15-08-2009 | #1 |
|
¤§][ مـاكل من يلبس له اعـقــال رجـال ][§¤
فكـرت بالدنيـا وبرقـت بالحـــــــال = وقلبتهامابـيـن عــدل ومـايـل جلسـت افكـر واتفكـر بالاحـــــوال =اجمـع وافـرق دقهـا والجـلايـل في ساعة مافيه مـن حولـي ازوال = الا انـا والنـار تشعـل شعـايـل مركي على جال الجمر خمسة ادلال = قدح سناها مثـل بـرق المخايـل واخذت لي منهن على الكيف فنجال = يجلي هموم وسـط فكـري تشايـل في صحصح مافيه حاسـد وعـذال = اهل القلـوب المبغضـات الغلايـل في صحصح يطرد على بيده الــل =القفـر خـلا مافيـه غيـر الهمايـل اخذت اراجع ماعرفته مـن امثـال = ماضـي العلـوم موثقـات الدلايـل لقيت في دنيـاي مايزعـج البــــــال =مما يريب النفس شفـت الهوايـل سندت ابرقا نايف الرجـم والجـال = وزلت قدم رجلي بجـرف وتهايـل وطيتها شعبـان وحـزوم وجبـــال =وسريتها مسرى وصبـح وقوايـل خاويت انا ارجال من ناس ورجـال = ومال الرخم ماكرعلـى راس طايـل شفت الحصاني تعتلي روس الاقذال = والذيـب يمشـي يتقـي بالمسايـل والبوم له ماكر علـى راس ماطـال = والحر ينزل بيـن قشـع وخمايـل صارت على الاجواد هـم وغربـال = فيهـا تسـاوت بالفضيلـه رذايـل ضاعت مفاهيم عريضـات وطـوال =فيها اختلف درب السنع والوسايـل دنيا غريبه ماعرفنـا لـه اشكــــــال = منها لبيب العقـل شـاف العلايـل دنيا تقلب بيـن الاقفـاي واقبـــــــال = ضاعت بها الحسبه بكـل المسايـل كلن غـدا للحـق ناقـض وفتـــــــال = من يوم صارت هرج قيـل وقايـل حتى الكرم شبه مع النـاس بخبــــال =والحق عند النـاس عدلـه تمايـل منها نشف حالي غدا كنـه اخــــلال =هذي عظامي تحـت ثوبـي نحايـل ماكل من يلبس لـه اعقـال رجـــــال =ولاكل عسـاف يعسـف الاصايـل المرجلـه ماهـي سواليـف دجـــــال =المرجلـه جـزم وعـزم وفعـايـل والشور مايؤخذ من عقـول جهــــال = والحـق مايقبـل عليـه البـدايـل اصد وجهي عن بعض شوف الانذال = واقبل على راعي الوفـا والجمايـل ماعاد لي رغبـه ولاعنـدي امــــــال = ولاني من اللي للردى هـد عايـل لي رغبة وحـدة سجـود بالاصـــــال =أخط لـي مسجـد واصلـي نفايـل ممــا راقــا لـــي |
|
15-08-2009 | #3 |
|
الــشــيـــخـــة
صح لسانك ولسان الــشاعر ... راق لنا مماراق لكِ ....... متصفحك شامخٌ يصعب الارتقاء اليه .. طاغٍ في تميزه وروعته ...... (تحية شكر تليق بمستوى هذا الشموخ ) ... ‘‘‘‘إإإإحترامي‘‘‘‘ |
|
15-08-2009 | #4 |
الإدارة
|
اختنا القديرة @ الشيخه
نقل رائع لاهنتي سلم بنانك وصح السان شاعرها خالص التحايا لك |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
15-08-2009 | #6 | |||||||||||||||||||||||
|
صح بدنك وتسلم أخوي شاكره لك مرورك العطر إإإحترااامي... |
|||||||||||||||||||||||
|
15-08-2009 | #9 | |||||||||||||||||||||||
|
صح بدنك الغريب شاكره مرورك الرائع لاعدمتك إإإحترااامي.. |
|||||||||||||||||||||||
|
15-08-2009 | #10 | |||||||||||||||||||||||
|
الروعه مرورك أخوي لاعدمتك إإإحترااامي |
|||||||||||||||||||||||
|
مواقع النشر (المفضلة) |
الكلمات الدلالية (Tags) |
مـاكل, اعـقــال, يلبس, رجـال, ][§¤, ¤§][ |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام