آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 29-06-2009   #11


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي دار الولايــــف





دار الولايــــف



يارساله خذيني يم دار الولايف = يارساله دموعي عقبهم له ذريف
في فراقه أعاني من صنوف الكسايف = نار حبه بصدري مثل نار الصريف
في عيوني كلام ماقوته الشفايف = للتي قصر حبه في فؤادي منيف
تدري إني عذابي بالثمان الرهايف = تدري التوت عنده حيل قلبي ضعيف
مع رحيق مصفى كالعذاب النطايف = من يذوقه يشتي والخلايق تصيف
لاتثنت غصين تقتفيه العصايف = له قوام جميل فيه خصر صخيف
حاربتني برمش منه قلبي خطايف = عذبتني وتدري بأن قلبي رهيف
عينها عين حر يعتلي للنوايف = عين خشف صغير داله وسط ريف
له خدود وقلب مثل بيض الصحايف = فوق كتفه تناثر شعر راسه صفيف
جل رب جمع به كل زين الوصايف = بالحلا والمحبه مالها من وصيف
وحده اللي تسلل للضلوع النحايف = عن خطاها وغيره والله إني كفيف
نبض قلب المعنى مثل رجف القذايف = باللقا والمفارق كلهن له رجيف
بالزعل مع صدوده وردته الحتايف = بالرضا والموآصل للسعادة حليف
لاطرت سقت رجلي عن جميع السقايف = وان تعب ساق رجلي جلستي بالرصيف
ويل ويلي واويلي من عنا الوقت خايف = لو وقف نبض قلبي عنها مايقيف
ليت كسر الخواطر ينجبر بالسنايف = لو تفيد القساطر بالهوى له نضيف


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 27-07-2009   #12


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي عودي . . . ذبل عودي





على غلاتك شفت منك العزاري
نومي غدا يانور عيني شلافيح

دمعي من اسبابك على الخد جاري
قلبي غدا ضمن القلوب المجاريح

لاابعدت زادت داخل القلب ناري
لولا رجاكم بعت نفسي تشاليح

عودي ذبل عودي برته البواري
عودي قبل لاأشلق الثوب واصيح

عودي لقلب من سوى الهم عاري
وفي وعودك خلي الخافق يريح

عودي علي قبل يحين انتحاري
من دونكم للعيش مالي تصاريح









 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 01-08-2009   #13


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي ياجيوش المحبة





ياجيوش المحبة




ياجيوش المحبه والله اني معاكي
لأجل ألاقي خفوق حبكم وسمه

لك نفوذ تعدى كل قايد عراكي
لو امريكا غزيتي عودت مسلمه

الوطا لك جميعه والسما هي سماكي
ويل قلب تردى من شطير سهمه

عينها عين حر منه قرب هلاكي
آه ويل المعنى لالمح مبسمه

بالبشر ماهقيتك والله انك ملاكي
انتي الزين كله : منبعه ، منجمه

في غيابك عيوني ساهرات بواكي
دمعها مايشادي كود واد الرمه

لاتروحي طلبتك جعل روحي فداكي
شفت موتي وجسمي بان فيه سقمه




 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 17-08-2009   #14


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي حتى يديني صرت أضيع عددها




حتى يديني صرت أضيع عددها




ياذيب أنا طالبك هون على الذيب=يكفيه ويلات الليال وجهدها
ماأنا على بعضي جروحي معاطيب=ذقت المراره عقب صافي شهدها
فوق الظهر حمل عجز عنه هديب=حتى يديني صرت أضيع عددها
أضيق وسط الناس وأنصى المراقيب=من لاجي وسط الضماير لهدها
من لاجي نابه علي كنه الشيب=ينسي خفوق الأم غالي ولدها
لاقلت همي جنب اليوم تجنيب=أقبل بغفلاتي وروحي هبدها
لانامو العالم دموعي سواكيب=لين العيون أقبل عليها رمدها
عفت الطعام وعفت حلو المشاريب=ولاحل ألا في يد اللي عقدها
واللي نعزه له حقوق ومواجيب=خص الذي لاميلت بك سندها
شرواك ياذيبان ياكاسب الطيب=نسعى له أسرع من نوادر فهدها
سن ضحوك لالفيته وإذا أغيب=يعذر ويدفن زلتي في مهدها
وأنا شرحت اللي منه بان بي شيب=وأمثالكم نفسي رضاهم سعدها


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 24-08-2009   #15


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي  مقتطفات غزلية 



مقتطفات غزلية 


‏(‏ على صيغة إعدامه تخالف هل الفتوى )



أشد المعاقب بالهوى الصد والتطنيش
وأنا أدريك لو تزعل على الصد ماتقوى

ولاني بحاجة اسألك ماقويته ليش
لاني على صدك كذا أو بعد أسوا

بدونك كما العصفور أمسى بليا ريش
بدونك يتيم فوق يتمه بلا مأوى

بدونك كما المطلوب مقبل على التفتيش
وقوفه أو هروبه تحير وش الأشوى

بدونك عميل وانكشف في صفوف الجيش
على صيغة إعدامه تخالف هل الفتوى

بدونك غريق بالبحر والرياح تجيش
به الموج يلعب به على غير مايهوا

بدونك فقير منيته بالحياة يعيش
بوقت به الأضعف غدا لقمة الأقوى



‏(‏ مابين نقال النمش والطبولي )



عن مطلبي مافكرت بالعدولي
لو بالعيون أحطها ماعلي لوم

كله براءة . . كل شي طفولي
لكن عقله بالوزن ماله رقوم

حلاه يعجز عنه وصفي بقولي
هي كوم والباقي من الناس في كوم

من زود شوقي صاب جسمي نحولي
ولاحانت الفرقى غدت حالي علوم

الكون لو ياقف ***ض وطولي
وعباد ربي بين مرئي ومعلوم

مابين نقال النمش والطبولي
مع العرب حكام فارس مع الروم

مافرقوا لحظات زوله وزولي
فينا الهوى في ثومة القلب مرسوم

لاعاد ماطرها هواي المحولي
القلب من دمعه غدا كله ثلوم




‏(‏ ياحادي العيس )



تصنع الخوف تكفى لاتحطمني
تصنع الخوف لو ماخفت منشاني

محتاجلك . . للمصايب لاتسلمني
(سلامتك) هي شفاي بصوتك الحاني

في كل لحظه ثوانيها تعلمني
انك بقلبي وحيد مالك الثاني

ماهمن الكون كله لو يجارمني
ألا رضا حضرتك ياخدر الأعياني

ياناعس الطرف لمني بالخطا لمني
بلاي لامن سكت وكنت زعلاني

انطق حروف العتب طالبك طمني
لاأقفيت وسط الحشا تشتب نيراني

البعد من بعدكم يازين وسمني
ياليتني طير وأشمل يم خلاني

ياحادي العيس تكفى معك لملمني
نجد على وسعها ضاقت بالأعياني

سلطان لاضاق صدري لاتكلمني
طالبك لاتسألن لا صرت سرحاني
.


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 27-08-2009   #16


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي وااكبر عذر المعنى لو يصيحي !




وااكبر عذر المعنى لو يصيحي !!!






يالخوي ضيقت بي كل البراحي
من همومن وسط صدري له فحيحي

طوقتني بالجنود وبالسلاحي
واكبر عذر المعنى لو يصيحي

لاتظن اللي لقا الخل استراحي
اسألن : لي عام خفاقي جريحي

لو تجي بالهوش ولا الاجتياحي
كان قلبي من همومه مستريحي

عقب صافيها تجرعت الملاحي
مالقيت بديرتي قرمن نصيحي

قمت أساهر نجمها لين الصباحي
مع خيال اللي جدع قلبي ذبيحي

من عرفني صار في وضع انبطاحي
وين أنا ووين الخفوق المستريحي

لاتخليني عشيري بالمراحي
يوم كلن صابره عني مشيحي

وكان مالك حيلة تبري جراحي
انخ لي بمصيبتي ( سعد الرميحي )




 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 25-10-2009   #17


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي 100‏ قدم !



100قدم !




يابو عتب صبحت يالصاحب بخير= واحظ عين تهتني في منامه
قلبي سمك والهم مثل السنانير =واغلى البشر بالصد والهجر ضامه
لي عشقة خده تقل به نواوير= جمع له الله بين خلق ووسامه
شفت المثل ( من زينها توقع الطير ) ؟ =مفصل عليه تقل فصل خامه
سلطان شفت اللي نزل نقرة الدير= ومن حد مغربها إلين المنامه
لو جمعوا كل البني الغنادير= هي وحده اللي نافذات سهامه
حبه لعب بالقلب من غير تبرير =والصد والاشواق حاست نظامه
تقول ( ياسر ) لانخوه الجماهير =والخافق الكورة بالإبداع ضامه
تخطي علي وآتي معاي المعاذير =بعده ثواني مثل يوم القيامه
اضيق وافتح مبهمات الأزارير= وزود عليه أطش حتى العمامه
والوجه تظهر به علامات تحذير=100 قدم ياباغيين السلامه


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 14-11-2009   #18


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي ارحمي قلب لعنتي وآلدينه



مسآء الخير للجميع



أستميحكم عذرا عن الانقطاع الحارج عن الارادة



وأشكر هذه الوجوه النيرة التي ان غبنا سألت وعذرت



واتقدم لكم بهذه المتواضعه علها أن ترقى لذآئقتكم



ارحمي قلب لعنتي وآلدينه


يادموعي ريحيني واستريحي=كل ماغمضت عيني تغرقينه
تطردين النوم بالفعل الصريحي=وان لفا عيني نواد تغسلينه
قالت ان اللوم للقلب الجريحي=لاومرنا سامعين وطايعينه
ان حداه الشوق للوجه المليحي=يحصر التعبير في دمعات عينه
قلت انا الخفاق من حبه ذبيحي=لكن أقفى يوم لآمه عاذلينه
يوم جيته بالنظر عني يشيحي=وافترقنا والخفوق الله يعينه
مرت الأيام بفراشي طريحي=من يشوف الحال يصفق في يدينه
دمع عيني من على خدي سفيحي=بي من الاموات يالأحياء عينه
عفت حلو الزاد والنوم المريحي=أشهد ان الروح في كفه رهينه
كم لفاني من يظن انه نصيحي=قال غادر لاغرق سطح السفينه
قلت هرجك ماسرا فيه الصحيحي=فكنا من هالتفاهات اللعينه
من تعمق بالهوا لوهو مسيحي=حج مكة واعتكف وسط المدينه
اعجز التنظير والعقل الرجيحي=مايعرفه كود من يآصل معينه
ياعيون الريم مايخفى يبيحي=ارحمي قلب لعنتي وآلدينه
لايصير القلب بوصالك شحيحي=ارأفي باللي ملك قلبه حنينه
وكان طال الصد مري لو ضريحي=سلمي ياقآتله مآحدن يدينه



ابو صالح


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 18-11-2009   #19


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي مجارات الشاعر صهد نهابه لابياتي




مجارات الشاعر صهد نهابه لابياتي


اعرضت واعرضت شغل ياقريحي ،=دق سلف محركاتك والمكينه
اطرق الطاروق واحذر لاتطيحي ،=‏ ‏ واترك الهزلات واكتب وثمينه
من ثمين القاف والعلم الفصيحي ،=اعجبآ ماقال قرمن عارفينه
زاهي بن العم كساب المديحي ،=‏ عاش وبن اللاش لا عاشت يمينه
ياصليب الراي والطبع المليحي ،=‏ ‏ ياعريب الساس طيبه خابرينه
من جدود فهود تنطح للنطيحي ،=ومن عمام ومن خوالن وآرثينه
كان تشكي صاحب الوجه الفليحي ،=باهي الخدين فاق البيض زينه
مايلومك كود خبلن ما يمحي ،=ما يفرق عنده الزينات شينه
وكان خلك باالمحبه لك نصحي ،=لو تحول الناس مابينك وبينه
انا عندك وانت عنها لا تزيحي ،=واترك التخطيط عندي حاكرينه ‏
حتى بعون الله والدرب السميحي ،=ياتي المضنون عندك ياضنينه
وانتهت ياصاحب العقل الرجيحي ،=وتم قولي جاك واسلم خاتمينه ‏


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


قديم 22-11-2009   #20


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي (‏ الزين ) بين الشيبان والشباب مساجله





(‏ الزين ) بين الشيبان والشباب < مساجله



مساجلة شعرية بيني وبين ابن العم الشاعر المبدع :
ابو لافي: صهد نهابه النماصي

في أحد المنتديات



ابو لافي


الزين شفته عندكم ياهل الزين =‏عزالله انه بزين الزين داجي
سبحان من كون حلايآه تكوين ،=صابآ سببها نسوة وانسهاجي ‏
صدفه صدفته لمحت العين للعين ،=والكل منى مستحي وامتفاجي
صديت عنه وصد عني له شوين ،=‏ الراس معرض لاكن الشوف عاجي
كلن يغض الطرف وحنا مصدين ،=وكلن نظر عينه بعكس الحجاجي
يغضي ليا راعيت مدري على وين ،=‏ و اغضي اليا راعى وعكرمزاجي
واقفيت واقفا عن بعضنا مقفين ،=ومع كل خطوه يمه الشوف راجي
بين الحيا والخوف والموقف الشين ، =والمنقدية علتي وانزعاجي
من التهمة العميا وظن المظنين ،=تركب علينا حجتن واحتجاجي
لو الحيا من الدين ما قصدي الدين ،=والقرد واجد ما يعوز احتياجي
لاشك ادآري عندالأدنى والاقصين ،=عن السمعة القشرى عسى لي ملاجي
لا يشمت الشامت ويفرح معادين ،=‏ تحررج عليها الناس لجة حراجي
وتكره جميع الأصدقا والعزيزين ،=ياقيل طاح فلان لاجل الهياجي
وكلن له محبين وإيضآ بغيضين ،=‏ ‏ وعلم الفتى مدة حياته سراجي
يقدر بها عند الرجال الشريفين ،=‏ شعارن ينومس عند الاخيار تاجي
والصدفة الي من هكاالحين للحين ،=‏ حطت بمخ العود زود ارتجاجي
وحرارته وصلت لتسع وثلاثين =‏ وعجز الطبيب إينزله باالعلاجي
يهاتي توال الليال والناس نيمين ،=‏ ‏ صكوا عليه الباب مثل السياجي
‏بابن حديد ومن ورى الباب بابين ، =‏ ‏ عده سجينن ما إيتحرى انفراجي
بااللي جراله ياعذاب المحبين=‏ ‏ وانته سبب بلواي عقب ابتهاجي
وعن ما إيصيب العود مسؤول بعدين ،=‏ ‏ ولا انتي ترى نوتن ولا انا العواجي
فكره قصيده من نسيج الخيالين ،=مذكور باالقرآن هذا انتهاجي
‏ ما يتبع الشعار ياكود غاوين ،=‏ تهوم له مع كل واد وزاجي
واتلآه لا غالي ولافيه غالين ،=‏ ‏ تجميع صمم باالورش والكراجي






زاهي

مابالهوى توبه ولابه منيبين=حتى الكبير العود ماهوب ناجي
إدمان محمود بسلم المحبين=ماينجيك منه كثير المناجي
تعاطيه يحيي من الناس ميتين=والترك والإقلاع موت مفآجي
مجنون ليلى صار شيخ المجانين=من صدها بالمخ جآه ارتجاجي
وانته شكيت اللي بها الثقل والزين=وحركت شي بين الأضلاع لاجي
التوت والرمان واللول والتين=بدر الدجا والليل مظلم وداجي
ياعود ريحان تثنى من اللين=يادرة تلبس على البيض تاجي
ياناعم الخدين ياداعج العين=ماتلبسه بالسوق يلقى رواجي
ريمية حطت بقلبي صوابين=وانا عجزت ابدي عليها احتجاجي
عسى المطر يشمل لدار المحبين=على العويقيله وهاك الفجاجي
وسمية ينبت بأثرها بساتين=تطرب خفوق اللي بأكأالقاع داجي


ابو لافي


العشق للشيبان مهم الوراعين =حيث انهم ما يا كلون الدجاجي
ومجربين وباالتجارب قويين =يعطون للزوجة حقوق الزواجي
والأ صغيرالسن نوبن مهو شين =مابه بليتينن ولابه بواجي
مثل السراب اليا زما للبعيدين =‏ مابه قراح ولا بعد به هماجي
والا الشيبنت يفهمون القوانين =و إمحددين لكل شيآ مهاجي





زاهي


خلاص حنا عام تسعه مع ألفين=مديلك أقفى سرعته كالعجاجي
والشيب خرعه للبني المزايين=واللي بقي بالرمش مع الحجاجي
وان كان ابن غسلان سجل من شوين=ضلعه مع الشيبان لابد يآجي
عيدة نخت ضاري على حظها الشين=واللي نخى ضاري من الضيم ناجي
عودوا على المسجد بصف المصلين=واما الغزل للعود مابه مداجي



ابو لافي

لو الكبر يمنع رجالن كبيرين =كان امتنع قصاص راس العواجي
هايس ذعار الخيل غش المعادين=وعنتر زبيبه يمتنع والخفاجي
والوضيحي اللي يوم صلى المصلين=يطوف باالكعبه وحبه وهاجي
قالوا تحج وقال حجيت هاالحين=هذي هي الجنه وهذا مزاجي
التايه الي حد بصري على الدين =يبي الثواب عن الذنوب وخراجي
ورجع عليه مضاعفاتن ملايين=‏ اثر ذنوبن من خطات الخواجي




زاهي


الشيب ماعاب الرجال الفطينين=والصغر ماقصر فهود الزراجي
ابا الوقي جياب سيف المعادين=وشامخ مصابه من عقاب العواجي
ولاعابت الدعجان قولة صغيرين=جابوه من رم وقصر الخفاجي
وابن رشيد سعود سقم المعادين=وابن سعود عقب فقر وملاجي
وابن ابن هندي على العسر واللين=ألين ابن رشيد عليه راجي
وأيضا ولد شايع قضى الدين بالدين=وابن عريعر منه ماهوب ناجي
وفديع وبناخيه ذيب القحاطين=كل يلبس لالقى الضد تاجي
ولاهو قصور بحقكم لكن الحين=ماهوب وقتك ياطليق الحجاجي
لاتفكر انك رايح تعيشن عمرين=البيض للشيبان ماهي تراجي


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:45


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام