حرمه فاصخه فستانها ولابسه ,, ابي تعليقكم على المشارك

بسم الله الرحمن الرحيم

السلام عليكم
وانا افرفر بهالعالم الواسع لقيت هذي وانا انطله لكم ابي اشوف رايكم فيها وهو صح او لا ,,
انا اشوف ان هالشي اذا صار مو من نفس ماله داعي يجبر الشخص على شي مايبيه
وهو غلطان فشل زوجته وحطه في موقف محرج لوهي انا والله مااجلس عنده خله يولي يبه اجلس في بيت ابوي احسن لي من مقابل وجهه قطع يقطعه هالوجه

فيه وحده معزومه على زواج ويوم الزواج قامت الحرمه وتروشت وتنظفت وسرحت شعرها احلى تسريحه وسوت مكياج حلو ومرتب ولبست احلى فساتينها وتعطرت وتبخرت وبعد ماخلصت اتصلت في زوجها وقالت له اني خلصت
قالها زوجها دقايق واكون عندك شوي واثاري زوجها قدامها
الرجال يوم شافها اعجبته لانه المسكين مايحصله يشوفها مرتبه الا في المناسبات
المهم طلبها زوجها تترك الزواج وتجلس معه وقال لها ابغى اخليها احلى ليله وراح اعوضك عن الزواج قال لها اجلسي معي وننبسط ونسهر ونجيب عشاء من المطعم الزوجه وافقت

قال لها زوجها ابغى اروح اجيب العشاء علشان ما اطلع راح الرجال مستعجل وجاب العشاء ودخل بيته وش شاااااااااااااف قدامه

الحرمه فاصخه فستانها ولابسه قميص قطن من حقات البيت وغاسله المكياج وفاكه التسريحه وحاطه في شعرها زيت ورابطته

الرجال عصب وسالها ليش غيرتي ملابسك وليش سويتي في نفسك كذا
قالت الفستان ضايقني وانحشرت منه وغسلت المكياج ماله داعي وزيت شعري عقب الرغوه والاستشوار تصدق توي احس في الراحه يوم لبست هالقميص

قام الرجال يهاوش وقالها الزينه بس للناس وانا زوجك ما تهتمين لي
وقال والله ماتذوقين العشاء والحين تقومين قدامي للزواج وتدخلين عليهم كذا وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف
وفي النهايه مالها حيله قامت ولبست عبايتها ودخلت في الزواج كانها شحاذه وتركها الين اخر الليل وكل الي في العرس شافوها هي اجلست في عبايتها ما فصخته

خخخخخخخ

تستاهل هالسعلوووه
تتزين للناس ولاتتهتم بالزينه لزوجها
يبيلها طق

والله ثم والله ثم والله انهاااااااا تستاهل واللة زوجي ابدا من الناس كلهم اجل الخبلة تزين لناس وتهمل زوجها اما ذا للحرمة فاااااااقسة خخخخخخخخخ
والله العظيم ان زوجها شنب عرف يداويها وعطاها درس بعمر عمرها ماراح تنساه
بس بيني وبينش ولحد يسمعنا هي غبية انا لومكانها دامه لزم انها تحضر العرس خلاص احضر برقعي وعبايتي ومحد عارفها وزوجها ماراح يدش معها ويشوفها فصخت العباية والا لا او اذا بتطلع فيها يعني راعية واجب تمسك صاحبة الزواج وتقول لها انا كنت تعبانة وراكبتني صخونة س والله من معزتكم حضرت خخخخخ ترقع
الغالية نجدية يعطيك العافية على الموضوع الشربات زي دمك يالغلا

خخخخخخخخخخخخخخخخخخخخخخخخخخ
الوكاد انه ماعينت خير وزوجه تريه بعد حقير ونذل بعد شوي ماله دخل في لبسه الشخصي

تلبس زي ماتبي بصراحه انا اول ماقريته فقعت مرارتي من القهر

فيه واحد الله يذكره بالخير يقول اذا الواحد يبي مرته تلبس عدل قص عليه وقل فيه مناسبه اليوم

يعني مو على راسه كل الحريم كذا خصوصا اللي زوجه مهمله تلقينه ماتهتم في اللبس قدامه

عوافي على كل من مر هنا