ديوان الشاعر / نايف بن حزل العنيزان

انه ليدمي النفس عندما تسمع من الرافضه سب اصحاب النبي صلاة الله وسلامه عليه والتعرض لعرضه الطاهرفي اتهام ام المومنين عايشه رضي الله عنها في عرضها الطاهر..
وما كتبته اقل مايقال في أمنا رضي الله عنها وعن جميع زوجات النبي والخلفاء الرشدين جميعاً وصحبه الكرام

(لسان الأفك)

الى ام المؤمنين عائشه رضي الله عنها ..

	تبختر في دهاليس الظلام واهو في سجين=على درب الظلال اللي تتيه بغي خطواته تجلجل في سقر ان ماتعود وتبت في نارين=على عظم الكلام اللي نطق به فمك وشفاته وأبشرك أنت ياياسر يسار ومنت بهل يمين=وأستثني كلامي أن عدت عن كفرك وسكاته ولااحب إني أكفر ولالي بالكفر تبيين=ولكن عظم ماقلته وجوب الكفر وصفاته لسان الأفك ياكافر نطقبه قبلك الغاوين=وجا نص البراء من الله يافاسق بإثباته تخالف نص قرأنٍ نزل يتلى ليوم الدين=على لسان النبي وتدق في عرضه وحرماته ولاهو شر للهادي يتعلى به بعليين=ولالزوج النبي الطاهر كلام الأفك ووشاته تنزه عرضه الطاهر عن التدنيس والخاسين=بوحي من السماء تغشى نبي الله أياته وسلام الله يازوج النبي ياعائشه تبقين=رغم أنف العِدى العرض النزيه اللي الطهر ذاته وتبقين أطهر من الماء الزلال اللي سقى الضامين=ويبقى الخايس الخاسي على حقده ونياته وتبقين أمنا اللي مانساوم بك بعسر ولين=ولا نساوم على أصحاب النبي وأله وزوجاته وهم ديدنهم الخايس كذا من ذو حقب وسنين=مبيحين الشرايع لجل سيدهم ورغباته زمان ومن زمانٍ هم على درب الخنا غادين=خذو توجيه سيدهم وباعوا الحق لرضاته روافض هدي أبو القاسم وعبّادة تراب وطين=سلالت رافضيٍ للكفرواهله موالاته ومجدتوا علي في سب باقي الصحبه الثانين=وتوسلتو بـعلي في شرك خالقكم بدعواته وهو منكم براء بالشرك يالطامة الكتفين=أمام الله يجي حجه عليكم في شهاداته وهذي هي عبادتكم ظلال وشرك ياواطين=وغداً يكشف كتاب المرء بإحسانه وسياته ولك يالله لاصاح الندى جينا لك ملبين=لجل عين النبي وأله نسوق النفس موّاته نلبي لك نلبي نبيع العمر في قرشين=نعم حنا الذي نثبت بعون الله لجناته وهم يرجون مهديهم لمنهجهم يجي ويعين=على موعد خرافاتٍ لسيدهم وكذباته وصدقهم حثالتهم وجو معهم على الخطين=عوام صدقو تزوير سيدهم وضحكاته وساقو العرض للمتعه لسيدهم له مطيعين=بعد مأفتى بخمس ٍ له يمدونه لغاياته عليهم لعنت الله ياأهل التوحيد معي أمين=وعلى خير البرايا وأله وصحبه تحياته تركها محجةٍ بيضاء وعن نوره غوى الغاوين=ومن يعصِ تعاليمه وعده النار ومثواته

شعر.نايف ابن عنيزان

ان المشاعر لتعجز عن التعبيرفي ما ألم بسيدي خادم الحرمين الملك عبد الله
حفضه الله وشافاه ورده سالمٍ معافا

سلامتك

سلامتك ياسيدي والف لاباس(صوتيه) .. ..

	سلامتك ياسيدي والف لاباس=عليك يارمز الوفاء والشهامه وسلامتك مايغمض الجفن بنعاس=وسلامتك ما ناح ورق الحمامه وسلامتك ماذعذع وهب نسناس=ريح البختري والنفل والخزامه وسلامتك يالحر يامعرب الساس=مابان وجه الصبح وأرخى لثامه وسلامتك يالابلجي واصوك الراس=مليكنا سيف العروبه حسامه ياسيدي لو المرض عنده احساس=ويقدر شعور البشر والملامه ماجاك من وعكته نفحه ونسناس=بك يعتلي روس السلام وسنامه يابو الرحم والعطف يانبع الاحساس=طهور ياشيخ الكرم والكرامه يشفيك من شافا نبيه من الباس=اللي شفى ايوب واذهب سقامه تر المرض ما يوجعك يوجع الناس=وقلبٍ نبظبك كلنا بستهامه لو كنت تدري كيف يحبسن الانفاس=عند الخبر ولقومتك باالسلامه وفي لحضة التخدير ننصاب بعماس=و بالحضت التبشير تجلا الغمامه عرفت قدر الناس للي سبا الناس=عقولهم بالعاطفه واهتمامه ولولا المرض مصخا طبيبك بالمواس=يجرح جسد منهو عزيز ٍ مقامه لك دك ياكحيلان بالصدر وسواس=ولك حن يكحيلان قصر اليمامه وانت الذي للجود هامه ونبراس=وانت الذي بالعطف حاز احترامه يابوالكفوف البيض ياعدم الاجنساس=بك تعتزي النخوه وتلبس حزامه لك بسمة ً يشفى بها محبط الياس=ولك وقفة ً فيها من العز هامه ولك لفته فيها شهامه ونوماس=صليب راس وباس شيخ الجهامه وياما جليت بلفتتك كل هوجاس=من قلب محزون ٍ كلته الندامه وياما عطيت بدون من ٍ بلا قياس=تعطي ولا تلحق عطاك الملامه مثلك يابومعب ٍ للامجاد مقباس=زعيم في طبعك تقود الزعامه مكارمك صعبٍ تدون بقرطاس=والشعر في وصفك يخونه كلامه تبي الحقيقه,, جارك الله من الباس=تحتاجك النخوات مثلك مرامه سلامتك خذها من الرس لراس=شعور شعبك لك يارمز الشهامه

نايف حزل بن عنيزان

ملاحظه
وتعرض الاً ن على قناة الصحراء.وقناةالساحه .و قناة المرقاب .وقناة صوت الباديه وقناة الاماكن...

رسالة إلى أنفسنا أولاً وإلى كل مكلوم وإلى كل أخ وعزيز غافل عن ذلك

(رسالة عزاء)

رسالة عزاء الى كل مكلوم.. ..

	رأيت الموت في كل الزوايا=يداهم كل نفس بدون موعد على غفلة تخطفك المنايا=ولو حاولت تحرص أو تجود عسى الله يدفع صدوف البلايا=إله(ن)يرتجى ويسأل ويعبد (أحد)متفرد بكل المزايا=بصفات عن الشبه أجل وأجود سعيد اللي رضي رب البرايا=عن أعماله وكب الذنب وأبعد عضيم الملك ياجزل العطايا=وأكرم مدة(ن)بالجود تنمد إلهي يارجاء النفس ومنايا=وملاذ العبد ياذا الطول الاوحد زبنتك وأسود الضلماء ورايا=ومحال اللي زبنك يصد ينرد رجيتك ياعضيم ويارجايا=عسا الدعوات مقبولة وتصعد أبسال وأنت محمود السجايا=وأعفر جبهتي لرضاك وأسجد إغفرلأمتك جل الخطايا=ولنا إغفر ذنوب(ن)ماتعدد صحايفنا بها ضجة ملايا=وكاهلنا بحمل الذنب مجهد بيوم(ن)فيه ناقف لك عرايا=وجميع أعضائنا تنطق وتشهد بيوم(ن)تذهل الأم الصبايا=رضيع(ن)كانت برؤيته تسعد من أهواله بلغ قلب الحنايا=حناجرنا وهو يرجف ويرعد وعن الأموات وتعلم بالخفايا=قضى نحبه ووسط اللحد مدد لفوك ورحمتك خير الهدايا=نعيمة يا إلهي مايحدد وعن الأحياء وإجعلهم رضايا=قبل مجسادهم لنعش تسند وأحسن صبر من شاف الرزايا=من عبادك ويشكر لك ويحمد مني لكل مكلوم(ن)عزايا=له أبعثها مع الدعوه وأردد وصلاة الله على خير البرايا=نبي من(الصمد)بعث ومسدد

نايف حزل ابن عنيزان

هارون الرشيد...وابو نواس .. ..

	يعز الزمن ناس ٍ ذليله ويخفض ناس=وليته يعز اللي لهم بالزمن قيمه بلاي ان دستوره على إهل الكرامه داس=على إهل القيم وإهل الشهامات والشيمه خذل مسرجين الخيل وإهل الوغاء والطاس=على عكس مانتوقعه صار تقييمه عزيزي عزيزي وين قفو رجال الباس=رجال ٍ بطالع وقتنا في مقاديمه رجال ٍ تقود اجموع واليوم به فلاس=رجال ٍ حشيمه للأسف قل تحشيمه رجال ٍ زمان وقوف وليوم به فلاس =تهاوى املهم ونحطم شر تحطيمه رجال ٍ قبل كانو لباب الشيم حراس = لهم هزمن يصاح منصف بي تقسيمه رجال امواقف يومها تحبس الأنفاس=ثرى دمهم مبلته للأسف ديمه وبسألك وأمالي تجاوب معي بحساس=على قد عقلي قل به شوي تنسيمه عن أللي قبل لا شي وليوم عود راس=وعن اللي طلب فيها يردد ترا نيمه وبسألك نص الكاس وينه ونص الكاس=من اللي شرب صافيه وأخلف مفاهيمه وبسألك ليه أكليب ماأذعن الجساس= ولماذا غدر جساس اصبح هو القيمه؟؟! وبو أنواس..عقب البرمكي ليه صار نواس؟!=هل إن هارون الرشيد اعمته غيمه؟؟! وأخيراً وليس أخِر لماذا الكرامه تداس=لماذا الكرامه بِهزمن قل تعظيمه ياصاحبي والله رب الفلق والناس=كل شي في هلوَقت معاد له قيمه

شعر.نايف حزل ابن عنيزان

قصيده كتبتها داد على الدكتور طارق الحبيب بعد اتهامه اهل شمال المملكه وجنوبها بعدم الولاء لهذه البلاد وانه للبلدان المجاوره...وهذا تصريحه على قناة الرساله الفضائيه

وكان البرفيسور طارق الحبيب قد تحدث فضائياً عن ضرورة مناقشة الوطنية قائلاً: "آآه من الوطنية في السعودية، هذه الوطنية المبعثرة، حيناً يأتي إنسان من الوسطى ويذهب للجنوب يجد إنسان الجنوب ربما انتماؤه لدولة مجاورة أكثر من انتمائه للوسطى والشمالية، وتأتي لإنسان الشمال وربما انتماؤه لدولة مجاورة أكثر من انتمائه لرجل الوسطى، أنا لست ضد الدول المجاورة، أحبابنا وإخواننا وأهلنا وأعزاؤنا، ولكن نحن نصنع منظومة وطن، هذه المنظومة الوطنية حين صناعتها تشكِّل قوة، هذه القوة تحمي الحرمَيْن، كيف تحميهما إن لم يكن لديك منظومة وطنية؟".

يادكتور

رسالة الى الدكتور طارق الحبيب.. ..

	يلي في زمن بتزأ ذبحت النفس بالتفخيم=على هونك تراها سهود نفسك لا تكلفها تحسبه من بدايتها ربيعٍ يبتسم لديم=عسى رب السماء يخلي لبهايمنا معالفها جيت باهالزمان الرغد تشرح خطة الترسيم= تحاول تفرقه شعب مترابط في تكاتفها وقفت وقلت ياطارق انا اللي مفهم التفهيم=انا اللي للوطن مخلص وانا مثلي يشرفها ومثلك داخل فوادة تراء يحتاج الى تعقيم=علينا اليوم ياطارق تفلسف في تفلسفها سجود السهويادكتور يسجد به مع التسليم=ولا اضنه سهو؟! احقاد فاهك قام يكشفها تجي من بعد ذا تحاول تلمع هرجك بتنضيم =علينا اليوم ياطارق تبي تحاول تطوفها فاض الحقد في صدرك وغطا عيونك التعتيم=وشككت بولاء رجال ٍ على كيفك توصنفها تبجح بالولاء لنفسك وترسم خطة التقسيم=شعوب المملكه من رشحك حتى تصنفها شمال المملكه واللي بجنوبه مابهم تسميم=رجاجيل الولا ماينكر وجيهه ويعرغها هم اللي احتمو حد البلد يوم ٍ شخصك نيم=على حدود البلد تسهر تدافع عن طوارفها ولاكن انت وشدورك قل يامعلم التقييم=يوم المعضله تصعب على اللي قام يعسفها وقلي يالحبيب اشكنت يوم الوضع به ترميم=ورح وأسئل تواريخك ياليت شوي توقفها ولا تنزل ميادينه وسيفك بطرفه تثليم=ولا تاقف بوجه الريح تريوذيك عاصفها تر نعرف الرجال اللي كفو تستاهل التنعيم=رجال ٍ يفخر التاريخ ويبرهن مواقفها ونعرف الي لهم بالمجد هاماتٍ تطول الغيم=ونعرف الي لهم تاريخ ومجادٍ تشرفها رجال ٍ فوق صهوات الجياد المكرمات تقيم=رجال ٍ جغرفو شهب الفجوج وجت تسولفها زحازيح ٍ قبل تنصا بساعات القهروالضيم=ولأ كن هالزمن همش مواقفهم ولأانصفها موازين القوا ما لة بناسٍ قبل له تكريم =ركايزمج وأهل المجد رويبضةٍ تواقفها وفي هاذا الزمان الي تخالطبه اسد ونعيم=حثال القوم هاذا اليوم تغثك في سوالفها سيوفٍ جردوها اليوم ونخبره بها تثليم=وكد يش ٍ شفنا اهلها اليوم باالميدان تعسفها ورجال ٍ مالهم قيمه اشوف اليوم له تعضيم=وتواريخ ٍ لها واقع خفافيش ٍ تحرفها

شعر.. نايف حزل العنيزان

طال ليل الظالمين

قولو لبشار حافظ !!! ..

	بشروني يابشر عن حدود الانتصار=وعن حكم بشار حافظ هل بقي الحكمه بقايه قولو لبشار حافظ إنأ نئبى الانكسار=مهما ردد صوت جيشه قصة فصول الروايه قولو لبشار حافظ لو يطل فينا الحصار=مستحيل إنى نعود ونرجع الخط البدايه وقولو ان الله تعالى كان ماغارو يغار=يوم قل أبنا النصير ينتصر هو بالنهايه ذالجلال المعتلي..منه وإليه القرار=مايرده نقض فيتو او قرارات الوصايه وحدٍ لا شى كان انتصاره انتصار=مطلع ويشوف ضلمك وانتهاكات الجنايه انتهاك العرض يدمي نابض صدور الحرار=ويغضب الجبار فعله ولن تقم لك فيه رايه طال ليل الظالمين في فلك ظلمك ودار=ولايغرك طول ليلك كل ليل وله نهايه لو دعمك حثال فرسٍ يمتطونك كال****=مذهبين بلأ شرف لو فرقتو بالكنايه جندو شبيحتك لؤد الأنثى والصغار=وراح تدفع شئم جرمك بأخر فصول الحكايه ولاتحسب انك..إسد لست إسد..بل انت فار=يغرقك طوفان شعبٍ يطمح لتحقيق غايه ان اراد الشعب يومٍ واستجاب الله صار=ولن نسلم للخنوع ولن نقل يومٍ كفايه راح تسقط..راح تسقط..سكتك للنحدار=لمزبلة تاريخ ضلمك نلعنك في كل ايه لمزبلة عاد وثمود..تحشروبئس القرار=بموقفٍ مافيه ضلم وينتهي دور الحمايه لنكم من رحم واحد بالجرم والاحتقار=تستبيحون الحرام بشرعكم طبع وهوايه وقولو لبشار اخيرن لن يطل فيك المسار=انكشف وجه الحقيقه واتضح زيف الدعايه

شعر.نايف حزل بن عنيزان

(ياخير منج)

أستسقاء..وابتهال !!!

	امين ياربٍ له الناس ركاع=تغفر خطايانا وتقبل دعانا تكسي جفاف القاع من كل الانواع=عشبٍ بفضلك به تزين وطانا ياذا الجلال اللي له الناس خضاع=رد الحياء بأمرك بعد ماجفانا انت الكريم اللي له المد والصاع=لامد يغني ..لا عطاء ماتوانا ياخير منجد لادعي..وخير فزاع=فزعتك ياللي عالمٍ في خفانا سق المزون اللي بها الخير نفاع=وان ماسقت بأمرك فلا احدٍ سقانا المسلمين اليوم في جذب ووجاع=نرجيك رجوا نبتهل في دعانا لك نرفع اكف الضراعه والأصباع=نرجيك ياقدوس تامر سمانا سق الحياء لناسٍ عطاشا لمرباع=ولاتعاملنا بذنبٍ كسانا حنا عبيدك لو خطانا طغا شاع=محدٍ لنا غيرك وعفوك رجانا ياواحدٍ للي يناجيه سماع=أمين ياذا الطول تروي ضمانا وازكا صلاتي للنبي خير من طاع=اللي الى نهج الشريعه هدانا

شعر,نايف حزل العنيزان

الله المستعان وله المشتكى على هذا الضعف والوهن الحاصل في هذه الأمة
امام شرذمه تنزه التاريخ ان يكتب عنها في صفحاته المشرفه؟؟!!
وتأتي اقلامها الزائفه لتكتب في هامش التاريخ وصفحاته البائده وعصره المتحدر..
وتبث قنواتها المضلله لترسم صورها في فضاء الزيف الاعلامي..
لتأتي الرويبضه وتضعها في مقدمة الطابور المتعرج والمنحرف عن مساره الصحيح
وتوجههه الأ اخلاقي في مرتبةٍ سياسيةٍ كاذبة مدعومة غربياً باالتوافق الباطني والاتفاق الأخلاقي وبالتصنيف العربي بإسم إلاسلام المزيف والممنهج كذباً!!!
وإلاسلام منهم براء وانما هو لمتطائهم الى مصالحهم وتحقيق طموحهم....؟؟؟
ولاكن في النهايه طلوع الشمس يبدد فلول الظلام

الكااذب !!!

	االخايس اللي يقاله نصر الله =اللي جمع زور البرياء وجابه الكاذب اللي معاديٍ للمله=لو ادعاء مزاعمه كذابه الرفض اللي ملته به خله =الله يلعن جدة واصلا به اسمه خلاف اللي نطقبه كله =لوقال نصرابليس ذاك احرابه الله على خالد وسيفٍ سله =يقص روسن اينعة وارقابه يوم اغمدت اسيوفنا والشله =كلن شقى باالارصده وحسابه وين انت يافاروقها تذن له=يوم الروافض كشرت بنيابه يوم الزبد ازبد وصابه ذله=عقب انتحت جحافل الحرابه الشام تصرخ والصدى ياصل له=ولا معتصم لباء ولا احدٍ جابه والقدس تهمل دمعها وتهله=ولا من صلاح يكف دمع اهدابه وبغداد تشكي همها للحله=ارض الرشيد الفارسي يعثابه وارض الكنانه والخطر مقبل له=ارض انبياء الخالق مشو بترابه نغمض ونصحي عيوننا معتله=والنفس من زود الغثاء منصابه عزومنا ياصاحبي منفله=الذل ينخر بالجسد واعصابه والامه الامه غدت مختله=يوم الوهن برماح وهنه صابه

نايف ابن عنيزان

(اسطورة المغفل)

ياليتني شيخ؟؟؟!! !!!

	ياليتني شيخ ومعارض وله جمهوره=يفتي يصدر فتأوي تناقض الدوله له كلمةٍ له صدى تسمع ومشهوره=ويتابعه كل جمهوره ومنقوله يصدر تصاريح ناريه ومحذوره=ويستقطب الناس في صفه وصفوله لاغاب يفقد ويضما العالم حضوره=وتبقى جماهيره بغيبته مشغوله وله قاعدة جمهره ما ادركو دوره= ناس ٍ تصفق معه وتأيد فعوله ناس ٍ معه تندفع بعجاب مغروره=على دروبه يناديهم ولبوله ويصبح بعين المغفل رمز وسطوره=يتدافع الناس في صفه ومن حوله وأهدافه أصلن سياسيه ومحصوره=بحب الظهور ودروب المال ووصوله ويشراء سكوته ويسكن فاخر قصوره=ويصبح ثري باالنهايه باخر الجوله ويزين وضعه وتبقى الحال ميسوره=ويقول هذي هداياء شرع مقبوله ويبدى يغير سيناريو الصوت والصوره=ويرجع يعيد النضر بفتأه وقوله ويبدى يصدر فتاوي منه ماجوره=معقول!! هذا وهذي غير؟؟معقوله وهذا؟؟ مباح ومساعي ذاك مشكوره!!=وهذا مخالف بوضعه عارض الدوله ومباح شرعاً سؤال الأنسه نوره=مطالبه وضحه تدرس ومأموله يجب علينا نواكب دورة عصوره=ماهكذى عقولنا تكون مقفوله مدام بالعولمة وبعالم الثوره=عندي انا افتي واحل الوضع بسهوله تدري؟؟!!! لنا الله ولا بهتانه وزوره=شيخ ٍ فتأويه تأتي حسب مرشوله

شعرنايف حزل ابن عنيزان

الي اطفال الحوله في بلاد الشام نعتذر بالاعتراف بالعجز التام والوهن المخزي
والشلل الرباعي لقادة المسلمين وقادة العرب وقادة الغرب وقادة العالم
والتخاذل الدولي في صف هذا الاجرام.....

صهيون يعرب

عذراً بلاد الشام!!! ..

	يقولون ياصهيون ونقول ياصهيون=وكشفنا أن صهيون العرب اعضم وادها شف كيف؟!بس بسورياء وش هم يسوون=صهيون حكام العرب صار قايدها بالقتل والاجرام اعظم ولايبالون=تمادى بجرمه في شعوبه وتحصدها يتمادون بالغي وغروره ولا يأوون=بسفك الدماء لتحقيق رغبة مقاصدها واكبر دليل الحاكم المجرم المجنون=يهد المنازل فوق أهلها ويهجدها طاغوت عصره فاق عصره زمن فرعون=رسم صورة الإجرام واقع وجسدها حطم بفعله فعل شامير مع شارون=تجاوز جناياته بفعله وخلدها يبيدون أزلامه بأمره ولا يحنون=على نهج طاغوته وربه وسيدها على أشلا البرايا بدم بارد طغى يمشون=طغات ٍ من الاحساس ربك مجردها عليهم من الله لعنت الكافر الملعون=طغات الزمان اللي شعوبه توعدها ولنا الله من ذل ٍ بناء مسجون=مللنا دهاليزه وليله وسرمدها وله الله شعب ٍ نفتقر له بمد العون=وله الله أطفال بخناجره يؤدها ولك الله ياشام العروبة بكت قابون=على صوت صرخات ٍ ديارك ترددها وتصرخ حرا يرها ولا كن شي يكون=لوسمع صم الصخر ماسمع جامدها وشظايا المدافع تفتك بناس ٍ يصلون=تصرخ مآذنها ولا بان منجدها وريح الدماء فاحة ولازالوا يغطون =بنوم ٍ عميق العرب بسبات مرقدها ...عذراً بلاد الشام من خافق ٍ محزون=زعامات يعرب فالسبات ومرقدها إلى وين يابشار؟! شبيحتك ما ضون=وفوهة بنادقهم لشعبك تسددها وإلى وين يابشار من دعوة المغبون=لبد من يوم ٍ يجي لك توسدها اذا كان قاموسك به الظلم شي يهون=نفوس الخلايق له مع الله موعدها

شعر.نايف حزل ابن عنيزان