على طيفها يهرف هريف=مايميز بالجزاله ومثرود الردي مايعرف اهل الشداد المثبت والرديف=لا نهرته خالته بالمشاوير يعدي انحري بي ياهجوسي منزحت الحفيف=رجلهم بين الرياجيل يشبه للجدي مثل نجم الجدي لا لاح بأيام الخريف=عزوتي هي لابتي لابتي هي مسندي عيد بجاد بن شده العتيبي

موسى القوبع

	رنج روفررنج روفرمرمع خط المطار=فوقه اللي ما بعد حط العباه عايش (ن) دنياه في عز وقار=ماشكى هم التعاسة في الحياه يوم وقف في المحطه واستدار=فك باب الرنج مردوع الشفاه مثل نصف الشهر يوم البدر انار=كوكب الأرض من روعه ضياه تأخذ اوجانه من الورده حمار=والشفايا جمرتين (ن) من غضاه عن سموم الشمس مجدوله ستار=فك شلاله على الخد و غطاه اعترض مغرور بالخطوه وحار=يوم شاف الناس في كل اتجاه يوم قفى يالجلاوي باختصار=مايصد العين مخلوق (ن) رآه

مجاراه من عيد بن شده

	قال عيد بجاد قولٍ بختصار=طارقٍ منهاج والقوبع بداه جعل رنج العذب يالقوبع دمار=من كريم الوجه يبدا به بلاه ينشط قيره ويصدم في جدار=وباقي الهيكل يوقع في صفاه وسايقه تحت التواير والغبار=نعبوا شرواه مع جده واباه شفي بالي بين كبشه والستار=في شمال النير باطراف اللجاه جادلٍ مجدولها تحت الخمار=كايدٍ شوفه على شخصٍ هواه عندليبٍ كنها شقحٍ خيار=مع حمايل روق مشهورٍ نباه دون قاصر في متيهت البكار=القبائل كلها فزعه واجاه

ياعبيد ياكثر الغلط والتبجاح

	ياعبيد ياكثر الغلط والتبجاح=من عالم ياعبيد مايصدقوني ناس نواظرهم من الكره شطاح=وقلوبهم فيها البلأ والغبوني تأخذ بعرض الناس مسرى ومصباح=دايم سوالفهم على مايبوني دقوا طبول الحرب في قصر الافراح=وبالسامري والدرسعي يرزفوني هم يرزفون لكل ساذج ومزاح=وانفوسهم فيها الحقد والحزوني تسكن ضمايرهم غرابيل وجراح=ماجيتهم ياعبيد لكن جوني انا اترك الموضوع ياعبيد وارتاح=ولا اذكر اسماهم وهم يسمعوني واليا ذكرت الاسم طاح الهدف طاح=وان ماطرحته ياعبيد اتركوني انا مع اهل البحر ياعبيد سباح=وعندي تجارب في كثير الفنوني لاكلب الشارب ولاح الغضب لاح=لومك على اللي بالمواقف يهنوني ياعبيد والله مالهم مطلب(ن) راح=عندي ولأعرف ويش مني يابوني

الشاعر عيد بجاد بن شده

ياوصل انا شفت الكحيله وسجيت

	ياوصل انا شفت الكحيله وسجيت=فكري سجع ياوصل مع ذكرياته بالماضي اللي فات وياوصل حليت=في خايعن ياوصل قفراً نباته وشفت الرسوم الباليه يوم لديت=في موقعٍ ضاعت نوادر حلاته على زمانٍ فات ياوصل جريت=صوتٍ يصحي نايمٍ من سباته كن العيون تشاهده يوم مريت=ادعج غنج مافيه غرون سواته الخد براقٍ سرى مع سباريت=في ليلةً ظلما حقاقٍ نواته وادلجت في بعض المعناني وغنيت=والسيف تكفي عن جفيره شباته

عيد بجاد بن شده
الرد

رد الشاعر(وصل الله العالي)

	العود لايشقاء بكثر التناهيت=بالفايت اللي مر جيله وفاته ياعيد ماتنغعك كثر التشاميت=علي الزمان اللي تمثل بذاته تذكر منازل حين اقفو وقفيت=عنهم ولا تنفعلك الا اللتفاته وتجر صوتك بالمثايل وونيت=ونت صويباً خطر يفقد حياته والفكر يعرض ذكرياته بتوقيت=كل الوصوف الراقيه من صفاته الخد تشبه لمعته لمعت الليت=وسط الظلام اللي يزيد اعتماته جاوبت صوتك يوم للحنت واشفيت=علي الجزيل اللي يدون ثباته

(وصل الله العالي)

ياشعيل يامشكاي همي حداني

	يا شعيل يا مشكاي همي حداني=على طويل(ن) بالمبادي رقيته في راس مرقاب(ن) دعيته و جاني=بعد ثلاث عقود يا شعيل جيته سقت النظر بين الوطا و البياني=و اللي بغيته يالبناخي غويته شفت الرسوم و شفت هاك المكاني=و اللي بصدري خافي(ن) ما كنيته أبى منازل حي(ن) اليوم فاني :=كل المواري بالية ما لقيته : هم(ن) بقلبي للمنازل شعاني :=نهيت قلبي دونها ما قويته : يوم القطين يشيدون المباني :=وقت(ن) رسخ بالذاكرة ما نسيته

الشاعر عيدبجاد بن شده

وصل الله العالي

	ياقمت الطود العنيد ويامراويح الغمام=اخذي من العقد الفريد اغلى مثامين ادرره اسطي علي سحر الخيال وعاملي ريش النعام=واسترسلي من مصدرٍ مجده على الساس اعمره من عانق الجو النقي في مهجة الخافق وحام=يسبح علي صوت اللحن ويغوص في عمق ابحره بين الشروق وغرب خط البوصله بالاقتسام=في صحصحٍ يمشي مع المركب علي مد انظره اما يجيب اعجاب ويتوج من المركز وسام=والا انقول الغاية المقصود فالامر اخيره والخاتمه والشكر غايه يا مراسيل السلام=عسى يجي في صفحة الامجاد للغرس اثمره

وصل الله العالي

عيد بن شده

	الجادل الفارهه مثل القمر بالظلام=بخدودها الحنبشوش وزهرة العنبره تشوم للي عليها يفرض الاحترام=اللي كثير الكلام الهزل ماينظره الها عشاشيق بالحضار والها عمام=من رؤس شوخ العرب ماتضرب الطنبره ياوصل عندي لها توصيف بأحلى كلام=بالهاجس اللي تسابق غايته ندره اربع وعشرين قيراط الذهب بالجرام=والريش يرعف على طرس الورق محبره قدام ياوصل بن عجلان معكم همام=حنا ترا الطيب باهل الطيب ماننكره

عيد بن شده

يا جار لا تسري بك افكار الاوهام

	يا جار لا تسري بك افكار الاوهام=مالك ومال متيهين الجهامه وقبل صلاة الصبح والعالم نيام=ابعل زرع و أحصد ثمر من صرامه واللي بلغ سبعين حتى ايش لوزام=لو زام ياجاري تضيمه عظامه ماهوب ويا ناقش الكف بوشام=اقفا شباب العمر واقبل صرامه لو جاه لطف الروح للنفس عزام=بشر لطيف الروح منه السلامه ماهوب ويا شوف ترفات الأقدام=اللي عليهن من دلعهن علامه الشايب اللي يرتكي كل ماقام=تشوف دايم خلته في مقامه لو هو كفو ومحطمن كل الأرقام=وعنده صبر بالمعضلات وشهامه ويثبت اليا ذلوّا مقارير الاقزام=وراعي شداد وحض غيره مسامه البيض عنه تشوم لوكان ضرغام=مرامهن خالف هقاوي مرامه حتى ايش لو يكشخ بجزمه وبسام=و حتى ايش لو باقن بوجهه وسامه يبغن من يرقص على دقة أريام=في رايهن يركض سوات النعامه ويكدد القصه على الوجه قدام=لو ماوراه الا الفلس والندامه و أنصحك يا جاري ذرا كل منضام=إقصر بصوتك قبل تدفع غرامه لايسمعك شخصن معك طول ألايام=شخصن لكم دايم يكن احترامه يعلن عليك الحرب والحرب قصام=وتقوم عندك وسط بيتك قيامه

الشاعر:عيد بن بجاد بن شده