اقشر طواعين العرب من دناياه

قال الذي لاضـاق صدره بدنياه=وقـلـبه بظـلم الوقت زاد اقـتـنـاعه
وشـاف المفالي ناشـفـاتٍ شـغاياه=يسـمـع قـنـيـب ذيابـها يوم جـاعه
والدار ضـاقـت في عيونـه زواياه=وما لاع شالح بالصـواديف لاعـه
اخـفـى عن عـيـون المخـاليـق بلواه=وعنده على كـتـم الـمـغـثـه بـراعـه
قلبه يـمـيـن ودرب عـقله بـيـسـراه=والناس ما تامن حـبـايل خـداعه
خاوى رفـيـقٍ ساعة الضيق خلاه=وهـقـوات قـلـبـه بالرفـاقات ضاعه
وعدى برجــمٍ ضـايق الصدر يرقاه=ودارت دوالـيـبــه بـراس الـرفـاعه
وهـاضت حـروفه بالتماثيل واملاه=من ضـامرٍ لاضـاق يـقـدح شعاعه
لا شاف عـسـرات الـقـوافي تحداه=وعنده عن امراض الـقـوافي مناعه
احـذر تـغــرك بـالاوادم حـكـايـاه=واصبر تـرى الايام تكـشـف قناعه
اما وعـود اللـي عـلـى جـال مركاه=ياكثر من يـنـساه عـقـب انجـضـاعه
واحذر ترى اللي يزرع الظلم يلقاه=ويلقى شتات الشمل عقب اجتماعه
وتـرى صـدور الناس شانت نواياه=وهرجه بـمـوج الكذب يلفح شراعه
والـلـه فلا نـفـرق طوافـه ومـسـعاه=ولـيـلـة وصـولـه عـن لـيـالـي وداعه
واقشر طـواعـين الـعـرب من دناياه=بالـرمـح ماتخــطـيـك طـعـنـة ذراعه
يفـهـم ظـواهر عـيـشتك مع خـفاياه=وان شان قـلـبه كل الاسـرار ذاعه
واحذر ردي الخـال ترجـي عـطـاياه=او ترتـجـي عفن الـطـبـايـع شـفـاعه
ياسـرع مايـقـفــي ويـعـطـيــك علـباه=ويـعلن عـن فـزوع الـكـرام امتـناعه
وتصبح على قولة خلف حين شكواه=لا صـدت خـيـر ولا تبـعت الجـماعه
واحذر بـنات العـفـن تزرع بصبخاه=البخل هو سـاس الـردى والقـطـاعه
ومن ياخذه يـطرف عـيونـه بـيـمـناه=ويـزرع ردى نـســلـه بكــفــه زراعـه
واحذر ترى الحـاسد هـزالٍ مطـاياه=ولا توصله قـصـر الـنـدى والشجاعه
وان طـاب غـيـره بـالاجـاويـد عاداه=ويـبـلاه بـهـروج الحـسـد والـدنـاعـه
لا قـادرٍ بالـطـيب يـمـشـي بـمـمـشـاه=ولا هو قـدر يخـفـى خـساسة طباعه
والـعـيب فـي رجلٍ على الهون داراه=ولا فـيــه لــدروب الـحـمـيـا بـتـــاعـه
وهذا سبب فـقـر العرب فـي قـرايـاه=الـظـلـم وهروج الحـسد واسـتـمـاعه

،،

،،

شاعر عملاق ... وحكيم رأي .. وسليط حرف

قلت وابدعت يابو فهد

لاعدمناك يابعد حي

دمت بخير يالغلا

الراسي

والعيب في رجلٍ على الهـون داراه
ولا فيـه لـدروب الحميـا بتاعـه
وهذا سبب فقر العرب فـي قرايـاه
الظلم وهروج الحسـد واستماعـه



ابيــــــــــات جميله معبره,, رائعه تحس عن شاعر
ماهر تملك بالحروف قبل كتابتها تحيتي لسموك ولقلمك
النابض يا راوينا القدير ابا فهد

شاعرنا القدير @ أبو فهد


لاهنت على هالرائعة طال عمرك
صح السانك مليون ولايكفون



خالص التحايا لسمو شخصك النبيل

اقتباس المشاركة الأصلية كتبت بواسطة بشير اللويش ،، ،، شاعر عملاق ... وحكيم رأي .. وسليط حرف قلت وابدعت يابو فهد لاعدمناك يابعد حي دمت بخير يالغلا الراسي

الرااااااااااااااسي

يالله ان تحيي شاعرنا @ بشير اللويش

نورت شبكة نشامى شمر يبه

احـذر تغـرك بـالاوادم حكـايـاه
واصبر ترى الايام تكشـف قناعـه
اما وعود اللي على جـال مركـاه
ياكثر من ينساه عقـب انجضاعـه
واحذر ترى اللي يزرع الظلم يلقـاه
ويلقى شتات الشمل عقب اجتماعه

صح لسانك ابدعت يالراوي
سطورك بمنتهى الروووعه والشفافيه
دمت ودام لنا بوحك الراقي

باقات النرجس لقلبك..

لاهنت ..

شاعرنا ابوفهد

صح قلبك ياغالي
جزله من شاعر فحل


تقبل مروري لاعدمتك