سالفه وقصيده بحسين الاسلمي

السلام عليكم ورحمة الله وبركاته

بسم الله الرحمن الرحيم والصلاة والسلام على اشرف الانبياء والمرسلين

هذا سلمكم الله قبل شهرين انضم لنا بمكتبنا بأدارة التعليم بداعي التكليف الاخ العزيز حسين الاسلمي

وبحكم اجتماعنا معه بالمكتب وجلستنا كل يوم وهو الله يذكره بالخير كان عشر

قدر الله ومشاء فعل ما كمل تكليفه حسين

المهم انا كنت احسبه انتهى تكليفه واقول بنفسي ليه ما ودعنا على الاقل

والواقع انه كان خلاف وانتهى التكليف

اثاري حسين شرهان علي وانا مثله كلنا فاهمين خطاء

عاد يوم كلم علي وفهمت السالفه كتبت القصيده كنوع من تبيين الغلا

يا حسين واللي خالق الزين والشين=ماهي بكيف اللي تحسبه بكيفه
حنا لكم يحسين ربعن موالين=ونفسي على الفرقا تراها معيفه
واللي كتب ربي تبي تشوفه العين=ونفوسنا عن كل داني عفيفه
ابنشدك وانته تشوف البراهين=ابنشدك يوم الليالي مخيفه
عينت منهو ماشكا البعد والبين=عينت وشهو للوناسه خليفه
هذي هي الدنيا وحنا نياشين=ترمي وتخطي والمرامي عنيفه
وحنا على الله بالرجاء مستعينين=عسى المضره لا لفتنا خفيفه
قلته وانا مالي على ما حصل شين=وغيابكم اردف لهمي رديفه
يا حسين واللي خالق الزين والشين=ماهي بكيف اللي تحسبه بكيفه

وسلامتكم ورضاكم

شاعرنا القدير متعب العبدالله
ابو عبدالله
تسلم يالعزوة وأدام الله بينكم المحبه على الطاعه
صح السانك مدد بلا عدد
خالص التحايا لسمو شخصك النبيل

وعليكم الســـــــــــــــــلام

ادام الله المحبه ولاخوه بين الاصدقاء

ومدام حصل مكالمه ونقاش نور على نور

المشكله ياقفى رفيقك وهو فاهم خطاء

اخوي العزيز والشاعر القدير // ابو عبدالله

وفقك الله ويسر امرك ""

وعليكم السلام ورحمة الله وبركاته
اللهم صلِ وسلم على سيدنا محمد
تسلم بارك الله فيك

اقتباس المشاركة الأصلية كتبت بواسطة المشرف العام شاعرنا القدير متعب العبدالله ابو عبدالله تسلم يالعزوة وأدام الله بينكم المحبه على الطاعه صح السانك مدد بلا عدد خالص التحايا لسمو شخصك النبيل

يا هلا وغلا ابو غازي منور

اقتباس المشاركة الأصلية كتبت بواسطة الشرق وعليكم الســـــــــــــــــلام ادام الله المحبه ولاخوه بين الاصدقاء ومدام حصل مكالمه ونقاش نور على نور المشكله ياقفى رفيقك وهو فاهم خطاء اخوي العزيز والشاعر القدير // ابو عبدالله وفقك الله ويسر امرك ""

يا هلا ومسها الشرق

انشهد انك صادز

منور بعد حي

اقتباس المشاركة الأصلية كتبت بواسطة عساف نجد وعليكم السلام ورحمة الله وبركاته اللهم صلِ وسلم على سيدنا محمد تسلم بارك الله فيك

يا هلا وغلا اخوي عساف

منور

وفيت وكفيت يالعزوه بيض الله وجهك

صح لسانك الشاعر متعب

هــــــذي هــــــي الــدنــيــا وحـــنــــا نـيــاشــيــن
تــرمـــي وتــخــطــي والــمــرامــي عـنـيــفــه
وحـنــا عـلــى الله بـالـرجـاء مستعيـنـيـن
عــــســــى الــمـــضـــره لا لــفــتــنــا خــفــيــفـــه

مايصح الا الصحيح والحقايق تبين يابو عبد الله والحمد لله ان الجميع تفهم الامر