يا الفيصل

سلمت يمينك على الاختيار الرائع
قصيدة جزله في اسد خارجية جميع الدول





هز المرض رأسه ولامال رأسه
وقفة جبل دون الوطن لأربع عقود
تدرون من يملأ عيون السياسه
سعود لاقبله ولا بعـده سعود
أخذت من اسمك نصيب ومكانه
سعود راس النايفات وعمدها ..
مع الضعيف وضد راعي الخيانه
في وقفته دوله بكامل عددها ..
تعبت يوم ارتاحوا الناس
وريحتهم وقت المتاعب
غيرك ورى المقناص عساس
وغيرك ورى صدح الملاعب
وغيرك يتابع كذب الاحساس
مابين رعبوبه وكاعب
يالارطبون الشامخ الراس
.سقم ارطبونات المصاعب
نضرب بك الهابي وينحاس
.وتكشف دعاوي كل ناعب
يالفيصليّ العرق دساس
يانسل من حل التشاعب
يالدبلوماسي يا(دبل ماس)
.يامبعثر أوراق التلاعب
ماجور يالفيصل ولابأس
يالصعب في دنيا المصاعب.
ميداننا ثابت على الساس
لاصرت فالميدان ( لاعب )!
فخر الوطن عز الوطن كله سعود
الصارم اللي ماخضع بالسياسه
من هيبته ترجف حكومات وجنود
وفكره يدرّس بالسياسه دراسه
كل المصاعب لاحضر صارت سهود
يحلها في حكمته والفراسه
وإليا وقف كل اللذي حوله قعود
من هيبته محدن وقف في قياسه
لو العرب تمشي على منهج سعود
لابأس يا واحد من ألف من الناس
عداك ربي شر الأيام والبأس
يا سعود عباتك ويا سعود الاوطان
يا سعود ابن فيصل ويا رأس أبن رأس
ثلاثة ملوك لهم صرت ساعد
في خدمة الإسلام والدار والناس
يا ما رفعت الرأس في كل المحافل
وياما حسمت الرأي إذا غيرك أحتاس
أجهدت نفسك والجسم دون حدك
حدك بعيد يا رجل - ماله قياس
أخوي وأفخر بك عضيد ومسند
من فيحة الفيصل تشاربني الكأس
يفداك مرتاح الكلب وأجد اللوم
لاشارك البانين ولا حفر ساس
ماهي سوى ما بين هذا وهذاك
الله خلق ثم فرق بين الاجناس