24-03-2009
|
#1 | |
 
|
% مدرسة الابناء %
اسم اول مدرسه درست به
قبل اكثر من عشرين سنه فارقته والله زمن جلست قبل ايام مع اخوان لي نتذكر ايام المدرسه كانت السبوره هي الجدار بس بلون مختلف ( مالحقنا على التعتيق ) والطباشير والحركات تذكرت المقصف كيف كان سقفه مليان اوراق الشاي تخبرون من العباطه نلصقهن بالسقف لين امتلا قررت اني اروح ازور مدرستي اشوفه واتذكر ايام اول جيت المدرسه لقيته على حاله اول مادخلت استقبلني حارس المدرسه كان كبير بالعمر بالمره يعني حوالي 60 سنه او اكثر سلمت عليه وطلبت منه يسمحلي اتفرج على المدرسه دخلت المدرسه بعد ما اذن لي توجهت لاول فصل درست فيه كان الشباك مفتوح ونور الشمس داخل الفصل والطاولات هي الطاولات ماكان فيه اي تغيير بالفصل تفرجت عليه كله السقف السبوره الدرايش الطاولات والكراسي حتى الارضيه حسيت اني اسمع اصواتنا ايام زمااان طلعت من الفصل وانا ما شبعت من شوفه بس... مدري وش اللي خلاني اطلع رحت للساحه حسيت انه مليااانه طلاب هذا طالب يسلم علي وهذولا يركضون ويضربون كتفي وهذولا يشترون فطورهم وواقفين طابور وشفت بالزاويه احد المدرسين يراقب طلعت من الساحه للملعب شفته حسيت اني اشوف اثر رجلين الطلاب مع انه مافيه شي كنت اعتقد اول ان الملعب كبير ولكن الحين اشوفه صغير تذكرت يوم كنا نلعب كان قبل تفوز السعوديه بكاس اسيا لاول مره كان الحارس واقف بجنبي مع انه هو الكبير بالعمر الا انه كان ماسكني لا اطيح طلبت منه اني اجلس قال ياولدي شفيك تعبت قلت ياعم حسيت بزين ايام اول حسيت بالاحساس اللي كنت احسه اول كنا لا هم لنا ولا خلافات ولا يعنينا شي حتى مظاهرنا ماكنا نهتم فيها كنا نعتقد اننا رجال مع اننا اطفال قال لي العم يا ولدي كل شيء تغير في هذه الدنيا الا شيء واحد لم يتغير التفت اليه متأمل ان يكون هذا الشيء شيء جميل قلت له ماهو يا عم ؟ قال راتبي الذي لم يتغير .. عرفت ان الدنيا في نزول واليوم اسواء من امس واجمل من غداً وتقلدوا تحيتي |
|
|
| مواقع النشر (المفضلة) |
| الكلمات الدلالية (Tags) |
| مدرسة, الابناء |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض الشجري