يابوي

اقتباس المشاركة الأصلية كتبت بواسطة قمرا سماه انت الغلا وانت الوله وانت الاحلام=وانته نبض قلب الامل واتزانه انت غناة الروح في شح الاعوام=وانت اللذيذ اللي حواني حنانه انت التامل في متاهات الايام=وانت العظيم اللي فخربه زمانه انت الصديق المخلص الوافي الهام=انت الدروب اللي علابي طمانه دلوعتك يابوي تخضع له اقلام=انقش ذهب بالشعر واترك هوانه داحمت شعار القبايل ولاضام=عزمي ولاهو مرتخي به عنانه كبرت وكبرت بي تعاليم الاسلام=ولاضعف قلبي ولاخان امانه بنات جيلي تنجذب خلف الافلام=بدروب هافين الضمير وجنانه وانا جذبني للعلا عز الاعمام=وسيرة خوالآ في التقاليد بانه مهرة وبنت حصان والدرب قدام=وبنت الاصيل يبان علمه وشانه يابوي لاثروة ولادرب الاعلام=يعوضن قربك وساعة آوانه يابوي خانتبي طموحات الاوهام=وتأصلت فيني محافر سنانه تجتاحني موجات حزنٍ علي حام=ترثعبي همومه على كل خانه اصبر وافوتّ دربها غربن وشام=واقول ذي هانه وهاذيك هانه اثري لها نابن وفي جوفها سام=والصبر مر وعلقمه في لسانه هذي حياة الشاعرة ويا الاحلام=ويابوي قربك عوضن عن ضمانه

الله الله
انت التامل في متاهات الايام ----- وانت العظيم اللي فخر به زمانه
انت الصديق المخلص الوافي الهام ----- وانت الدروب اللي علابي طمانه
-
داحمت شعار القبايل ولاضام ----- عزمي ولاهو مرتخي به عنانه
-
ههههههههههههههههه تر انا بديت اغير ولاكن عزالله كفو كفو كفو ياشاعرتنا
ودونك تنثني الاقلام ف انتي باالفعل اثبتتي وجودك وبجذاره وانتي من زخرفت
الصفحات بجمال مفرداتها صح لسانك شاعرتنا واسال الله ان يرزقك بر والدك ويطول بعمره
على الطاعه
احترامي اختي

ماشاء الله تبارك الله

نص شامخ بشموخ وعزة الشاعره بنت الطنايا
قول وفعل ياقمراء ونعم الابو والعمام والخوال
انتي بنت الرجال واختهم لله درك والله يحفظ لك
ابوك ويحفظك من كل شر وسترك بالدنيا والاخره

كل التحايا لروحك