ينابيع نوي / بقلمي

يا طائرة الرس هومي بالإقلاع=وخلي تجاهك شرق بغلاف جوي
ترى عيوني لك جناحينٍ شراع=فوق بريده يا طائرة ميق دوي
لو البلاد فجوجها كثارٍ وساع=أبيك بارضي تهبطين بتروي
فوقك حبيبي تلني بين الأضلاع=يارد ويشرب من ينابيع نوي
الصاحب اللي مالنا غيره اطماع=قلبي معه بالطامنه والعلوي
عليك قلبي ياهوى البال منلاع=ملكتني بالحب احكم وسوي
يابو خدودٍ كنها البرق سطاع=ونورك يغطي بالبلد كل ضوي
عز الله اني فيك يازين طماع=مادام جوك ياهوى البال جوي
أنا معك يازين في كل الأوضاع=تأمرني وتنهاني مااقول توي
لبيك يالمجمول يازين الأطباع=وكل الذي مطلوبٍ مني اسوي
وانا تكفيني ضمةٍ بين الأكواع=تشفي غليل القلب وتسعد سموي

الشاعر نايف الشويب
صح لسانك مليارات قصيده رائعه

صــح لساانك نظم شاعر بابداااااع تقبل تحياتي لك

شاعرنا القدير نايف الشويب
ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

الشاعر/ التريباني صح بدنك ولاهنت / تقديري لك :

الشاعر/ أبو نشمي الإبداع والله حضورك المميَّز لاهنت يالغالي / تحياتي واحترامي لك :

المشرف العام صح بدنك متابعتك للنص تاج على راسي بيض الله ولاهنت يابو غازي / دمت بألف خير :