محاورة الشاعران نداء المفضلي ، ومحمد الذرفي

المعذره ياكحيلان ع التاخير
شاعراً يجري ولا يجرى معه
وشاعراً يضيع وسط المعمعه
والمثل معرف مبطي نسمعه
والحقيقه مايصح الا الصحيح

من لايحصل على متن السفينه ركوب = يبــــلش بمـخراجها قـبل مـــداخيلها
ماغير الوقت ياكــود الرباء والذنوب = وعباد الاصنام مدري وش تصلى لها

الصواب بكل كلمة قلتها
ياعميلي بندقك ماملتها
شل معي والا حمولي شلتها
الحقيقة مايصح الا الصحيح

أنا معك واحسبه حسبت نجاح ورسوب = اما لنا او علينا ينقلب شيلها
ان روحت قلت جعله ماتجي يامحبوب = وان اقبلت قلت جتنا غصب ياحليلها

روح التاريخ في مـــر العصور
والزمـــــــــان يدور والدنيا تدور
وفي صلاه الفجر ياقل الحضور
والحقيقه مايصح ----------

القدس ياصاحبي صــــوته تجره طنوب = والامه النايمه وشلون تصحي لها
واليوم ضاقه على المسلم جميع الدروب= دنياك تبرم على الطيب محاحيلها

لاتشب النار في وسط الفواد
العرب في واد والواقع بواد
خلها نقولها كبوة جواد
والحقيقة مايصح الا الصحيح

اخوك مادار فكره للعجوز اللعوب = اللي على من شقاابه مظلم(ن) لليلها
القدس باعوه مبطي والعرب ماتتوب = بغداد باعوه وشتالو محاصيلها

شعرائنا الكرام
نداء المفضلي
و
ومحمد الذرفي
صح السنكم يالنشاما

اشهدانك يامــــــــــحمد داهيه
والســـــوالف بالمعاني راهيه
يابــــــيوت العــــز دايم ناهيه
والحقيقه مايصح الا الصحيح

يامحمد انته خطبت ام الــدلع والذنوب = جهز لسلسالها واشتر خلخيلها
لاتستمع من يقول الماء يخض ويروب = عزالله أن الولد فايز على جيلها

اقتباس المشاركة الأصلية كتبت بواسطة المشرف العام شعرائنا الكرام نداء المفضلي و ومحمد الذرفي صح السنكم يالنشاما

لاهنت مشرفنااااااا وصح الله بدنك

ابو مشاري

صح لسانك وطاااب فالك

لك كل الشكر والتقدير إستاذي الغالي

والله نه شرف لي اللعب مع شاعر في حجم ابو مشاري

دمتم بأتم حال

راكان

ابو غازي

لكما اجل واعذب التحايا

اقتباس المشاركة الأصلية كتبت بواسطة محمد الذرفي ابو مشاري صح لسانك وطاااب فالك لك كل الشكر والتقدير إستاذي الغالي والله نه شرف لي اللعب مع شاعر في حجم ابو مشاري دمتم بأتم حال

شكراً من طيبك يامحمد وشهاده من شاعر بحجمك تعتبر وسام
والشكر موصول لي كل من تابع وتصبحون على خير