10-01-2010 | #1 |
|
مرثيه بالفقيد الشيخ/ فيحان بن هاجد العتيبي
السلام عليكم و رحمة الله و بركاته هذه قصيدة رثاء في جارنا الفقيد الشيخ / فيحان بن هاجد العضياني العتيبي والذي وافته المنيّة يوم الخميس 14/1/1431هـ سائلين الله له الرّحمة والمغفرة وأن يُلهم الجميع الصّبر والسلوان .
مرحوم يا شيخٍ فجعنا رحيله = جارٍ عطا الجيرة حقوقه تمامي
فيحان ابن هاجد بطيبه نفيله = متعليٍ بالمجد بأعلى السنامي عدلٍ يحب العدل ما فيه ميله =أدّى حقوق الله بكل التزامي يشهد له المسجد سنينٍ طويله =والناس تشهد له وشهر الصيامي عَمَر حياته بالفخر والفضيله = أرضى جليل المُلك ثم الأنامي الحامد الشاكر عسى ينبني له =بالجنة العليا قصورٍ تقامي وفواكه الجنة وألذ سلسبيله = جزاء اجتنابه للخطأ والأثامي أقفى عن الدنيا وفينا مليله =ومسمارنا من عقب فرقاه حامي بأمر الولي ما نملك اليوم حيله =كلٍ يموت وللعظيم الدّوامي والصّبر كله خير وأجمل وسيله = أعزّي أبناه العزاز الفهامي الله حماهم عن دروب الرذيله = لهم بكل الطايلات اهتمامي وفيّاح أخوه اللي علومه جميله =وأعزّي العضيان فيه الكرامي ومنا العزاء يمتد لأبناء القبيله =عتيبه هل النخوة بعاد العلامي اللابة اللي جارنا ينتمي له = نعمٍ من الهيلا ومنا سلامي ما لاح برّاقٍ وما سال سيله =هذا اختصار الشمّري بالكلامي وأخير ختمٍ للبيوت القليله =على النبي صليت عند الختامي الشاعر: زيـد بن زيـاد المفضّلـي الشمـري |
|
11-01-2010 | #2 |
|
وسبعين
الف الف نعم فيك والله يالعزيز صح السانك ملايين يالنشمي من طيبك والله نسأل الله له الرحمه والمغفره والقبول اخي العزيز زيد زياد المفضلي كل التقدير لشخصك الكريم |
|
11-01-2010 | #6 |
الإدارة
|
هلابك شاعرنا الكبير القدير @ زيد الزياد
عوداً حميد يالعزوة يعلم الله فاقدينك ولك وحشه كبيره ولقلمك مشتاقين بالحيل صح السانك ورحم الله راعي الهيلا واسكنه فسيح جناته عظم الله أجرك شاعرنا وتعازينا الحاره لأبنائه الكرام ولقبيلة عتيبه كافه خالص التحايا لسمو شخصك النبيل |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
11-01-2010 | #8 |
|
صح لسانك شاعرنا زيد رحمة الله عليه وعلى موتى المسلمين بيض الله وجهك يستاهل هالمرثيه وهذا دليل على معدنك الاصيل وذكر الاجواد والثناء عليهم وهم اهل له تقديري |
|
11-01-2010 | #10 |
|
رحمة الله عليه
مشكور شاعرنا ع هالمرثية لاهنت |
للعدو
الله من عودٍ هضمني ونينه=يجر بالوّنه من اقصى الشرايين الشاعر نداء المفضلي 000عودن على الماضي تزايد حنينه=ينوض لاشاف البنات المزايين اشغلتنا يازين ردفه وعينه=وينك وين الحب والعمر ستين |
مواقع النشر (المفضلة) |
الكلمات الدلالية (Tags) |
مرثيه, الشيخ/, العتيبي, بالفقيد, فيحان, هاجد |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام