أستفسار يابن غسلان

بسم الله الرحمن الرحيم

الى الراوي ابن غسلان بعد السلام

استفساري عن بيت من قصيدة ابن شعلان

لاشفت ضول الناس بالك تعسة وليا جنبك شر المخاليق خلة

كثير من الشعراء ينسبون هذا البيت لقصيدة قضيب ابن سلامة الشمري ردا على محمد ابن مهلهل الشعلان

ابي التوضيح بشأن قصيدة ابن شلان ورد قضيب ابن سلامه ولك جزيل الشكر.

اقتباس المشاركة الأصلية كتبت بواسطة همس الشمال بسم الله الرحمن الرحيم الى الراوي ابن غسلان بعد السلام استفساري عن بيت من قصيدة ابن شعلان لاشفت ضول الناس بالك تعسة وليا جنبك شر المخاليق خلة كثير من الشعراء ينسبون هذا البيت لقصيدة قضيب ابن سلامة الشمري ردا على محمد ابن مهلهل الشعلان ابي التوضيح بشأن قصيدة ابن شلان ورد قضيب ابن سلامه ولك جزيل الشكر.

هلا وغلا اخوي همس الشمال وحياك الله

والحقيقه اني زرت الاخوه في الجوف واستمعت لروايتهم لقصيدة قضيب الرمالي وذلك لكون قصيدة

ابن مهلهل شهيره للجميع 00 ودائما تشتبك القصائد وتنسب لواحد فقط واحيانا تكون الابيات الشهيره

للشاعر تنسب لغيره 000

والرواة من الروله والاخوه الشرعان بالجوف غير متطابقه تماما فهي تختلف عن بعضها وكل طرف يقول

ان الابيات الشهيره ضمن قصيدة جدهم 00 وانا لازلت اعمل على التفريق بينهما واقوم بجمع الروايات

من الثقات لكي اتوصل الى قناعه تامه قريبا انشالله تعالى 00

ولن تجد الان من يجمع القوم على عزله للقصيدتين ويرضاه الجميع ولعلك

تنتظر بعض الوقت وستجدها هنا انشالله

تســـــــــلم يابوفهد
بيض الله وجهك على هذا التوضيح واعانك الله على ماتقوم به من جهد لتقصي الحقيقه


لك كل الود

ما زلنا ننتظرك يا ابو فهد

اقتباس المشاركة الأصلية كتبت بواسطة العفريتي ما زلنا ننتظرك يا ابو فهد

اشتهرت قصيدة محمد ابن مهلهل بن شعلان من شيوخ الروله وقصتها
شهيره ومعروفه الا ان الكثير من العوام خلطوا هذه القصيده مع اخرى
بنفس القافيه والموضوع وهي قصيدة قضيب راع الطوير واحببت ان
اضعهما بين ايديكم للفائده:
قال الشيخ ابن مهلهل بن شعلان:

طس السبيل من اشقر التتن طسه=الشاوري يبرى عن الـقـلب عله
من كـيــس قــرم دايـــــم مـايــدســـه=تـلـقــاه مقروط(ن)على جال دله
والـلـــه من قــلب هـمـــومــه تـمــسه=مست احبال امـهاوزات الاظله
تـفــرج لـمـــن مـثـلــي زمـانة يـرســة=علــيــة مـن قــرب الــرفـاقـة مـملة
سبع الـخــلا كـيــف الـضواين تلسه=والصلح من فرق الغنم ماحصل له
الـبــوم يـفـرس والـفــهــد صــار بسه=وتـبـــدلـــت دنـيـــاك يـافـــاطـــن لـه
يالـلـــة يــالـلـــي كـــل درب تـجــسة=عـقــد البلش غير انت ما حد يحلة
ولـــي عــجـــوز كــل بـيــت تــعــــسه=مـضــفــي عـلــى كل المخــاليق ظله
لاصــار ماحــقـــك بـسـيــفــك تـقــصه=بـربـــع يــعـــدون الـمــخــالــف محله
ولــو عــنـــدنـــا من غيب الايام رسه=الادامــي مـصــلــوح نـفــسه يدله
ثـنــتــيــــن دون الـلــي خـصـيـمة ينسة=سـيــفــي لمن داور دخيلي نسلة
لاصــار عـن خـصـمك سلاحك تدسة=مايـنــقـعـد لك في حضون المذلة

وبعد ان قال هذه الابيات اجابه قضيب راعي الطوير وهو

قضيب بن درويش بن سلامه بن رمال الشمري

بهذه الابيات ويوضح له نصائح ثمينه تتمركز على محورين وهما

الابتعاد عن الناس ومشاكلهم وعدم التهاون للخصم المتكبر وقال :

ياراكب اللي كثر الادلاج مسه=يشدي ظليم هاوز العصر ظله
لابن مـهـلـهـل يافتي الجود نصه=يدعيك ضــوح الـنار في رفة له
ونـجــر يـصــوت للمسايير حسه=بـديــوان قـــرم دايـــم ماتـمـــلـه
انـصــح رفـيـقك والردى لا يهسه=اربـع مـعـانــي يـافـتى الجود قله
الاوله حـكـي الـعــرب لاتـوسه=حكي العرب يجمع عنى القلب كله
والثانيه بالـضــول بالـك تـعـسه=وان جـنـبـك شـر الـمخاليق خله
والثالثه من جـاك ينذخ بـحـسه=متعجرف(ن)والــدرب عيا يــدلـه
تـعـبا له المحشى على المـلـح رصه=لينه يـفــوت الـملح في مضنك له
وخص المخالف بالنظر ثـم خصه=وبين الـثـنادي يا فتى الجود مله
وكان المثلوث ثار وانجال حسه=ينجال عن قلبك صدى كله عله
واللي يبي للمدح طس(ن)يطسه=من حـلوة(ن)زيـن نـبـاهـا مجلة

سلمت اياديك راوينا الكريم
على مجهــودك
لاحرمنا الله وجودك بيننا

ودمت بخير

اخوي ابو فهد


يعطيك العافيه على التوضيح والجهد

لاهنت

الله لايهينك اخوي الراواي

ماقصرت طال عمرك

الشكر للإخت العزيزه همس الشمال
على اثارتها لمثل هذه المواضيع والقصص المفيده لنتعرف عليها

تحياتي للجميع نشامى ونشميات هذا المنتدى الغالي