فارس الحرف @ الرحال

بيني وبين الرحال
وتناولت احداث سياسيه
:


:

	فارس الحرف= "= سلام تسليمه لها قيمـه ومعنـى واحتـرام=نعدها واللـي عقـد روس الحبـال يحلهـا مادمت يالرحال راحل لا تجي في حد يـام=اللي يجي في حد يام اتمـوت ربعـه كلهـا "= الرحال= "= يامرحبا طيب ونبا يااللـي بدانـا بالسـلام=يابوسعـد واهـل الدلايـل ماتغيـر دلهـا نرحل ونرجع والفعول شهود ماهي بالكـلام=دامك تكلم باسم يـام ارجـع ليـام وقلهـا "= فارس الحرف= "= دام البقا لله واللـي فالمواقـف مـا تظـام=والحمله اللي جايـره نـوخ لهـا وشتلهـا اللي نضج قرصه معاد الا يحضر فاليـدام=لاكن دوّر شجرة ترتـاح بطـرّف ظلهـا "= الرحال= "= أثّر علاك اللي يـحللها ولوكانـت حـرام=بالك تبا تخشـر معـه لكـن هـذي زلّهـا لن جاد حب السنبلة جيناه في يوم الصـرام=أناوكيـل القـوم فـي دقّ العلـوم وجلّهـا "= فارس الحرف= "= ماتدري ان العيد يلفي بعد شهر من الصيام=تلبس به الناس الجديـد وكـل كبـد يبلهـا لن جاد حب السنبلة مالك شراب ولا طعـام=تمسح دموعك والسيوف المرهفـات انسلـه "= الرحال= "= عيدي سنة والاّ انت عيدك يوم تحلم به حلام=واصل صيامك والحلوم اوهام ماتاصل لهـا ياكثر هدرك ياجملنا وانت راسك فالخطـام=عشرين سيف مسلّطة فوقك ولاتفطـن لهـا "= فارس الحرف= "= انتـه تباهـا فاللحـم ولا تباهـا فالعظـام=معاد تنفعك الجمـوع اللـي تبـا ترسلهـا مار افرحي يا ام القيود اللي لها 50 عـام=ام الزميم غطرفـت تسمـع حدايـة خلهـا "= الرحال= "= هذي سواليف السعة لاانتـه ولاقايـم مقـام=لاثارت الهيجا وعجّ غبارهـا ينـزل لهـا إقبل عزانا فامّ قيد وداو جـرح ام الزمـام=والكلمة اللـي مثـل هـذي لاتزيـد تعلّهـا "= فارس الحـرف= "= انته علومك تصغر وتكبر كبر بيض النعـام=احرس عمامك لاتضيّع ضانهـا مـع بلهـا ام الكبايرفعلها جاير تحـت جنـح الظـلام=ون ما أفجعتك ام الكباير فاعجتك اخت الها "= الرحال= "= العام سدّيت الدروب اللـي تبلغـك المـرام=واليوم لاصعبت عليك احفر لها وادفن لهـا يابدو سيل الضلع لايقتـش سكـان الخيـام=بعض العرب ماميّزت في عزها من ذلّهـا "= فارس الحرف= "= السبع ماترقد عيونه وانتـه عيونـك تنـام=في نومة النايم سبـاع الليـل تبـرد غلهـا يالشاعر الرحال طاب الفال ونقول الختـام=عندك وانا وياك سمحـات الـدرب اندلهـا "= الرحال= "= يااللي تركت الفرض وتصحي الخلايق للقيام=ليتك تفقّد مابقي لك مـن صـلاة وصلهـا العذر منكـم والسموحـة لاتلـوم ولاتـلام=واصحابنا لوطال مشـوار السفـر مااملّهـا