هذاعيادة واسأل شمر تعلمك / بقلمي

ياهاجسي وين انت يوم اني ازهمك=عندي كلامٍ كنَّه السلسبيلي
ترى الخبر ياهاجسي حيل يلزمك=خلك على شاني لفكري عميلي
ياقافي المطنوخ افهم وانا افهمك=والكل منا يتصف بالجميلي
هبَّت هبوب المدح والعطر من فمك=والناتج المطلوب قافٍ جزيلي
قم يانديبي واستمع يوم اكلمك=إسلم وسلِّم لا لفيت الجهيلي
هذا عياده واسأل شمر تعلمك=عن سيرته يعطونك اكبر دليلي
سمَّاه بيرق شمر الشاعر السَّمك=رويضان بن جسَّار والقول قيلي
سلام يارجلٍ على العز معلمك=ياشبه حرٍ فوق راس الطويلي
معنى القوافي ترسمه يوم يرسمك=طرقت بحور الشعر بالمستحيلي
أنت الفهيم وباقي الناس تفهمك=وانت الذي بالطيب مثلك قليلي
أبوك من طيبه على الطيب علمك=والشبل عن درب الأسد مايميلي
وآخر كلامي أدعي الله يسلمك=من كل شرٍ يالبطل يالأصيلي

من حصل شي يستاهله وعيادة الجهيلي علم شعر ويستحق القصيد
الشاعر نايف الشويب
صح فكرك ولسانك ملياار
ودي لك يسبق ردي

.
.
.

يستاهل الجهيلي المديح

أبهرت بشاعريتك !

أبيات القصيدة أعجبتني أسلوب جميل وحبكه شعريه

تسلم ويسلم منطوقك لاهنت

الشاعر نايف الشويب...

عزالله حبكتها يالذيب,,
صااااااح لسانك ابيات مليئة بالشعر الجزل
ويستحقها من سيقة اليه
فهو شاعر جميل يستحق الثناء والشكر
...

والنعم بالمادح والممدوح

الشاعر نايف الشويب صح لسانك وعلا شانك وبيض الله وجهك

صح بوحك الراااقي

ويستاهل عيادة

تقديري

القعقاع والأخت بري حالي
وابن بلعوس والشلاقي
والأخت قمراء سماه
الجميع صحت ابدانكم
ولاهنتم /
تقديري لكم :

شاعرنا القدير نايف الشويب
ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

شاعرنا القدير نايف الشويب

والنعم فيك وفيه

صح السانك مدد بلا عدد

دمت بخير