06-01-2011
|
#1 | |
 
|
الشاب السعودي ولاشي - والاجنبي كل شي
السلام عليكم ورحمة الله وبركاته
اسال الله ان يبارك لكم في هذا المنتدى وان يبارك في جهود القائمين عليه اسأل الله ان ييسر لكل مسلم ويفرج هم كل مهموم بدون مقدمات لاني لا اجيدها راح ادخل بصلب الموضوع واستحملوني شوي واتمنى نتقاش بموضوعي بصدر رحب السعودي في بلده مايسوى شي والاجنبي اصبح يشوف السعودي زي جزمته اكرمكم الله – هذي حقيقه وهذا الواقع ولا احد ينكره الارزاق بيد الله ومقسم الارزاق سبحانه – ولا نحسد الاجنبي لانه فضل ورزق من الله عزوجل – السعودي محارب في بلده وغير متيسره اموره راح اعطيكم قصتي ومعاناتي – وشوف هل ان شاب اسعى للقمة العيش الحلال او لا – او اني شاب مستهتر وماني حق عمل زي مايقولون المسئولين ورجال الاعمال الكبار – اللي مرتاحين وعلى الكراسي ومو حاسين بمعاناة الناس العاطلين عن العمل – ومقولة ان الشاب السعودي ما يحب العمل كذبه وليس لها مكان من الصحه وافتراى باطل ومجحف على الشباب ونسوا وتناسوا المسئولين ان اصابع اليد مو سوى اسمعوني واحكموا انا انسان ماعندي الا الشهاده الابتدائيه وعاطل عن العمل لمدة 12 سنه وماني حق وظايف بصراحه بسبب اني وهبت عمري لامي واخواتي اشوف حالهم وارعاهم والدتي مريضه سكر ضغط شبهه شلل الجهه اليسرى فقدان البصر في وحده – تعاني من مس وسحر والجن العارض مؤذيها - والدي متقاعد عسكري راتبه 3000 الف – اختي الكبير 33 سنه تعاني من سحر قوي وحسد والجن مسيطر عليها سيطره كامله وكثر انصراعها ماقدرة ابعد عنهم واتوظف واشوف مستقبلي لان اخواتي وامي اغلى واعز ما املك في هذه الدنيا خدمتهم واجب علي وراح احطهم بعيوني للموت 12 سنه عطاله وعلى ذا الحال اذا احتجت مال اخذ بس من امي غير امي لا مستحيل اخذ من حد ريال واحد لو اموت جوع مرة حتى من ابوي مستحيل – مرة الايام والليالي على هالحال الين قدر الله عز وجل وحاول فيني اخوي عسكري انه ياخذ لي دباب اشتغل عليه طبعا الدباب معروف بالطائف هي سياره نقل ركاب وبضايع اقتنعت وقلت خلاص باخذه بس بشرط اسدد لك قيمته بعدين لانه طلعه لي بقرض – اشتغلت وانا اخوكم وفرحت اني راح اشتغل واكون نفسي وتيسرة اموري شوي والحمد لله صرت اصرف على خواتي من عرق جبيني واعالجهم بفلوسي واحس براحه عظيمه وبتفائل كبير في حياتي وفي خطواتي لنجاح وتحسنت نفسيتي تخيلوا النفسيه كيف كانت دوم بالمستشفيات والا عند رقاه صياح في صياح امي واختي بسبب الجن المتلبس تعبت جدا نفسيا صرت اشتغل و اختي الصغيره تبقى مع امي واختي الكبيره واذا صار شي تتصل فيني وارجع البيت بدة قصتي بمخالفه مروريه واحده بقيمة تقريبا 300 ريال والان ا صبح علي المخالفات المروريه 3400 ريال وهذا بسبب رخصه القياده انتهت وماقدرة اجددها - راح ينط واحد ويقول ليه ما سددتها اول باول اللي يسأل هذا السؤال اسألك بالله لو تشوف انك بحاجه لعلاج والدتك واختك بقيمة مخالفه مروريه راح تفضل تسدد المخالفه والا تعالج فيها اهلك وتشوف متطلبتهم اطلع اصلي الفجر بالمسجد واقول يارزاق اذا ماعندي موعد واذا امور اهلي كويسه اطلع اشتغل واامل نفسي بجمع مال لعلاج اهلي وبجمع لي راس مال يمكني من فتح محل لي ولو بسيط يعيني ولو شوي ودخل ثاني لكن اتعب واتعب واحرق نفسي واخرة النهار قسيمه مرورويه بحجت الرخصه منتهيه تخيلو تدور بالشوارع بعض الاحيان 10- 12 ساعه ويالله يالله تحصل بعض الاحيان من 80 الي 100 ريال وتاخذ قسيمه وقيمتها اكثر من دخلك ولا توصل للحد الاعلى بعد وانا ما سددتها شخص يتعب طول النهار واخرتها يجيك واحد ياخذ تعبك وفلوسك بارد مبرد والله لو عندي معرفه برجل مرور ما اخذة قسيمه حتى رجال المرور لو مر فيه صديق او قريب مشاه ويبتسم له بعد بس احنا لا – عندهم النظام يمشي على الغريب – بس المعرفه والقريب مايمشي عليهم ولا بعد صارة الدوريات الامنيه والشرطه تعطي مخالفات حسبي الله ونعم الوكيل فيهم اسالكم بالله وش تبونا نسوي نبيع مخدرات افلام جنسيه اباحيه نسرق وننهب نمد يدنا للغير نشتغل نصب انا ما ارضاها على نفسي ولا ارضى اصير كذا وغيري كثير بس في ناس ترضى المهم انها تجيب فلوس وماتفرق بين حلال وحرام نطارد وراى لقمة عيشنا ليل نهار واخر شي يجي واحد ياخذها والله ثم والله لو عني لا امد يدي وانحر العسكري نحر بس وراي ناس واهل مسئول عنهم كيف نشتغل وننتج واحنا تواجهنا عقبات مؤلمه وقوانين ظالمه قلنا بنغير المهنه ونتجهه للبسطات في الاسواق حبيت اكون نظامي لان عندنا هنا ناس تطبق النظام بحذافيره رحت للبلديه قلت لهم ابي تصريح بسطه متنقله قالو مافي شي بذا الاسم صكوها في وجهي تشاركة انا واثنين في بسطة العاب قبل ثمان سنوات برمضان وكنا باسطين وحاطين بضاعتنا في الدباب نترزق الله وكل يوم جايه لنا البلديه امشو من هنا ممنوع البسطات الين صادروا بضاعتنا السنه اللي راحت وعند مسجد العباس بالطائف الساعه 11 صباحا شياب باسطين على خضار وفواكهه جت البلديه ومعاهم عقيد حملوا البضاعه بالقلاب صادروها عليهم والشياب يترجون فيهم اخذوها ومشوا وطبعا راح ترنمي في المحرقه بس قبل ما تنرمي يجمعونها عمال البلديه ويبيعونها وهو المستفيدون حتى عند مصادرة أي بضاعه من البلديه تشوف العمال نشيطين انهم يحملونها بسرعه عشان بتكون ملكهم بعد دقايق قولو لنا وش نسوي مع هالبلد كل شي ممنوع ولا يقولون بيهتمون بشباب دام حق الشاب ضايع والمستفيد الاجنبي اللي ماعاد يشوف الشعب السعودي شي وقام ينفخون علينا ولا يسمونا علي بابا ويسمونا الاغبياء توظف شاب سعودي بشركه حطوا عليه مسئول – مصري – سوري – فلسطيني – ويحاولون يضايقونهم ويرهقونهم بالعمل عشان يقولون السعودي مو حق شغل وعشان يجيبون ابناء جلدتهم الشباب هم من راح يخدموا البلد ام الاجنبي جاي ومصيره يروح بس بيروح وهو رجل اعمال يحطون لنا برامج توعويه وتخطيطيه ودراسه وصناديق – وتنميه بشريه – ورياده بس مافي فايده ان انقبل واحد من الف فجميل اسالكم بالله اللي زي حالي وش يسوي اسالكم بالله وش ذنب شياب يشتغلون على دبابات وتاكاسي وبسطات واخرتها تروح - ويجون يقولون لحقين البسطات تشويهه للمنظر العام السعوديين شوهوا المنظر العام بس الاجانب جملوا المنظر العام ببسطاتهم في جده وفي كل مكان عند المساجد وفي المنتزهات وعند الاسواق بس الشاب السعودي اللي يبي يترزق وما يمد يده لحد يشوهه المنظر كان الاولى التفكير بالشباب وبمعاناتهم وتسهيل امورهم مو تعقيدها ضياع الامه والشعب السعودي بالفراغ ان لم يستغل بشي مفيد ضاعوا الشباب والفتياة مافي شغل يشغلهم شباب وفتياة بحاجه الي عمل ترتبة عليها قضايا تعلق بين الجنسين الله المستعان وصبرا جميل انا ممكن شاب ظروفي تمنعني من الوظيفه لان مافي شخص بيقبل يوظف شاب طول وقته مستاذن بسبب ظروف عائليه مواعيد مستشفيات غير الطواري فوالله اني اجلس بمستشفى الهدا ومستشفى رحاب ممكن بالاسبوع اربعه ايام من علاج طبيعي ومن مواعيد بالهدا ويوم جاني دباب اشتغل عليه اكلوا علي جهدي وتعبي ولقمة عيشي بسبب رخصه منتهيه ولاني قادر اسدد قيمتها مع تدبيل القسايم المحرمه اللي طلعوا لنا فيها والربا الذي ادخلوه بلاد الحرمين – والبسطات اللي نشبوا لنا حقين البلديه – هذا حكم ربي علي والحمد لله راضي بقضاء الله وقدره لكن يحز بنفسي شباب وفتياة هذا البلد ورب الكعبه شي يقهر اشوف شاب عاطل متجهه لبيع المخدرات بحجة المال شي يقهر اشوف شاب ولما تكلمه اترك عنك المخدرات يقول ابي انسى همي وتعبي من الوظايف ومتطلباتي – هذولي عندهم ضعف في الوازع الديني اولا – ومافي شي يشغلهم عن الابتعاد لان الفراغ شي مؤلم الاخوات او الفتياة حالهم مثل الشباب وفي منهم من اتجهة للمخدرات سوى بيع او استخدام ومنهم من يستدرجها ويمنيها بوظيفه لاغراض دنيئه في نفسه ارحموا الشاب السعودي ويسروا لهم امورهم لان الخير والقوه بيد الشباب هم من سوف يخدمون الوطن - مو الاجنبي انظمه ظالمه جدا لدينا – محاربة الشباب انا لدي مخالفات بقيمة 3400 لكن غيري وصلت الي 20 الف واكثر معاناتي وقضيتي هل لها حل ؟ دمتم بحفظ الله |
|
|
|
06-01-2011
|
#2 | |
|
رد: الشاب السعودي ولاشي - والاجنبي كل شي
اخي الكريم أزدت شيب رأسي شيب عند قرأتي لقصتك الأنفة
كلامك سليم 100 % وهذا الواقع وحال الكثير الكثير من المواطنين المكلومين منهم لاحول ولاقوة لهم إلا النظر بعيونهم لجيوب الأجانب وهي متنفخه من ورق الـ 500 ريال للعلم وليسى الفكة حدث ولاحرج ؟ الأجنبي تجده بعد شهرين فقط على افخم سيارة والمحفظة عامره بالفلوس من أين أتى بها بكل تأكيد حرامي ولا تاجر ممنوعات خفي وربما له شركاء من اصحاب المراكز والباع اطويل النافذ اسأل الله لك ولكل منهم على حالك الستر والعفوا والعافية تمت بحفظ الله |
|
|
|
06-01-2011
|
#3 | |
|
رد: الشاب السعودي ولاشي - والاجنبي كل شي
الشكوى لله يابناخي
المواطن مهان بالفعل والاجنبي عايش برغد |
|
|
قبل امـس رحـت لـشبة (دهام) لآهـان = له مجـلساً فيه الصـخـى والمحبه الشاعر صوت الرعد ويوم أنتصفت وجيت مع طلعة العـان = شفت الخيال اللي مشى بأمر ربه جتنا مـن المنشى تـقل روس ظـلعان = وريـح المـطر جتنا سـريعاً مهبه قـدام عيـني شـفت رش المـطر بـان = بـدايتـه تجيك ( حبـــه وحبـــه ) وفـي حزة المغـرب على وقت الاذان = على الشمال الـبرق للـغيم نـبـه وخـذيـت اتـابع ياجـماعـه وطـربـان = لآجيت لآمـجلس ولآجيت شبـه
|
|
07-01-2011
|
#4 | |
|
رد: الشاب السعودي ولاشي - والاجنبي كل شي
والمستفيد الاجنبي اللي ماعاد يشوف الشعب السعودي شي وقام ينفخون علينا ولا يسمونا علي بابا ويسمونا الاغبياء
توظف شاب سعودي بشركه حطوا عليه مسئول – مصري – سوري – فلسطيني – ويحاولون يضايقونهم ويرهقونهم بالعمل عشان يقولون السعودي مو حق شغل وعشان يجيبون ابناء جلدتهم والله كلامك صحيح يالعزيز اسأل الله العلي القدير ان يفرجها عليك وعلى والديك ويشفي لك كل مريض ويسهل امرك ويحفظك بحفظك لأهلك إذا انك على هذا المبدأ لا يضيق خاطرك ولا اتكدر ولا تيأس من رحمة الله وكرمه وهو اكرم الأكرمين انت محضوظ بأذن الله اصبر وصابر وعند الكريم الفرج انا ارى نفسي فيك او قريب من كفاحك هذا وابشرك الآن كل ما مضى اصبح ذكريات مريت بكوارث وجحود ونكران وابواب مغلقه وعانيت من الوافد والتضييق المهلك ..؟؟ والمحلل له محرم علي وانا ابن البلد والآن انعم ولله الحمد بالأستقرار الذهني والعقلي والمادي توفيق من الله سبحانه ولم يأتي هذا الشىء الا بالصبر والتوكل على الله اخي الغالي الكنج نحن اخوان لك ومعك بأذن الله بأنتظار إشاره من مشرفنا العام عسى ان نزيل اهم عقبه امامك عقبة المخالافات والرخصه تأكد ان هذا واجبنا اتجاهكـ كل على قدر استطاعته واقل ما نقدمه اخي . تحيآآآآآآآآآآآآتي الخآآآصه والحآآآآآآآره لشخصكـ الشهم النبيل |
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
