عزى لحالك

بسم الله الرحمن الرحيم


السلام عليكم ورحمة الله وبركاته


هذه القصيده من أجمل قصائد الشاعر سليمان بن شريم

أحببت نقلها لكم

يامـل عيـن فـي محاجيرهـا شــوك=والقلـب بـه عـن لـذة النـوم دكـاك
لا دك فـي قلبـي مـن الهـم داكــوك=جاوبت طربات الحمايـم علـى الـراك
عـزي لحالـك ياعزيـز وانـا بــوك=كـان الزمـان الـي وطانـي توطـاك
افهـم وصاتـي ياعزيـز وانـا بــوك=دامـك صغيـر وغايـة العلـم يقـراك
تـره مـا ينفعـك عـمـك ولا خــوك=لا صـار ماتقضـي لزومـك بيمـنـاك
وربعك ليـا بـان الخلـل فيـك عافـوك=اقـرب قريـب مـن النـاس يشـنـاك
ان كثر مالـك صدقـوا لـك وطاعـوك=وان قـل مـا بيـدك شانـت حـلايـاك
لو تطلب الماء عندهم كـان مـا سقـوك=ابعـد مـزارك عـن وطنهـم ومربـاك
وان طاب حظك صدقـوا لـك وحبـوك=وان بار كلـن مـا يبـي غيـر فرقـاك
والى اعترض لك من صروف الملا صوك=كلـن تبـرا منـك مـاهـوب ويــاك
هراجـة المجلـس إلـى جـيـت وروك=منـازل تـطـرب نظـيـرك بدنـيـاك
والـى قضـى منـك اللـوازم وخلـوك=تفرقوا وانـت إحتمـل كـل مـا جـاك
كنـك سـراج البيـت للنـور شـبـوك=ولا قضى الـلازم حـدا الربـع طفـاك
ولا كمـا ليمونـة الحمـض مـصـوك=ولا قضـى منهـا الطعـم فـرغـوا ذاك
واللي يجي من رفقتـه ريـب وشكـوك=احـذر عنـه لايـاك تصـدق بمسـراك
والى جفـوك اهـل الوطـن واستخفـوك=قلـع غريسـك منـه واهـدم ركـايـاك
تراك لو تنجع علـى الرجـل صعلـوك=احسن مـن الـي تنتجـي لـه وياطـاك
عطهـم وضيفهـم إلـى منهـم جــوك=واغلـق ضميـرك لا تعلـم بقصـيـاك
ان طبت ما حبـوك وان عبـت زلـوك=تمضـي حياتـك نـاقـل داك بــرداك
ولا قضيـت مـن الوظيفـة تنـاسـوك=خفـت موازيـنـك وكـلـن تهـقـواك
واصحـا لخـلان الرخـا لـو تغالـوك=اعرف ترا اطيبهم إلى احتجـت يجفـاك
كنك خـوي مقيـط دهـووك واغـووك=حقك عطـاك ارشـاك واقفـى وخـلاك
احذر عن العلـه تـرا الحـق مـدروك=مثـل العمـل يدركـك مـا منـه فكـاك
ان كان عدوانك علـى الضيـق حـدوك=فاخصـم طلابتهـم بعجـفـاك وقــداك
وان كان هـم لمشـرّف الحـق ماشـوك=ناظـر مطاليـع الفـرج قبـل مـبـداك
وزرهــم تــرك لا توانـيـت زاروك=ان مـا بديـت بصاحـب السـو يبـداك
لو هذبـوك مـن المصـاوب وضـدوك=مـا يذبحونـك قبـل تـدنـي منـايـاك
واحلم على الجاهل تـرا الحلـم مبـروك=وقم للضعيف اللي مـن الضيـق ينخـاك
وادمح خطايا جيران بيتـك إلـى أوذوك=ترا القصيـر وحرمـة الجـار بحمـاك
وقم للضيوف اللي لفـوا لـك وضافـوك=أغلـى كرامتهـم حجاجـك وبـشـراك
وإعرف ترا مالـك للأضيـاف مشـروك=لـولاه يطلـب حاجتـه منـك مـاجـاك
وقـم للرجـال ان رايعوالـك وحـبـوك=وأكـرم خوبـك وإحشمـه عنـد ملفـاك
والى اعتبـرت لسيـرة النـاس كفـوك=ماكثـر مـن شـي أتعبـك ثـم عنـاك
ولـو تبـات بهـم دنـيـاك مظـنـوك=مـادام لــك مـاكـاب وإفتـهـم ذاك
ولو يطلبون إخفايـك النـاس ماأخفـوك=الرجل مثـل النجـم فـي كـل الأفـلاك
عطهـم رواتـب حقهـم لـو تنـاسـوك=فـي كـل مـا يصلـح دينـك ودنيـاك
صـلاة ربـي عـد الاوراق والـشـوك=او نـاض بـراق ومـا هــل سـفـاك
على الذي مـا فيـه ريـب ولا شكـوك=محمـد مـا دك فـي القـلـب دكــاك