ديوان / الشاعر محمد سوعان الربيع

صقــر الشـــمال

الابيات وصلتني من الاخ الشاعر صقر الشمال الشمالي
وظمنها لغز بل الغاز وسوف اوافيكم باـلرد عليه .ان شاءالله

ذبحت انا اللي

صقــر الشـــمال ؟ذبحت انا اللي ؟؟

	سجل يابن سوعان صدق اعترافي=وانا الذي عن كل ماصار مسئول يابو فهد جاك الخبر بالقوافي=جاك اعترافي واترك القيل والقـول واللي ذبحته . يذبحه كل وافي=والحق له سيفً مجرد ومســلول ذبحت أنا اللي بوسط النفس خافي=في كل نفسً خيله أتصول واتجول يشوف لكن للأسف ما يشافي=وعند الذي به خير ماهوب مقبول . خلف أعيالً وصفهم له يظافي=لكنهـم يأتـون فـي عــدة أشكول . منهاجهم قطع الرحم والتجافي=ورفيقهم عـن طيبة الفال معزول . رفيقهم من خالقه ما يخافي=لكــن لبـوهـم تايه الـرأي مـذلول . يابو فهد حذراك لاتكون غافي=حد البصيرة والبصر واقبل القـول . عطني جوابك والخبر يالسنافي=ولعـل ردك يابن سوعان ما يطول ابغـي تـوردني على عـد صافي=ياشـاعرً نوعه مع الناس مقلـول .

أخـــوك
صقــر الشــمال الشـــمالي

.................................................. ..
اللـي ذبحتـه ماعليـه الحسـافي .....

ردتي المتواضع على الاخ الشاعر صقر الشمال الشمالي
اتمنى ان يحوز على اعجابه واعجابكم وان اكون قد وفقت
بحلول الغازه وارضيت ذائقة المتذوقين من المتابعين لنا .
واعتذر عن كل نقص وملاحظه ...

اللـي ذبحتـه ماعليـه الحسـافي ؟ ؟؟

	حـييت ياللـي خابــره مـا يخـافـي=حــرً جســر بتٌــاع لعـارض الجــول صيده جـزل ما يلتفـ...ت للضعـافي=فعله يفـوق الوصف والمدح والقـول قـافـه يـذكـرنـي بقـاف النصـافي=وفصاحة اللعبون تطري على طـول من بدع ذاته ماخطفه اختطافي=شاعر جزل ياصاحبي ما انت مجهـول ابـداع واضـح ماعليـه اختـلافي=وتُشـكـر على جهــدً للاشعار مبـذول كفيـت ثـم وفيـت مال العوافي=والشـكر منــي يابـن الاجـواد مـدبـول يا مرحبابك عد رمل السوافي=واعـداد مـا رد الخبـر كـل مـــرســول واعداد ما زار الحرم ثم طافي=واعــداد مـا لحجـاج ياتـون كـل حـول يا مـرحبـابك والنـوايا انظـافي=والــود والعــرفـان بـالخيــر مــوصــول وانا على هقوة هل الطيب صافي=ولانـي عـن الاجـواد مبعـد ومفصول واللي ذبحتـه مـا عليه الحسافي=ولا ني بذبحـه يابـن الاجـواد مذهول ذبحـه حـلال ولا بـذبحـه كسافي=لاشـــك ذبحـه من هل الطيـب مأمـول ياصقر هذا ( الشر ) ملعون هافي=وعياله اذنوب البشر عرض مع طـول فيهـا الثقيـل وفيـه منها اخفـافي=ومنها الذي ما اظن بالعفو مشـمول واقبل سلامي في نهاية مطافي=وعساي انا جبت الهدف بوسط القول عساي انا احظى بالعفو والعوافي=وعسى لنـا بـابً عـن الشـر مقفـول

بقلمي ....

همســـــااات عــااااابــــــــره ,,,

همســــــــااااات عــــــــاااااابـــــــره

	ليا ضاق صدري قمت شــبيت ناري=وزينت لي فنجـال يجلا خــوى الـراس ودعيـت لــي ربـــعً اعـــزازً حـراري=ربــعً لهــم بالطيـب مسرى ونومـاس وكلــن بعــادات النشـامـا يبـــاري=ولا سـولفـوا بالنـاقصــه والتخـسـاس تـميــزوا باخـــلاقهــم والـوقــاري=والـدين عــز ومـفخــرة ســاير الناس هذي طـراة العمر والعمر جـاري=ذي منيتـي لادق بالقلب هـوجـاااس ذي منيتي ذي عادتي يا مشاري=ولاني من اللي حـط للمـال حـراس

بقلمــــــــــــــي ......

وشــــلي بعــــرف اللـــي

تجــــاهـــل وجـــــــــــودي

..................................................

وشــــلي بعــــرف اللـــي تجاهل وجودي

	مـن لاحسبـنـي زي انــا مــا حســبـتـه=وحــس بكيـــانـي واحتــرمـنـي بــزودي هـــــذاك والله نـــــادم انــــي عـرفــتــه=وشلي بعــرف اللـــي تجاهـل وجــودي وانا الــذي فـي مـا مضــــالي حشــمته=يشــهـــد الهــي والبـرايــا اشــــــهـودي ولانــي مهمـــش يشهد اللـــي عبــدتـه=عنــد النشـــامــا لــي ســــجلً يــذودي اسـمـي بصـفـحـات المــراجل كتـبـتــه=بعـلـمً ورثـتـه عــن قـــدايــم اجـــدودي عـمــري لـذربات الـمـبــادي وهـبـتـــــه=والراس عــالـي ؟ لينـي آصـل لحـودي وفنجــال مــذمــوم الوصــايف شـــربتـه=وصنـت العهــد واوفيت كايــد اوعـودي

بقلمــــــــــي

لا تنشــــــــــغل يا فهيــــــــــــــد.

اهـــــــــداء خاص :

الى ابني ومسندي الغالي فهـــد بن محمــد الربيّع

لاتنشغل يا فهيــــد

	لاصـرت انـا واثــق بنفسـي ومبـــداي=ما هــز شــاني ناقص العقــــل والـديـن ولاصرت واثق في مسيري وممشـاي=مــلكــت الارض وحــزت حـب المـلاييـن راضي بمقسـومي وكسـبي بيمنـاي=ومــا قـــدّر المولى على الراس والعيـــن اهــل الشـماته والملاقيف واعـداي=واهـل الحســـد يافهيـد بعيونهــم طيـــن واللي لفـا عــن بعـــد بالكـذب غـزاي=ماســلت عنه بعــون مــن نــزل الديــن وشعاد لو يعزف على العود والناي=مـــاهمني هــــــذرة ســـــليل الـرديـيـن مـا سـلت انــا عن كـل نـابــح وعــواي=ضعـوف الرجــال التافهيـــــن الخـبيثيـن لاتنشــغل يا فهيــد يا ســـيف يمنـاي=ابــوك انــا وافخــر بممشـــاي كــل حـيـــن ان مـــا جعلت الــراس عـــالي بدنياي=مــوتــــي ولا ارضــى فــي حــياة الــدنيـيــن

لولا المواقف ما تكون القصيده

لولا المواقف ما تكون القصيده

	قلبي على هاك الديار البعيده=مثل الخلـوج اللـي تلـوج وتحنّي حنينها من قلـب ينـزف وريـده=اللي محنـها فـي ولدها محنـّي واليوم انا جرحي تزايد صديده=مثل الصويب اصبحت وامسيت كنـّي في ديرةً مالي بها من بديده=الا بـعـض نــاسً بـهـــم خـاب ظنـّي وجيهً كفانا الشر قشرا بليده=وعنهـم اســــلوم الغانميـن ادبـرنّي ولو شفت من دنياي ظيم ومكيده=ماحدً نشـد واستفسر اليوم عنـّي ما شفت انا منهــم علــومً مفيده=وليـت الــركـايــب دونهــم نوخنـي يـاعـل مـا لاهـل الــردايـا شـــريــده=بجــاه الـذي لــه روسنا يسجدني ونفسي على مـالا تبيـه وتـريـــده=يـحــدها وقـــتً بـغـــدره غـبنــّي عايشت لـوعـات الزمـان العنيــده=صبح وضحى وان جيت انام اهجـدنّي من غرب ساقتها الرياح الشديده=ومن شرق حدتـها الحظوظ ولفنـّي النـوم والله مــا حظيـت ابـوديــده=وهواجسـي مـع كـل هبـه سرنـّي مثل السجين اللي برجله حديده=حكم الزمن ســـلاســـله قيــدنـي حظـي اســتنفذ قـوته مع رصيـده=والظاهـر ان سود الليالي بـلنــّي ويـن الشجاع الصيرمـي والوليـده=ليـا قلــت تكفا يـرفــع الهـم عنـي يتعب على صون العهد والوعيـده=ومـن راســه الشـيمات مـا ينزلني ورثً عن الاجداد ماهي جديده=خـذها طبيـعه لاانتـخى مــا يكنّي قرمً اسنافي والمساعي حميــده=وليـا ســـعـى للغانمـه مـا يـمنـّـي ممـا يجول بخاطـري واســــتعيـده=احــداث انــا عايشـتهـا واشــغلنّي ولـولا المواقف مـا تكون القصيـده=وفي بدعها القيفـان مـا طـاوعنّـي

بقلمــــــــــي .... 19/3/ 2013 م

احتمالي وصلّه

	شكواي انا للمقتدر عالي الشان =وشكوى لغير اللي خلقنا مذلّه الواحد المعبود خلاق الاكوان= سبحان من يجلا غثا كل عـــلّه نلوذبه عن كل مفتن وخوان=سبحان من يستر خلل كل زلّه يارب انا طالبك ياوالي الاحسان= تفــرج لقلــب ً زايــد الهـم تـله ضاقتبي افجوج النواحي والاركان=وتعقـد المـوضـوع وافخـت حـلّه لاشك نخيت فـلان وفـلان وفـلان =وانـا الـذي غيـر الوعد ما حصله ما شفت غير الكذب من كل الالوان =وهذا يضيف وذاك ويشطب سجلّه شــهرين فاتن والامل غاب ما بان = والثـالــث اللـي هـل بيـن الاهلّه ضيقة صدر زايد ملل كل الاحيان = والصبر مقيـاس احتمـالي وصـلّه وين النشاما ! وين طلقين الايمان=اللــي لمــن ظـامـه زمـانه ذرالّه حـرً شجاع ويمتلك قلب إنســـان=قــرمً ليــا سـن الوعـد جـاك كلّه اللي كلامه كالذهب وسط ميزان=ولو طال درب المرجـله ما يمـلّه يفزع لرجلً شاف غلبه بالاعيـان =وجـور الليـالـي والغـبيـنه حبـلّه واصبح كما طيرّ بلا ريش جنحان =قصرت اسبوقه والفضا ما حـصله ويالله طلبـك ســر ولاّ بالاعـلان =تجـلا غثـا كبـــدّ بجــوفي امــغـلّه

تجـــــــارب الايــــــــام .....

تجارب الايام

	بعض البشــر لـو كان فـي شـــكله انســان =عـليـــه مــــا تـــطبــــق اوصــــوف الاوادم لاديـــن لاذمــــــه ولا عنـــــده ايـمـــــــــان =وللشـــر والشــــيطـــان والمــال خــــــــادم بــاع المبـــادي والمـــــــروات كــــــــــوبان=ومــن رافــــقه تــــايـــه وخـاســـر ونــــادم مــا ينـذخــر لـصـــدوف بـقـعــــا والازمــان=للطيـب واســــــلــوم الاجـــــاويد هــــــادم وعنـدي علــى مـا قلـت حجّـــــه وبـــرهـان=والهــــرج دون اثـبــــات لاشــــك عـــــادم تــجـــارب الايــــام ورّتــنــــي ألـــــــــوان=واخشـــــى مـن اللــي يحتــرينــي وقــادم

بقلمـــــي .......

(عيّا الفضا يا مسندي يتسعلي)
.................................................. ....
ابيـــات متواضعـــه .....
وخير الكلام ما قل ودل .

عيّا الفضا يا مسندي يتسعلي

	لاتلــومنـي لاقلـت انا ضـايـــق البــال =ياعـايــد افهــم غــايتي واســـتمـعلـي غــديـت انــا مثـل الـذي سـنّد الجـال=ابغــى النـــزول وجـــالها يـرتـفعـلـي ضاقت بي افجوج الوسيعه والاسـهال=وعيّــا الفضـــا يامســندي يتســعـلـي ولامـن صـــديـقً وابـن اعـمً ولا خــال =حتـى اقــريّــب لابـتــي مــا نـفعــــلـي اثـــر الصــداقه ســلعـه لكل مـحتــال =ويــا مــكثـر اللـي بالــرخا ينـدفعـلي واليــوم يومنــي تحـرّيــت الاوصــــال=حـظــي تــردى والامـل مـا جـمعــلـي اخذتلـي درس ً وشــلتـه للاجيــــال=ما انسـى تخاذل صاحـبّ ما فزعــلـي وانا من اول شلت حمله والاثقال=شـــلته ولا جضيـت من فـوق حـمـلي

بقلمي .............

الهـــــــرج والمــــــرج ......

الهرج .... والمرج

	باكر يموع الثلج ويبيّن المرج=وثم يتعرا كل خافــي ومدفون هذا الوكـاد ولالك بـزايد الهرج= ولا كل مـن يفتي عـن الزيف مظمون الزيف خيله عرج وليّا مشن عرج =ومن يمتطيها بتالى الايام مغبون فوق البقر ما يرهـم الخرج والسرج=وشمس الحقايـق ترشد اللي يتهيون ومن لانفع بالضيق والموقف الحـرج = وقت الرخا يا مكثر اللي يدّون ومن لا حمى مابيـن فكيه والفرج= نادم وخايـر بالنهــايـه وممهون ويالله نـبعدنا عن الهرج والمرج= بوقتً به الشيطان يلعب على الكون والخافي اعظم والبلا بوسط الدرج=يستنظر اللي فيه ادرى .. يبتوووون

بقلمـــي .......

-----(أجر وغنيمة شوفة الحي للحي)-------

اجر وغنيمه شوفة الحي للحي

	يابــو رعـــد ميّــل علــى الجيــزه اشـــــوّي =مـن قبــل لانــركـــب علــى البونــغ وانطيـر خـمســــــة دقــايـــق عـدهــن بالعــــدد لــي =ولا ودي اكثــر يــا عـشــــــيــر المنـاعيــــر اجــر وغـنيـمـــة شـــوفــــة الحـــي للحــي=ويمــكن بـهــن نصــدف عنــود الغنــاديــــر وتشــوف عـينـي مـن لهــا النـور والظـــي =ويطفـــي لـهيـــبً زي نـــار الســـــواعيـــر لهيــب شــــوقً وســــط الاعمــاق يســـري =تكفـــا عســى الله يـــرحــــم الجـــد والبـــي تـكفـــــا طلبـتــــك لاتـجيــــب المـعــــاذيـــــر=وانـت الــذي يســعى الــى الطيــب والخيــر عجّـل عســى مـا اتشـوف يابــو رعـــد سي=ونــار المـفـــارق وثــقتــهـــا المـقــــاديـــــر غــروً ســـلب قـلبــي مــــن العـــــام ياخـــي=والحــظ دونــــه قصّـــر اليـــــوم تـقصيـــــر دلـــى يبيـــع البُـعــــد فــينــي ويـشـــــــــري =بُـعــــده عـــذابــي والـوجــــع والمخـاســـير حبــي لهـــا انقــى مـن نقـى صـافــي المـــي=وحـبـي لـهـــا يـا خــال يفـــرق عـــن الغيــر حـــب ووفــــا يــا خــال مــا يشـــبـه شـــــي =ومــــا للغـــلا مـــع غيــرهــا اي تبــــريـــــر نبـض الخفــوق وســيرتــــه اصبـحــت هــي=ولا تـلــوم مـن بــه كـــرر الشــعـــر تكــريـر يــا خــال جـــاك العـلـــم واللـــي خـفــا بـــي=وصــوّرت انــا لـك خــافـي الحـال تـصـويــر

---------( محمد بن سوعان الربيّع )---------