ديوان / الشاعر محمد سوعان الربيع

وش عـذرنـا

	وش عـذرنـا يــا ربعـــنا وش احـججنا=وذي شـامنا بــالثـانيـه تـسـتبـاحـي يـا للاسـف ؟ من صمتنا ما انـحرجـنا=ولا عـاد نــوحي من قسانا الصيـاحـي علــى المـــذّلـه والتـغـاضــي درجـنا=والـــذل جــانـا مـن جـميــع النـواحـي عـدوانـنـا مـن ظلمهـــم مـا انـزعجـنا=وعقـب الاهــانـه لبسـونــا اوشـاحـي ايــران مــا فيـهـــــا ومنهــا ابـتـهجـنا=غــدر وخيــانــه ريـحهــا اليـوم فـاحـي اهـدافهــا مكشــوفةً لــو ســهـجــنا=ولــو انتـجــاهـلهــا بعيـــدة مشـاحـي يـا شــام حنــا للســكوت انـتـهـجـنا=رغـم القتـل ياشـام رغــم الجــراحـي يـامــا ويــامــا بالمحــافـل هــرجـــنا=وتـنـديــدنـا مــا رد عنــك اجـتـيــاحـــي وليّـا متىى يالغــرب بســمك لـهجـنا=ومنكـم غــديـنـا نــرتـجـي للصــلاحــي يــامــا ويــامـــا بــالبــلاديـــن دجـــنا=نبـحـث ولكـن ما اخـذنـا الســـمـاحي واليــوم حنــا بالـحظيـظ انــدمـجــنا=واحـلامـنا ضـاعـــت ذرتـهـا الـريــاحـي تكفـون يـااشـراف العـرب يا فرجنا=اظـفـوا مــن الفــزعـه عليها جـناحي قـومـوا لعـل ابيــوم يطفـي وهـجـنا=يـذهــب قـهـر شـعبً يجــر النيـاحـي وش عـذرنا يـا شـامنا وش احججـنا=وكــرامتــك بيـــد الــردي تـسـتباحـي

محمد بن سوعان الربيّع

حاضر وماضي والحروف ابجديه

حاضر وماضي والحروف ابجديه

	شـيخة عرب او من مشــايخ هل الديــن =او انــه اســـمك وانكتــــب بالهويـه او هـو على ماظـن (شـيخة ) مزايين =وتــراي انـا مـحتـــار يـالغشــــمـريه لاشك انا يطغي بنفسي ســــؤالين = ولعــل مــا تبطــي اردودك عـــليٌـه مــن ويــن قـولي ياعنـود المــزاييـن=يامـن تسـوق القلب سوق الرعيٌــه من نجـد ولاٌ مـن بـلاد الشــريفيــن =عمٌـــان ولاٌ بــالـريــاض البـهيٌـــه اســم البـلاد اللـي عليها تعيشين =من اهـل المدن يابنت ولاٌ ابـدويـــه وليٌا سمحتيلي نشـدتك عن اثنين = الديـن الاول والاصـل والســــميـٌه احـب انا اللـي تنتهـج منهج الديـن= وتـؤمن بـرب الكون محصـي البـريه قالت : انا بنت الـرجال المسـمين =ربعي ( طنــايـــا ) ينطحون السّريه يــوم المــلاقا لابتــي تاخـذ الديــن = يــوم اللـــوازم مــا تهـــاب المنيــه فـوق الاصـايل ينتخـون الميــاميــن= ليٌــا جــا نهــــارً فيــه شـده قويه دخيلنا في راس عيطا عن الشين =مــا يـلحقـه ظيــمً وخـوف وزريٌـــه وللضيـف شــرعــــنا ابيـوت ودواويـن= وقـولة هـلا وحييــت صبح ومســيٌه لاشك انا بنشدك ؟ الا انت من وين =مــن اي الحمـايل والنـوايـــا نقيٌــــه قلت : ابشري باللي بغيتيه هالحين= يــاتيــك انــا ردي ولابــــه ونـيٌـــــه لاشــك انــا مـن قـوم منها سلاطين =تســلطنوا فــــ بـــلاد نجـد العــــذيه ربعــي بنــي عنٌــاز مـا هـم خفيين= مثــل القمــر بالليـل يبهـرك ظيـٌـه هـذا انــا مـن دون شــــكً وتـخمين =حاضـر ومـاضـي والحروف ابجديه

محمد بن سوعان الربيٌع

شعب وملك والمملكه هاشميه

ابيات القيتها بدعوه من سفارة المملكه الاردنيه الهاشميه
في الرياض بمناسبه الذكرى السابعه والستين لاستقلال المملكه وذلك بالحفل المقام بقصر طويق - حي السفارات
وذلك مساء يوم السبت 25/5/2013 الساعه الثامنه مساءاً بحضور سعادة السفير الاردني وطاقم السفاره وضيوفه الكرام مبروك مبروك والف الف مبروك
بمناسبة الذكرى السابعه والستين
لااستقلال
المملكة الاردنيه الهاشميه
وبهذه المناسبه المجيده الغاليه على قلوبنا جميعاً
ازف اصدق وانبل واسمى معاني الحب والوفاء
الى جلالة الملك عبدالله الثاني بن الحسين
والى الاسره الهاشميه الكريمه
والى الحكومه الاردنيه الرشيده
والى كافة اطياف الشعب الاردني الطيب والكريم المضياف واتمنى للشعب والقياده الهاشميه
كل رخاء وامن واستقرار وسلام وكل عام والاردن واهل الاردن ومن يحب الاردن بخير .
وبهذه الذكرى المجيده وبهذه المناسبه السعيده اسمحوا لي بتلك الابيات القليله المتواضعه
كجزء من حبنا ووفائنا وولائنا لهذا البلد العزيز وشعبه الغالي .

واقــــــــــــول

شعب وملك والمملكه هاشميه

	ســـلام ياديــرة هـل الجـود والسيف= نـبــع الـوفــا والطيــب والـغــايــريـــه يا ديـــرةً يحشـــم بها الجـار والضيف=ويــأمـن بهــا المنكوب عقــب الاذيــه عاشــوا بهـا من كل صـوبً مـواليــف =الشعب . واحد . والهدف و القضيــه اهل الوسط واللي سكن بالاطـاريف = شــمالها واهـل الجنـوب ابســـــويـه حضــرانها والبـاديه مـع هـل الـريــف =شـعب ومـلك والممـلكـه هـاشــميه حصــنً يـجــابـه عــاتيــات العواصيف = دونــه اليــــوثً مــا تـهـــاب الـمنيّــــه ازف انـا اركـاب التهــانــي مـراديـــف =ســـــــبعه مع الستين منـي هـديــه ازفهـا مـن قلـب يبـعـد عـن الـزيـــف = ينبض وفــا حيـث النـــــوايـا نــقيـــــه للقـايـد اللـي بالسـياسـات حـرّيـف = نســل الهواشـــم طيـبيـن الســــجيه نسـل الحــرار النـادره بـالتـواصيـــف = نســـل الحُسـين الفــذ زبــن الـونيّـــه عاش الزعيـم اللـي يعـز الضـواعيف =عبـــدالله الثــــانــي امــــام الــرعيّـــه مبــروك يـاديــرة هل الجود والسيف= يــا ديــــرةً تـنـبــت بـهـــــا الغــايـريـه ذكـرى عــزيـزه مـا لفـت بالصـواديف = سـبعه مـع السـتيـن ذكــرى بـهيّـــــه احـلا التهاني فوق بيض الصواحيف = ســــطرتـهـا لاهــل الـوفــا والـحـميّــه

محمد بن سوعان الربيّع

بشـويش خليكــي .....؟

بشويش خليكي ....؟

	بشويش خليكي على القلب بشويش=ما دام قلبـي صــار عنــدك رهيـنه تـدريـن بُـعـدك فلّـش القلــب تفـليـش=وسـبب عـــذابه والألـــم مـع ونينـه حبـك غـزى قلبي كما غـزوة الجيش=واحتـل نبـضـه ثــم هيّـــض كنينـه وانـا عقـب فـرقـاك ما طابلي عيـش=ونيـران شـوقي لك تـدمـر مــدينه اشـتاق لك شـوق العـرب للمطاريـش=شوق العجـوز اللي تحاتي جـنينه حبي لك اصفى من قراح المراهيش=مــزنً تـحــدربــه رعــودً مـتيـنه حبـك بقلبـي مـا دخـل بالبخــاشيـش=وحـبً يجـي باثمان يذهـب ابحينه ولولا الظروف اللي وراها التباليش=مـا اخلـي الخفــاق يـفـقـد ظنـينه الفكـر عقبـك صـايـرً فيـه تشـويـش =يشـذ بـعض احيـان واقــــول وينـه يطير لارض الهاشميه كمـا الريـش=واربـع احــدود تصيـر بينـي وبيـنـه ويعـود لـي فجـأه بوقـت المغـابيش =من عقب مسرا والسـبايب حـنينه بشويش خليكي على القلب بشويش =امــانـــةً حـــــذراك لاتــضيـعيـنــه

محمـد بـن سـوعان الُربيّــع

مصير يطيح كل ظالم ولو طال المشاويري
.................................................. ..

لك الله ياشعب يُقتل وتدمر بيوته وتنزف جراحه يصرخ باعلى صوته تكاد أناته تخترق القلوب قبلالآذان ولكن لاحياة لمن تنادي وكأن الامر لايعني أحد من العرب والمسلمين لاأحد يكترث لمصائب ذلك الشعب العربي المسلم الذي يقتل ويشرد وتغتصب حرائره ويستباح شرفه ودمه على يد العصابات المجرمه المتزندقه والمتخندقه في بلادالشام العزيزه والغاليه على قلب كل عربي غيور على دينه واقيّمه وشرفه كيف لا ومن منّا لايعرف او يسمع في بلاد الشام الابيه وبشعبها الطيب شعب كله طيبه وحميه .
لك الله ياشام لك الله ياام الاحرار يا احفاد الرُسل والانبياء ياحفاد خالد وابا عبيده والقعقاع وصلاحالدين
يا احفاد عدنان المالكي ويوسف العظمه وسلطان باشا وصالح العلي وجول جمّال ووووووو لست بصدد تعدادهم ولكن على سبيل المثالهاانتم بقيتم لوحدكم تذودون عن ثرى بلاد الشام المباركه بارواحكم وابنائكم ودمائكم الزكيه الطاهره لكم الله يامن سطروا تاريخ الامه من جديد ببطولاتهم واستبسالهم وصمودهم بوجه تلك العصابه العفنه النتنه التي سطت عل حكم البلاد دون وجه حق ما يقارب ابعوسنه ونيّف والآن وبمساندة حزب التشعوذ والشيطان وبمدد من اعـداء الاسلام اهل الظلال والنفاق احفاد كسرى ورستم الفرس المجوس الذين لن تقف شهيتم عند حدود الشام فحسب بل الهدف اكبر من ذلك بكثير وما خفي فهواعظم بعد العراق سوريه وبعدها الاردن والخليج ومصر وبلاد المغرب هذه اهدافهم اصحوا ياعرب من سباتكم استفيقوا وفوقوا فالخطر قادم لامحاله وان لم تقطعوا دابر تلك الافعى سوف تندمون وحينها لايفيدكم الندم وما سوريه الا البدايه الى نهايه لاتحمد عقباها ومن يقول انه بمنأى فهو واهم واهم واهم اصحوا يااااااااعرب .....؟؟؟؟؟
حتى لاننسى ومن باب التذكره
اسمحوا لي ببعض الكلمات المتواضعه النابعه من القلب أبيات قليه

اقـــــــــــــــــــول :

مصير يطيح كل ظالم ولو طال المشاويري

	رعـاك الله يا شـعبً يُـذبّح في بـلاد الشام =على يـد العصـابات الخبيثـه والخنـازيري على يد الـنغل بشـار واعوانه من الاقزام=معاه الفرس والمهدي على رغم التحاذيري وحزب اللاة والمتعه حقيقه مابها اوهام =على الشاشات شفناهم بقريه اسمها قصيري غزاها بالسلاح اللي تحرم وانمنع باحكام =جرايم تذهل الاعين تـؤكدها التقـاريري ونفذها وضيع الخال واللابه مع الاعمام=وكم طفل بحظن امه توطته الجنازيري تحمل واسطبر ياشعب سوريه على الآلام=ولا لا ترتجي وقفات اردوغـان مع كيــري تصبر واحتسب وارفع بعالي راية الاسلام =ولا ترجي فزع قومً عن الشيمه مخاميـري تعاموا شفتهم حطو على سود الوجيه اللثام =ولا هــزت ضمايرهم مع التشريد تدميري ولا ترجي ولاتطلب اعانه من خلايف سام=ولا ترجي عطا قـومً تنحى عنهـم الخيري تصبر واحتمل جور الليالي والوعد قـدام =ولابــد النصـر قـادم ولا يحتـاج تفسـيري يجيك بعون من ينصف مظاليمه من الظلام =مصير يطيح كل ظالم ولو طال المشاويري

بقلمي ............؟

درةً بخباه مااحدً له يرا

درةً بخباه ماحدً له يرا

	الهنـوف اللي خذت قلبـي وقفّـت =شـرق مـن عمّـان تسـكن بالقُــرا حـالتي من عقبهـا شانت وصفّـت=ضـايـقً صـدري وجـرحـي ما بــرا مهــــرةً عــن كـل منـقـودً تـعـفّـت=درةً بـخبـــاه مــــااحـــدً لــه يـــرا لابتــه عـن كــل لازم مــا تـخفــّت=لابــــةً بـافـعـــــــالهــا كلـــن درا المـراجــل عنــد اهلهاـ ما تـوفـّـت=الكـرم والجـــود فـيـهــم والـــذرا والدخيـل ليــا زبنـهـــم مـا تلفـت =فـي كـنـفهـم ينـعــم بـلــذ الكـرا يـوم عادات البعض ضاعت وهفت=عنـدهــم بالــدم الاحمــر تنشـرا لابـةً في مـا مضى كفــت ووفـّت=صـيتهــا لليـوم ثـابــت مـا ادبــرا

((بقلمـــــي))

ماهمني نقد الهبيل وعميله ...
..........................................

ماهمني نقد الهبيل وعميله

	احترت انا بالطير واللي يشيله=لاشـك انا محتـار مابيـن الاثنيـن اشقر مع اشقر والفوارق قليله= اقــول انـا طيـريـن ولاّ غـزاليــن ابغـي فزع ياهل العقول الثقيـله=وش رايكم باللي نظرتـوه بالعين ومـن لامنـي ياعـل مـاله قبيـله=وتشتب بضلوعـه لهايب نيراريـن واللي جـرى لابـن الربيّـع يجيـله=ويبلى بسهمً من عيون الشياهيـن مـاهمني نقـد الهبيـل وعميـلـه=الحب عــذب في قلـوب السلاطين اهـل المبادي والشيّم والنفيـله= حكامهـا وشـيوخهـا والمسّـميـن اما الـذي ماغيـر عنـد الحليله = وتلقـاه دايــم مبتلـش بالـــزاريـن هذاك انا وياه عكس الفصيله= وبالراي نبقى عن بعضنا بعيـديـن

بقلمي.....

يامسوي الفنجال .....

يامسوي الفنجال ......

	يامســـوي الفنـجــال زلـّـــه بــدلـّه =صفرا تزيل اهمـوم قلبي والاوجــاع وصبه على اللي لابغى الطيب دلّه=حــــرً ليامـن حام بالجــوّ مــــاضـاع حــرً شـــبيه عقـاب مـا احــدً يمـلّه= سـيفً مجـرب وافـي وطايـل الباااع وبعض المـــلا لا . لا تقهــويه خـلّـه= ولا تحتـري مـن بارد الوجه الاسناع نـــذلً يـــدّور بـاقــرب النـاس زلّـــه= وليّــا لقــاهــا بثهــا تقــل مــذيــاع خلّه عسى سـلال الانفس يسـلّه=ان ما لفاك بشين ما جاب الاسناع ويالله ياللــي كـل مســـلم يجــلّـه= ياماحي الـّزلات عن كل مـن طــاع سلّـط على من سـاد وازداد غلّـه= اللي بحـق الغيـر بالــزيـف طمااااع يالله تكشف ما اختفـا في سـجلّه=وتفضح عيوبً تستوي عنـده انـواع

محمد بن سوعان الربيّع

دعـوة المظلوم لابد تستجاب ؟؟؟

دعوة المظلوم لابد تستجاب

	وش يقـول اللي ذبح طفله بــريئه= وش يقـول لخالقـه يـوم الحســاب مــا رأيتــه حطّــم قلــوبً جــريئـه= واســتباح الصـبر واغتـال العتـاب وش يكون من اي قـوم وأي بيـئه= وش يقول ليا انطلب منـه الجـواب القلــوب الخـيّـره اضحـت مـــليئـه = بـالغبــن والظيــم والـوان العــذاب شوفوا اهل الحقد والنفس الدنـيئه= كيف سّــوو ثـم تمــادوا بالخراب باعـوا الاوطـان والـــــذمّـه رديئــــه= والكـرامه عنـدهم صـارت سـراب ومـا انبـى بالـزيـف بهتــان وخطيئـه=والخـطا صعـب يتـواسى بالصـواب لكــن اللـّه فــوقهـم راع المشـيئـه= ودعــوة المظلـــوم مــا دونـــه حجــاب لكن الله يُمهـل النفـــس المســيئـه=ولاحـشـى كــان ان يـهمـل بالعـقــاب

بقلمي ,,,,,,,

كيف الثعل ينقلب ذيب !!!!!

كيف الثعل ينقلب ذيب

	يـاعل قصـرً ما تشيد على الطيـب = ينهـار مـن عاليـه طـوبـه ابـطـوبــه عسـاه يـاقـهــار يـاعــالـم الغـيـب = يهدم على من شيده واســكنوبــه ليا صار مابه عن سموم اللواهيـب = ظـلً ومـذرا والضعــوف اللتــجـوبــه ياعـل مـا تمطـر عليه السواحيــب = ويمحل محيطه من شمال وجنوبه ويصير عبره تذهـل القلـب واتـريـب = (اطـلال )مــا كـن المـــلا دوجــوبـه يصيب مـن شافه بالاعيان ترهيـب = والناس فـي كل النواحـي حــكــوبه اللي من اول مــا تنـزه على العيـب = مـا زان لــو اهــل الـدجـل لمعــوبـه لو هـذبــوا شـكله بالاقـوال تهـذيـب = ســاسه ردي ماله مع الناس حـوبه مـداحتـه ناسً تبـي تتـرس الجيـب = وهـذا الهـدف لــو انهـم ما اعلنـوبه غش وخـديعه حبهـم لــه وآلاعيـب = ناسً عليـه بكـل حــال امحسوبــه ناسً اتحــابــي لـه بكل الاسـاليـب = باعـوا ذممهــم بالطمـــع والعبـوبـه وصار الخطا ما بينهم حق وامصيب = والعــدل واضــح ميـــر مــا فكــروبـه الـزيـف واجـد والـدجـل والاكـاذيــب = ولا من صحيح ايقال لو نصـف نـوبـه وقـت الرخـا ما يفيد فتل الاشـانيب = وكثر السـوالف ما يسـوق المثـوبـه والحــق صــار اليـوم مثـل اللعـابيب = بيـديـن مـن لا قــدروه ورضــوبـــه بيـن الاصــايل ضـــايـعً والمهــاليـب = واللي على الباطل يسابق هبـوبـه وراعيـه حطــوا فيــه كـل العــذاريب = ولـو مـا فعل مـن ذنـب تكثر اذنـوبـه تكـدرت لـــه صـافيــات المشــاريب = يشرب مهــاج ولا بشـربـه اعـذوبـه وكيف الثعل في هالزمن ينقلب ذيب = وعيــون بـعـض النـاس مــا بـرقـوبـه

محمد بن سوعان الربيّـع