الشاعر محمد القحطاني يمدح قبيلة شمر (جديدة)

السلام عليكم ورحمة الله وبركاتة
..
..
..
..

هذا ماوصلني على الجوال؟

من يم نجد وشـرق مكـه وطيبـه=لين الديار اللـي جنـوب القريـات
جيت بخفوقي شوق ماينحكـي بـه=اكبر من حروف الشعر والكتابـات
شوق(ن) ماهو شوق الحبيب لحبيبه=شوق (الطنايا للكـرم والجمـالات)
ولو قالوا إن الـدار ماهـي قريبـه=بقول يعنـي ماتهـون المسافـات
ماهـم بربعـي بالليالـي الصعيبـه=أجل وربـي ماحسبـت المشقـات
(شمر) ليا صك الصليـب بصليبـه=أهجد ياجن وأنس لاهل الطويـلات
يرضخ لهم هالطيب حشمه وهيبـه=ويرفع لهم بالعـز بيـرق ورايـات
ومن مرهم طرقي بياخـذ ضريبـه=فنجال اشد من خضـاب الخونـدات
والموقدة تشهـد بـراس الرقيبـه=ومن طيبهـم مانزلـون الطمانـات
والشمري من طيب راسـه وطيبـه=به ميزة(ن) عدة حـدود المـروات
لاثـارت الفـزاعـات لاتنتخيـبـه=لانه يثور من (الطنا) دون فزعـات
الله خلقهـم للمصيـبـه مصيـبـه=وللنار نار .... وللمعالـي ريـادات
وللمـوت موت...وللهيبـه لهيبـه=وللطيب طيب ...وللمراجل سيادات
لكن بهـم حاجـه ولاهـي غريبـه=يمكن يخون بها الشعر والعبـارات
اليا بطشوا خلو المضارب عطيبـه=واليا عطوا مامـدوا الاالجزيـلات
ما ارفع مكانتهم بشعـر(ن) اجيبـه=هم يرفعون حروف شعري مقامـات
واخر ما اقول بالشعر وانتهـي بـه=بحطها بقوسيـن واربـع علامـات
الشمـري عيبـه وعيبـه وعيبـه=اليا ارتكى للحمل شـال الثقيـلات

مع تحياتي القبيلة واسمحو لي على القصور
اخوكم الشاعر/محمد ابن ساقان القحطاني
الرجاء ارسالها لأبناء شمر
..
..
..
..
ولكم خالص واروع تحياتي

القصور بعيد عن اخونا الشاعر / محمد ابن ساقان القحطاني

وبيض الله وجهه إبن الأجواد

وصح لسانك ياسلطان ولسان الشاعر / ابن ساقان

صح لسان الشاعر محمد القحطانى


ونعم بقحطان ساس العرب

صح لسااااااااان الناااااقل والقاااااائل

سلطان الخلف
صح لسااااان القائل والناقل
مشكور على نقل قصيدة الشاعر/محمد القحطاني



وياهلا

اخي سلطان الخلف اشكرك على النقل المميز وصح لسانك ولسان شاعرها والله لايهين شاعرها القحطاني ونعم بقبيلة قحطان هم اساس العرب ومقصر وهو من فحول الشعر النبطي مرة أخرى اشكرك اخي سلطان

صح لسان ابن ساقان وبيض الله وجهه
دمت بخير/اخوك سراب الراحل